میلاد حضرت امام موسی کاظم علیه السلام
حاج اصغر فرشچی (عدلی تبریزی )
.
گلدی صادق بالاسی جهانه
دوندی دنیا بو گونده جنانه
دولدوروب عطرینی هر مکانه
ماهِ مُنوّر= اللهَه مَظهر
آچدی بودنیایه گوزون
موسی بن جعفر
.
کر :
باب حوائج موسی بن جعفر
.
بیت صادق اولوب نوره پر نور
اهل عشقین اولوب قلبی مسرور
دشمنون کاش اولا گوزلری کور
شهرتی رایج = درده معالج
نام نیکوسی آدلانار
باب الحوائج
.
.
گوزلروز روشن ای اهل عالم
گلدی موسی اولا شاه اعظم
وارث دین و قرآن و خاتم
مِهرَه مثلدی=چون بی بدلدی
دنیانون اهلی بولوری
گلدن گوزلدی
.
.
شکر اولا خالق مهربانه
حُجّتین یوللادی بو جهانه
مژده اولسون بو گون شیعیانه
بو مه انور= روحی مطهر
گلدی اولا آتا کیمی
عالمه رهبر
.
.
گورمیوب روزگار بیر بیله گل
عارضی لاله تک زلفی سنبل
سایه سینده گلوب شوره بلبل
خورشیدسرمد= عزیزاحمد
پیرایه ویردی عالمه
گل محمد
.
.
یر یوزی نورونا دولدی نوره
حالت رشک یوز ویردی حوره
گلدی بلبل گلستاندا شوره
قامتی دلجو=کاظم خوش خو
عالم علمه آفتاب
سیرتی نیکو
.
.
معدن جود دورکنز رحمت
باب حاجات و هم کان رأفت
هفتمین پیشوا دینه حجت
خالق سبحان=صاحب رضوان
لطف ایلیوب بوبالانی
شیعیه احسان
.
.
حق اونا چون ویروبدی امامت
مسلمینی ایدر دوز هدایت
تابعانی تاپار تا سعادت
مِهرهِلالی=حُسن وکمالی
واردی بوکاظم امامون
شأن و جلالی
.
.
سجن لرده آچار جا نمازی
روزو شبلر قیلار حق نمازی
آغلادار کونی سوز و گدازی
به حکم نادان= بدون برهان
یر ویرولر او سروره
گوشۀ زندان
.
.
هر باغون باغبانی گلی وار
عاشق گل اولان بلبلی وار
خادموز عدلینون مشکلی وار
درده دواسن= کان سخاسن
مشکلی واردی حل ایله
مشکل گشا سن
باب حوائج …..
.
🌼
🌾🌼
🌼 🌾🌼
🍃🌿🌸 🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
در مدح حضرت امام موسی کاظم علیه السلام
حاج اصغر فرشچی (عدلی تبریزی )
.
کیمدی موسی یوسف زندانی آل عبا
یدّیمینجی پیشوا دور بعد ختم الانبیا
.
عصمت کبرای حقّه زُهرۀ هفت آسمان
شرزه شیر بیشۀ مولا علی المرتضا
.
وارث صبر حَسن آئینۀ حُسن جمیل
چون حسین بن علی مست می قالوبلا
.
سجده گاه عشقیده مانند فخرالسّاجدین
مستجاب الدعوه عابد ایلیینده هر دعا
.
صادق آل مُحمّد فقهینه وارث اولان
سینۀ سینای دینه بیرکلیم بی عصا
.
دوشدی صیاد ستمگر دامینه اولدی اسیر
سِجنیلرده ظلم ایدوب هارون بی شرم ودغا
.
آه جانسوزی قلوب مؤمنینه گرم بخش
سالک قرآن مسیری مسلمینه رهنما
.
نالۀ شبگیریسی شمشیریدن کسراقیدی
ظالمه پَرخاش ایدن مظلومه دیلدن هم صدا
.
یدّی ایل یا اون بیرایل زندانی اولدی بی گناه
مَحبسی تاریک و زندان بانی بی شرم وحیا
.
قویمیوب راحت قالا ویردی اذّیت روز و شب
تازیانه یرلری اوخشادی زهرایه اولان حِصن ولا
.
رهروان دینه اولدی بو پیام آخری
حفظ قرآن اوسته اولدوم کشتۀ زهرجفا
.
اولدی چون دردی مزید زهرایلدی جسمه اثر
یوز دوتوب معبودینه عرض ایتدی معبودیم خدا
.
یورقونام قورتار منی ملحق ایله اجدادیمه
من غریبم بی کسم ای خالق عرض وسما
.
نچّه ایل دور حسرتم اولادیمون دیدارینه
صون نفسده باشیم اوسته کاش اولا اوغلوم رضا
.
آختارار چون جان ویرن اوز سویدوقون رحمان حق
حاضرایتدی اوغلونی چون مستجاب اولدی دعا
.
باشنی آلدی آتانون دیزلری اوسته اوغول
عرض ایدوب گلدیم بابا جانیم سنه قربان اولا
.
ای دوزن درد و بلایه آختاران ایستکلی سین
بو منم باشون دیز اوسته آلموشام دینه فدا
.
ایش برعکس اولدی ندن کربو بلاده بولمورم
باشنی آلدی دیز اوسته نو جوانین چون آتا
.
باخدی گوردی ممکن اولماز حمل اکبر دوغرانوب
یغماقا نعشین یره آچدی یر اوسته بیرعبا
.
نچّه ایل زندانیده حسرت قالان اولادینه
ای اولان باب الحوائج اللری مشکل گشا
.
بزم ماتم مسکنی دلده شعاری یا حسین
«عدلی» دوریازدی عریضه دلده غم ایلور نوا
.
وارمریضه بیر قزی سن بول قزون معصومیه
دردینین درمانین ایسته تا ویره الله شفا
.
🌼
🌾🌼
🌼 🌾🌼
🍃🌿🌸 🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
شهادت
زبانحال حضرت امام کاظم علیه السلام
حاج اصغر فرشچی ( عدلی تبریزی)
سبک: دولدوروب_جهانی_واحسین_صداسی
اون بیر ایلدی اولموش
تیره روزگاریم
حبس خانه ده یوخ
یار و غمگساریم
.
زهرکین اثر سالدی
بو قراریمی آلدی
.
خستیم الهی
.
.
تیر غم لرایتدی قلبیمی نشانه
اون بیرایل دایاندیم گلمدیم فغانه
داشدی کاسۀ صبرگلموشم بیانه
قدخمیده اولدوم قالمور اختیاریم
.
یوخدی حالیمی سوروشان
منله بیرگلوب دانوشان
خستیم الهی
.
.
بلبلم که اولدوم آیری گل چمندن
ظلمیله کناره دوشموشم وطندن
سِندچکموری ال بو نحیف بدندن
یاندورور وجودی نارغم شراریم
.
مونسیم غم اولدی منه
حسرتم خدا وطنه
خستیم الهی
.
.
بولمورم الهی منده وار نه تقصیر
مجروح ایلیوبدی یوینومی بوزنجیر
زهرکین ویروبلر ایلیوبدی تاثیر
یتوشوبدی ایندی عرشه آه و زاریم
.
سیجنیلرده محبوسم
درد و غمله مأنوسم
خستیم الهی
.
.
تو به تو نمین یرایلیوبدی بیمار
ظلمت ایچره یوخدی بیرنفرپرستار
لطف ایله الهی آل بو جانی قورتار
آه ناره یاندی بو دل فکاریم
.
زهریله منم مسموم
بی دوا و هم مغموم
خسنیم الهی
.
.
.
اود ویروبدی یاندیم زهرکین شراری
قویمیوبدی قالسون سینمین قراری
توش اولوب خزانه عمرومون بهاری
هرگونوم خزاندی اولمادی بهاریم
.
یاتموشام قوری یرده
عضو لرگلوب درده
خستیم الهی
.
.
کونده نی ایاقدان ای خدا آچان یوخ
درده مبتلایم دردیمی قانان یوخ
پیراولوب وجودیم طاقت وتوان یوخ
واردی دیلده الله غم بی شماریم
.
بوینومی کسوب زنجیر
ایلیوب منی دلگیر
خستیم الهی
.
.
حبس خانه لرده دوزدوم هر بلایه
اهل کین آچوب ال هر خطا جفایه
کاش چاتا بویرده عمروم انتهایه
ظلمت اولدی بوردالیل وهم نهاریم
.
ظلم اولوب دویونجا منه
دوزموشم غم و محنه
خستیم الهی
.
.
روحیمی یوروبدی ای خدا بو غربت
اولمادی اولام من بیرگونومده راحت
گورماقا رضانی وار اورکده حسرت
گلموری خدا بس دینه جان نثاریم
.
هاردادی رضا گلسون
شرح حالیمی بولسون
خستیم الهی
.
.
دؤنن ای نهاری لیل تاره موسی
قلبی درد و غمدن پاره پاره موسی
«عدلی» خادموزدی ائت نظاره موسی
دیوری عراقدا واردی شهریاریم
.
کاظمین گویول ایستر
بیر برات اوزرون گوندر
خستیم الهی
.
🌼
🌾🌼
🌼 🌾🌼
🍃🌿🌸 🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
زبانحال حضرت امام کاظم علیه السلام
سبک: همه_جا_بروم …
.
.
گل آنا یا زهرا بغداده زندانه
موسی ابن جعفرون جان ویرورجانانه
گل اُوزون آغلا سینوی داغلا
باغلین یوخدی گوزومی باغلا
گل آنام زهرا گل آنام زهرا
.
.
محبسیم قارانلوق اولموشام ناتوان
غریبم جفای زهریدن باغریقان
یوخ منیم بو حالدا حالیمه بیر یانان
گل اُوزون آغلا سینوی داغلا
باغلین یوخدی گوزومی باغلا
گل آنام زهرا گل آنام زهرا
.
.
سن اوزون بولورسن بی گناهم آنا
بو ظلمی دوشمنیم منه گوردی روا
یاندوروب قلبیمی ویردی زهر جفا
.
گل اُوزون آغلا سینوی داغلا
باغلین یوخدی گوزومی باغلا
گل آنام زهرا گل آنام زهرا
.
.
بیر نفریوخومدی منی یاده سالسون
شریک غم اولسون دردیمدن آزالسون
آز قالورگل کیمی صورتیم سارالسون
گل اُوزون آغلا سینوی داغلا
باغلین یوخدی گوزومی باغلا
گل آنام زهرا گل آنام زهرا
.
.
گوزیاشین اورک قانینه قاتارام
ترابه یوقویوب جدّیم تک یاتارام
هامی عالمی گوزدن آنا آتارام
گل اُوزون آغلا سینوی داغلا
باغلین یوخدی گوزومی باغلا
گل آنام زهرا گل آنام زهرا
.
.
غم هجران یوروب نه وار غمگساریم
نه رضا یانومدا نه واردی قزلاریم
گلسه اوغلوم اولارهمدمیم غمخواریم
گل اُوزون آغلا سینوی داغلا
باغلین یوخدی گوزومی باغلا
گل آنام زهرا گل آنام زهرا
. .
🌼
🌾🌼
🌼 🌾🌼
🍃🌿🌸 🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
زبانحال حضرت موسی ابن جعفر علیه السلام
حاج اصغرفرشچی(عدلی تبریزی)
سبک: زینبم_جان_اوستیم
(و4 سبک سینه و زنجیر زنی تک ضرب )
اون بیر ایلدی سجنیلرده من گرفتارم خدا
بستۀ زنجیر و کنده قِیدِ مسمارم خدا
اُلدوروردی شیعه نی تسلیمی اولدوم دشمنه
حبس ایدوب زندانیده ظلمون عیان ایلور منه
زهریلی خرما یدور دوب گلموشم من شیونه
ظالم هارون سالدی دیلدن بی پرستارم خدا
حق دانیشدیم حق دیدیم چون حق کلامی مو به مو
ایتدی زندانی منی هارونیده یوخ آبرو
یر نه یر زندان نه زندان چوخ قرانلوق تو به تو
مونسیم ذکر و دُعادی چشمی خونبارم خدا
اون بیر ایلدی روزوشب الله اولوب بوردا سوزوم
هی ویروبلار قویمیوبلار تا قالا منده دوزوم
ایندی جان اوسته رضانی ایستوری گورسون گوزوم
هجرالیندن گر چه یاندیم من فدا کارم خدا
بادۀ غم بس ایچیردوبلر منه یوخ دور توان
بولسه معصومم وطنده ایلییر اشگین روان
محبسیم تاریک و نمناک یوخ منی یاده سالان
محنت جور و جفای مردم آزارم خدا
زهر کین سالدی ایاقدان طاقتی الدن آلوب
باغبان سِند اولدی زهرانون گلون دیلدن سالوب
یوخ دیین موسی بن جعفر هاردادی هاردا قالوب
شهر یثربده قزیم اوغلوم عیال وارم خدا
سند ظالم دینجلم ویرمز منه لحظه امان
هی ویرار سیلی منی ایلر بو یرده باغریقان
صاحب عصرم ولی دوندردی یوز دورزمان
من گُل پژ مردۀ اسلام و گلزارم خدا
بیر نفر اولماز منه بو یرده اولسون غمگسار
جور دشمن گچدی حدن قالموشام زیر فشار
آیۀ لا تقنطودن دلخوشام امیدوار
دین و قرآنه بو یرده من طرفدارم خدا
من قرانلوق یردیم گورمز گوزوم ویرسام قدم
سسلرم دیلدن آنامی تا گله زهرا ننم
آخرین لحظه اگر تاپسام رضانی وارنه غم
«عدلی»یاز من بو مصیبتده گرفتارم خدا
🌼
🌾🌼
🌼 🌾🌼
🍃🌿🌸 🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
زبانحال حضرت امام کاظم علیه السلام
حاج اصغر فرشچی تبریزی
سبک :: ای_قلم… جامه_عشقیوی… _کاروان_رفته…
مرحوم مطهری و ……
.
تیره دور ای خدا روزگاریم
یوخدی بو سجنیده غمگساریم
زهرکین بیر شرر سالدی جانه
سلب ایدوبدورتوان یوخ قراریم
خستیم خستیم ای الهی
گویلوم ایستورگورم من رضانی
.
.
بلبلم اولموشام گل چمندن
آیری سالدی عدو ایل وطندن
ظلم الین چکموری سِند مندن
هی ویرور قالموری اختیاریم
.
.
ال آچوب اهل کین هر جفایه
دوزموشم حبس لرده بلایه
عمرومی کاش چاتاانتهایه
لیل تاریک دور هر نهاریم
خستیم خستیم ای الهی
گویلوم ایستورگورومن رضانی
.
.
بو نمین یر منی ایتدی بیمار
ظلمت ایچره یوخومدی پرستار
کیم غریبی گلوب بوردایوخ لار
هرگونومدی خزان یوخ بهاریم
خستیم خستیم ای الهی
گویلوم ایستورگورم من رضانی
.
.
واردی منده الهی نه تقصیر
ایلسون بوینومی یاره زنجیر
ایلیوب زهرکین جسمه تأثیر
عرشه چاتدی خدا آه و زاریم
خستیم خستیم ای الهی
گویلوم ایستورگورم من رضانی
.
.
یادینه من غریبی سالان یوخ
کوندنی بوایاقدان آچان یوخ
محبسیمدن منی قورتاران یوخ
واردی دیلده غم بی شماریم
خستیم خستیم ای الهی
گویلوم ایستورگورم من رضانی
.
.
ایخدا روحومی یوردی غملر
من رضانی گورم ایت عنایت
ایلییه صون نفس منله صحبت
قالمیه حسرتیم غم شراریم
خستیم خستیم ای الهی
گویلوم ایستورگورم من رضانی
.
.
ای نهاری دونن لیل تاره
درد و غمدن اولان قلبی پاره
خادموز «عدلیه» ایت نظاره
مشگلوم وار دیور شهریاریم
خستیم خستیم من الهی
گویلوم ایستورگورم من رضانی
🌼
🌾🌼
🌼 🌾🌼
🍃🌿🌸 🌾🌼
🌿🍃 💐🍃🌿
🌸🍃🌾🌼
🍃🌾🌼
🌾🌼
🌿
شام غریبان حضرت موسی بن جعفر
علیه السلام
سبک: _ویرانه_ده_نازلو_بالام
یابن الحسن جدون بوگون اسلامه قرباندی
گل کاظمینه دوت عزا شام غریباندی
زهرا نوا خواندی
.
.
باش ساغلیقی ویرّوخ سنه حالون پریشاندی
موسی الرضاتک غُصّه دن قلبون دولی قاندی
ماتم دوتوبدور شیعه لر نالان و گریاندی
گویده ملک لر آغلاشور محشر نمایاندی
.
.
اجداد پاکون هم آنان جنّاتیده آغلور
شام غریبان ساخلیوب زهرا اورک داغلور
اشک غمین عاشقلرون رخسارینه باغلور
باشون سلامت مهدیا شام غریباندی
.
.
محبسده قلبین غم اوخی ایلردی نشانه
گوردی اذیّت لر ولی گلمزدی افغانه
چون دولدی صبرین کاسه سی عرض ایتدی جانانه
آل جانی موسادن خدا قلبی الولاندی
.
.
قالدیم نچه ایل سجنیده من اولموشام بیمار
یرتو به تو ظلمت سَرا سنِد ایلیوب آزار
لطف ایله خالق جانی آل یا سجنیدن قورتار
یثریده وار نچه بالام گریان و نالاندی
.
.
بیربلبلم که دوشموشم من آیری چمندن
حکم قضا آیری سالوب ایل لردی وطندن
سندین جفاسی سلب ایدوب هر قدرتی مندن
رحم ایلمور بو تابع اشرار و دوناندی
.
.
هانسی عمل بولمم خدا اولدی منه تقصیر
مجروح ایدوب کونده ایاق هم بوینومی زنجیر
جسم نحیفه ایلیوب زهر جفا تأثیر
بو مشکلی حلّ ایلیین جانانه جاناندی
.
.
گویلوم رضانی ای خدا آخر نفس ایستر
گلسون امامت تاپشوروم سن حجتون گوندر
مندنصورا بو امته اولسون گرک رهبر
گرچه بو هجراندان اونون قلبینده طوفاندی
.
.
خادم به درگه (عدلیدور) دلدن هواداریم
ایستور اولا بیرده خدا بویرده زواریم
نوحه دیسون با صدق دل اولسون عزاداریم
جدّیم حسینه عمردور دلدن نوا خواندی
قلبی دولی قاندی