مدح، میلاد و شهادت حضرت امام صادق علیه السلام
***************************
🍃🌺🍂 🌿🍂
🌿🍂 🌿🍂
🌿🍂
🌸
قسمت اول
مدح و میلاد ….
حاج اصغر فرشچی ( عدلی تبریزی)
کیمدی بو هر نفسه معجز عیسی ایلدی
دم جان بخشیله هر مرده نی احیا ایلدی
.
کیمدی عالم به عمل ایتدی تلاش هرشب و روز
آچدی دانشگه دین علمیده غوغا ایلدی
.
مر کز دایرۀ علم لره نقطه اولوب
اونا شاگرد اولانی خالقی والا ایلدی
.
صادق آل محمدی آچوب مکتب عشق
دورت مین استاد جهان درسنی انشا ایلدی
.
ایستیوب آب بقا خاک دریندن خود خضر
بلی عیسی لب جان بخشی تمنا ایلدی
.
گوشۀ چشمیله گرایتسه نظرکعبۀ دل
گوره سن لطفی سنی صاحب تقوا ایلدی
.
کاش گوره جان جهان بیرده دوتوب الده قلم
سند نوکری (عدلینی )امضاء ایلدی
. .
🌼
🌾🌼
🌼 🌾🌼
🍃🌿🌸 🌾🌼
مدح و میلاد حضرت امام صادق علیه السلام
حاج اصغر فرشچی ( عدلی تبریزی)
در سبک : امام علی علیه السلام و….
گوزآچدی گلدی امام صادق بوگونده دنیایه
مژده ویرولسون یاتان بعقیده آناسی زهرایه
احسن واحسن صادق امامه جعفر زیبایه
ایدوبدی روشن اوگل جمالی جهانی نورانی
امام باقرایوین بومولود ایدوب چراغانی
اولوبدی بلبل گل اوسته مستی ایدورغزلخوانی
گوزل قدومی ویروبدی به به جهانه پیرایه
بوگل خوشبوملک خومه رو بیرگل رضواندی
باشوندا شوری یوزنده نوری ماه درخشاندی
مظهرمهرو داروی درد و شفا ودرماندی
احسن و احسن روح تولا کعبۀ دلهایه
آچوبدی بیرگل اولوب بهاران چمندی گلشندی
باغ ولایت گل امامت نرگس و سوسندی
قدومی صادق ایدوب منور مدینه روشندی
جاه وجلالی قرص هلالی سالوبدی چون سایه
شیعیه رهبرعالم برتر شرف لی انساندی
مونس هرجان ناطق قرآن مظهر ایماندی
دینینه جانسوزشمع شب افروز یوسف کنعاندی
حسن و جمالی شأن و وقاری چکوبدی طاهایه
مشیرمشاور مدیر مدبّر بسی هنروردی
خطیب ادیب و فقیه فکور و فصیح سخنوردی
علومه استاد ایدندی ارشاد جهانه رهبردی
اودی آناسی ایدر مباهات مریم و سارایه
عرصییه گلدی مکتب دینی آچا اولا احیا
اومکتب ایچره بجرده دوت مین شخیص اولا دانا
اولا خدا و رسول حقین اوامری اجرا
احسن و احسن هیکل تقوا آیت عظمایه
بساط عیشی ایدون مرتب بوجشن اعظم دور
ایکی تولد تاپوب بو گونده دلیل عالم دور
گلوبدی جعفر همی پیمبرکه نسل آدم دور
تاپار قریحه یازار مدیحه (عدلی) بو مولایه
گوزل قدومی ویروبدی به به جهانه پیرایه
احسن و احسن صادق امامه جعفر زیبایه
🌸
🍃🍂
🍃🌺🍂
🌸🍃🌾🌼
🌿🌸🍃🌾🌼
🍃🌺🍂
🌿🍂
🌸
مدح و تولد امام صادق علیه السلام
حاج اصغرفرشچی( عدلی تبریزی)
ایدوب لطفون بوگونده چون امام باقره یزدان
گلوب صادق آچا مکتب تاپا تا رتبۀ شایان
بودی زهرا دل آرامی
ایدر پاینده اسلامی
اولانماز حسن وسیماده بونا کیمسه مثل اولسون
مصوّرچکدی بیرصورتکه صورت بی بدل اولسون
گورنمز دیدۀ دنیا بونون تک بیرگوزل اولسون
آناسی فاطمه گتدی دیلنده مرحبا گویان
بو مه رودی ملک خودی ایدردین ملکونی پرنور
شیاطین زمان گورسه اولالار قلبیدن رنجور
ولی شیعه چاتوب کامه بوگون چشم حسودان کور
گورر چشم حقیقت بین ایدوب احسان حق سبحان
گلوب تفسیر ایده قرآن نمازی ساخلیه برپا
مسلمان قشرینه مذهب نهالین ایلییه معنا
ویره علّامه لرتعلیم اولا شرع نبی اجرا
آچا دانشگه دینی بو صادق ناطق قرآن
گلوبدی عرصییه ایتسون محمّد مکتبین احیا
اومکتبدن چیخا دورت مین اولا استاد دین دانا
بیله دانشگه و استاد گورنمز واردی تا دنیا
اولارعمرونده بوحضرت دینه قرآنه پشتیبان
دوتوبدی عالمی رحمت بوگون بیرعیداعظم دور
ایکی گوزآچدی دنیایه آچانلارفخرعالمدور
بیری احمد بیری صادق علوم دینه اعلم دور
اولون شادان بو رحمتدن نجه (عدلی) اولوب شادان
بودی زهرا دل آرامی
ایدر پاینده اسلامی
🌸
🍃🍂
🍃🌺🍂
🌸🍃🌾🌼
🌿🌸🍃🌾🌼
🍃🌾🌼
💐🍃
🌿
مدح ومیلاد حضرت امام صادق علیه السلام
حاج اصغر فرشچی ( عدلی تبریزی)
دینیمیزاحمدیدی ” مکتبیمیز حیدریدی
عاشقم جعفره من ” مذهبیمیز جعفریدی
مرشدیم جعفر صادق اودی دریای علوم
هم امامیمدی منیم عالمیان سروریدی
فاطمه اوغلی حسین نهضتینه نازایدرم
اوامام پیروجوان لشکرِعشق رهبریدی
جان فدا مکتبیه درسین آلوب دوقوز امام
هرامام که اونا دربان اولونان مین پریدی
هاموسی صُلب حسیندندی اولوب رهبردین
لیک صادق نشر اسلامه خِرَد پروریدی
کربلانون عَلمین قوزادی عِلم و ادبه
دئدی یاران حسین دشمن طغیانگریدی
کُنیه سی عین حسیندی بودا بیر آیری حسین
او حسین کربوبلانون بو بقیع دلبریدی
عَلَم نهضتین آلتوندا یغوب شیعه لری
دئدی هرکیمسه حسینیدی جحیمدن بریدی
مکتب شاه شهیدانه گلوب سینه ویران
دَمَه گل حضرت صادق دمووه مشتریدی
قول صادقدی گوزون یاشینه جنّت ویرولر
گوهرعشقیدی هرقطره سی دل گوهریدی
اوجا ساخلا باشیوی محفل غمده علم اوپ
چون علمدار حقیقی پسر عسکریدی
آلموسان مِهروِلا درسنی (عدلی) آنادان
یادا سال اونلا اولان گونلری بیرگونلریدی
🌸
🍃🍂
🍃🌺🍂
🌸🍃🌾🌼
🌸🍃🌾🌼
🍃🌺🍂
🌿🍂
🌸
مدح و مولود حضرت امام صادق علیه السلام
.
حاج اصغر فرشچی ( عدلی تبریزی)
سبک: نقش_من_چرا_نقش_ماتمه و …
گل لنوب بوگون گلشن بتول
شادمان اولوب حضرت رسول
جهل اولدوزی ایلیوب افول
یر لره ملائک ایدوب نزول
.
آفتابِ زهرا – آچدی گوز زمانه
باقر اوغلی صادق – گلدی تا جهانه
مژده شیعیانه (2)
.
.
طبل شادی ویر اولما بیقرار
قورتولوب خزان گلدی نو بهار
شیعه لراولون سیز امیدوار
کونه بو ویررقدر و اعتبار
.
بلبلان گلشن – اولدولار غزلخوان
واریری بو محفل – تا اولا چراغان
مژده شیعیانه (2)
.
.
گل چمن گولور آخدی جویبار
گل آچوب گلستان اولوب دیار
لطف ایدوب بونی حیّ کردگار
مثلینی گورنمز بو روزگار
.
عالم اهلین ایلر – علمینه هدایت
نچه مین حدیثی – بو ایدرکتابت
مژده شیعیانه (2)
.
.
بو سُلالۀ احمد و محمود
هیکل تقوا بندۀ معبود
عالمینه بو علت موجود
بو امام دور سایه سی ممدود
.
نورچشم زهرا – رهبر جهاندی
سبط پاک احمد – صاحب بیاندی
مژده شیعیانه (2)
.
.
گوهر صدفدی بو خلقته
سرو قد گلِ نازْ رسالته
معنی وفا دور فضیلته
درّ دور بو بحر محبّته
.
جدّی شاه حسین تک – جان ایدندی ایثار
مکتبی قالاندی – تا که بو جهان وار
مژده شیعیانه (2)
.
.
(عدلی) اول گدا بو شب مولود
صاحب کرم گلدی کان جود
یاخشی ساعتدی هم دم مسعود
تحفه سی ایدر قلبیوی خشنود
.
مدح و نوحه سین یاز – ایله عالی خدمت
گیت بقیعده ایله – مدفنین زیارت
مژده شیعیانه (2)
🌸
🍃🍂
🍃🌺🍂
🌸🍃🌾🌼
🌿🌸🍃🌾🌼
🍃🌺🍂
🌿🍂
🌸
مدح و میلاد حضرت امام
صادق علیه السلام
حاج اصغر فرشچی ( عدلی تبریزی)
لطف حقّیدن خزان اولدی چون بهار
آچدی بیر گل ایلدی کونی لاله زار
گللنوب بو گون گلشن بتول
شادمان اولوب حضرت رسول
آفتاب زهرا گوزون آچوب
جهل اولدوزی ایلیوب افول
کر :
گلدی مکتب عشق ودین آچا
گلشن رسالت تاپا صفا
.
.
امّ فروه دن گلوب باقره بالا
تا امام اولا آچا مکتب وفا
هریرعلمیدن چشمه سار اولا
مسلمینه خوش روزگار اولا
عالمان دین تربیت ویره
شیعه مکتبی پایدار اولا
.
.
مُلک دینه اولماقا پایه دور گلوب
فُلک علمه آفتاب سایه دور گلوب
کونه بو ویرر قدر و اعتبار
مکتبی قالار حشره پایدار
مسلمین حق بین و دین شناس
شیعه نین یولون آختارار تاپار
.
.
محترم سایون بوگون جشن اعظمی
هم امام و هم رسول نسل آدمی
طبل شادی ویر اولما بی قرار
گول آچوب گلستان اولوب بهار
نور چشم زهرادی بو امام
مثلنی گورنمز بو روزگار
.
.
آسمان دینون ای ما ه انوری
رایج ایلیین حق و فقه جعفری
نار عشقیوه «عدلی» دور یانار
یثربی گوره گونلری سایار
دست خطوی یادینه سالار
مدح و نوحه وی روزو شب یازار
گلدی مکتب عشق ودین آچا
گلشن رسالت تاپا صفا
🌸
🍃🍂
🍃🌺🍂
🌸🍃🌾🌼
🌸🍃🌾🌼
🍃🌺🍂
🌿🍂
🌸
مدح و تولد امام صادق علیه السلام
حاج اصغر فرشچی ( عدلی تبریزی)
.
بوگجه گلدی ولایتدن سلال حیدری
حضرت صادق که اولسون ماسوانون رهبری
.
عالمی رحمت دوتوبدی ملک دین پرنوراولوب
باردیگر آخدی کوثر عالم اولدی کوثری
.
اوز قدومیلن جهانی عنبر افشان ایلدی
گلستان و هرچمندن گلدی بوی عنبری
.
حضرت باقرایوی اولموشدی جنتدن نشان
سایه سالموشدی اوایوده چون ملائک شهپری
.
سورۀ والیل دور زلفون پریشان ایلسه
سورۀ والشمسدن معنا جمال انوری
.
اسمی جعفرکنیه عبدلله وصادق دورلقب
تاجدار اِنَّمادن یادگار دیگری
.
خلق وخوئی مصطفی دورهم آناسی فاطمه
اُمّ فروه حالینه احسن که اولدی مادری
.
وارث علم ا مامت ناشر شرع نبی
آفتاب معرفت دور انبیانون مظهری
.
آچدی دانشگه ایدوبدورتربیت علامه لر
قدر زر زرگربولرهم قدرگوهر گوهری
.
رحمسیزمنصورعداوتدن ویربدور زهرکین
وار بقیعده سایه سیز ایندی مزار اطهری
.
مادح درگاهی دور«عدلی»یازار مدح وثنا
گه زبان فارسیده گاهی زبان آذری
.
🌸
🍃🍂
🍃🌺🍂
🌸🍃🌾🌼
🌸🍃🌾🌼
🍃🌺🍂
🌿🍂
🌸
در شهادت حضرت امام صادق علیه السلام
حاج اصغرفرشچی ( عدلی تبریزی)
صادق آل رسولون قلبی القاندی بوگون
زهر کين مسموميدی دل لر نواخواندی بوگون
.
ماتمينده شيعه لر قلبی يانور آغلور گوزی
وای امام ايوای امام سسلور اولوبدی بو سوزی
باش آچوب صاحب عزا جدّی پيمبردی اوزی
قدسيان گلموش نوايه مات و حيراندی بوگون
.
زهر کين ايتدی اثر فرياده پيغمبر گلوب
باشی اوسته فاطمه هم مجتبی حيدر گلوب
کربلا شاهی گلنده ناليه گويلر گلوب
جمع اولوب اهل کساء بير يرده گرياندی بوگون
.
اشکينی خون دله باب الحوائج قاتوری
بابا فکرين ديمه بير آنی باشيندان آتوری
نه بير آز دينجلوری بالش غمده ياتوری
آغلوري آغلادوری صبر ايوی تالاندی بوگون
.
شمعي پروانه کيمي دوره ليوب چون بالالار
آز قالور روحی چخا وصلتی فصله آلالار
آغلاشولّار دل خونی غم اشکه قاتالار
آيرولوق مرحله دی چون دم هجراندی بوگون
.
شمع ياندوقجا ارور عمر آزالور هر ثانيه
اوخشادولّار اوزلرين پر يانديران پروانيه
تاپشورندا جان امام اوز جاننی جانانيه
وای بابا وای ناله سی افلاکه قوزاندی بو گون
.
خسته تندن روح پاکی آيرولوب ئوولدی امام
باش آچوب موسی ابن جعفر زادۀ خَيرالاَنام
شيعه قلبی زخميدن تاپمودی تاپماز التيام
پيشواسين ئولدوروبلر چشمی گرياندی بوگون
.
ياندولار پروانه تک ياندوردولار عالم لری
تازه لنسين ايل به ايل اولسون مرور بو غم لری
فرصتون وار«عدلی»سن ياز بول غنيمت دم لری
اولماسان تابع امامه سنده نقصاندی بوگون
.
🌼
🌾🌼
🌼 🌾🌼
🍃🌿🌸 🌾🌼
🌿🌸🍃🌾🌼
🌼🌸🌾🌼
🌾🌼
🌼
شهادت حضرت امام صادق علیه السلام
حاج اصغر فرشچی (عدلی تبریز)
.
باغلادی ظلمیله صادق اورگی قان بوگجه
اولدی مسموم جفا ناطق قرآن بو گجه
.
آل پیغمبره منصور دَغا زهر ویروب
نُه فلک انس و مَلک قالدیلارحیران بو گجه
.
میل ایدوب جبریله بیر زهرلی انگوری امام
زهر کین ایتدی اثراولدی پریشان بو گجه
.
پاره لندی جگری یاندی اورک گلدی دیله
عرض ایدوب خالیقینه حالتی سوزان بوگجه
.
خالیقیم سن بولوسن کیمسه یوخوم یاور اولا
چکورم بی گنهم درد فراوان بو گجه
.
خالقا حافظی اول قالدی یتیم بو بالالار
دولدوروب منزلیمی نالۀ طفلان بو گجه
.
مثل پروانه آلون دوره می شمعم یانورام
وارنفس اُلمه موشم تا من نالان بو گجه
.
بیر دویونجا یوزومه آخر عمرومدی باخون
منِ مظلومِ جفا سیزلره مهمان بو گجه
.
ای اولان باب الحوائج بالا آز آغلا اوغول
یغوشوب دوره مه گور جمله عزیزان بو گجه
.
سیزلری ترک ایدورم یوخدی امید زنده قالام
گوز لریم گر یومولا ایتمیون افغان بو گجه
.
صبح وقتی منی سیز دفن ایلیون یرده قالا
قویمیون جدیم حسین تک تنی عریان بوگجه
.
گون باتوب آخشام اولاندا یغوشون منزیلیمه
منه سیز ساخلاماقا شام غریبان بو گجه
.
گر آنام فاطمه گلسه اونا چوخ حرمت ایدون
اورگی داغلیدی مظلومه دی گریان بو گجه
.
صادق آل محمد یوخودا نوحه ویروب
دوت عزا (عدلی) اوخی نوحۀ سوزان بو گجه
🌼
🌾🌼
🌼 🌾🌼
🍃🌿🌸 🌾🌼
🌿🌸🍃🌾🌼
🌼🌸🌾🌼
🌾🌼
🌼
شهادت حضرت امام صادق علیه السلام
حاج اصغر فرشچی (عدلی تبریزی)
.
دشمن قرآن و دینون ظلمی طغیان ایلدی
اولدورب صادق امامی ناله قرآن ایلدی
.
.
بوگونون مثلینده منصورشیعه قلبین داغلادوب
جعفری مذهب لری هم اهل بیتین آغلادوب
باب دانشگاه دینی ظلم الیله باغلادوب
بوسبب دن اهل دینون باغرینی قان ایلدی
.
.
بیر امامیکه اولا افلاک علمه آفتاب
گون کیمی یتدی زوالی گل یوزه چکدی نقاب
آلدی آغوشه او جسم پاکنی تیره تراب
سر بسر جمعیت دینی پریشان ایلدی
.
.
بیر امامی که اولا اسلامه عزت سایه سی
تاپسون استحکام اونیله ملک دینون پایه سی
جعفری مذهب لره هجری اولوب غم مایه سی
گیتدی الدن جانینی قرآنه قربان ایلدی
.
.
بیر امامی که اولا دریای تقوایه گهر
ایلییه احکام دینی کونه گون تک مشتهر
هرخدنگ طعنییه اوزسینه سین ایتدی سپر
حفظ استقلال دینه سعی شایان ایلدی
.
.
بیر امامی که اونیله ملک دین آبادیدی
سایه سینده عالم دین حقیقت شـادیدی
اهل علمه هرفنون و علمده استادیدی
ترک قیلدی کونی درک وصل جانان ایلدی
.
.
بیروجود اقدسی که جسم دینه جانیدی
عرش علم و حکمته بیر نیّرتابانیدی
سایه سی اسلامیانه لطف بی پایانید
اهل دیندن قطع لطف اول مهرتابان ایلدی
.
.
دائما خلقه صراط حقی اعلام ایلیوب
آچدوقی مکتبده نشر و شرح احکام ایلیوب
حیف اولا منصوربی شرم صبحونی شام ایلیوب
زهرکین ویردی امامه ظلمی طوفان ایلدی
.
.
گرچه غمدن نوحه گردوربلبل دشت وچمن
شیعیانون قلبینی دولدوردی بوغم بو محن
جسم صادق قالمادی یرده حسین تک بیکفن
احترامیلن اونی دفن اهل ایمان ایلدی
.
.
پیکری قالدی حسینون لیک بی غسل ومزار
جسمینه اولـدی کفن منسوج تیرآبدار
بیر علاوه ظلم ایتدی فرقۀ بی ننگ و عار
.
.
پیکرین دست ستمله سویدی عریان ایلدی
پیکرین عریان گوروب زینب نجه گلمز دِله
کشتی عشقین بلا طوفانی سالموشدی گِله
سسلدی سس ویرمنه قارداش باجون ایکاش اُله
.
.
باشی اوسته اگلشوب فریاد وافغان ایلدی
سن حسین دین اوسته هربیرامتحاندان گیچموسن
عشقیله یوزدن اویان پیروجواندان گیچموسن
ملک ومال وعزّوجاه وباش وجاندان گیچموسن
هانسی بیرشه سنکیمی ترک سروجان ایلدی
.
.
«عدلیا» غیبتده دورتا حُجّت روی زمین
عشق و مهرشاه دینه روحووی ایله عجین
دامنیندن چکمه ال یازنوحه محشرده یقین
گور حسیندی خادمون جنّتده مهمان ایلدی
🍃
🌼🍃
🍃🌾 🍃
🌾🌼🌼🍃
🍃🌾🌼🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
شهادت حضرت امام صادق علیه السلام
حاج اصغر فرشچی (عدلی تبریزی)
سبک: علی_اصغر_مه_انور ( 7 سبک)
امام صادقه آغلا عدو ظلمی عیان اولدی
اسوب باد جفائیله گل عمری خزان اولدی
یوموب گوز ناطق قرآن
قویوبدی شیعه سین نالان
.
.
ایدوب تفسیرقرآنی نمازی ساخلیوب برپا
مسلمان قشرینه مذهب نهالین ایلیوب معنا
ویروب علامه لرتعلیم اولا شرع نبی اجرا
دایانسون گردش دوران ایشی آه و فغان اولدی
.
.
درِ دانشگه دینه یازون استاد دین ئولدی
گلستان باغبانیدی ولی آفاتیدن سولدی
ویروبلر زهر کین قلبی شرار دردیلن دولدی
اثرسالدی جفا زهری گیدوب سلب توان اولدی
.
.
جسارت ایلدی منصورویروب آفاقه اود سالدی
یدیردوب جبریلن انگورامامدان تاب دل آلدی
امام عصری اولدوردی بالالاری یتیم قالدی
سالوب اود قلب اطفاله وجودی غنچه قان اولدی
.
.
جوار باقر و سجّاد بقیده بو امام یاتدی
اولیدی عالمی ویران گوزوندن عالمی آتدی
گیدوب گورسون نیه زهرا اوگوزیاشین قانا قاتدی
وجودون گرغم آلموشدی ندن قدی کمان اولدی
.
.
ایدوب ایثارجان اولدی محّمد مکتبی احیا
او مکتبدن چخوب دورت مین اولوب استاد دین دانا
بیله دانشگه واستاد گورنمز واردی تا دنیا
ولی افسوس خموش اولدی مزار ایچره نهان اولدی
.
.
بقا یوخ دور بوعالمده بودنیا فانی دور فانی
تمام خلق اولونموشلار گیدللر راه عقبانی
خدایه آندولا «عدلی» یوولماز اصغرین قانی
نه اتموشدی او شش ماهه اونون جانین آلان اولدی
. .
🌼
🌾🌼
🌼 🌾🌼
🍃🌿🌸 🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
شهادت حضرت امام صادق علیه السلام
حاج اصغر فرشچی (عدلی تبریزی)
گلوب تنگه اورك الله ايدور جورو جفا منصور
فلكدن وار گِلَم منلن كيمی گور ايليوب محشور
ايدوب دعوت منی كاخه گيدم مسموم ايده كافر
خدا نشناس بير شخصی دالومجا ايليوب مأمور
قاچوردور پا پياده من نقدری اعتراض ايتديم
قبولي اولمادی ملعون ديدی مأمورم و معذور
اوشاقلار لرزيه دوشدی بسان ابر تك گوزدن
توكوللر گوز ياشی نالان اولوبلار كينه دن رنجور
منيم گوزياشيما وار دور سبب جدّيم دوشوب ياده
كه اولدی روز عاشورا قتيل كربلا محشور