بسم الله الرحمن الرحیم
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
در مدح و میلاد حضرت علی اکبر علیه السلام
گوز آچدی عالمه الله علی اکبریم گلدی
حاج اصفر فرشچی ( عدلی تبریزی)
💐🌺💐
درمیلاد حضرت علی اکبر علیه السلام
گوزآچدی عالمه الله علی اکبریم گلدی
گل گلزارعشق ایچره گوزل نیلوفریم گلدی
.
مه تابان علی
گل ربحان علی
.
.
مه شعبان اولوب اون بیرقدم قویدی بودنیایه
دوغوب سرچشمۀ عفّت آناسی زیوریم گلدی
.
قدی طوبا رخی زیبا ایکی گوز قاشلاری شهلا
رسول اللهه بنزرچوخ منیم پیغمبریم گلدی
.
نبی سیرت نبی صولت گلن احمدی اکبردی
بو افلاک جلالتده ایشقلی اختریم گلدی
.
آدی زیبا باخیش زیبا لبی غنچه گوزل سیما
دگر مین یوسفه اوغلوم منیم مه پیکریم گلدی
.
او گونده کشتی دینه که کشتی بانی من اوللام
طلاطم ایلسه دریا نه غم بیرلنگریم گلدی
.
بو بازار ملاحتده دولانسا مین خریداری
متاع عشق بازاری مُعین و یاوریم گلدی
.
منه دلبند و لیلایه ایکی گوزده اولان نوری
شهید کربلا اولسون منیم همسنگریم گلدی
.
غم ایتمه «عدلیا» گلدی علی اکبرکیمی اوغلوم
گنه کاره اولاشافع شفیع محشریم گلدی
.
علی اکبرمه تابان گل زهراگل ریحان
جوانلارحاجت ایستورلرسن ایله دردلره درمان
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و میلاد حضرت علی اکبر علیه السلام
گلشن عشقه بوگجه حامی باغبان گلوب
حاج اصفر فرشچی ( عدلی تبریزی)
💐🌺💐
درمیلاد حضرت علی اکبر علیه السلام
گلشن عشقه بوگجه حامی باغبان گلوب
شاه شهیده یاراولا اکبرقهرمان گلوب
.
ساقی بو اکبرعشقینه ویرقدحی و ساغری
مست می ناب ایت منی لوح وقلم هم دفتری
اون بیراولوب شعبان آیی گلدی حسینون اکبری
مژده ویرون آناسینا حقه طرف دوتان گلوب
.
.
نورخدادی جلوه گرچهرۀ زیبایه باخون
سرو صنوبراولدی مات قامت رعنایه باخون
یوسف مصرتک گوزل یوسف لیلایه باخون
لیلیه مجنون اولماقا عاشق مهربان گلوب
.
.
ویردی صفاچمنده گل دوزگون اولوب بوآی بهار
نوره دولوبدی عالمی رحمت حقدی نوریار
واریری بو آیدا اولا اهل وفا مست نگار
ناهید وزهره مشتری شمس و قمرعیان گلوب
.
.
آچدی بوعالمه گوزون احمد اطهربالاسی
صدری گشاده غیرته شیردلاور بالاسی
اگمیه جاقدی ظلمه باش باشرف حیدربالاسی
اوزآتاسی حسینه بو بازوی پرتوان گلوب
.
.
مست اولی جام عشقیدن ناطق قرآن اولماقا
موج شرفده جوشلانا نوحینه طوفان اولماقا
دردی اولانلارین بوگون دردینه درمان اولماقا
لطف خدا شامل اولوب دین مبینه جان گلوب
.
.
گستره شام وکوفنین اهلینه شصت حیدری
هم تانودا دوباره دن جدی رسول اطهری
عشقینه مبهوت ایلییه کرب و بلاده لشکری
قدرتنی نشان ویره میدانا پهلوان گلوب
.
.
نقشۀ شوم کوفیان اونداکی نقش فتنه دی
عدل وعدالت علی ریشه سی زخم تیشه دی
قانویری نخل دینینه گورسه که خشک وتشنه دی
تشنه نهال دینه گورویرماقا کیمدی قان گلوب
.
.
عشق علی اکبره «عدلی» اولوبدی مشتری
مست می ولاسی دورایلوری چوخ پرده دری
کاش یازا شیعه شاد اولوب گلدی حسینون یاوری
لیک منای عشقیده ویرما قا امتحان گلوب
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و میلاد حضرت علی اکبر علیه السلام
گیدور اکبر مناده تا فنا فی الله اولا یارب
حاج اصفر فرشچی ( عدلی تبریزی)
💐🌺💐
وداع حضرت علی اکبر علیه اسلام
.
.
گیدوراکبرمناده تا فنا فی الله اولا یارب
فنافی الله اولان اولمزتاپارروحی بقا یارب
.
جهانی دولدورا زمزم وصالون تشنه سی ایچمز
حقیقت آختاران چون حق یولوندان آیرسین سیچمز
چکر ال جانیدن امّا وصال یاریدن چکمز
گیدور قانیله قرآنه ویره عالی بها یارب
.
اوزون اول مُمتَحن ربیم گلور بیرامتحان ویرسون
بساط عشقیده عشقین جهانه تا نشان ویرسون
قانیلن مکتب دینه حیاط جاودان ویرسون
بو دور پیغمبره آئینۀ صورت نما یارب
.
رضایم باغ عشقیمده بالالارگول کیمی سولسون
خزان گلسین گلستانیم سارالموش برگیله دولسون
بو چولده پیکراکبر قانیله لاله رنگ اولسون
گرک دورعاشقین جانی اولا دینه فدا یارب
.
رضایم گرچه بو چولده غمیم حدّن آشوب چوخدی
یولوندا اولسا قربانی مین اوغلوم من سوزوم یوخدی
دایانّام گر گورَم جسمین ائدن پاره قلج اوخدی
کیمون وارقدرتی من تک غمین آسان سانا یارب
.
اسه باد جفا طوفان قوپا قان بارشی یاغسا
یره ناحق آخان قانلارآخوب سو تک یَمه دولسا
گچم من ماسِوَالَّهدن اوغولسوز دشمنیم قویسا
آغیرداغلارکیمی دورّام قضایه من رضا یارب
.
رضا اول تا حقیقی عاشقون مقصودینه چاتسون
بونون ارزشلیدی قانی خریداراول گلورساتسون
سُوَرعشق اهلی معشوقون یولوندا قانینه باتسون
بو بیزدن شاهد اول ایچر جام بلا یارب
.
الهی لطف ایله « عدلی » اولا هر عیبدن عاری
اونی ائت راکع وساجد ایده دلده آدون جاری
اگرچه چوخدی تقصیری عنایت ائت اونا باری
قیامت عالمی گورسون بو خدمتدن جزا یارب
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درشهادت حضرت علی اکبر علیه السلام
بوقد طوبائيلن اكبردی رفتاره گلوب
حاج اصفر فرشچی ( عدلی تبریزی)
💐🌺💐
به میدان رفتم حضرت علی اکبر علیه السلام
بوقد طوبائيلن اكبردی رفتاره گلوب
بوشكريا لعل شيرين دوركه گفتاره گلوب
.
قول فعلی هم صفاتی بنزوری پيغمبره
قدرت يزدانه سيرايت قد پديداره گلوب
.
نقش صورتده قيامت ايليوب پروردگار
اكبری اكبريارادّی حسنی انواره گلوب
.
رخصت ميدان آلاتا جنگ ايده كفاريلن
خدمت سلطان دينه شاه وسرداره گلوب
.
عرض ايدوب دل تنگه گلدی فرصت ايستوراكبرون
ساغريم شوق می اوسته گورنه سرشاره گلوب
.
سن خليل ومن ذبيح الله و بوصحرا منا
موسم قربانی دوراكبر مدد كاره گلوب
.
راه عشقه اكبرون تأخيری جائزبولموری
تأخيراتماق بوگونون مثلينده اَدْباره گلوب
.
گوردولرشهزاده نی عشق عالمينده محويار
شورعشقه غرق اولوب ديدارِ دلداره گلوب
.
غالب اولموش عشقی عقله سسلوری جانانه سين
تاپماقا جان نقدی الده بيرخريداره گلوب
.
اذن آلوب ميدان عشقه يوزقويوب ورْدی قدم
گوئيا احمدی جنگ خَيْلِ كفّاره گلوب
.
سس دوشوب دوركوفيان ايچره باخون پيغمبره
بوگلن فرزند زهرايه ايده چاره گلوب
.
ابن سعد سسلندی احمد يوخ علی اكبردی بو
نصرت ايتسون قويميون سلطان بی ياره گلوب
.
يوسف مصروجود دی بوجوان ماهرو
اولماقا بولشكرايچره چون گرفتاره گلوب
.
توپراق اوسته قاننی ازدم توكون شمشيريلن
فكرايدورجنگ ايتماقا بوخصم داداره گلوب
.
القرض كفّاره اولدی حمله ورحيدركيمی
گوردولرچون مرتضی دور جنگ اشراره گلوب
.
حمله سين ويردی ادامه خسته جان اولدی زبس
گلدی گورسون تا آتاسين تشنه گفتاره گلوب
.
بو دليم آغزيمدا دونموربيرايچيم سو وير بابا
جسميدن صلب توان اولدی گوزوم تاره گلوب
.
باخ آتاليق مهرينه قويدی لب لعلين لبه
بوايشين بيررمزی واردی گزلين اسراره گلوب
.
مُهرخاموشی لب اكبرده نقش ايتدی ديدی
گيزلده بوسّرعشقی عاشقه چاره گلوب
.
سوی ميدانه قييتدی با دل اميدوار
بارسرّی حمل ايدوربو سرّستاره گلوب
.
تيرباران ايتدولراولدی هدف چون اوخلارا
ياره تعداديندن آچدی جسمی خونباره گلوب
.
نوش جان ايتدی شهادت جامی اكبر ويردی جان
نوش ايدنمز كيمسه «عدلی» تك سزاواره گلوب
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و میلاد حضرت علی اکبر علیه السلام
اکبریم ای نو جوانیم لیلییه دردانه سن
حاج اصفر فرشچی ( عدلی تبریزی)
💐🌺💐
زبانحال حضرت لیلی مادرس
حضرت علی اکبر علیه السلام
اکبریم ای نوجوانیم لیلییه دردانه سن
سن گوزلیقدا مثل سن تک گل کاشانه سن
.
یریوزون آختارسالاراولمازحریفون حسنوده
مین گویول ملکون باخیشدا ایتموسن ویرانه سن
.
گوزلرون گیرادی اکبرخالقون غوغا ایدوب
مست ایدورمی تک نگاهون سن مگرپیمانه سن
.
هراولان مست نگاهون ترک ایدر میخانه نی
می گوزون مینا یوزون سن اصلیده میخانه سن
.
طاق ابرووی گورن معراجینه محراب ایدر
قبله گاه عارفان وعاقل و دیوانه سن
.
بادۀ عشقونله سرخوش ایتموسن بیگانه نی
مین زلیخانون گوزونده یوسف فرزانه سن
.
شعلۀ فرقتده یانام گرچه من یعقوب وار
واربصرنوری منه گلسن اگرکنعانه سن
کلبۀ احزان اولارباخما فراقینده دلیم
گیت جهاد ایله بوچولده قربان اول قرآنه سن
.
عشق دیدارلقاء الله سنی مست ایلیوب
اُلماقا آماده سن دنیائیلن بیگانه سن
.
عاشق صادق گورراوزنقشینی آئینه ده
نقشووی ایفا ایله شمعه یانان پروانه سن
.
سرفرازایله منی زهرا یانوندا روزحشر
گیت بویان قانه اوغول چون فدیۀ جانانه سن
بیرمریضه حالنی « عدلی » بیان ایلورسنه
من آنان لیلایه خاطر ایت عمل درمانه سن
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درشهادت حضرت علی اکبر علیه السلام
من درمنای عشق تو برخاک وخون افتاده ام
حاج اصفر فرشچی ( عدلی تبریزی)
💐🌺💐
استمدادحضرت علی اکبر علیه السلام
من درمنای عشق تو برخاک وخون افتاده ام
ادرکنی ادرکنی بابا من اکبردلداده ام
.
شهزاده ام شهزاده ام
.
.
ای رهبرآزادگان من یارغمخوارتوام
باپیکرصد پاره ام ازجان هوا دارتو ام
من بابهای جان خود بازم خریدارتو ام
سرتا نهم زانوی تو درفیض دیدار تو ام
من درمنای عشق تو برخاک وخون افتاده ام
.
.
با آنکه درطوفان غم دریا دلم دریا دلم
درعشق ومستی داده ام بود و نبود وحاصلم
درزیرتیغ دشمنان چون بسملم پا درگلم
درلحظه های آخرین بر دیدن تومایلم
من درمنای عشق تو برخاک وخون افتاده ام
.
.
ساقی مرا پیمانه داد فارغ زتشویشم نمود
زان می که من ازمن گرفت بیگانه ازخویشم نمود
این مکتب عشقت مرا عاشق تراز پیشم نمود
هم پیروقران و دین هم احمدی کیشم نمود
من درمنای عشق تو برخاک وخون افتاده ام
.
.
چون عشق حق را ازالست باجان وخود خریده ام
من هم کنار عاشقان برآرزو رسیده ام
ازدست جدّاحمدم زآن کوثرش نوشیده ام
درخون خودغرقم دگردل ازجهان بریده ام
من درمنای عشق تو برخاک وخون افتاده ام
.
.
دریا دلم ازموج غم هرگزندارم وحشتی
امّا ازاین زخم زبان دردل نمانده طاقتی
دیگروداع آخراست اکبر ندارد فرصتی
خواهد دل بی طاقتش باتو بود یک ساعتی
من درمنای عشق تو برخاک وخون افتاده ام
.
.
من با ارادت دِینِ خود باید به تو کامل کنم
من شکوه ای دارم بدل باید به صاحبدل کنم
خاکی نیم تا خویش را سرگرم آب وگل کنم
من میروم سوی جنان درکوی جان منزل کنم
من درمنای عشق تو برخاک وخون افتاده ام
.
.
«عدلی»ارادتمندماست مینالدازسودای دل
اوعاشق کرب وبلاست آتش به سینه جای دل
بر عـاشقان اهلبیت بخشد دمی صفای دل
نوحه سرائی می کند با همت والای دل
من درمنای عشق تو برخاک وخون افتاده ام
ادرکنی ادرکنی بابا من اکبردلداده ام
شهزاده ام شهزاده ام
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و میلاد حضرت علی اکبر علیه السلام
ای غزال زخمدار من حسینه افتخار
حاج اصفر فرشچی ( عدلی تبریزی)
💐🌺💐
حضرت امام حسن ع بالای سر حضرت علی اکبر ع
سبک: ای گل مینای من….
ای غزال زخمدار من حسینه افتخار
گلموشم آچ گوزلرون یوخ دیزیمده اختیار
.
ای اولان گل عارضی بیرمه رخشان اوغول
آل هاشمدن اولان اولین قربان اوغول
.
عشق دریاسینده سالدون سن بو گون طوفان
جانیوی جانان یولوندا ایلدون قربان
مظلوم علی …… مظلوم علی ……….
.
.
.
ابرخون آتدا یوزون گونکیمی تابنده دور
مهرو مه بو صورته کمترینِ بنده دور
جـسمـوون اعضاسینه گل اوغول شرمنده دور
.
بو قضایه قدرین قلمی وردی رقم
سینمه یغسون بو گون وارنقدردرد والم
.
دورگیداخ اخیامه اوغلوم معدن غیرت
سن نشان ویردون بوچولده مردی وهمت
مظلوم علی………. مظلوم علی ……..
.
.
.
ظاهراولدی دوشمنین کینۀ دیرینه سی
گلکیمی سولدون علی رشک گلشن سینه سی
گوزلریم نوری بالا لیلونون آئینه سی
.
هانسی سروین سنکیمی قامت رعنا سی وار
نرگسون هاردا بیله دیدۀ شهلاسی وار
.
بیرده سن تک گول آچانماز گلشن زهرا
خُلقا وخَلقا شبیه احمد طاها
مظلوم علی= مظلوم علی…….
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و میلاد حضرت علی اکبر علیه السلام
ای فرقتی قلبیمی نارسوزانه دوندرن
حاج اصفر فرشچی ( عدلی تبریز)
فرمایشان حضرت امام حسین علیه السلام
در بالای سر حضرت علی اکبر علیه السلام
ای فرقتی قلبیمی نارسوزانه دوندرن
جسمنده گُل آچان یاراسی گلستانه دوندرن
شرارغمه یاندوردولاردل داغداریمی
دشمن گولوری لیک گوروری آه وزاریمی
توپراقلاراوسته یاتما دوندرمه روزگاریمی
سنسن بالا گونومی شب هجرانه دوندرن
.
.
گلدیم جنازن اوسته اوغول دوشمه سین اله
حمل ایلورم عباده یانور قلب گلمورم دله
قورخوم بودو ر ولی آناوا دیوانلیق گله
ای خیمه ده آنا سسینی افغانه دوندرن
.
.
دولدوردی قلبیمی علی دور یوزمِحنت والم
عباس عمون کیمی سنده دوت ساخلابیرعلم
گوردوقجا نعشوی اودلانوروجود تاپورورم
سنسن بالا اشک چشممی عمانه دوندرن
.
.
آلّاندی شامیان بوچولده اوغول سیم و درهمه
سـالدی ستم یوزیله منی بو دشتیده غمه
چوخ اوخ سنه لیک شمادت اوخون ویردی سینمه
ای فرقتی دوزوم ملکونی ویرانه دوندرن
.
.
اوچی گوروب که علی آهو کیمی چمنده سن
ویرسون یارا بو قلبیمه سالوبدی کمنده سن
اوخ نیزه دوزوبدی سینوه دورگورنه گونده سن
ای کربو بلانی قان ویروب رضوانه دوندرن
.
.
گلزاریده رسمدورگل گربجرده باغبان
ذوقی مزید اولارباغینا وارد اولان زمان
سن باغ عمرومه منیم بیرگولودون جسمیمه جان
سنسن بالا باغ عمرومی خزانه دوندرن
.
.
اسوری یل بوقرازلفرین برهم اولور
گورورم یاره لرون مایِۀ درد وغم اولور
دورآتان حالینه باخ گورنجه قدی خم اولور
ای آغ محاسنیمی قانیل الوانه دوندرن
.
.
سالدی سنی جفایه فلک منی فرقته دچار
صبرایلرم اوغول بیله دوردورروزگار
اولموبدی بیرنفر قالابودنیاده پایدار
ای دشت بلانی کلبۀ احزانه دوندرن
.
.
عشقون اودونا سینه سی سوزانیدی عدلی
محفـیلده معلمدی نوا خوانیدی عدلی
درگاهه تیکوب گوزلری گریانیدی عدلی
خلاق عالمدی دردینی درمانه دوندر