بسم الله الرحمن الرحیم
🌸🍃 💐🍃🌿
🍃🌿🌸🍃
🌸🍃
💐
من عاشق حسینم
حاج اصغر فرشچی ( عدلی تبریزی)
شکر ایلرم خدایا من عاشق حسینم
نه قطریم نه دریا من عاشق حسینم
الله رسولی آدم توفیق توبه تاپدی
عرض ائتدی ای توانا من عاشق حسینم
یاندیرمادی خلیلی اود خالقه دیمیشدی
عبدم اگر چه امّا من عاشق حسینم
الله ذوالجلاون اذنیله کی دانشدی
دیوب بشیکده عیسا من عاشق حسینم
زینب اوکشمکشده شمره دئدی حیا ایت
یا معدن الخطایا من عاشق حسینم
بو دشت پربلاده آیرولمارام حسیندن
گَل شمرباعث اولما من عاشق حسینم
من گوزآچان زماندان اولدوم حسینه عاشق
عقدیمده اولدی امضا من عاشق حسینم
فصل خزاندی دنیا من زینبه حسین سیز
ائتمم بوعشقی حاشا من عاشق حسینم
پروانه تک شرارِ فرقتده گرچه یانام
خوشدی منه بوسودا من عاشق حسینم
شامه اسیر گیتسم اولام کلیم عشقه
عصا ودست بیضا من عاشق حسینم
تاریخ صفحه سیندن ننگین خطوطی سیللم
قیلام یزیدی رسوا من عاشق حسینم
کربوبلا چولونده هر بیر شهید دییردی
جانم فدای مولا من عاشق حسینم
ایله وصیت (عدلی) سنگ مزارون اوسته
اولسون بو جمله انشا من عاشق حسینم
بوسوزلری اوخوردوم حاج بهروز آدلی مداح
سویلوب حاج اصغر آقا من عاشق حسینم
🌿🌸🍃🌾🌼
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
از زبان عاشقان حسینی
مست ازشراب نابیم ازآن می سبویت
ما رهروان عشقیم دل درهوای کویت
شورآفرین بزمیم چون بلبلی به گلزار
تا جسم خود معطّرسازیم به عطروبویت
درعشق تواسیراست هرشاه وهرگدائی
تا کربلا شنیده اشکش روان زجویت
پشت فَلَک خمیده درکربلا زمِحنَت
لعنت به قوم کافرلعنت به آن عدویت
رفونمی پذیرد قلب شکستۀ ما
دنیا پرازاَلَم گشت شاها زِهای وهویت
سِرّ اِلآه عیان است ازآن نمازعشقت
توقائم الصّلواتی گشته زخون وضویت
بینا نبودعدویت تا آنچه هست بیند
خون خدا روان بود آن روزازگلویت
احسن به آن نمازت احسن به خون پاکت
داروندار دادی درنَیلِ آرزویت
آید اگربراتی آئیم به کربلایت
جان راصفا ببخشدآن قبرمُشکبویت
ما را اگرگناهیست اِشفَعَ لَنا به محشر
ما آبروی خود را داریم زآبرویت
(عدلی) اگربه عمرش مادح شود به درگاه
قاصربود زبانش ازوصفِ تارِ مویت
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
درمولود حضرت اباعبدلله الحسین علیه السلام
واریری تا ساقی عزّت دولی ساغرویره
مسلمینه شاه دینون مهرینی باور ویره
بادۀ مهرحسیندن کیمسه گرمست اولماسا
حق اونا عقل وشعوروبینش دیگرویره
واریری تا ابرهمّت رحمت حقدن دولا
سو یرینه قطره قطره عطریله عنبر ویره
واریری روح الامین تا عرشِ اعلادن گله
شیعیانه مژدگانی هم برات هم زر ویره
واریری نورانی اولسون بزم شاهنشاه دین
بانی وخُدّامِ هیئت محفله زیور ویره
باغبان دین وقرآن گلدی دنیایه بوگون
تا بجرده گلشنینده عطریلی گللر ویره
گتدی دنیایه حسینی خالق جان آفرین
بعد قارداشی حسن بوعالمه رهبر ویره
نوردوربو نورونا دولسون جهانی سربه سر
فخرساجدن صورا سگِز نفرگوهر ویره
بوعلی اوغلی حسیندی گلدی تا نهضت ایده
روزعاشورا الست اوستونده جان وسرویره
مکتبینده بسلیه شبه رسول اطهری
یعنی قربان کربلاده دینینه اکبرویره
دست بیعت ویرمیه تا ما سوللهدن گچه
آلتی آیلیق شیرخواره اکبره اصغر ویره
سوگتور ماق اوسته عبّاسی اولا قولدان قلم
سیرجنّت ایتماقا آللهی بال وپر ویره
بوگجه مولود دور(عدلی)هاراچکدون سوزی
ایسته حقدن ظالمینه حق اوزی کیفر ویره
ایستیاق گل بانیه هم هیئتین اعضاسینه
اولماقا زایر بقیعنون اذننی داور ویره
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
درمیلاد حضرت امام حسین علیه السلام
ساقی گل آچ میخانه نی دولدور دولا پیمانه نی
ایله رها غمدن اولا هرعاشق ودیوانه نی
مخمورمی ایت عاشقی هرعاقل وفرزانه نی
ایله خبر میخواره نی هم دلبروجانانه نی
کر:
فُطرس قاناتلاندی بوگون عرشه سالوب صُوت جَلی
مژده ویرون عاشقلره گلدی حسین ابن علی
بیردیدۀ حق بینیلن روی دل آراسین گورون
نورخدا دورجلوه گربیرقدّ رعناسین گورون
مین یوسف زیبا جَبین مَحوتماشاسین گورون
خلق جهانی سربسرغرق تمنّا سین گورون
فُطرس قاناتلاندی بوگون….
واردوریری ای شیعه لر یرگوی چراغانی اولا
سرتا سرروی زمین گُلدن گُل افشانی اولا
بلبل گُل اوسته مست اولوب دیلدن غزلخوانی اولا
بوگون گرگ بزم حسین تزئین و نورانی اولا
فُطرس قاناتلاندی بوگون…..
شاداندی زهرا بوگجه عشاق عالم شاد اولار
غم ُصّه دن فرقت تاپاربوشیعه لرآزاد اولار
بوقانویرردین گُلشنی گُللر آچار آباد اولار
هرمحفله گیدسن بوگون سوزلرمُبارک باد اولار
فُطرس قاناتلاندی بوگون…..
اولدی اُفقدان جلوه گرشمس جهان آرا گلوب
دولدوردولا پیمانه نی ساقی او مَه سیما گلوب
اولدی رها بولحظه دن غمدن دل شیدا گلوب
قلبینده عاشق سیرایله گور قلبیوه صفا گلوب
فُطرس قاناتلاندی بوگون…..
واردی تجلّای رُخی چون چهره زیباسی وار
شمس وقمرشرمنده دورروی جهان آراسی وار
سرو وصنوبرمات دورچون قامت رعناسی وار
شاهِ شهید عشق دوردنیاسی وارعقباسی وار
فُطرس قاناتلاندی بوگون…..
بوطفل گلدی دنیادا حقدن طرفداری ایده
دین خدانی تا ابد پاینده ویاری ایده
بیرانقلابه ال ویرا دفع تبهکاری ایده
اولمازبو تک قرآن ودین اوسته فداکاری ایده
فُطرس قاناتلاندی بوگون….
بو اوز مرام وایده سین صود ایشدی زهرادن آلوب
سرمشق آزادی اونا اورگتدی طاهادن آلوب
درس شجاعت مشقینی اورگشدی مولادن آلوب
شاه شهیدان اولماقین امرین بویکتادن آلوب
فُطرس قاناتلاندی بوگون….
کربوبلاده تا گلوب شهزاده اکبردن گچه
شیراوغلی شیرعبّاسیدن هم عُون جعفردن گچه
بیرغنچۀ نشکفته دن شش ماهه اصغردن گچه
قاسم کیمی گلگون قبا بیرماه انوردن گچه
فُطرس قاناتلاندی بوگون…..
گوزآچدی گلدی عالمه عَهد اَلَست ایفا ایده
پروندۀ عاشورانی اوز قانیلن امضاء ایده
حق دینینه رونق ویره فرمان حق اجرا ایده
قرآن ودین برنامه سین بو دهریده احیا ایده
فُطرس قاناتلاندی بوگون….
بونُه فلکده نوردورشمس الضُّحی نورخدا
پیمان عشق اوسته اولارقرآن واسلامه فدا
ماه محرّمده آچا ر دانشگه مِهروفا
(عدلی) اودورایل لربویی آغلاربونا ساخلارعزا
اعیادیده مدّاح اولی هربزم ومحفیلده ولی
مژده ویرون عاشقلره گلدی حسین ابن علی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
میلاد حضرت امام حسین علیه السلام
سبک : نقش من چرا نقش ماتم ….
مست ناب می ایت منی بوگون
تازه مولود عشقینده ساقیا
شعبانون اوچی گوزآچوب گلوب
نوردیدۀ ختم الانبیا
تکمیل اولدی اهل کسا بوگون
وحی ایوی نقدری تاپوب صفا
کر:
آفتاب زهراآچدی گوز زمانه
آد حسین قویولدی مژده شیعیانه
کربلانی ایسته سنده عیدیانه
مقدمون دِ اولسون یاحسین مبارک
گلدی شوروعشقه چمنده گل
قویدی تا قدم عالمه حسین
سیرتی نبی صولتی علی
هم آناسی زهـرایه نورعین
بیرتوکی هزاریوسفه دگر
خلق ایدوب بونی رب العالمین
آفتاب زهراآچدی گوز زمانه….
دشمنون گوزی کوراولا خدا
عالمه ویروبدی نقدری شور
بهره مند دورارض وآسمان
ایلیوب منورسالوبدی نور
محو اولوبدی موسی تجلّیه
بوحسین دی گویا که نخل طور
آفتاب زهراآچدی گوز زمانه….
حُسنودی حَسن خوئی مرتضی
لطف ایدوب خداوند ذوالجلال
تارخلقته بوحسیندی پود
بحرعلم دورمعدن کمال
خلق ایدوب گوزل خالق وَدود
هاشمیدی بو واردی خط وخال
آفتاب زهراآچدی گوز زمانه….
بوعلینون اوغلی حسینیدی
مثلینی گورنمز بوروزگار
ماجرای کربوبلا ده بو
قانیلن ویـرردینه اعتبار
پای بند عهد الست دور
اولماقا گلوب دینه جان نثار
آفتاب زهراآچدی گوز زمانه….
خالقه رسول گلدی منزله
عـطریله گوروب دورفضاسینی
آلدی بیرحسینی قوجاقینه
باسدی باغرینا اوزبالاسینی
لبلرین قویوب تا بوغازینه
کشف ایدیب آنا ماجراسینی
آفتاب زهراآچدی گوز زمانه….
درگهینده خادمسن (عدلیا)
مدحینی یازوب اولما دلغمین
شعبانون اوچون خوش گون ایلدی
شیعیانه اول رب العالمین
ایستدی قیامت گونی اولا
خادمینینه یاورومعین
آفتاب زهرا آچدی گوز زمانه
آد حسین قویولدی مژده شیعیانه
کربلانی ایسته سنده عیدیانه
مقدمون دِ اولسون یاحسین مبارک
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
میلاد حضرت امام حسین علیه السلام
گوزآچدی عالمه زهرایه نورعین
رضوانه دوندروب مولا علی ایوین
عهد السته مست زیبا آدی حسین
شمس هدادی بو* ابرسخادی بو
تبریک و تهنیت اولسون پیمبره
دامادی حیدره زهرای اطهره
یا فاطمه مدد * یا فاطمه مدد
خلقت شکوهی دورباعثدی خلقته
بوجوهروِلا ابقا ولایته
زهرا سودون اَموب چاتسون سعادته
لطف خدادی بو * ماه ِلقادی بو
تبریک و تهنیت اولسون پیمبره
دامادی حیدره زهرای اطهره
عزّت گلی آچوب جانویردی گللره
قونداقی نقل اولوب دیداره گویلره
فطرس قاناد لانوب فخر ایلر ایللره
ذکری دعادی بو * معجز نمادی بو
تبریک و تهنیت اولسون پیمبره
دامادی حیدره زهرای اطهره
گلدی سالا دله نور محبّتی
تا ریشه داراولا نخل شریعتی
بولدورسون عالمه معنای وحدتی
شمع ولادی بو * میر هدادی بو
تبریک و تهنیت اولسون پیمبره
دامادی حیدره زهرای اطهره
گلدی بوعالمه ویرسون ندای عشق
لطفیله تا اولا دنیا سرای عشق
کرب وبلاده بو اولسون فدای عشق
دینه فدادی بو* مهر وفادی بو
بیرنهضت اوسته بودینه فدا اولار
خادم بدرگهی شاه و گدا اولار
درمان دردلر ذکری دعا اولار
درد آشنادی بو * مشگل گشادی بو
تبریک و تهنیت اولسون پیمبره
دامادی حیدره زهرای اطهره
کوثربالاسی دورحسنونده یوخ مثل
خلق ایلیوب بونی آللهی بی بدل
بیرگوزگورنمیوب بوندان اولا گوزل
نور خدادی بو * قلبه صفادی بو
تبریک و تهنیت اولسون پیمبره
دامادی حیدره زهرای اطهره
مفهوم علمدی دنیای بینشه
قرآندی ازبری سرلوح دانشه
خلقتده شاهکار بو آفرینشه
بحر سخادی بو* بال همادی بو
تبریک وتهنیت اولسون پیمبره
دامادی حیدره زهرای اطهره
آلدی قوجاقینه ختم پیمبران
عطرین آلوب ولی ایتدی غمین نهان
اوپدی بوغازینی مطلب اولوب عیان
طورومنادی بو* سعی و صفادی بو
تبریک وتهنیت اولسون پیمبره
دامادی حیدره زهرای اطهره
کربوبلانی بوخلد برین ایدر
قبرین زیارتین اهل یقین ایدر
درمان دردینی جان آفرین ایدر
باب شفادی بو* ابر عطادی بو
تبریک وتهنیت اولسون پیمبره
دامادی حیدره زهرای اطهره
گلزارعشقیده آچدی گل مراد
اولـسون جهانیده خواهان عدل وداد
یاز«عدلی»مدحینی دللرده شوریاراد
کان وفادی بو* اسمی دوادی بو
اولسون گرک بوگون
دل لرده بو سخن
خوش گلموسن حسین
گل لندی انجمن
امام حسین علیه السلام
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
درمقام ومنزلت حضرت امام حسین علیه السلام
نيزه باشيندا تلاوت چونكه قرآن ايلدون
عالم اهلين يا حسين سن مات وحيران ايلدون
عرش اعلايه چخوب باوشون انالحق سسلدون
اوزمرامون هم يره هم گويده اعلان ايلدون
نخلۀ طوروفاده اوج ايدنده قانلی باش
عهد اخلاص ووفانی عرض جانان ايلدون
باش ياراليدی جداده اَم حَسِبْتَ آيه سين
باشلادون دشمنلری رسوای دوران ايلدون
تا فراز نيزده گلدی ديله لعل لبون
صوت قرآنيله جاناعرشی لرزان ايلدون
زينبون گه گوگلون آلدون سن حجازی لحنيلن
دربه درشامات كوفه گه بيابان ايلدون
گه باشوندان داش ياراسی دگدی آخدی تازه قان
گه تنورخولونی سن نورباران ايلدون
داش دگنده لبلروندن گلمدی قرآن سسون
زينب بی خانمانی ديده گريان ايلدون
ديره گيتدون راهبه رهبر كسولموش باشيله
راهبی ديرايچره نطقونله مسلمان ايلدون
باش وجاندان گچدون اورگتدون بيزه آزادگی
آلتی آيلوق صود امراسلامه قربان ايلدون
ياتدوقون يردی گلستان سينن اوسته اصغرين
هرگَلن دردين دئدی سن درده درمان ايلدون
بسكه غمدن قلبرده مهرو ُالفت سالموسان
هيئت اهلين(عدلنی) بيرعمرنالان ايلدون
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
خطاب به حضرت امام حسین علیه السلام
در مصیبت کربلای معلا
درد وغمینده آغلین چشم جهاندی یا حسین
شعلۀ آهوندا یانان کون ومکاندی یا حسین
عشق ومحبّتون زبس قلبلره ویرورصفا
عاشق اولان بوحسنوه قلب زماندی یا حسین
اسم مبارکون دیین حاجتنی گورور روا
چونکی آدون بودللره روح رواندی یا حسین
چشم خلایق آغلیوب گلشنوون سولان گونی
بزم عزا دوتان سنه عالمیاندی یا حسین
عرشیده عرشیان سنه محفل سوک وغم قورار
تک نه بوفرش وعرشیده عشقون عیاندی یاحسین
قانلی اونهضتون ویروب درس شهادت عالمه
فخرایلین بونهضته اهل جناندی یا حسین
ماه محرمون اونی یوم شهادتون بیزه
نقطۀ عطف اولوبدی چون ورد زباندی یاحسین
قرن لراولدی بوآدون حکمروادی دللره
ذکرمصیبتون ایدن پیروجواندی یاحسین
نهضتون اوسته اکبرون قطعه به قطعه دوغرانوب
داد وبکاسی زینبون عرشه دایاندی یا حسین
آلدی فراتی قارداشون مَشکنی دولدوروب چخوب
نفسینی خوارایدن سووا شیرژیاندی یا حسین
دلده خداخداسی وار سویتوره حرم لره
خیمه ده العطش سسی موج زناندی یا حسین
اونداکی دگدی مشکه اوخ دنیا دولاندی باشینه
قالمادی مشکیده سویی یرده جالاندی یا حسین
سسلدی مشکیمه دگن اوخ منی مأیوس ایلدی
کاشکی دگیدی چشمیمه تزگل اماندی یا حسین
قوللاری اولدی تا قلم ساخلیه بولمدی اَلَم
سسلدی اول زمان سنی خجلته یاندی یا حسین
سندی بلون گورنکیمی قارداشوون آخدی گوزی
قارداشا قارداش اولومی دوزدی یاماندی یا حسین
سوطلب ایتدون اصغره ویردی جوابین حرمله
اللرون اوسته صود امرقانه بویاندی یاحسین
خون خدائیدی اوقان عرش خدایه یوللادون
عالمی آغلادان همان گویدکی قاندی یاحسین
گون باتوب اسدی قاره یل شمرکسنده باشیوی
گوردولرعالمی دوتان قانلی دوماندی یا حسین
غارته ال آچان زمان اود ویرولوب خیامیوه
مال ومنالون اودلانوب یاندی تالاندی یا حسین
سوردولرآتلارین تمام جسم شهیدلراوستونه
بو وَلَدِ زِنالیقا گورنه نشاندی یا حسین
معراجی جدّوون یری عرش خدا اولوب اگر
معراجا گتدوقون مکان نوکِ سِناندی یا حسین
درگهوه گدا اولان«عدلیدی» نوحوی یازان
حشریده اولماسان شفیع اود دا یاناندی یاحسین
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
مدح حضرت امام حسین علیه السلام
حسين سن جان احمد جان زهرا روح قرآنسان
ولی الله اعظم شهريار ملك امكانسان
کر:
گل باغ ولا
قلوبه ويرصفا
سنه جانلار فدا
آدون درده دوا
حسين جانم حسين (2)
بدون کر سبک: اگرصبح قیامت را…..
حسین تعجیلیله گتمه …
زعيم ورهنما و ناخدای مُلك توحيد سن
امام و پيشوا ومقتدای اهل ايمانسان
نماز و روزه و حجّ و ولی و مرشد عالم
صفا ومروه هم سعی و صراط و حشروميزانسان
اولان قرآنيده سوره بَلد وَالشّمس و ماعونسان
بُروج و طارِق و اَعلی تَغابُن آل عُمرانسان
ذبيح الله وثارالله وعين الله وجه الله
چراغ دين وكشتی نجات فُلك ايمانسان
پيمبردورسنون جدّون آتان حيدرآنان زهرا
شرافت تاجی باشوندا اوزون شاه شهيدانسان
علی اوغلی علی اوغلون اولان باب الحوائجدی
سنه شيرين اوشش ماهه اوزون سن شيريۀ جانسان
اولان عهد اَلست اوسته شهادت شوقی وارسنده
كه عطشان جانويروب دینه ره ِجانانه قربانسان
سرنيزه باشون قرآن اوخوردی تا بوله دشمن
كسولموش باشيله حتّی گينه دينه نگهبانسان
شهادت شوقيله آچدون اوخا سر نيزيه سينن
اولار كيمده جسارت سن اوزون تك مرد ميدانسان
كنارنعش اكبرده هامی گوزگوردی آغلوردون
گولوب دشمن بولوردی قد خميده چشم گريانسان
اولاردرويش محافلده قولوندان كشكولون آسلار
تيكرگوز لطفُوه (عدلی) بولر سن شاه شاهانسان
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
درمقام و نهضت حضرت اباعبدالله الحسین
علیه السلام
آچدوقون مکتب همیشه پایداراولسون حسین
هربنای ظلم وجوری تاروماراولسون حسین
سن مقام عشقیده ویردون بیرعالی امتحان
مُمتَحِن اولدی خدا یاورلرون پیروجوان
سبقت آلدی بیربیریندن ویردیلرجانانه جان
تا جهان واربوحماسه بر قراراولسون حسین
دامن اسلامیده گوردون که واردور رنگ ننگ
بیرقیامیلن قیامت ایلدون بی یار وهنگ
کربلاده باشلادون تا قوم عدوانیله جنگ
دست ظلمی قویمادون دینه سوار اولسون حسین
سن دیینده هَل مُعین درک ایلدی آوازعشق
سسلنوب گهواره دن طفل رضیع سربازعشق
عشقه باخ آلدی مدال عشقینی جانبازعشق
هنگ عشقونده دئدون تا شیرخواراولسون حسین
مست اولموشدی حبیبون بارگاه عشقیده
همقدم اولدی سنیلن شاهراه عشقیده
زر مدال آلدی دایاندی جایگاه عشقیده
ایستدی جانان یولوندا سربداراولسون حسین
سن حسینون نهضتی حفظ حجاب اوسته اولوب
باغ دینون گللروندن نهضتونده چوخ سولوب
حیف اولا اسلامی یرلر بی حجابیلن دولوب
بی نمازو بی حجاب دیندن کنار اولسون حسین
سن اوگون حیدرکیمی ویردون نمازه اعتبار
ال آچوب رازونیازه آختاروردون وصل یار
ظهرعاشورا ده اولدون دین حقّه جانثار
تاپمادون بیرجه مسلمان دینه یاراولسون حسین
حاکم اولسون قویمادون اسلامیانه اجنبی
ریشۀ اسلامه قان ویردون دیریدّون مذهبی
اورگدوب گیتدون ایده تکمیل نهضت زینبی
ایستدون زینب جهاندا نامداراولسون حسین
ذبح اعظم وقته گون باتدی دوتوب آفاقی غم
عرش و فرشی چولقادی سنگینی درد والم
التفاتون زیرلبده ذیحیاته وردی دم
هانسی شهدورسنکیمی تا شهریاراولسون حسین
سن شهیداولدون اسیراولدی باجون بی اختیار
بواسارتده حفیظ اولدی حجابه چون حصار
لیک آغریندا دلی اولموشدی الده ذالفقار
اونداکی ایستوردی شامه رهسپاراولسون حسین
منجنیق غمده گرچه قلبینی سیخدی باجون
مکتبونده امتحاندا اولین چیخدی باجون
نطق آتشباریلن دشمن ایوین یخدی باجون
قویمادی ظلم یزیدی استتار اولسون حسین
کربلاده گرچه قانون آخدی اولدی جویبار
لیک ایچدی نخل دین قان اولدی قرآن پایدار
مسلمین اورگشدی سندن بواولوب دلده شعار
دشمن قرآن و دین دنیاده خوار اولسون حسین
زور گویانه قیامون موجب وحشت اولوب
چون قیامه چوخلی ملتده بوگون همّت اولوب
باعث پیروزی خون کلمۀ وحدت اولوب
مسلمینه سن دئدون خوش روزگاراولسون حسین
سن حقیقت شمعی سن عاشق لرون پروانه دی
حُبُ عشقوندن ایچن می مست اولوب دیوانه دی
درس آلانلار مکتبوندن عاقل و فرزانه دی
بیر بیله مکتب معلم بی شمار اولسون حسین
ای شهید راه حق قیل بیرنظربومطلبه
فرقتونده قلبلر دوشدی گینه تاب وتبه
دعوت ایله کربلایه آند ویروخ زینبه
قویما چوخ بواهل هیئت انتظاراولسون حسین
یازدوروب « عدلی » آدین درگاهیوه خدمتگزار
عاصیدورامّا سیزه عشق اوسته چوخ نوحه یازار
سن شفاعت ایتمسن محشر گونی اود دا یانار
خادمین ارباب قویمازاهل نار اولسون حسین
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
درمدح ومنقبت حضرت امام حسین علیه السلام
سن نا خدای عشقسن فُلک عشقون کربلا
جانلارفدا اوعشقه که عشقونله اولدی مبتلا
مهرون تمام درده معالج آدون شفا ویرن
عشقین بیراودّی چوخ دیلیله اولوبدی آشنا
ال آچموسان شفاعتینه فطرس قاناد لانوب
مولود گونون بولوندی محشرشفیعی سن آقا
شیران اسیرجذبۀ عشقون اولوب تمام
حرّوزُهیریدی شاهد که اولوبلا جان فدا
مظلوم دهراولوب عالمده شش ماهه اصغرون
اوخلاندی یوم تَف اَل اوسته تشنه ایدی دلربا
دریای رحمتیدون لب تشنه جانویروب بالان
یرگوی گلوب طلاطمه دوتوبدی بزم عزا
نام مبارکون ایشیدن گوزیاشون توکر
الله قویوب آدوی روح بخش دوردله صفا
تاریخ عشق شهادتوی ثبت ایدوب یازوب
عهدالست اوسته حسین باش ویروبدی من قفا
لیل عاشورا که صبحی صبح رستخیزیدی
میل ایلیین شراب عشقوی تاپوبدی بقا
محروم قیلمادون اوگون سیه روغلامووی
آلدون دیزاوسته رأفتیله لطفون اولوب اونا
دَم ویروب لفظ وفادن یار انصارون تمام
کیمسه سی عباس اولانماز تاپدی آد مشکل گشا
پرورش ویرموشدی حیدرروزعاشورا گونی
قارداشا یاراولماقا قرآن وهم دینه فدا
همدوش وهمره اولوب دشت بلاده زینبون
دریای عصمت وحیاهمان ناموس کبریا
قدین خم ایلدی بارِاَلَم اونون ولیک
دین نخلینه باغبان اولوب اوئیدی صاحب لوا
نقل ایله لوح دیله نام حسین و زینبی
ذکرایت مصیبتینی (عدلی )ایسته کربلا
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
مدح حضرت امام حسین علیه السلام
ای شاه شهیدان که شه کرب وبلا سن
جانلارسنه قربان اولا سن خونِ خداسن
بوعشقوون عالمده نقدر جلوه سی واردی
گه تشنه شهید سن گهی بیرابرعطاسن
میدانگه عشق ایچره گهی قانیوه غلطان
گاهی حرمِ بارگهِ شمعِ ولا سن
گه بیرصود امرتشنه جگر خواهشی اوسته
آغوشه آلوب رهگذر کوی وفا سن
گه نیزه باشیندا ایدوسن آیه تلاوت
قوّت ویروسن زینبوه میرهُدا سن
.
گاهی گیدوسن خولی ایوینده اونا مهمان
زهرانی چکورسن اورا مظلوم جفا سن
بوحُسن وصفاتوندی خداوندجلیدن
سن سالک حق دین حقه راهنما سن
عاشقلرون ایستورآقا پا بوسیوه گلسون
احسانیله بیر دعوت ایله آلِ عَبا سن
خادمدی سنه دردی دوا اولموری«عدلی»
بیرچاره اونون دردینه ایت باب شفا سن
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
در مقام منزلت حضرت سید شهداعلیه السلام
گورمیوب چشم جهان سن تک وفاده یاحسین
ما سواللهدن گچه راه خداده یاحسین
ثبت اوراق ایتموسن میثاقوی آفاقیده
ویرموسن یتمیش ایکی قربان مناده یاحسین
مکتب حرّیتّونده دانش آموزاصیل
اولدی عاشق کربلاده گلدی داده یاحسین
نمرۀ عالی آلانلارامتحان عشقیده
آدیلاری ثبت اولدی اوراق بقاده یاحسین
هانسی عاشق سنکیمی اولدی فنا فی الله ِعشق
خلقه تا سرمشق اولا دارفناده یاحسین
درس دین ویردون سن ای استاد دانشگاه دین
یوخدی بیراستاد اولا سن تک رضاده یا حسین
شین عشق اولدی شهادت مقصدون اولدی حصول
تک نه عالم قالدی حیران انبیاده یا حسین
عشقی معنی ایلدون آگه اولا آزادگان
عاشقین باشی گزر نوک جداده یاحسین
بیرقیامیلن قیامت ایلدون روزبلا
سن تحوّللریاراتدون هربناده یاحسین
دوزمدون جوریزیده نهضته آچدون علم
دوزمَسون یعنی مسلمانلارجفاده یاحسین
هریری ایتدون قیامونلا اولوبدی کربلا
ال قویورملّت قیامه هرخطاده یاحسین
دال دنیا تک خم ایتدی قامتون درد ملال
چون گوروردون ظلم وجوری آشناده یاحسین
کلّ حصّه هربلادن قسمت اولدی تک سنه
جانه آلدون هربلانی هرقضاده یاحسین
شمردون ایستردی ذبح ایتسون قفادن باشیوی
بیربیره لبلردیورگوردی دعاده یاحسین
گرنمازاوسته ویروب انگشترین شیرخدا
بارماقون سن ویرموسن کربوبلاده یا حسین
قتلگاه عشقیده انگشت وانگشترویروب
راضی سالدون بَجدَلی سن اول عطاده یاحسین
زینبون گوردی اورک یاندی اولاندا نوحه خوان
آغلادی زهرا آنان جنّت سراده یاحسین
صدقیلن گوزیاشی توکسه ماتمونده کیمسه گر
یراونا جنّت اولارروزجزاده یا حسین
هرمریضِ ناعلاج خاک مزارون آختارار
چون بولوردرمانینی خاک شِفاده یاحسین
توپراقی میل ایلماق گرچه حرام ایلوب خدا
لیک استثناسی وارنزد خداده یا حسین
معصوم ایچره تک سنون خاک مزاروندی حلال
وارنه لربو توپراقِ مشکل گشاده یاحسین
زائران قبروه قائل اولوبلارامتیاز
وارمحبّت زائره مَن لا یُراده یاحسین
ساخلانارایللر بویی بزم عزاحالاتیوه
گوزیاشی جاری اولارصبح ومساده یاحسین
جمع ایدرگوزیاشلارون زهرای مرضیه آنان
بزمه بانی دورحضوری وارعزاده یا حسین
هرمحرّم اون گونی ایوای حسین وای سسلنر
پیروبرنا شرکت ایلراول صداده یاحسین
آل طاهادی قیامتده شفیع عاصیان
وارگوزی عاصیلرون اهل کساده یا حسین
شافع روزقیامت سن اوزون اوغلانلارون
اسموون وارعزّتِی آل عباده یاحسین
ایستوری سیزدن شفاعت (عدلی) قورخورحشریدن
جان زهرا لطف ایله بو التجاده یاحسین
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
مقام ومنزلت حضرت سید الشهداء علیه السلام
آسمان دینه ای خورشید تابان یا حسین
عالم خلقتده ای محبوب جانان یا حسین
هادی ومصباح قرآن اُمّته فُلک نجات
سن همان مظلوم دین شاه شهیدان یاحسین
سیّدوسالارجنّت شافع یوم الحساب
دین وقرآنه اولوبسان تشنه قربان یاحسین
پایدارایتدون نمازی روزعاشوراده سن
اول نمازین دستمازی اولدی قاندان یاحسین
حکم تقدیره باش اگدون اگمدون ظلامه باش
عالمینه اوزمرامون ایتدون اعلان یاحسین
اهـل عالم مکتب حرّیتّوندن درس آلوب
انقلابات جهانه ویردون امکان یا حسین
اسم پاکون حفظ ایدوب حق دینینی پاینده دی
مکتب قرآنیده استاد شایان یاحسین
سن بیان شعریده دانای هرآهنگ سن
دشمنه سنسن چهارگاهه رَجَزخوان یاحسین
مشعل توحیدیدی عشقون بودللرده یانور
سن محبّت اهلینه بیرشمع سوزان یا حسین
مخزن حکمتده سنسن سرّمَکنون اولموسان
شاهد سرّوندی زینب سربداران یاحسین
عشق وایمان وعمل تخمون سپوپسن عالمه
برویروبدی برهم اتمزاسسه طوفان یا حسین
آچموسان راه سعادت کیم تمسّک ایلسه
حشریده محشور اولارهمراه قرآن یا حسین
بوینوموزدا طوق عشقوندی مدال افتخار
مست حُبّ عشقون اولموش چون محبّان یا حسین
کربلانی کعبۀ آمال ایدوبسن شیعه وه
آلتی گوشه اول مزارون رشک رضوان یا حسین
ایله احسان (عدلیه) بیرده جوازکربلا
یازدیقی اشعاریله اولسون نواخوان یاحسین
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
در مقام حضرت سید الشهدا علیه السلام
کیمدی ایتسون بیرقیامیله قیامت یاحسین
سنکیمی کیمدورایده خلقی هدایت یاحسین
نخل دینه کیمدی قان ویردی دیریتدی قرآنی
قلب لرده قرن لرایلورحکومت یاحسین
کیمسه کی زهرایه اولدی نوعین وشاه دین
بیرنگاهی عالمه ایلرکفایت یاحسین
اهل عزّتدی جهاندا کیم سنه عاشق اولوب
شیعه عشقونله ایدراحساس لذت یاحسین
آچدوقون مکتبدن آلدی عاشقان با وفا
سنکیمی استادیدن درس شهادت یاحسین
عشقوون بیماری چوخدی عشقون عالم گیراولوب
یاحسین هرکیم دیوب ایلوب سرایت یاحسین
خون شیرشیعیان عشقونله چون ممزوج اولوب
کسب ایدرعشاق عشقیدن شرافت یاحسین
دشمنه باش اگمه دون اگمزجهاندا شیعه لر
بی جهت دشمن ایدوراعمال قدرت یاحسین
پیروانون خط سیرون طی ایدوللرهرزمان
ایتماقا حاضردیلرتجدید بیعت یاحسین
حزبون حزب اللهیدی سن شیعه نین مولاسی سن
شیعه مولادن ایدر تنها اطاعت یاحسین
هانسی حزب ایچره اولوب بیرصودامرصاحب نظر
روز محشراصغرون ایلر شفاعت یاحسین
(عدلیدور) مورسلیمان تک الینده تحفه وار
جان زهراایت قبول ایله عنایت یاحسین
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
درد دل با امام حسین علیه السلام
اذن خدائیلن حسین بیرده گوزآچ جهانه باخ
خامه یازان مصیبته حُزنولی داستانه باخ
مهدی ظهوری ایستین کوفه لی چوخدی بوزمان
قلبی یزیدیلن اولان نامه لری یازانه باخ
قانیوی توکدی گرعدو ایندیده چوخدی قان توکن
پنبه کسن باشین قانین بی ثمنه ساتانه باخ
سن دیموسن یوخدی دینوزدنیادا مرد اولون باری
فکری پلید” زور دیینون” غارتینه تالانه باخ
صلح وصفا تاپولموری حاکم اولوب یزیدیان
بین دُوَل زمانه ده جنگ وجدل سالانه باخ
یعقوب اوشاق لاری گینه ال آچوری جنایته
چاهه سالورمین یوسفی دلده اولان یالانه باخ
چرخ فلک اوتانموری حامی اولوب یزیدلره
مقصدومقصوده چاتان زوری اولان خوخانه باخ
کسب ایدنون بعضیلری شرعینی بولموری هله
جنسی یغیللارآنبارا حرام پولا چاتانه باخ
بیع وشراده رسم اولوب آندایچیلور ولی یالان
آرشینا باخ ترازیه قیمته باخ قاپانه باخ
خلق آراسندا یوخ حجاب هرنه سویور ایدورعمل
جنّت وحقّی بوشلایب نارجهیم آلانه باخ
حفظ حجابه ایلدون دنیادا عالی انقلاب
یر یوزونی دوتوب فساد بیزده اولان ایمانه باخ
وقت اذان ظهر وشام چوخلاری اوزایشنده دی
حاضراولان نماز ایچون مسجده باخ اذانه باخ
واردی یازام دیم سوزوم یاپ آزینی دئدوم سنه
یازما قا قدرت ایستوری فکرت نا توانه باخ
یوردوم اگر بوسوزلره عفوایله یا حسین منی
ایستوری گویلی کربلا «عدلیه» عاشقانه باخ
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
عشق حسینی
عشق ومحبتون حسین قلب لره ویررصفا
خادم درگهون منم حاجتیمی ایله روا
محفل غملرونده من عزا دوتوب آغلاموشام
نوحه دیوب بوسینمی غم اودونا داغلاموشام
من دیمورم حسینیم عشقیوه دل باغلاموشام
سایوه دالدالانموشام سایوی کسمه ای شها
جان علی و فاطمه شافعیم اول روز جزا
عشقون اورکده حتک اولوب عشق دگرقاتماموشام
ساخلاموشام عزاسنه چوخ گجه لریاتماموشام
بعضی لری ساتوب سنی حسینیم ساتماموشام
عشقیمه ویر بها حسین سنسن عزیز مصطفا
جان علی و فاطمه شافعیم اول روزجزا
هریره ویردیلا علم منده گیدوب قالماموشام
دل یاراسی ویروبلا چوخ قلبیمه من آلماموشام
حیف اولاکربلاده من قبریوه قول سالماموشام
دفترعشقی دولدورب نوحوی یازموشام آقا
جان علی و فاطمه شافعیم اول روز جزا
عاشق اولان حسین سنه عشقی حقه نشانه دور
منکر اولان شفاعته منطقی احمقانه دور
عاصنی ایسترعفو ایده الده حقه بهانه دور
حشریده بیر نظر ایله سنسن اوگونده مقتدا
جان علی و فاطمه شافعیم اول روز جزا
یریوزونه امام اولان فکر ریاستی آتان
ایسی قوم اوسته سایه سیزآرخاسی اوسته ای یاتان
مطبخ خولیده گیدوب قانلی باشی کوله باتان
تحسین ایدن اولوب سنه روح تمام انبیا
جان علی و فاطمه شافعیم اول روز جزا
شأن و جلاتون حسین دهریده جاودانه دی
گلشن دین احمدی همیشه پر جوانه دی
ذکرمصیبتون سنون دیللره خوش ترانه دی
(عدلی) یازار نوحه سنه مجلسیوه ویرر صفا
جان علی و فاطمه شافعی اول روز جزا
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
عشق حسینی
قویما اسراریدن آگاه اولا بیگانه لری
ترک قیلما ره مکتب ره میخانه لری
یولووی کج ایلمه اوچ کیشی بیراهه گیدوب
باورایتمه دیولن دنیادا افسانه لری
دورت نفردن تک علی حقدی اونون شیعه سی اول
اودی رهبربوجهانه همی دُر دانه لری
جام عشقیندن ایچن تا به قیامت اولی مست
آختارارمیکده تا دولدورا پیمانه لری
بیراوغول گتدی جهانه توکی دنیایه دگر
عشقینی قلبه آلانلارگزی میخانه لری
کیمسه گرمن تک اولا مست لب لعل نگار
دولانی هاردا که وارمحفل شاهانه لری
آتش عشق حسینه آلوشوب کول کیمییم
سالموشام حیرته بویانماقا پروانه لری
تک نه من عاشقیم واردی چوخ عاشق اولانی
چکوب عشقی اوزونه عاقل وفرزانه لری
نه که چون خالقه بـوعاشقیدی روز الست
یغدی بیرگون باشینا دُرکیمی بیردانه لری
دهم ماه محرّمده آچوب مکتب عشق
بویانوب قانینه اوردا اودی مستانه لری
اهل بیتین آپاروب شامه اسیردشمن دون
ویردیلرمسکن اولا اورداکی ویرانه لری
غم عظما سینه گوزیاشی توکوب ارض وسما
آغلادوب اوزغمینه دهریده دیوانه لری
اوّلین بزم عزا قوردی حسینه باجیسی
دولانی اوزآناسی ایندی عزا خانه لری
اودی (عدلی) قوشولوب یانماقا پروانه لره
گزی هاردا شمع اولا هریری کاشانه لری
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
💐🌺💐
شاهد کرب وبلا سن یاحسین
آن که عمرش مرگ بود ومرگ عمرش زندگی
اخترخاک آشنای عـرش وهم وارستگی
آنکه عشقش تک خدا بود تابع عهد الست
هوالله احد گفت دست بیدادان شکست
درس عبرت داد وگفتا تا نگردیم لال وکور
نی کنیم ظلمی به مظلوم نی نهیم گردن به زور
ترکی
سن بودنیا هم او دنیا مقتدا سن یا حسین
سن بشرسن هربشردن ماورا سن یاحسین
سن شباب اهل جنّت سن امیرکاینات
پنج تن ایچره گل اهل کسا سن یا حسین
جدّون احمد باب پاکون حیدرو زهرا آنان
نورچشم حضرت خیرالنسا سن یا حسین
منزلی که پرورش تاپدون مکان وحی دی
شاهد احکام وآیات خدا سن یا حسین
عالِم کُلّ علومدان درسون آلدون سن تمام
دانش آموزعلی ” مکتب اُم القرا سن یا حسین
روح پاکون خلق اولوب آدم نبیدن چون ازل
برترازهرانبیا نورهُدا سن یا حسین
کربلاده اولمادی بیرجه مسلمان یاراولا
سالک حق شاهد کرب وبلا سن یا حسین
حقوی پامال ایدنلر روزمحشرسربه زیر
واقعا مظلوم تاریخ مثل حیدرمجتبا سن یا حسین
کاروان عـشقه رهبرمظهرعشق و وفا
سن حسن تک بیرکریم سن با سخا سن یا حسین
(عدلی ) پیرروزمحشر دست بدامن دورسنه
اذن اولونسا شافع روز جزا سن یا حسین
رباعی : (*)
درگاه شه تشنه همیشه بازاست
نازم به کسی که برحسین سرباز است
گر خرج کنی به ماتمش یک درهم
آن درهم تو به نزد حق ممتاز است
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
در مقام حضرت امام حسین علیه السلام
کاش گینه نصیبیم اولسون تا حریم کبریانی
عشق کعبه سین زیارت ایلیوم اوکربلانی
بومشیّت خدا دورخالق ایستیوب حسینی
تا گوره قتیل دونان شاه مُلک نینوانی
نه جمیل وعاشقانه قان ایچینده اولدی غلطان
باش قویوب ایدوبدی سجده گُستروب حقه وفانی
اوشهید معبد عشق اودی شاهد شهیدان
هامی عصرونَسله درس دین ویروب چخوبدی جانی
وارپیامی قاتیلیندن باشینی کسنده گوردوم
واردُعاسی لبلرینده ایستورحَیِّ لامکانی
شیعه سین دعا ایدوبدی رستگاراولا جهاندا
بیرده عفو قیل دییردی باش کسن بو آشنانی
دین قالا یرینده آخدی کربلا چولونده قانلار
قانویروب دیریتدی دینی ویردی پیروهم جوانی
سویلیوبدی مِنّه ذِلّهَ تا اولا شعارمکتب
باش ویروبدی اگمیوب باش قالدی دینی جاودانی
اوزمان که تیردشمن حلق اصغرینی بیچدی
ایلیوبدی مات ومبهوت آندولا حقه خدانی
آیرولاندا خیمه لرده گوزیاشی توکوب حرملر
اوج غمده گوزدن آتدی کون و کُلّ ماسوانی
قوی قدم گدای مسکین درشاه جان فدایه
که غنای روح بغیشلورسُیُوری شهی گدانی
خادم سفید موسن (عدلی) سن حسین مُریدی
یازبوسوزلری اوخونسا قلب لر تاپار صفانی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
در آرزوی جمال خدا
هر کیمسه که آرزوی جمال خدا ایدر
اوّل زیارت حسین وهم کربلا ایدر
عشّاق سینه چاک خداوند لا مکان
جمال یارکربلاده گوررالتجاء ایدر
جانلارفدا شش گوشه مرقد پاره پیکره
دنـیا گوزی اودور ُتربتینی توتیا ایدر
نه دلگشا حرم و صحن و بارگاهی وار
اول یردی که عاصی لرین دردینه دوا ایدر
درگاه قدسیده شاه شهید ابن فاطمه
درمان درد مریضان بی دست وپا ایدر
حیرتدیم که حـرم کربـلا اولا اولا
رضوانی زاهد آختاری نچون هی ندا ایدر
یا رب ندن ویروبلا قلبینه اوچ شعبه لی اوخی
بیراوخ که جهاندا شوروقیامت بپا ایدر
لعن خـدا قـوم لعیـنه تا روزحشر اولا
عاشوریده ذبح عظیم ایدوب من قفا ایدر
تولانسا جیفۀ دنیایه بیری بش گون عمروده
زهرانی آغلادار بلی حـسینه جـفا ایدر
خنجرچکوبدی شمر آیروا رأس امامی گور
کافرگورر بوامری نه فقط بی حیا ایدر
هموارایدوب حسین ره دین مردانه باش ویرب
مسلم اولان اُودی حسینینه اقتدا ایدر
اگمزحسین شیعه سی جبّارروزگاره باش
فکرایتمه عاشقی بوایشه چون وچرا ایدر
عـشق عـالمینده عاشق وتـابـع حسین
جانین فدای حسین شهِ گلگون قبا ایدر
سجّاده امراولونوب بابا سین دفن ایده گرک
امامدور بولر نـدن کفنین بوریا ایدر
قویوبدی مزاره آتـا جنـازه سینی امام
گوروبلراشکی رواندی خفاده نوا ایدر
عنایت ایتسه خدا گیدر(عدلی) مزارینه
اشکین توکرذخیرۀ روزجزا ایدر
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
عشقت رموز دلهاست
شاها اگـربرانی كوته شود چودستم
من دل به كه ببندم دل بردل توبستم
كجا روم ندانم آخـرحريمت آيم
غيراز توهرچه بوده از رشته ها گسستم
تومظهرحقيقت مُصباح ورهنمايی
مـن بـندۀ گـنهكار پيش توگرچه پستم
ازجام عشقت ای شه يك جرعه تا چشيدم
عشق تودروجودم همواره كرده مستم
مهرت به دل نشسته شاهنشه شهانی
غيراز ولايت توهرعهد را شكستم
تا دل به توچوبستم دل ازهمه بريدم
توشاهد اَلستی من برتوعاشق هستم
عشقت رموزدلهاست كافرندان چو گويم
غيراز خدای عالَم تنها تو را پرستم
ذات خدا مبرّاست پای خِرَد مرا لنگ
كافر نِيَم نمازم غيراز خدا نبستم
مادرمرا چومی بُرد دركودكی به بزمت
با شيرمادرم چون مهرت به دل ببستم
يـوم دهِ مـحـرّم دراوج غـم«وداعـت»
غم بردلم نشانده دركوی تو نشستم
چون كوی تونمك زارآيد سگ گنهكار
پاكش كنی چو« عدلی» گويد كه مادح هستم
جان علی اكبرهم اصغر ودو خواهر
دعوت نما بـراتی آيد شها به دستم
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
در مقام حضرت امام حسین علیه السلام
ای حسين ای كربلانی ايليين دريای خون
حُبّ عشقيندن ايچيردن مستی تا حد جنون
منحرف طوماری ای الله قانيلن پاك ايدن
كفرايوين بی سقف ايدوب قويدون قالاتا بيستون
كشتی جوروجفايه تا سواراولدی يزيد
گوردون اولماز ويرمه سن قان كشتی كفر واژگون
مكتب عشق آچدون آخرهمرهان سربازعشق
عشقه باخ نشر اولدی قرآن پايه سی امضاسی خون
ايلدون احيای دين نصب ايتدون عرشه تا ابد
پرچم اسلام اسرواللهی اولمازسرنگون
ويردون الدن واريوخون تك قالدی الده صود امر
اصغر اوخلاندی الونده خدمتون اولدی فزون
كسديلرباشون قفادن نيزده گلدون ديله
خصم قرآنی ايدوب رسوا اولوب خوار وزبون
زينبين قرآن سسون تا گويلون آلدی سسلدی
بوحجازی لحنوه قرآنيوه قربان باجون
سن اوخی سرنيزه ده تفسيری منلندی حسين
قوخمارام وار دورو برده گرچه بيحد خصم دون
قويدون حيران صبريوه اهل جهانی سن دانش
ايتموسن سودا رضای حقيلن بی چند و چون
بوغم عشقون جهانگيراولدی قارداش )عدليده(
باغلانوب زنجيرعشقه عقلی تا حد جنون
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
شافع روز جزاسن یا حسین
كشتی فُلك نجاته نا خدا سن يا حسين
دين حق قربانی هم خون خدا سن يا حسين
سن رسول اللهَ جان ونورعين فاطمه
شأنينه نازل اولان قُل اِنَمّا سن يا حسين
كعبۀ اميد سن مُحرم اولان عاشق لره
مشعروهم مروه و ركن صفا سن يا حسين
ياحسين هركيم ديسه معجزگوررحق ديده سی
چون توسل ايليوب باب شفا سن يا حسين
نا اميد اولسا مريض گراوزطبيبيندن بيری
دفعتاً سسلر آدون ذكر دعا سن يا حسين
معرفت درياسی سان كان كرم حبل المتين
خط عشقه سن دليل و رهنما سن يا حسين
ذبح اعظم باشون اولدی ليك نوك نيزه ده
معجزه ويردون نشان معجزنما سن يا حسين
ويردون انگشترهمی بارماق آپاردی ساربان
سن خداوند محبّت هم عطا سن يا حسين
راهبی ديرايچره سن ايتدون مسلمان خالقه
سن تمام بيگا نگانه آشنا سن يا حسين
بيرنگاهون ظلمت وتاريكينی ايلرسحر
سن يدالله اوغولوسان مشكل گشا سن يا حسين
كيميا اولسا اگرتوپراق ديوللر زراولار
تربتونده چوخ اثر واركيميا سن يا حسين
قیل نظربو(عدلیه) قورخور قیامتدن حسین
محرم دل شافع روز جزاسن یا حسین
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
دنیادان آز ده منه
اصغر فرشچی ( عد لی تبریزی)
دنيادان آز ده منه دل اونی بيگانه بولر
گلشن و باغ وچمن اولسادا ويرانه بولر
سفله پروردی زبس سينه ده چوخ كينه سی وار
دَلينی عاقل حساب عاقلی ديوانه بولر
عاشقين عمده هدف عشقيدی معشوقه سينه
داغا فرهادی چوله مجنونی مستانه بولر
گُلدی شوره گتورن بلبل شيدانی اوخور
شمع يانار اشكی آخاربيراونی پروانه بولر
بت لاری سند يرا عاشقدی خليل واهمه يوخ
عشقی صادقدی يانان آتشی گلخانه بولر
يوسف مصريده حسنی يارادان عشقيدی عشق
او زُليخانی سالوب درده شررجانه بولر
يوسفون پيرهنی معجزايدرعشقينه باخ
چشم يعقوبه شفا دورگله كنعانه بولر
عاشق ايلرجاننی عشقه فدا مثل حسين
هم اوزون هم بالاسين فديۀ جانانه بولر
دهم ماه محرّمده ويرر دارو ندار
دنيانون مهرومحبّت لرين افسانه بولر
سْیودوقوندان ره حقده او ملك منظرينی
شاهدِ اوّل علی كبری دردانه بولر
عاشق عبّاسیدی قارداش بالاسی ايستدی سو
ويره جان دولدورا مشكين ره مردانه بولر
اودی دل عاشق جانانه اولان عاشقيدی
مهرين الله دی سالان قلبينه جانانه بولر
حُبّ عشقيندن ايچيردر اونا ساقی مِی ناب
مست ايدر تابه قيامت دولی پيمانه بولر
گرچه ويرانه دی دل مُلك حسين عشقيدی گنج
سيم و زر ايستموری دل اونی فرزانه بولر
يازولوب «عدلی» آدون دفترعشق ايچره سنون
قلمون دل اونا جوهر مِی وميخانه بولر
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
درگاه حضرت سید الشهدا علیه السلام
بوحسين درگاهونون انس وملك دربانيدی
ساخليين قرآن ودينی بوحسـينون قانيدی
پايمال اولـمازحسـينون قانی ثاراللهيدی
تا قيامت بزم غم وارشيعـه لرگريانيدی
عشقی وادارايليوب دورگلموسن بومحفله
آندولا اوزجانينه بول بوحسين احسانيدی
آغلادا يا آغليه هرگوز حسينه صدقيلن
صادق آل محّمدندی سوز سرمايۀ غفرانيدی
جمع ايدر گوز ياشلارين صديقۀ زهرا اوزی
حشريده زهرا الينده اشك وغم عنوانيدی
اذن آلار زهرا اوگون بيربيرشفاعت ايلسون
جنّت اولموش يِرسنه لطف ايليين يزدانيدی
تابع الله اولان مولا حسين تك يول گيدر
ذلّتی اتمز قبول چون عزّتین خواهانیدی
امرايله معروفه نهی ايت منكری سلطان دين
امر برمعروف و نهی از منكـرين قربانيدی
تاِرك صُوم و صَلواة اولمازحسينون عاشقی
قورتاران اوددان اونی تقـوا نمـاز ايمانيدی
قيل جماعتله نمازون درك ايله فيض حضور
اِيْلَه مزضـايع بو امری خالـقون رحمانيدی
روزعاشورا نمـازخوف قيلدی گوردولر
صف چكن سينه سپراوز قانينين غلطانيدی
هم نمازوهم شهادتله حسين اعلان ايدوب
اولمياخ كاهل نمـازه شرعيده نقصانيدی
بوحسينون نهضتی حفظ حجاب اوسته اولوب
بد حجاب و بی حجاب رسوای هر دورانيدی
باش ويرون باش اگميون ظالم لره آزاده لر
عزّته دارا اولـون سيز بو حسـين فرمانيدی
اگـميوب باش زادۀ زهـرا زياديـن اوغلونا
ويردی باش قانی توكولدی دين حق قربانيدی
تاپشوروب حفظ حجابی زينبه ايتدی وداع
حافـظ ناموس زينـب خالـق يـزدانيـدی
ذوالجناح اوستن دوشنده شاه مظلومان يره
ابرغمدن سايه دوشدی نينوا طوفانيدی
اوّلـين بـزم عـزا شـاه شهـيدانـه قـوران
زينب اولموش كربلا ده سوزلری سوزانيدی
اللری باشداد چخوبدورخيمه دن گلسون گوره
بيرچخور يرده حسينی قانلی بير ميدانيدی
آی كيمی دوشموش خسوفه گوردی قارداشی ياتوب
سينه ده انجم دوزولموش قانيله الوانيدی
ردّ ايدوب آلات حربی تاپدی تا قارداشینی
گوردی چوخ ياره ويروبلار گل كيمی خندانيدی
سسلدی آچ گوزلرون دور قادراشيم من زينبم
آچمادی آچمازدی قارداش پيكری بی جانيدی
ياتدوقی يركربلا آدلاندی «عدلی» وارشفا
توپراقوندان كيم يسه بول دردينون درمانيدی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
حسین مکتبی
سبک : اگر صبح قیامت را شبی هست …. حسین تعجیلیله گیتمه ….و سبک های دیگر…..
آچوب مكتب محرمده حسين دين اوسته عنوانی
سالوبدورحيرته اوزمكتبيندن اهل دنيانی
حسيـن جانـم حسيـن جانـم
ويروب آزاده ليق درسين عمل ايتدی ديين درسه
گچوب بيرگونده واريوخدان اولوب قربان آخوب قانی
آخان قانی يازوب يرده بومطلبدن اولاخ آگاه
بشـر آزادليقـی ويرسه گـيدر حيثيّتـی جانی
شُريحين اولدی فتواسی يره ناحق بوقان آخسون
آخوب دين گلشنون آباد ايدر پاينده قرآنی
يزيد كافروناكس اوتوردی مسند حقده
ويروب اود تا يانارعالم چكوب افساده دنيانی
اگرحاكـم يزيد اولسـا تمايـل ايلر افساده
اومسنددن اوزاق دورسون اولارحكمونده نقصانی
يزيده باشنی اگموب حسين تا واردی جان اگمز
بوملعونه ايدن طاعت ويروب دينون هم ايمانی
حسينون نهضتينده شركت ايتدی مرد انسانلار
ويروبلـربيرنمايش قالدی دنيا اهلی حيرانی
اولوب زينب اونا حامل هم اولدی عامل وحامی
يتوردی خلقه قارداشی اولوب جانانه قربانی
بودنياده قوری بيرآد قالار «عدلی» بوانسانه
فقـط عقبايه فكـر ايله هميشه اول نوا خوانی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
در مقام امام حسین علیه السلام
کیمدی بوعشقی حسینون عشقینه همتا اولا
آختارارسان تا قیامت زحمتون بیجا اولا
كيمدی جدّی احمد اولسون حيدرصفدر آتا
مجتبی قارداش اونا هم مادری زهرا اولا
كيمدی مخلوقات ايچينده عالم امكانيده
جان ويره الله يولـونـدا سيّـد و والا اولا
كيمدی جدّی اشرف الناس خاتم پيغمبران
خاتم عشاق اوزی معشوقه سی يكتا اولا
كيمدی اوغلی قارداشی باب الحوائج آدلانا
خواهری نسوان ايچينده شير بی پروا اولا
كيمدی ايرمی يدّی ايلده بسليه بيرنوجوان
خُلـقاً وخَلـقاً شبيه مصطـفی طاهـا اولا
كيمدی قبری رشك فردوس برين وعرشيان
تُربَتی درده دوا هم سجـديـه اولی اولا
بوحسيندی شيعيان ايچدی شهادت شربتين
كاش شهادت سرّنا عالم هامی دانا اولا
بوحسيندی چكدی حَراّجَه بوتون كالاسنی
بولدی اصلاً فرقی يوخ گر پيراولا برنا اولا
بوحسيندی همتی بی انتها و انقلابی بی نظیر
تا قيامت زنده دی گـرماتمی برپـا اولا
من حسيندن بوحسين مندن بويوردی مصطفی
قول ما يَنْطُق هوادن بوسوزی امضاء اولا
لعنت انس ومَلك اولسون اوكس لرحالينه
شرعه بدبين بی حجاب بد خواه بو مولا اولا
بارالها فضل واحسانون عطا ايت «عدليه»
راضی اولما چوخ سنا روزجزا رسوا اولا
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
🌺🍃🌼 🍃🌺
در مقام حضرت امام حسین علیه السلام
ثاری ثارالله اولان قرآنه قربـان يا حـسين
ای هدايت چرخـنه بيرماه تابان يا حسين
ايستيوب الله منی تا من هواخواهون اولام
عشقيوه پابستيم وارمنده ايمـان يا حسين
مين جانيم اولسا اگر جانيم فدا اول جانیوه
ای صفا بخش قلوب ای جان جانان يا حسين
اولموشام خاك نشينِ درِِ درگاهون آقا
ای عزاخانه لری روضۀ رضوان يا حسين
محفل غملردن حتماً فاطمه عطری گلر
واردی مجلسده حضوری چون پريشان يا حسين
من قاپوندا خادمم واضحدی كه خادم منه
خاذن جنّت مطـيع امر وفرمان يا حسين
باش يارلـی نيزه ده قـرآن تلاوت ايلدون
ای ياراسی گُل باشيندا لاله نُعمان ياحسين
بسكه ماتم زديم فاطمه اوغلی سنه من
كربلا جلوه نورگلـشن ويران يا حـسين
جوردشمن چمن و گلشنوی ايتدی خزان
گوزياشی اولدی منه ابربهاران يا حسين
نيليوم خسته دی دل غملرين اوستونده منيم
بو وفا رسميدی دردون منه درمان يا حسين
دئدون ای حرمله سو ويربالاما ياندی بالام
اوخ آتوب ويردی جواب شعبه لی پيكان ياحسين
قان سپولدی گويه گر قطره سی گلسيدی يره
برهم اولموشدی كواكب كون وامكان يا حسين
(عدليم) اصغريوين جانينه قرباندی جانيم
غملی محفلده ديين نوحوی گريان يا حسين
واردی بيرخردا قزيم دردی اورك ياندوروری
ايسته آللهدان ايده دردينه درمان يا حسين