میلادیه و مدح و مقام حضرت فاطمه (س)
🌿🌸🍃🌾🌼
🌸🌾🌼
🌾🌼
🌾
در مقام حضرت زهرا سلام الله علیها
.
.
حاج اصغر فرشچی ( عدلی تبریزی )
.
قلم ایسترکه تایازسون جلال و شأن زهرانی
ایدنمز کیمسه پیمانه الینده اُولچه دریانی
.
ره توصیفیده طبعیم بسان توسنِ پاگل
چاتا هیهات ثری اهلی دوتا الده ثریانی
.
رسول مصطفی بابی خدیجه مادرپاکی
علی المرتضی همسرامام سویلراو مولانی
.
خدا اوزرحمتیندن خلق ایدوبدی بوایکی نوری
جهاندا کفوهم اولسون اومولانی بوعظمانی
.
رسول حق اولا ابتررضا چون اولمادی خلاق
ویروبدی کوثری روشن ایده تا چشم طاهانی
.
سپهرعصمت وعفت یَم رأفت یَم رحمت
مه برج حیا ویردی یوزونده نورسبحانی
.
آدین چون فاطمه قویدی خدای فاطرومنّان
جهانه منطبق ایتسون بواسمی هم مُسمّانی
.
نه بانو صورتی مِشکات مشعشع نورواحدن
خجل ایلوبدی نوروندان او شمس و چرخ مینانی
.
نه بانو بانوان ایچره جهاندا اطیب و برتر
جلال وشأنی مات ایلوب تمام خلق دنیانی
.
نه بانو خاکپاسی توتیای چشم مریم دی
دمی زنده ایدرحقدن جهاندا یوزمسیحانی
.
آناسی وضع حملینده گوروبدور باشی اوستونده
گلوبلرخدمت ایتسونلرخانم کلثوم وسارانی
.
کنیزه درگهی سارا اولوبدی خادیمه هاجر
گورنمز گوز بو حشمتده اولا قیصرنه کسرانی
.
جلالتده فلک کاخی کمالتده ملک ماتی
خرد مبهوت وحیراندی گورنده روی حورانی
.
جلال وجلوه سین موسی اگرگورسیدی زهرانون
عوض ایلدی کویوندا طریق طورسینانی
.
اگرحوا گوریدی او جمال عالم آرانی
دیردی آفرین دنیا که دوغدون دخت طاهانی
.
قدی چون نخلۀ طوبی لبی چون چشمۀ کوثر
گرامی بنده دورحقه تاپوپ القاب حسنانی
.
اگر خلق اولماسیدی بو خبر اولمازدی خلقتدن
یاراتماز دی حق یکتا نه دنیانی نه عقبانی
.
کساء ایچره بو اُولادی گلوب اوّل آدی حقدن
دیوب هُم فاطمه لفظین مُسمّی خیر اَسمانی
.
اگر مریم اولوب مادر گتوردی تکجه عیسانی
بو هم اُمّ ابیهادی هم اون بیراولدوزون کانی
.
بو بسدی شاأنینه نازل اولوبدی هَل اَتی ، کوثر
خدا مداح اولوبدی مدح ایدوبدی ذات والانی
.
بو بانو فخرعالمدی مقامین درک ایله مسلم
اوخی قرآنیده آیه کلام و لفظ قُربی نی
.
نظر قیل آل عمراندا یازولموش آیۀ تطهیر
اوخی دیلدن قبول ایله او وصف حیّ اعلانی
.
رسول مصطفی سویلوب آتان قربان سنه زهرا
گورنده شادمان اولموش همیشه روی زهرانی
.
زنان اهل عالم بول حجابه الگو دور زهرا
دوروب پرده دالیندا تا گورنده مرد اعمانی
.
حجاب و عفتی تکلیف ایدوبدور خالق رحمان
گَرک تابع اولاخ حقه گیداخ بیز راه قرآنی
.
خدایه شکر ایدر«عدلی» اولوب مادح بو درگاهه
خداسی لطف ایدوب الحق تاپوپدی طبع شیوانی
🍃🌿🌸🍃🌾
🌸🌾🌼
🌾🌼
🌾
مدح حضرت زهرا علیها سلام
كیمدی زهرا دخت طاها جبرئیل دربانیدی
جنّت و فردوس و طوبی سایه احسانیدی
.
عصمت الله اُمّ بابا غیرت الله همسری
هم رسالت چرخنون بیر نیرتابانیدی
.
كیمدی زهرا مادرثارالله و سلطان عشق
قائم قرآن و دین اوغلی حسینون قانیدی
.
كیمدی زهرا رمز خلقت علم الاسما بحرحلم
علت ایجاد عالم خالقی یزدانیدی
.
گوهردریای عفت معدن جود وكرم
خانه دارخانه وحی دین حق برهانیدی
.
مظهر لطف وصفا پیغمبرین دردانه سی
شاأنینه كوثر گلوبدور سورۀ قرآنیدی
.
مادرسادات عالم افتخار انبیا
مجمع اهل كسانون علت ایقانیدی
.
سال حروف ابجده اسم آتا هم شوهرین
جمع اولا گربیریره عالم اونون حیرانیدی
.
اون بیر اولدوز زینب و كلثومه محبوبه آنا
علم و دانش اُلكه سینده بیریم عرفانیدی
.
كیمدی زهرا امر ایدر محشرده خلاق رحیم
بانوی یوم الْجزادی منشاء غفرانیدی
.
كیمدی زهرا هیچ یوزون خندان اولاندا گورمدی
بعدِ پیغمبرعلی چون مثل گل خندانیدی
.
كیمدی زهرا جور دشمندن بیرآن دینجلمدی
جنّ وانس وعالم امكان هامی گریانیدی
.
حاملیدی محسنه سقط اولدی جوروظلمدن
اودویراندا باب وحیه ثانیدن نالانیدی
.
كیمدی زهرا نصف شب دفن اولدی گوزلردن اوزاق
ایسته موشدی چون اوزی دللر اونون سوزانیدی
.
كیمدی زهرا مطبخ خولیده گلدی دل غمین
دوتماقا شام غریبان اوغلونا گریانیدی
.
گر باخا چشم شفاعت بینیلن روزجزا
«عدلیه» شامل اولار فضلی خدا رحمانیدی
🌿🌸🍃🌾🌼
🌸🌾🌼
🌾🌼
🌾
در مدح حضرت زهرا سلام الله علیها
عالمه نوری تجلّا ایلیین فاطمه دی
ایکی عالمدده غوغا ایلیین فاطمه دی
.
وارنه اندازه صفاسی اونی الله بولوری
عالم عشقی مُصفّا ایلیین فاطمه دی
.
گرعلی شیدا کُنِ دنیا و ما فیها اولوب
بیله شیدا کُنی شیدا ایلیین فاطمه دی
.
حُسنده گرچه علی صرّاف صرّافانیدی
واژۀ صرّافی معنی ایلیین فاطمه دی
.
دنیادان آرتوخ سایوبدی تارموی حیدری
حیدرین مشکلونی وا ایلیین فاطمه دی
.
اورگدوب حُجب وحیا درسنی اوز زینبینه
زینبی زینب والا ایلیین فاطمه دی
.
حُّبّی اِکسیرِ فرح بخشیدی هرم مُلک دیله
اِکسیره یوخسولی دارا ایلیین فاطمه دی
.
دیلی مرده اولانا جانویری جانبخش دَمی
مثل عیسی دَمی احیا ایلیین فاطمه دی
.
نا امید اولسا مریض تاپماسا دردین داواسین
اول چتین درده مداوا ایلیین فاطمه دی
.
اویامان گونکی آزاولدی بیرینون خیرعملی
او زمان قطره نی دریا ایلیین فاطمه دی
.
والدین اونداکی سالماز یادینا اوزبالاسین
اوز هوا دارینی پیدا ایلیین فاطمه دی
.
سس گلرروزجزا گوزلرینی یومسون هامی
محشری محشرکبرا ایلیین فاطمه دی
.
گتیررالده علی اصغرشش ماهه باشین
کرسی محکمه برپا ایلیین فاطمه دی
.
دیرای حرمله بوصود امرین جرمی ندور
او شقی ظلمونی افشا ایلیین فاطمه دی
.
«عدلی» بیرعمرودی سن درگهونون خادمیسن
شاکر اول نطقوی گویا ایلیین فاطمه دی
🌿🌸🍃🌾🌼
🌸🌾🌼
🌾🌼
🌾
درمدح حضرت فاطمه سلام الله علیها
.
.
هانسی دیلده گر اولا مهرو ولای فاطمه
روز محشرده اولار تحت لوای فاطمه
.
دست قدرت وادی ایمن یازوبدی درگهین
عاشقانه کعبۀ دل دور سرای فاطمه
.
حق ویروب گورنه جلالت جبرئیل دور خادمی
حوریانه توتیادی خاک پای فاطمه
.
نطق گویا سیله آچدی شاهراهی اُمّته
مثل قرآن دلنشین دور خطبه های فاطمه
.
منطقی ارشاد خلق حق باطلدن جدا
دشمنی ایلوبدی رسوا ادّعای فاطمه
.
اورگدوب درس حجابی بانوان عالمه
مکتب قرآن دور دانشسرای فاطمه
.
سورۀ کوثر که نازلدی خدای حیّ دن
ایلیوب اول سوره ده حمد و ثنای فاطمه
.
بارها فرمایش ایتدی اول حبیب لم یزل
میوۀ قلبیمدی زهرا جان فدای فاطمه
.
بیر بیله عزّ و جلالت صاحبی مظلومه دور
قلبیدن گیتمز هله درد و بلای فاطمه
.
اوندا کی ثانی ویروب درگاه وحیه اود یانوب
قان توکولموش یراولوب کرب وبلای فاطمه
.
قامتی غمدن خمیده اولدی هرآن آغلادی
قورتولا کسدی شجر دشمن بُکای فاطمه
.
قدرینی بولموبله لیل قدر تک افسوس اُمم
اولدی پنهان جلوۀ احمد نمای فاطمه
.
اجر و مزد احمد مرسلدی حُبّ عترتی
پس رضای حق سبحاندور رضای فاطمه
.
روز محشر که اولار عزّ و جلالی آشکار
غملی اولماز شیعۀ غم آشنای فاطمه
.
واردی طومار شفاعت اوندا چون روز مَهیل
اهل جنّت دور او گونده اولیای فاطمه
.
اولیانی دشمن ایچره بیر به بیر ایلر جدا
شامل احبابیدی لطف وعطای فاطمه
.
خادم درگاهنون وار دور مقام شامخی
خوش او کیمسه حالینه اولدی گدای فاطمه
.
اللری اوسته گتورسه صود امر باشسیز بالا
محشر اهلین یاندورار آه و نوای فاطمه
.
بو اشاریدی غمینده من توسل ایلدیم
گر یازام چوخ دور رِثای غم فزای فاطمه
.
لوح تقدیر وار قیامت عرصه سینده «عدلیا»
کیمسه کی ذکرین ایده حمد و ثنای فاطمه
🌿🌸🍃🌾🌼
🌸🌾🌼
🌾🌼
🌾
در مدح حضرت زهرا سلام الله علیها
عصمت کبرایِ حق ، محبوبۀ داور منم
خامس آل عباده مرکز محور منم
.
فاطمه اُم اَبیها ذات پاک احمدم
علّت ایجاد عالم آیت کوثر منم
.
بَضعَةٌ مِنّی خطاب ایتدی بابام عالم بُوله
احمد و محمودیله هم جان و هم پیکر منم
.
نوروم الله نوریدی عالم لری پرنورایدر
شأنیمه قرآندا سوره، بانوی محشر منم
خاتم پیغمبران ئوپدی الیمدن سویلدی
همسر و همتای مولا مرتضی حیدرمنم
.
لشگر توحیده فرمانده عم اوغلومدی علی
کشتیِ دینِ خدایه بیر آغیر لنگر منم
.
معصوم اون دورتدی جهاندا ایچلرینده من تکم
اون بیر اولادیم امام دور کلّونا مادرمنم
.
آستان وحیه اود چون ویردی ثانی ، سینه سی
زخم مسماردان یارالی دخت پیغمبر منم
.
قویدولار دیوار آرا پهلو شکسته چون صدف
غملی دریاده اولان بیر پر بها گوهر منم
.
محسنوم سقط اولدی قالدیم من یامان گوندن گونه
اوّلین مقتول دینه صادر و مصدر منم
.
ای شفیعه لطف ایله محشر گونی بو خادمه
«عدلیم» شاعرلر ایچره هامودان اصغر منم
🌿🌸🍃🌾🌼
🌸🌾🌼
🌾🌼
🌿
مدح حضرت فاطمه سلام الله علیها
آسمان عصمته ناموس اکبر فاطمه
سورة قرآنیدور شأنینده کوثرفاطمه
.
دامنی پروردة عرش خدانون زینتی
معرفت چرخینده اون بیرماهه مادر فاطمه
.
تاج سردورآدمه هم عالمه ختم رُسُل
سرورکونون باشیندا سنسن افسر فاطمه
.
میوۀ باغ وجودی ای اولان چون مُجْتبی
زینب وکلثومه سنسن عشقیده پَر فاطمه
.
گلستانوندا آچوب گل خامس آل عبا
جان بجردن دامنی ای ثار پرور فاطمه
.
مقتدای حضرت عیسی وموسادی بوگل
باغبانی سنسن ای ربّان اطهر فاطمه
.
قانلی کوینک اَلده گلسن روز محشر محشره
محشراهلین آغلادارسان روز محشر فاطمه
.
دامن پیغمبرین امّت دوتارتا یانماسون
فاطمه دور قبریدن سسلر پیمبر فاطمه
.
قدری ای مجهول اولان دوریوم حسرت دوربوگون
وقت اولوب حکم ایلسون یزدان داورفاطمه
.
حرمله قوی اوخ آتا آل اصغری آغوشیوه
کربلاده گور نه چکدی اوغلون اصغر فاطمه
.
بیرده سسله ایّ ذَنْبٍ حرمله ویرسون جواب
مطرح ایت کرب و بلانی ایله محشر فاطمه
.
نخل امید وار سنه «عدلی» دمنده نفخ صور
قوخما ایلر خادمه جنّت میسّر فاطمه
🌿🌸🍃🌾🌼
🌸🌾🌼
🌾🌼
🌾
مدح حضرت زهرا سلام الله علیها
گنجینۀ خلقته معنای بقا دور فاطمه
گلزاررسالته سیمای صفا دورفاطمه
افتخارنسل آدم زیورباغ رسالت
نظام آفرینشه بانوی عظما دورفاطمه
نوری کبریائی صورت انساندا جلوه گر
دربارولایته معیاروبها دورفاطمه
ربّ گلهای امامت اون بیرستاره مادری
رسول وامامته پیوند ولا دورفاطمه
برکات وجودوندان وجوده گلوب ارزشلر
طومارمشیّته معنای قضا دورفاطمه
گل پرورو نور فشاندی صاحب عزّ وجلال
اوغلی حسین دورکه مُصباح هدادورفاطمه
سورۀ کوثرکه نازل ایلیوب حیّ و دود
قـرب رفعته قابل حمد و ثنا دورفاطمه
استادایدوبدی مکتب حجب وحیاده اوچ قیزین
فُلک آموزشِ حِجابه نا خدا دورفاطمه
افسوس بولن اولمادی قدرین شبهای قدرتک
دار فناده ایندیده قـبری خفا دورفاطمه
روزمحشر قدرو شأنی اونداکی معلوم اولار
(عدلی) بهشته گیدراونلان کی آشنا دورفاطمه
🌿🌸🍃🌾🌼
🌸🌾🌼
🌾🌼
🌾
مدح حضرت زهرا علیها سلام
.
.
ای نوری ایدن عالمی پر نور و مصفا
عالم سنیلن عالم اولوب حضرت زهرا
.
محبوبه و دردانه غائی جهانسان
سنسن شجر پرثمر شاخۀ طوبا
.
ابتر دئدولرچون آتاوا اهل عداوت
اعطا ایلدی حضرته اول خالق یکتا
.
قرآندا سنون شأنوه چوخ آیه گلوبدی
مصداقیدی تطهیریوه ای بانوی عظما
.
دنیایه گلوبدور نه گلر مثل و شبیهون
سنسن که اولوبسان آتاوا ام ابیها
.
سن وحی ائوینون زینتی سن گوهر تقوا
هم کفو علی شاه نجف حیدر و مولا
.
سن وارث پیغمبر اوزون زینت طاها
اوغلوندی حسینیله حسن حُسنده زیبا
.
سن شیرخدانون او یامان لحظه لرینده
مشکل آچانون مشکلون آچدون گل طاها
.
عالمده آچوب اوغلون حسین مکتب قرآن
حق دین یولونون پرچمینی ایلدی بر پا
.
سن مظهر توحید و حیا کان شرف سن
بیربیله فضیلت سنه مختصّیدی تنها
.
سنسن او خانم که آلونوب حقین الیندن
ثانی درو دیوار آراسیندا ایدوب ایذا
.
من «عدلیم» اوز ائتدوقوم اعماله پشیمان
سن شافعۀ یوم جزا عصمت کبری
.
یوخ دور عملیم چوخدی گناهیم سنی تاری
سالما نظروندن سنه واردست تمنا
🌿🌸🍃🌾🌼
🌸🌾🌼
🌾🌼
🌾
زائر شهر مدینه
خطاب به شهر مدینه
آمدم من ای مدینه بردر بانوی گل
برمشامم مشک عنبر میرسد یا بوی گل
.
روز را دانی چرا روشن کند چون آفتاب
آری آری چون گشاید دیده را برروی گل
.
آهوان درناف خود مشک ختن دارند لیک
جملگی مستند از بویت بیایند سوی گل
.
آسمان عشق را گر رعد و برقی رخ دهد
نقش بندد آسمان رنگین کمان ابروی گل
.
غنچة نشکفته ات گلزار را داده صفا
ازصفایش خار هم سر برده درگیسوی گل
.
باغبان باغ مینو دل غمین می شد اگر
چون محبّت دیده ازگل سرنهد زانوی گل
.
گل چه گل پروانه ها دورسرش پرمی زدند
لب گذارد تا به رو هم برسرو بازوی گل
.
گر چه گل پروانه را مونس بود در گلستان
نی زند پروانه ای پر تا رسد پهلوی گل
.
این گل پهلو شکسته تک گل پیغمبر است
زان سبب (عدلی)نوا خوانی کند درکوی گل
.
🌿🌸🍃🌾🌼
🌸🌾🌼
🌾🌼
🌾
زائر شهر مدینه
خطاب به شهر مدینه
.
شهر پیغبر دینه، قبر زهرا هاردادی
هاردا مخفی ایتموسن ،دخت طاها هاردادی
.
بازو پهلوسی سنان، درگهی اوددا یانان
قلبی قانیله دولان، امّ بابا هاردادی
.
ثانی هاردا اود ویروب، یاندیروب درگاهینی
آستانین اوپماقا، سویله حورا هاردادی
.
سقط اولوب هاردا بالا، دفن ایدوب مولا آقا
پرپر اولدی گل ندن، غنچه رعنا هاردادی
.
دگدی سیلی گول یوزه، هاردا هانسی کوچه ده
تاپمادوخ گوشواره سین، یوخدی بوردا هاردادی
.
مرهم ایلر گوز یاشی، سینه ی مجروحینه
گلموشوخ زخمین ایداخ، بیز مداوا هاردادی
.
سن فدک اوسته نیه، قلبینی قان ایلدون
سویله غاصب لر هانی، حکّام دعوا هاردادی
.
فاتح خیبر الین، بیعت اوسته باغلادون
دردینی چاهه دیین ، غملی مولا هاردادی
سولدی سنده فاطمه گلمدی اصلا دله
ظلم ایدن نامردیموش ایتدی ایذا هاردادی
یازدی (عدلی) بوسوزی زایر اولسا گر اوزی
بیز کیمی آغلار دیر قبر زهرا هاردادی
🌿🌸🍃🌾🌼
🌸🌾🌼
🌾🌼
🌿
حضرت زهرا سلام الله علیها
آفتاب برج عصمت بضعۀ خيرالوری
دخترشمس الضحی وهمسر بدرالدجی
منتهای روح پاكی چون حريم كبريا
علم و حلمی صبری دريا هم تراز مرتضی
آيۀ تطهير وصف عصمت كبراسينه
هل اَتی تفسيری چون دنيا وهم عقباسينه
تا ابد روشندی نوروندان چراغ عقل ودين
ناشراصل وجود ونسل ختم المرسلين
آسمان عشقه اون بيـرماه تابان وجود
ساطِع ولامِعدی عالَم عالمِ غيب وشهود
ميوۀ باغ وجودونداندی جود مُجتبی
عمركوتاهينده حاصل اولدی شاه كربلا
زينبی كه صبريده اُسطوره دی تك دورقيزی
درس عشقی صبرو حلمی اورگدوب زهرا اوزی
دامنی جان جهان وعالمه جان بسلين
جان نه جان احسن اونا خلّاق عالم سسلين
جان حسين جانی كه وار يوخدان كچوب قالدی وحيد
اهل بيتين اوج غمده ترك ايدوب اولدی شهيد
خون بهاسی خون يزدان ذوالجلال وكبريا
اولدی كشتیّ نجات هم خلقه مُصباحُ الْهُدا
.
.
گلمدی وحی چون كه رحلت ايلدی خيرلانام
ليك جبريل امين كويوندا اِتموشدی مقام
چون غم هجرپدردن قلبی قان بيماريدی
جوردشمندن ده مجروح درو مسماريدی
چونكه پهلوسی شكسته يوز كبود سينه يارا
سقط ايدوب محسن بالاسين ثانيدن گوردی جفا
بوسببدن جبرئيل اولدی حريمينده مُقيم
تا اورك آيينه سينده بيرگوره خُلق عظيم
دايماً ايلردی درگاهه صعود وگه نزول
تا قويا مرحم تاپا اول قلب مجروح بتول
اولمادی زخمی رفو ترك ايلدی روحی قفس
يثربی ترك ايتدی گوردی چكموری زهرا نفس
مرتضی شاه ولايت لنگر دنيا ودين
عرش علم و روح ايمان و اميرالمؤمنين
ويردی غسلون هم حنوط ايتدی اوزی ديلده تَعَب
دفن ايده حاضر اولوب اصحابيلن چون نصف شب
گيزلين اولدی دفن زهراعقل لرمبهوت ومات
گوردولرايستورخدادن هجر زهراده ممات
توپراق آلتوندا ياتوب چون ركن ارض وآسمان
بش بالاسی چشم گريان تك قالوب شاه جهان
روزمحشر«عدلی» وانفسا كه سسلرانبياء
قوخما سسلر شيعه سين بو فاطمه خيرالنساء
🌿🌸🍃🌾🌼
🌸🌾🌼
🌾🌼
🌿
یا زهرا …
گریز به حضرت علی اصغر علیه السلام
.
.
نه حکمت واردی عشق اوسته یانارپروانه یا زهرا
طواف شمع ایدرگاهی قاچارهریانه یا زهرا
.
ایچوب جام محبتدن منِ عاشق کیمی ایستور
گینه ایچسون میِ مهرون نچه پیمانه یا زهرا
.
ید قدرت یازوب ایمن اولا عزّت لی درگاهون
سنه تابع قیامتده گیدر رضوانه یا زهرا
.
سنه واجب اولوب طاعت ولایت رهبری سنسن
حیا و عصمتین درسین ویرن نسوانه یا زهرا
.
اواَیسرکه ویروب اود درگهون یاندی یارالاندون
او یرکرب وبلا اولدی بویاندون قانه یا زهرا
.
دیوم کرب وبلادن سوزحسینون روزعاشورا
سوآلسون اصغره گتدی اونی میدانه یا زهرا
.
سوویرموب حرمله تیرسه پرویردی بوغازیندان
گله لعنت بیله فعله بیله عدوانه یا زهرا
.
حریف عشقنی گوردی هما تک پرلری سندی
سیخلدی قلبی اودلاندی گل خندانه یا زهرا
.
آلوب مهر ومحبتدن یارالی آهونی زینب
گتوردی خیمیه اولسون عمل درمانه یا زهرا
.
ویروب آغوشینه آلدی آناسی باغرینا باسدی
گوروب قاندان دولوب قونداق دونوب عمانه یا زهرا
.
دیردی غنچۀ نورس نه نوعی باغلیم یاره ن
قانین دورمورسرشکیم تک آخوردامانه یا زهرا
.
دیردی من سنه لایلای دیوم یا سسلیوم ایوای
داشوب دریای صبریم دل گیدوب تالانه یا زهرا
.
بهاری چون خزان اولدی بالانون آلتی آیلوقدا
ملرقویدی ربابی تا دوزه هجرانه یا زهرا
.
سنه مِهریه دی هرسو اولوبدوراوزلری سیراب
ندن بیر قطره ویرموبلر اولار عطشانه یا زهرا
.
گچورمین اوچ یوزایل امّا غم کربوبلا یاددان
نجه چخسون نجه چاتسون غمی پایانه یا زهرا
.
یازولموش نوحه لردن گراوخونسا محفل غمده
توکر عاشق لروز گوزدن دُرو مرجانه یا زهرا
.
منم«عدلی»گوزون نوری حسینه خادمم مادح
محافلده گلن درده اولان دیوانه یا زهرا
.
قبول درگهون اولساخ کنیزه شاعر و مداح
رهینین مِنّتوخ شاکر حق منّانه یا زهرا
.
اولارکی محفل عشقه گلوبلر سایه سالسونلار
عنایت ایله محشرده چاتا احسانه یا زهرا
🌿🌸🍃🌾🌼
🌸🌾🌼
🌾🌼
🌾
میلاد حضرت زهرا سلام الله علیها
عالمه گوزآچوب گلدی زهرا
ایتدی نوری جهانی مصفّا
گورمیوب مثلنی چشم دنیا
.
انسیه حـورا
بتول و عذرا
عالمه گلدی تا اولا
امّ ابیها
.
گوزلر آیدین یا محمد
گلدی زهرا اولدون اسعد
.
.
.
لطف ایدوبدی سنه حیّ اعلا
بیر گل کوثری ایتدی اِعطا
گلشن اولدی عیان سطح غَبرا
.
بو قیزدی کوثر
پاک و مطهّر
وائلین اوغلی عاص اولی ( 1 )
جهاندا ابتر
.
گوزلر آیدین یا محمد
گلدی زهرا اولدون اسعد
.
.
.
بو خدیجه گلی احمریدی
تارو پودی حیا معجریدی
اون بیر اولادوون مادریدی
.
نورجلیدی
کفو علیدی
وصیّوون یامان گونی
یار ولیدی
.
گوزلر آیدین یا محمد
گلدی زهرا اولدون اسعد
.
.
.
بیز سنه ویرموشوخ یم گوهر
فاطمه آد دا قیزعرشه زیور
دانشی مُصحف و خُلقی برتر
.
تابنده اختر
نسل پیمبر
جمع کساده بو اولار
مرکز محور
.
گوزلر آیدین یا محمد
گلدی زهرا اولدون اسعد
.
.
.
هستی خلقته ظلّ عزّت
کان جود وکرمدی فضیلت
شیعیانه آچار باب رحمت
.
باخ احترامه
قرب و مقامه
حجّتی واردی بو قیزین
اون بیرامامه
.
گوز لر آیدین یا محمد
گلدی زهرا اولدون اسعد
.
.
.
وارجبینینده نور مثل قرآن
عرصۀ عصمته ماه تابان
پنج تن ده آدی اوّل عنوان
.
گلگون عذاری
چرخین مداری
حُجب وحیاده سکّه دی
واردی عیاری
.
گوزلرآیدین یا محمد
گلدی زهرا اولدون اسعد
.
.
.
کنز عصمت دُرِ پُر بهادی
شجر پرثمرکمیادی
دین و قرآنه بوجانفدادی
.
بحر ثمردی
غنچۀ تردی
عمری گونی گل کیمیدی
زود گذردی
.
گوز لرآیدین یا محمد
گلدی زهرا اولدون اسعد
.
.
.
عالمی خلق ایدن بارالها
شاداولوبدی بوگون قلب طاها
قسمت ایت« عدلیه»جان زهرا
.
وار دلده نیّت
اولسون مشیّت
یثربده گلسین ایلسین
عرض ارادت
.
گوزلرآیدین یا محمد
گلدی زهرا اولدون اسعد
ــــــــــــــــــــ
( 1 ) عاص بن وائل سهمی، از افرادی بود که پیامبر گرامی اسلام(ص) را بسیار مورد اذیت قرار میداد. محقّقان اسلامی او را جزو پنج نفری دانستهاند که پیامبر اکرم(ص) را مسخره میکردند و برخی از مفسّران شأن نزول سوره کوثر را در جواب عاص بن وائل دانستهاند. ابن عباس میگوید: «عاص بن وائل که از سران مشرکان بود، پیامبر اکرم(ص) را هنگام خارج شدن از مسجد الحرام ملاقات کرد، و مدتى با حضرت گفتوگو نمود، گروهى از سران قریش در مسجد نشسته بودند و این منظره را از دور مشاهده کردند، هنگامى که عاص بن وائل وارد مسجد شد به او گفتند: با که صحبت مىکردى؟ گفت با این مرد «ابتر»! این تعبیر را به خاطر این انتخاب کرد که عبد اللَّه پسر پیامبر(ص) از دنیا رفته بود، و عرب کسى را که پسر نداشت ابتر(بدون عقب) مىنامید»
🌿🌸🍃🌾🌼
🌸🌾🌼
🌾🌼
🌾
میلاد حضرت زهرا سلام الله علیها
.
.
بوته گل آچوب یاران واردی لطف شایانی
مشک وعطر دولدوردی گلشنی گلستانی
گوزلروز اولاروشن گلدی احمدین جانی
ابتر اولماسین خالق تحفه ویردی زهرانی
.
.
هرشجر مِهین اولماز بو شجر تناوردی
هرقمرمَهین اولماز بو مَهِ دل آوردی
هرگلی بِهین اولماز بو گل بهاوردی
آشجاقین بَهیج ایتدی خاتم رسولانی
.
.
عشقینه اورک مَسحورصدریده آدی مسطور
ایله رحمته مشمول تا اله گله منظور
ساقیا اولاخ مشعوف هم ولاسنه مشهور
عشقی شاهرگ گزسون ویرشراب روحانی
.
.
بوگلون آدی کوثرحیف عمری وار اَقصَر
کان عصمته گوهر دنیادا اولاراَشهَر
نور ویروب بونا اکبر گوندوزی ایدر اَبهَر
ضوئی مَحو ایدرظَلما ظُلمَت اولی نورانی
.
.
وار تَبَحّری فاضل هم تَبَرّعه عامل
کفو حیدره قابل حقین آلماقا قائل
سائله ایدر نائل هر عبادتی کامل
حق دوتوب بونی تبجیل حمد ایدربو یزدانی
.
.
سِتَّه یوم خلقتده اصل خلقته عِلّت
بوعفیفه صدیقه خلق اولانلارا حُجّت
لیل قدر تک بولمزعزّ و قدرینی امّت
اودی تز غروب ایلر حیف آزدی اَسنانی
.
.
حمده اول حقیق اکبرصنع ایدوبدی نسوانی
اُمّ اسمعیل هاجر مریمیله سارانی
هوحسیب وصورتگرحورایدوبدی حقانی
لیک بواناثه ارجَح حق ویروبدی رُجحانی
.
.
سِرّ لَیل اِسرادی باب علمه همسردی
احمده دل آسادی اِحتِجابه مصدردی
عالی مکتبه بانی علمده مُوَفّردی
بانوی مُهَذّبدی اوگدر بو قرآنی
.
.
اوچ خَرِف قورارشورا بِل خلافته باغلار
اِحتراق باب وحی صَدرصَفدری داغلار
مُحسنون شهیدگورسه اگلشریره آغلار
ظَلَمَه ظَلوم اَلیلَه اینجیدلّه زهرانی
.
.
بودی خالق اِتحافی ولی آزدی اُتراقی
اِختِداع ثانیدن تا پار حال اِخفاقی
اِختِراق مکتوبه گیدر الدن اِحقاقی
آدی حقه اِحلافین واردی غملی دورانی
.
.
ثبت اولوب آدی عرشه اختر منوّردی
بو قرین حیدردی بضعۀ پیمبردی
زینب و سکینه کلثوم حسنینه مادردی
تاب وتوشی واردی ویرسون دین حقه قربانی
.
.
وار سبب بو خلقتده فاطمه دی نو رسته
نسلی واردی کثرتده بو امامته بسته
نو بهار عمرونده ظلم ثانیدن خسته
بودفین اولار مجروح نصف شبده پنهانی
.
.
«عدلی»نائح حسین سن اولا ربّیدن مشیّت
یثربه گیدوب بقیعنی بیرده ایلسن زیارت
آچیلاندا دل صفایه ایله عشقوی اِبانَت
او یری اِباتَت ایله ایت اویرده نوحه خوانی
ــــــــــــــــــــــــ
ابانت : آشکار ساختن
اباتت : بیتوته کردن
🌿🌸🍃🌾🌼
🌸🌾🌼
🌾🌼
🌾
میلاد حضرت زهرا سلام الله علیها
لالایی گفتن حضرت خدیجه سلام الله علیها
.
سبک :محرم رازیم الله….
.
.
الله ایدوب عنایت
دختربا نجابت
گلدی بوگون ایلسون
ولایته حمایت
.
فاطمه گلوب آچدی گولوم اولدی بهار
من خدیجه نی عشقینه ایتدی بی قرار
هانیه یات * فاطمه یات
یات گولوم یات * یات بالام یات
.
.
نخلۀ دینه هسته
چوخ اوزون ایتمه خسته
یوخلا ماسان بشیکده
گل بالا سینم اوسته
.
آغلاما قیزیم عمرومه سرمایه اولان
من آنا سینا مونس و همسایه اولان
.
شافعه یات * صادقه یات
یات گولوم یات * یات بالام یات
.
.
.
گویده گونوزآی اولماز
فاطمیه تای اولماز
الله سنی پای ویروب
سنکیمی بیرپای اولماز
.
بسلرم سنی امّ ابیها بویووی
حیف اولا آ نان گورمیه جاقدی طویووی
فریده یات * وحیده یات
یات گولوم یات * یات بالام یات
.
.
ای چمن آرا قیزیم
مریم کبرا قیزیم
فاطمه قویدی آدون
خالق یکتا قیزیم
.
حیرته سالان نوری سماده قمری
ای خدیجه نین فاطمه سی صود امری
.
سلیمه یات * کریمه یات
یات گولوم یات * یات بالام یات
.
.
گهواره وه سالارام
لایلایووی چالارام
عطربهشتی سندن
فاطمه جان آلارام
.
من سنون بالا باغلامارام اللریوی
صود ویروب سنه هی دارارام تل لریوی
.
رشیده یات * سعیده یات
یات گولوم یات * یات بالام یات
.
.
گنج حیاده گوهر
ختم رسوله دختر
کاشکه گورم اولموسان
رهبر دینه همسر
گوزلره فدایات آنانون بیر دانا سی
سنس آخرحسن حسینون آنـاسی
.
صفیّه یات * زکیّه یات
یات گولوم یات * یات بالام یات
.
.
حقون عدو دانمیوب
اورگون اودلانمیوب
شکسته پهلو اولوب
قاپون هله یانمیوب
.
یات عزیزیم واردی نقدری فرصتون
داغ کیمی اولار باشدا بلا و مِحنتون
.
جمیله یات * جلیله یات
یات گولوم یات * یات بالام یات
.
.
فاطمه جان آچگوزون
باخ یوزومه دِ سوزون
سیلی ثانی هله
گووتمیوبدی یوزون
.
حقوی آلار ظلم اودونا سالارسنی
دنیانی غمون آغلادی آغلادار منی
.
عارفه یات * ناعمه یات
یات گولوم یات * یات بالام یات
.
.
غم آلی صاق وصولون
کوچه ده باغلار یولون
هم قاپوا اود ویرار
سندیری قاخماز قولون
.
بیر بالان شهید قاپون یاناندا اولاجاق
بش بالان باخوب گولکیمی رنگی سولاجاق
.
عالیه یات * فاضله یات
یات گولوم یات * یات بالام یات
.
.
عدلیه) ایله احسان
دیلده مین آه و افغان
یثربی گویلی ایستور
تا اولا بیرده مهمان
.
مدحیوی یازار دیلده خدا رضاسی وار
هریرهگیدر اوغلون حسین عزاسی وار
طیّبه یات *حبیببه یات
یات گولوم یات *یات بالام یات
🍃🌿🌸🍃🌾🌼
🌸🌾🌼
🌾🌼
🌾
مدح و میلاد حضرت زهرا (س)
لالایی حضرت خدیجه (س)
سبک: یخلوب عباسیم……….
لطف ایدوبدی معبود
بوگون اولدون مولود
آنان اولدی خوشنود
بالام یات لای لای
روحومون صفاسی
پیغمبر بالاسی
درد لرین دواسی
بالام یات لایلای
آتاویدیم همسر اولدوم آخرمادر
گلدون منه دلبر ای تازه مولود
سن ملک منظرسن طاهایه بنزرسن
زهرای اطهرسن کعبۀ مقصود
سینم اوسته آلارام بشیگیوه سالارم
لایلایوی چالارام هدیۀ معبود
عمرومه سرمایه عزّتیمه مایه
مونس و همسایه بالام یات لایلای
هانیه رشیده حوریّه فریده
رئوفه وحیده طیّبه زهرا
مرضیه معصومه سلیمه کریمه
صدوقه علیمه مؤمنه عذرا
منصوره مهدیّه مقهوره نوریّه
حبیبه صفیّه کوثر و حورا
طاهره فاضله صابره جلیله
نقیّه جمیله بالام یات لایلای
کعبۀ دلها سن آیت عظما سن
امّ ابیها سن همسر حیدر
میوة طوبا سن عصمت کبرا سن
هیکل تقوا سن جان پیغمبر
عمرومون ثمری اولدوزلارقمری
رسولون دختری محبوب داور
منه بیرصود امرشفیعۀ محشر
بش بالیه مادر بالام یات لایلای
سنی ایستور آنان چوخ هله سیلی ویرا ن یوخ
اوچ پراوخی آتان یوخ ایتموبله خسته
درگهون یاناندا محسن سقط اولاندا
حسینون باخاندا آغلارآهسته
قلبیمون پاراسی گوزومون قاراسی
سینه ده یاراسی پهلو شکسته
درو دیوارآرا گل و چمن آرا
قویمازلا قول قالخا بالام یات لایلای
عرش حق زیوری تابنده اختری
مولانون همسری زهرای اطهر
حسنینه مادر حبیبۀ داور
منه سنسن دلبر دُخت پیمبر
ای گل نوبریم طاهایه بنزریم
آغوشه زیوریم بانوی محشر
سینمه قوی با شون گریوخدی قارداشون
چوخ توکمه گوز یاشون بالام یات لایلای
منبع هدایت گلشن امامت
سنله تاپار طراوت هادی ملل
ای خدیجه مارالی شمس وقمرمثالی
آی تک اولان جمالی قوجاقیمه گل
آغلاما چوخ اماندی صبریم منیم تالاندی
دنیا قیزیم یالاندی بیرآزدا دینجل
(عدلیه)ایت عنایت کان ادب دیانت
قبرون ایده زیارت بالام یات لایلای
🌿🌸🍃🌾🌼
🌸🌾🌼
🌾🌼
🌾
میلاد حضرت زهرا سلام اتلله علیها
گلدی دنیایه زکیه بیت حق دردانه سی
نور باران اولدی حقدن مصطفی کاشانه سی
.
گلدی، زهرا، اون بیر امامون مادری
گلدی ، زهرا ، روز قیامت داوری
.
.
.
حب عشقی بیر شراب ایستر یم عرفانیدن
ساقیا پیمانه دولدور ویر اولوم مستانه سی
.
باده ویر جام ولایتدن اولوم مست و خمار
کافیدی مست اولماقا بیر جرعه سی پیمانه سی
.
گوهر بحر شرفدی همسر مولی علی
گلماقیلن روشن اولدی هر گوگول ویرانه سی
.
بو گلن کفو علی دور حَسنینین آناسی
اسوۀ حجب و حیا پیغمبرین دردانه سی
.
مظهر حی ودود و گوهر ملک وجود
عاقل اندر عاقل و فرزانه لر فرزانه سی
.
لفظ ابتردن غمین اولدی پیمبر ، ذات حق
لطف ایدوب زهرانی گلدی تا اولا جانانه سی
.
گلدی دنیایه گتورسون تا حسین و زینبی
بیر حسین که اهل عالم عاشق و دیوانه سی
.
گلدی درس صبر و عفت عشق و همت اورگده
بو گلن زهرادی گلدی شمع عشق پروانه سی
.
عید اعظم دور یازار«عدلی» خانم زهرایه مدح
حب عشق یاریدن لبریز اولور پیمانه سی
🌿🌸🍃🌾🌼
🌸🌾🌼
🌾🌼
🌾
میلاد حضرت زهرا سلام الله علیها
گتدی دنيايه خديجه فاطمی گل احمری گل
گلشن عشقه صفالی باطنی گل مظهری گل
قابليّت سيرايله اولموشدی لعيا قابله
وضع حمل ايتسون بتولی هم بالا گل مادری گل
مريم وكلثوم وسارا آسيه هاجر تمام
هود جيلن گلديلر گويدن يره سرتاسری گل
چلچراغ روح بخش آفرينش جلوه سالدی
آيرولوب گل گلدن اولدم جمع اولوب هرمحوری گل
شوكتی گل صولتی گل عصمتی گل عفتی گل
جامه سی گل چادری گل تارو پودومعجری گل
چهره سی گل زلفلرگل خُلق وخووطينی گل
جسم وتن گل جان ودل گل فطرت حق باوری گل
قول وفعلی هم صفاتی بنزوری ختم رسوله
بينشی گل دانشی گل مصحفی گل دفتری گل
راضیه مرضیّه زهرا طاهره صدّیقه طوبا
طیّبه انسیه حورا نام پاک اطهری گل
دامن در پروری وار ذاتی احمد سرمدی دور
لوء لوء مرجانی گلدی خوشه های گوهری گل
هم حسن گل هم حسین گل زینب و کلثوم سکینه
حاجبی گل خادمی گل فضّه سی گل قنبری گل
همنشین گل اولانلار رنگ و بوی گل تاپال لار
( عدلی) سنده همنشین اول محضر گلپروی گل
🌿🌸🍃🌾🌼
🌸🌾🌼
🌾🌼
🌾
میلاد حضرت زهرا سلام الله علیها
ای رسول حق سنه دريای گوهر وير موشوخ
بيز سنه چون فاطمه شايسته دختر ويرموشوخ
مهريدن بخشش اولوب دّرو گوهرگنجينه سی
آسمان عصمته تابنده اختر ويرموشوخ
يوخدی اولادون اگر محزونی اولما غم يمه
نشردينه طاهره صدّيقه كوثر ويرموشوخ
كيم سنه اَبْتَر دِيدی ابتر گرگ اولسون اوزی
بوسببدن بیزسنه زهرای اطهر ويرموشوخ
فاطمه قويدوخ آدون شأنينده حيراندی عقول
هرنه ايستوردون اواولدی بلكه برتر ويرموشوخ
چهرۀ مادرجهاندا گورمدون سن ليك بيز
بوقيزی سن تك آتايه مثل مادر ويرموشوخ
نورولان روشن اولار چون عالم هستی سنه
عالمی روشن ایده بیر ماه انور ويرموشوخ
اولموييدی فاطمه اولمازدی خَلق كون ومكان
فاطمه عنوانی دوربيزعرشه زيور ويرموشوخ
اُولمييدی فاطمه تاپمازدی هم كفّون علی
مرتضايه بيز بونی هم سّروهمسر ويرموشوخ
نور نوريلن گرگ ايتسون جهاندا ازدواج
زهرۀ زهرایه بيز مولانی شوهرويرموشوخ
روز محشرده اولارشأن وجلالی آشكار
بيزاونا اذن شفاعت يوم محشرويرموشوخ
تا قيامت گلشنيندن باغ دین گل لر آچار
تا ابد زهرايه بيزه نسل مُطهّر ویرموشوخ
اون بيراولادی حُسيندن آخری صاحب زمان
غيبيدن نصرت تاپا نيرو و لشكرويرموشوخ
جنّتُ الْمأوادی مسكن اول عزيزعالمه
گرچه دنياده اونا عيش محقّر ويرموشوخ
هر كيم اولسا فاطمه مداحی محزون اولماسون
وعدۀ پاداش اونا بيز روز محشرويرموشوخ
فكرين عاجز خامه عاجز ليك (عدلی) ياز مدام
نام زهرانی سنه بيز زيب دفتر ويرموشوخ
يازدوقون اشعاريده واردی رسولی شركتی
مطلبون شيرين اولا چون شهد شكر ويرموشووخ