🌿🌸🍃🌾🌼
🌸🌾🌼
🌾🌼
🌾
در احوالات حضرت فاطمه علیها سلام
🍃🌿🌸🍃🌾🌼
🌸🌾🌼
🌾🌼
🌾
زبانحال حضرت فاطمۀ زهرا علیها سلام
.
.
سبک: ای ویرن ویرانه یرده … گلپونه ها …
من مانده ام تنهای تنها…..
.
باغبانم باغ عشقه دویمادیم اوز گل لریمدن
بوغمه بلبل لرآغلار آیری دوشسم ائل لریمدن
.
باب کینه مِحنت وغم تا آچیلدی باغبانه
دست ظلمیله ویرولدی سیلی وهم تازیانه
.
من بتول مصطفایم همسرشیر خدایم
من گل باغ رسالت خار الینده پرپر اولدوم
یاندی درگاهیم یاناندا ابرتک آلامه دولدوم
پشت درده تا یخیلدیم گل کیمی اول یرده سولدوم
.
یوزکبود بوسینه ده وارسوزش مسمار یاراسی
قویدی مادرسیزجهاندا زینبی ثانی جفاسی
.
من بتول مصطفایم همسرشیر خدایم
داندولار مولا علینون حقینی درده دچارم
من ولایت اوسته محزون هرگجه شب زنده دارم
من مرید شاه مردان شهریار تاجدارم
.
سسلرم گلسون او مولا گویلومی بویرده آلسون
ایلسون قرآن تلاوت غصه و دردیم آزالسون
.
من بتول مصطفایم همسرشیر خدایم
عمرکوته ده من آچدیم مکتب عشق و محبت
ویرموشم نسوانه درس عفّت و حُجب و دَیانت
حیف مثل لیلۀ قدر قدریمی بولمز بو اُمّت
.
خسته جسمیم نصف شبده تا گیده تاریک قبره
بش بالام آغلارسرشکین اوخشادار بیرقاره ابره
.
من بتول مصطفایم همسرشیر خدایم
ربِّ گلهای امیدم باغ حُسنون باغبانی
اورگدن درس حجابی فکرو بینش هم بیانی
بسلیین آغوش نازه دین فدا و قهرمانی
.
بوحسین شمع حقیقت عشقینه پروانه زینب
دورشمعه یاندورار پرعاقل و فرزانه زینب
.
من بتول مصطفایم همسرشیر خدایم
ثانی تا اود ویردی یاندی باب وحیه من دایاندیم
زخمدار اولدوم قاپومدا قانیمیله من بویاندیم
کربلانون محنتیندن بوغمی من سهل ساندیم
.
وارباشوندا بو حسینون کربلانون ماجراسی
یوم عاشوراسی الده اوخلانان عطشان بالاسی
من بتول مصطفایم همسرشیر خدایم
وارنقدری (عدلی) عمرون الده خامه فرصت ایله
عشقینی قلبینده حکّ ایت نوحه سین یاز هِمّت ایله
نوحه خوان اول بزم غمده درگهینده خدمت ایله
.
توک گوزون یاشین عذاره آغلا آغلات عاشقانی
جمع ایدیم گوزیاشلارون من سنده اول بوامره بانی
.
من بتول مصطفایم همسرشیر خدایم
ایـّام فاطمیه
اصغر فرشچی ( عدلی تبریزی)
بضعۀ طاها غمینده داغ اولوب بازارغم
صحن دنیانی دوتوب ای شیعیان انوارغم
دخت پیغمبر یوموب گوز آغلوری مولا علی
آغلادوراول دوت بالانی درد سنگین بارغم
بیر گولی باغ رسالتدن اولوب پرپر بوگون
بلبل آغلورگلشن عشقی اولوب گلزار غم
عرش وفرشی غم دوتوبدورغملیدی افلاکیان
غم شراری چون سالوبدی ماسوایه نارغم
چون نظام آفرینشده قویوبدی غم اثر
قدسیانه هم یتیشدی بوزمان اخبار غم
اوّل وثانی اولوب بعد از پیمبر مُنحرف
ظلمیله عرش خدانی ایتدیلر تالار غم
اجتماع شومیدن بدعت دوتوب سنّت یرین
مسلمینه تا قیامت واردی بو طومار غم
برهم اولدی انتظام دین یاراندی اختلاف
اوچ نفرباعثدی اولسون دهریده کردارغم
ظلم ثانی لرزه سالدی عرش رحمانه اوگون
تیتردیب عرش خداوندی همان اسرارغم
آتش افروزاولدی ثانی چون دفاع ایتدی بتول
درب ودیواروفشاره قان توکوب مسمارغم
بیعت اوسته یانمییدی گراوگونده باب وحی
کــربــلاده اولمازیــدی زینبه آثـار غــم
بـارالـهـا آنــدویـرّم کـربـلا سلـطـانـیـنـه
امرایله صاحب زمان مهدی گله غمخوارغم
مالک یوم جزاسن رحم ایله بو «عدلیه»
قورخوری محشرگونی اولسون دلی خونبارغم
ششم دی ماه 1400
https://t.me/adlitabrizy
🍃🌿🌸🍃🌾🌼
🌸🌾🌼
🌾🌼
🌾
در مقام حضرات علی وزهرا علیهما سلام
گورميوب زهرا كيمی اختر جهان وار تا جهان
شوهری مولا علی دور مدحينه قاصر زبان
سورۀ کـوثر گـلوبـدی شأنینـه قرآنیده
هَل اَتی اولموش علی شأنینده نازل بی گمان
قائلم ايجاد عالمده سبب دور جانلاری
مـا خَلَقْتُ سويليـوب پروردگار لا مكان
عالمی خلق ايلمزدی خالق ربّ جليل
اولماسيدی فاطمـه مولا علی اسلامه جان
بو ايكی نفسين خدايا وار نقدری عزّتی
عفّت وغيرت ازلدن خلق اولوبدی توامان
عصمت الله غيرت الله هر ايكي اهل كسا
افتخارما خَلَق خـاصّه عـفيفـه بانوان
اولماسيدی فاطمه اوّل امامون حامی سی
حق سچيلمزدی علی حقّی ديولمزدی عيان
اولماسيـدی فـاطـمه امر ولايتده شريـك
منزله چاتمازدی هرگز دين يولوندا كاروان
گرعلی دين اوسته دُزدی دُز مييدی فاطمه
غصب ايدنمزدی خلافت مسندين اول غاصبان
بعد پيغمبر اگر غصب اولمييدی حق لری
باشليه بولمزدی هنـد اوغلی بلالی داستان
اولماسيدی فاطمه اوغلی حسينون نهضتي
سينه سينه نقل اولانمازدی نقدری وار جهان
اولماسيدی فاطمه قاندان بويانمازدی حسين
مفتخر اولمازدی عشق اهلی خصوصاً شيعيان
ال قويوب بير انقلابه روز عاشورا حسين
قانيله يازدی قالا اسلام و قرآن جاويـدان
جان عالـم لر فدا عباس حسين قارداشينا
بير حسينون عشقينه بذل ايلدی جانانه جان
درد بی درمانه «عدلی» عشق دور درمان ايدن
عشق وار سنده ولی كوته قلم اُلكن زبان
🍃🌿🌸🍃🌾🌼
🌸🌾🌼
🌾🌼
🌾
زبانحال حضرت زهرا سلام الله علیها
.
سبکها : ئوزوم گوردوم قاپوم یاندی…
بزن بر سینه … منیم ای تشنه قربانیم …
حسین تعجیلیلن گیتمه
عم اوغلی آیرولورزهرا یتیشدی آخره وصلت
قالار بو بش بالام گریان آنا دیدارینه حسرت
.
تلاوت ایله قرآنی حلال ایله بوزهرانی
فراقیمده مصائبده وجودون مایل ایت صبره
گوزون یاشین اگر ئولسم توکوب بنزتمه چون ابره
گجه گیزلین غریبلر تک منی سن قوی اوزون قبره
یوروب غملر بو زهرانی یاتا بلکه اولا راحت
گجیلن غسل ویر دفن ایت اگرچه وارسنه زحمت
منیم قبریم ایله ایتگین عم اوغلی بولمه سین امّت
باشیم اوسته دایان بیرآز دوتوم تا قبریلن الفت
اویرظلمت یری اولموش یاتانلاردا اولار وحشت
آتام بو امّته ایتدی سفارش عترت و قرآن
دانوب یوم غدیر امرین ایدوبلرحقوی کتمان
ویروب اودیاندی درگاهیم ویران ثانی وهم عدوان
فدک باغین آلوب مندن خباثتدن تاپان قدرت
.
.
عم اوغلی بیعت اوستونده دوتوب اود درگهیم یاندی
اویرده سقط اولوب محسن اوزومده قلبیم اودلاندی
ندن خانه نشین ایتدی سنون حقون عدوداندی
منه سیلی ویران غاصب گورنمز ربّیدن رحمت
.
.
عم اوغلی من نچه ساعت سنه بو ایوده مهمانم
خبرویر بش بالام گلسون باشیم اوسته پریشانم
حسینون کربلاسیندن قیزیمدان دیده گریانم
اسیرشام اولار زینب چکر دنیا بویی محنت
.
.
عم اوغلی گل دَم آخر تلاوت ایله قرآنی
گوزون یاشین بیله توکمه علی آغلاتما زهرانی
منه سن باخ باخوم منده سنه آخرویروم جانی
باشیمی آل دیزون اوسته نقدری الده وار فرصت
.
.
منی بنزد گلستاندا سنان گُل شاخیه بیر دَم
گُل وبرگ اوسته یوخ باران نه واردی نَم نه دَه شَبنم
قورورهرلحظه گیچدوقجان گَل اُول بیرآز منه همدم
من عترتدن گُل اَوّل که گوردوم جور و هم آفت
.
.
قضا ایستوربوایوده غم عم اوغلی ریشه دار اولسون
مبادا فرقتیمده بو گُلستان گُللری سولسون
گلستان باغبانی اول بو گلشن غنچیه دولسون
حسینمدن گُل آخر سالار سایه گیدر ظلمت
.
.
بیر اَللّی من قنوت دوتدوم نچه وقت لرنماز اوسته
بالام محسن شهید اولدی ایدوبدی روحومی خسته
منی تابوتون اوستونده آپارآهسته آهسته
گجه تاپشور مزاریمده یاتوم تا قورتولا زحمت
.
.
او ایتگین قبری زهرانون سالی بو شیعه نی درده
بولنمزتا قیامت وار اولوب مدفون نجوریرده
ازلکی مطلبی « عدلی » گینه عنوان ایله بیرده
عم اوغلی آیرولور زهرا یتشدی آخره وصلت
تلاوت ایله قرآنی حلال ایله بوزهرانی
🌿🌸🍃🌾🌼
🌼🌸🌾🌼
🌾🌼
🌼
زبانحال حضرت زهرا سلام الله علیها
سبک : ایران ” دل تورا اگر شکستند…..
مولا
تنگه گلوب سینم مِحندن
آیری دوشور روحوم بدندن
من دویمادیم بو قیز لاریمدان
سن همسریم حسین حسندن
مولا
آتام اولوب هجره دایاندیم
مشکل آچان غمینده یاندیم
اود ویردی باب وحیه ثانی
من اوردا قانیمه بویاندیم
مولا
ثانی منی بو حاله سالدی
آلدی قباله صبرآزالدی
ویردی او سیلی صورتیمدن
اَیسَرالیله یوز سارالدی
مولا
بهاری نوگلی سارالماز
یارام بو سینه ده ساغالماز
آلوبلا حقوی بو درده
اوُلر بتول عم اوغلی قالماز
مولا
صبرایلدیم جورو جفایه
اولموب ایدم سندن گلایه
سقط اولدی محسن سسلدیم من
فضّه گله اولدم هرایه
مولا
وفا گولون درنمدیم من
مُحسِنه سود ویرنمدیم من
بو ایوده بش بالا بویوتدوم(1)
طویلارینی گورنمدیم من
مولا
ویردیم سنه بو ایوده زحمت
ایله حلال قورتولدی وصلت
بیر نچّه ساعت من قوناقم
من بیرگولودوم گوردی آفت
مولا
تمام زندگی هوسدی
اون سگز ایل بتوله بسدی
آسان ویرم جانی دعا ایت
باقی بوجاندا بیر نفسدی
مولا
تاپشور من گزلینجه قبره
گوز یاشیمی دوندرمه ابره
قویما ملول قالسون بالالار
لازمدی باش اگسونله صبره
مولا
گرجان ویره زینب آناسی
قویما اوجالسون چوخ نواسی
اوغلوم حسینیله قاباخدا
واردور بلالی کربلاسی
مولا
قارداش باشین گورسه جداده
گلمز او دم چوخ آه و داده
بو قهرمان کربلادی
طوفان سالار کربو بلاده
عدلی
بو شعری الده دوت بهانه
سرشگی گوزدن ایت روانه
شفاعت ایسته روز محشر
قسم ویر اکبر جوانه
🌷🍁🍁🍀🍁🍁🌷
- = حضرت فاطمه سلام الله علیها از
حضرت علی علیه السلام سه دخترداشتند
سکینه و زینب وکلثوم که هر سه
درکربلا بودند.
در روایت مشهوربعد ازاتمام غسل وکفن زهرا س
علی ع به ایشان ( سکینه ) میفرمایند
بیائید با مادرتان وداع کنید
قبرشریفش در ده کیلومتری
داریای دمشق زیارتگاه مسلمین است
🌿🌸🍃🌾🌼
🍃🌾🌼
🌾🌼
🌾
زبانحال حضرت زهرا سلام الله علیها
هیچ گلی من کیمی سارالماز
درد و غمدن بو حاله قالماز
ویروبلار اود قاپوم یاناندان
یارالیم یارام ساغالماز
.
بو غملرون صبریمی الدن آلوری
یارا لاریم سینمی درده سالوری
عاری دور فکر هرهوسدن
دوشموشم یا علی نفسدن
گل اوخی باشیم اوسته قرآن
روحوم ایستوراوچا قفسدن
.
تاپاممادیم دردیمه درمان اولورم
فراقه دوز اولما پریشان اولورم
دوزدوم هرمحنت و بلایـه
عم اوغلی من ایتمدیم گلایه
محسونوم سقط اولان زماندا
سسلدیم فضه نی هرایه
.
همان زمان اشکیمی مرجانه دونوب
همان زمان سینه ده صود قانه دونوب
.
.
گل محبّت درنمدیم من
محسنه صود ویرنمدیم من
بش بالا دنیادا بویوتدوم
طویلارینی گورنمدیم من
.
فراقه دوز آغلاما آغلارگیدیرم
مزاره من سینه ده اسرار گیدیرم
.
.
بو جاندا باقی بیر نفسدی
اون سگز ایل بتوله بسدی
هر محنته دوزدوم دایاندیم
آراممی شماتت کسدی
.
محبتون یا علی پایانه یتور
مزاریمه بش بالامی تزتزگتور
🌿🌸🍃🌾🌼
🌸🌾🌼
🌾🌼
🌾
زبانحال حضرت فاطمه سلام الله علیها
سبک: جامۀ عشقوی سویمین وار…
کیم دیرآیرلیق درده سالماز…مطهری و….
چاتدی عمروم منیم انتهایه
بش بالام قویما گلسون نوایه
آخرین لحظه لردی عم اوغلی
لطف قیل سال باشیم اوسته سایه
کر:
آغلاما سینوی داغلاما چوخ
آیریلیق دردینین چاره سی یوخ
.
.
ویر خبر اول شه کربلایه
اوچ قیزیم بیرده دی مجتبایه
گل اوزون باشیمی آل دیز اوسته
جانویروم جان آلان من خدایه
.
.
وار باشیندا حسینون بلاسی
غملی بیر ماجرا کربلاسی
گل حضورون اولا قانلی چولده
اول بتولون او دم هم نواسی
.
.
ضد قرآنه مجلس قورولدی
فاطمه جور و ظلمه یورولدی
هانسی جرمه منیم بو زماندا
سیلی کین یوزومدن ورولدی
.
.
یاندیم حقون آلاندا دایاندیم
سن یانان اودلارا منده یاندیم
بیعت اوسته قاپوم اودلاناندا
قانیمه اوز قاپومدا بویاندیم
.
.
گلشنه صرصر ظلم اسدی
میخ درطاقت و صبری کسدی
باب وحی اود آلاندان مریضم
ایستورم قورتولام عمر بسدی
.
.
ترک ایدور فاطمه بو جهانی
غسل و دفنین گجه ایت نهانی
قول سنوب سینمین یاره سی وار
قبریمه قوی یواش خسته جانی
.
.
خالق هر دو عالم الهی
واردی بو(عدلینون) چوخ گناهی
قورخوری قبرین اوّل شبیندن
ایت عنایت او دَم اُول پناهی
آغلاما سینوی داغلاما چوخ
آیریلیق دردینین چاره سی یوخ
🌿🌸🍃🌾🌼
🌸🌾🌼
🌾🌼
🌾
زبانحال حضرت زهرا علیها سلام
سبک: من مانده ام تنهای تنها……
چوخ یوروب غم لربتولی منده وارآثاررحلت
گل باشیم اوستونده اگلش ایله قرآنی تلاوت
جان عم اوغلی ” جان عم اوغلی
من سنه قربان عم اوغلی
بلبل ایستورآیری دوشسون باغبان و گل چمندن
آز قالور چخسون بتولون غصه لی روحی بدندن
دویمادی زهرا عم اوغلی هم حسیندن هم حسندن
سینه دن اوغلوم حسینه ویرموشم شیر شجاعت
ایلسین تا کربلاده عشقینی عنوان عم اوغلی
نهضتی عالم گیر اولسون اسمی جاویدان عم اوغلی
جان عم اوغلی ” جان عم اوغلی
من سنه قربان عم اوغلی
.
.
سینمه دوشدی شراره درگهیم اوددا یاناندا
هرغم و آلامه دوزدوم من عم اوغلی آز زماندا
موج طغیانه سیخیلدیم حقووی دشمن داناندا
چکموشم امّت الیندن من جفالر بی نهایت
ال گوتور دل آچ دعایه جانویروم آسان عم اوغلی
حق قبول ایلر دعاوی حافظ قرآن عم اوغلی
جان عم اوغلی “جان عم اوغلی
من سنه قربان عم اوغلی
.
.
روحیمی ایلوبدی خسته یا علی دست عداوت
یورش ثانیدی باعث محسنوم تاپدی شهادت
عازم عقبادی زهراآخره چاتدی بو وصلت
طالب درک حضورم گل غنیمت دور بو فرصت
گل ایداخ صحبت حسیندن بو دم هجران عم اوغلی
ویر منه آرامش روح اولمیوم گریان عم اوغلی
جان عم اوغلی جان عم اوغلی
من سنه قربان عم اوغلی
.
.
اینجیموش اولسان حلال ایت دردیمه مِحنت گورنده
وار تمناسی بتولون غسلومی گیزلین ویرنده
خارج ایتمه پیرهن قوی تا قالا یورقون بدنده
قبره قویدون گتمه صبرایت تا دوتام قبریله الفت
گیزلین ائت بودفنی قالسون حشره تک پنهان عم اوغلی
صفحۀ تاریخه یازسون اُمّت دوران عم اوغلی
جان عم اوغلی جان عم اوغلی
من سنه قربان عم اوغلی
.
.
ئولمیوب زهرانی ( عدلی ) ئولدوروب اهل شقاوت
فاش ایله ظلم عدونی وار نقدر فرصت فراغت
یاز بو ایّام وفاتین نوحه سین گوستر ارادت
ایسته مندن هم زیارت روز محشرده شفاعت
یازچکور قبره بتولی جذبۀ جانان عم اوغلی
گل تلاوت ایله قرآن من سنه قربان عم اوغلی
جان عم اوغلی” جان عم اوغلی
من سنه قربان عم اوغلی
🌿🌸🍃🌾🌼
🌼🌸🌾🌼
🌾🌼
🌿
زبانحال حضرت زهرا سلام الله علیها
سبک تبریز :: سن آغلوسان من دوزنمورم…
سبک اردبیل :: خدا حافظ ای آنام باجی…
بتولی غم غصّه لریوروب
ایلمز توان آغلار
ویروبلاراود درگهی یانوب
تا ویرونجه جان آغلار
کُر:
حسینمون ماجراسی وار
قاباخدا کرب و بلاسی وار
آغلادار جهان آغلار
ـــــــــــــــــــــــــــــــــــــ
سنون دانانلارحقووی جانیمه شرر سالدی
سلام ویرورسن سلامووی آلمیین توان آلدی
بو غم منه بسدی سینه ده باغلی اللرون قالدی
بونیسگیله تک نه فاطمه ارض و آسمان آغلار
قصوریم اولسا گذشت ایله ای جمالی مه طلعت
آزعمروده ویرموشم نقدرمن علی سنه زحمت
منی حلال ایله یاعلی آخرین دم وصلت
ئولور زهرا آغلاسان علی کونیلن مکان آغلار
خزان گلوب گلستانیوه بیر گل ایستوری سولسون
اماندی قویماعم اوغلی جان بش بالام یتیم اولسون
بالالاریمی دله دوتوب قویما ابرتک دولسون
علی الخصوص زینبیم ایدر اشکینی روان آغلار
آتام گیدوب نارمِحنته اویوده یانموشوخ باهم
سنی عدو چکدی بیعته دست بسته من بوللم
قاپی یاناندان یارالیم قالمارام یقین اوللم
سیزولدوری سینه ده یارام حالیمه باخان آغلار
ویروبلااوددرگهیم یانوب روحوموی ایدوب خسته
سُوَرزهرا باشنی قویا جانویره دیزون اوسته
بو دور سنه خواهشیم منیم غسلومی ویر آهسته
تو کرسواسما یواش ایدرحالیمی بیان آغلار
خزان اولان بیر گولم منه صر صر ستم اسدی
الیمده گوردی قبالنی ثانی تا یولی کسدی
آلوب باخا پاره ایلدی سیلیسی منه بسدی
حسن بولور ماجراندی ایلمزعیان آغلار
بیراللی من قنوت دوتدوم بیرزمان نماز اوسته
بالام شهید اولدی یا علی نخل دینمه هسته
آپار منیم جنازه می قبر ایوینه آهسته
گجه زمانی مزاره قوی حالیمه زمان آغلار
حسن بالام گل کیمی سولار وای آنا دیر آغلار
حسین او سینمون گولی سینه سین منه داغلار
یانار فراقه اوچ قزیم اشکینی گوزه باغلار
یتیم اولار بش بالام منیم دیلده مین فغان آغلار
الیمده یوخ چاره نیلیوم زینبیم ملر قالسا
گرک دوزه هر مصیبته غم توانینی آلسا
شریک غمدی حسینیمه کربلایه یول سالسا
اودشتیده گورسه جسمینی اوخلارا نشان آغلار
یتوب بتول عمری آخره ترک ایدوربو دنیانی
قاپی دالوندا سیخیلموشام اولدوروب منی ثانی
بالالاریمدان دیمه دویوب جان سنون حسین جانی
حسینمون کربلاسی وارعاشقانی قان آغلار
سنون علی درد وغم لرون گلمیوب سانا گلمز
بوعالمی ویرسلرمنه تار زلفووه دگمز
حسین بالام سندن اورگشوب دشمنه باشین اگمز
ده محرمده بوبالان آغلا دارجهان آغلار
حمید اصلی نوحه خوان هیئتین نوا خوانی
اوخوردی بیر نوحه سوزیلن آغلادوب اولوب بانی
دئدی یازا (عدلیده) یازوب دفتره بو عنوانی
اوخونسا بزم عزاده گر پیروهم جوان آغلار
🌿🌸🍃🌾🌼
🌼🌸🌾🌼
🌾🌼
🌼
زبانحال حضرت زهرا سلام الله علیها
گل عم اوغلی عمروم یتوب انتهایه
سال بولحظه لرده باشیم اوسته سایه
اولوری زهرا دیده تر اولما
بسدی من سولدوم سن باری سولما
کر:
دینه زینب گل آناوا آغلا
آیرولور روحی گوزلرین باغلا
ویرخبرحسینه شاه کربلایه
زینبیله کلثوم خاصّه مجتبایه
باتماقا بو ایوده ماتم وعزایه
گل ریحانن سولوری مولا
قانیلن قلبون دولوری مولا
جوراشقیادن فاطمه یورولدی
حقی ناحق ایتماق مجلسی قورولدی
نیندیم که کینه سیلیسی ویرولدی
اود ویروب عدوان درگهیم یاندی
سقط اولوب محسن قلبیم اودلاندی
حقووی آلاندان یانموشان دایاندیم
ثانی اود ورندا باب وحیه یاندیم
منم اوز قاپومدا قانیمه بویاندیم
.
ال اوزوب ایلدن غم نصیب اولدوم
دردی بیدرمان بی طبیب اولدوم
صرصرعداوت گلشنیوه اسدی
میخ در یاراسی طاقتیمی کسدی
منه عمرکوته بو زماندا بسدی
گل عمرومی خزان ایتدی خار
چوخ فشارویردی جسمیمه دیوار
عفو قیل بتولی ترک ایدور جهانی
غسلومی گجه ویر دفن ایله نهانی
قبریمه یواش قوی بو یارالی جانی
قول سینوب سینم یارا جان خسته
منی تابوته قویون آهسته
بیعت اوسته دوشدی جانیمه شراره
تاب ایدوب دایاندیم ظلم بی شماره
سیلی جفادن واراورکده یاره
محضره یاره گیدورم مهمان
دوز فراقیمده اولما چوخ نالان
خالق جهان ای مهربان الهی
(عدلی) نوکریمدی گرچه وارگناهی
مندن ایستوری ای عالمین پناهی
شب اوّلده قبریدن قورخور
قیل منه خاطر تا اولا پرنور
ایسته بیر گلسون یثربه مهمان
دولدوروب مندن غملی بیر دیوان
🌿🌸🍃🌾🌼
🍃🌾🌼
🌾🌼
🌿
حضرت زهرا سلام الله علیها
آفتاب برج عصمت بضعۀ خيرالوری
دخترشمس الضحی وهمسر بدرالدجی
منتهای روح پاكي چون حريم كبريا
علم وحلمی صبری دريا هم تراز مرتضی
آيۀ تطهير وصف عصمت كبراسينه
هل اَتی تفسيری چون دنيا وهم عقباسينه
تا ابد روشندی نوروندان چراغ عقل ودين
ناشراصل وجود ونسل ختم المرسلين
آسمان عشقه اون بيـرماه تابان وجود
ساطِع ولامِعدی عالَم عالمِ غيب وشهود
ميوۀ باغ وجودونداندی جود مجتبی
عمركوتاهينده حاصل اولدی شاه كربلا
زينبی كه صبريده اُسطوره دی تك دور قيزی
درس عشقی صبرو حلمی اورگدوب زهرا اوزی
دامنی جان جهان وعالمه جان بسلين
جان نه جان احسن اونا خلّاق عالم سسلين
جان حسين جانی كه وار يوخدان كچوب قالدی وحيد
اهل بيتين اوج غمده ترك ايدوب اولدی شهيد
خون بهاسی خون يزدان ذوالجلال وكبريا
اولدی كشتیّ نجات هم خلقه مُصباحُ الْهُدا
گلمدی وحی چون كه رحلت ايلدی خيرلانام
ليك جبريل امين كويوندا اِتموشدی مقام
چون غم هجرپدردن قلبی قان بيماريدی
جوردشمندن ده مجروح درو مسماريدی
چونكه پهلوسی شكسته يوز كبود سينه يارا
سقط ايدوب محسن بالاسين ثانيدن گوردی جفا
بوسببدن جبرئيل اولدی حريمينده مُقيم
تا اورك آيينه سينده بيرگوره خُلق عظيم
دايماً ايلردی درگاهه صعود وگه نزول
تا قويا مرحم تاپا اول قلب مجروح بتول
اولمادی زخمی رفو ترك ايلدی روحی قفس
يثربی ترك ايتدی گوردی چكموری زهرا نفس
مرتضی شاه ولايت لنگردنيا و دين
عرش علم و روح ايمان و اميرالمومنين
ويردی غسلون هم حنوط ايتدی اوزی ديلده تَعَب
دفن ايده حاضر اولوب اصحابيلن چون نصف شب
گيزلين اولدی دفن زهراعقل لرمبهوت ومات
گوردولرايستورخدادن هجر زهراده ممات
توپراق آلتوندا ياتوب چون ركن ارض وآسمان
بش بالاسی چشم گريان تك قالوب شاه جهان
روزمحشر«عدلی» وانفسا كه سسلرانبياء
قوخما سسلر شيعه سين بو فاطمه خيرالنساء
🌿🌸🍃🌾🌼
🌼🌸🌾🌼
🌾🌼
🌼
زبانحال حضرت علی عهلیه السلام
به حضرت فاطمه علیها سلام
..
فاطمه ای گوهر درج عفاف
حوریانه خاک درگاهی مطاف
فاطمه ای روزگار علّامه سی
مکتب وحدت اولان برنامه سی
عصمت کبرای حَیّ دادگر
دختر شایستۀ خیرالبشر
گلشن پیغمبرون ریحانه سی
شمع دینون ای یانان پروانه سی
گوزیاشی ای حقّیمه معنی یازان
نقش عدوانه عدم نقشی ویران
باشین اوسته بوعلیدورآچ گوزون
گرچه وار قلبونده بیردنیا سوزون
فکری وار بو روزگارون دم به دم
رونق کاشانَمی ائتسون بهم
طرح نوئیلن سنی مندن آلور
نارحسرت غم شررجانه سالور
آیرولوقدان سوز دیمه احمد سیَر
صبروطاقت منده یوخ قدسی شجر
آیرولوقدا یوخدی جز غم حاصلی
وارعلینون دنیالارجان مشکلی
حقّیمی داندی بو اشرار عرب
هرنه گوردوم ظلم وطغیان وتَعَب
اولمادی منده جفادن واهمه
وصلوون خُرسندیم ای فاطمه
عذرخواهم من بوعمررفته وه
غم چاغیندا سال و ماه وهفته وه
دوقوز ایل امریمده طاعت ایلدون
آزچوخا بو ایوده طاقت ایلدون
دامن دل گرچه خون آلوده دور
سن که وارسان خاطریم آسوده دور
گرچراغ زندگون خاموش اولا
گوندوزوم شامه دونر سندنصورا
سن منی ترک ایلسن والا گهر
فرقتینده بول علی قالماز ئولر
وارعلینون سن بولورسن دشمنی
دردینه مَحرم بولردی تک سنی
قال صاباح گیت ترک قیل دلخسته نی
بیرنظرده آل حسین و زینبی
بو گجه قال فاطمه اولسون سحر
صبح اولاندا باری سن ایله سفر
آه دل لرچاتدی عرش اعظمه
داغ قلبون غم چکوبدی سینمه
سن گیدورسن محضر پیغمبره
چوخ گلایه ایلمه اول سروره
لیک سویله تا بوله ختمی مأب
اولدی عالمده علی خانه خراب
قوردولار شورای مخفی یک شبه
سالدیلار مولا دِلین تاب و تبه
سویله گوردوم ظلمیله قوم شرور
ائتدیلرقرآنون امرینده قصور
چکدی غمدن هاله تا ماه اوستونه
گتدیلریورش یدالله اوستونه
ظلمیله درگاه پاکیم اودلانوب
من یانان یرده بالام محسن یانوب
سیلی ثانیدن اولدوم سرخ گون
مسجده چکدی علینی دست دون
ائتدیلرطغیان او صاحب قدرته
دست بسته چکدیلرهم بیعته
تا علی اولدی ستمله گوشه گیر
ویرمیوبلرهم سلام قوم شریر
آغلادیم بیت الحزنده روز و شب
قالمادی جسمیمده اصلا تاب وتب
من اوگوندن گل کیمی سولدوم بابا
ابرغم تک غصه دن دولدوم بابا
الغرض یومدی گوزون تا فاطمه
سیرائده جنّاته روحی ناعمه
چوخ یورلموشدی خانم راحت یاتوب
وصل معشوق اوسته دنیانی آتوب
سینۀ مولا غمینده شعله خیز
آلدی دنیا چون الیندن بیرعزیز
آغلادی اونلان یتیمان آغلادی
مهرو ماه وعرش وکیوان آغلادی
غسلنی ویردی گجه ائتدی کفن
لیک دلدی قلبینی درد ومِحَن
گوردی پهلو سینه سینده وار یارا
رنگ خون تاپموشدی سینه باش باشا
سویلدی زهرا علی قربان سنه
آغلارام تا وار بدنده جان سنه
نصف شب دفن ائتماقا غم خسته سین
قویدی تابوته گل نورسته سین
حمل ائدنده شاه عالی مرتبه
یوز ویروب بیرآیری حالت زینبه
سسلدی ایچدون آنا جام اجل
مظهرذات خدای لم یزل
گئت خداحافظ اولان فخر بشر
قالدی یالقوز صاحب تیغ دوسر
گئت خداحافظ اولان آیات نور
تاپ بهشت عدنیده فیض حضور
سن که گئتدون سینمی من داغلارام
آغلیینده بو بابام من آغلارام
سن کیمی زینب غمین اولماز بُولن
قارداشیم تک کربلاده بیر ئولن
ایلورم خواهش آنا ایله قبول
ای آدی انسیه حورا هم بتول
من گورنده کربلاده قتلگاه
آیرولوب بو زینبوندن مهرو ماه
ایش دوشوب دشت بلاده مشگله
فُلک امّیدیم غریق اولموش گله
خسته دور زینب دل طوفانیده
تک قالوب دور ورطۀ عصیانیده
قرخادین قاره لچک زلفون یولور
غم چاغیندا زینبون دلخون اولور
سو کنارینده حسینیم جان ویروب
نخل دینه سو یرینه قان ویروب
من گورنده سینه ده اوچ پر اوخی
اوغلی قارداشی ئولوب کیمسه یوخی
ساربان رحم اتمیوب کسموش الین
بجدله بذل ایلیوب انگشترین
یاره دگموش یاریه صد پاره دی
صاف یری یوخدی تماماً یاره دی
باشی یوخدی حمل اولوبدی کوفیه
کوللر اوسته میهمان دورخولیه
من گورنده قاره طوفانلار اسیر
کوفیه شامه گیدورزینب اسیر
اونداکی عرشه چاتار اندوه و غم
قلبیمی درده سالار بار الم
گوندوزم اولموش آناچون لیل تار
زینبی سالدی ایاقدان روزگار
گل حضورون اولسون اول همدم منه
اول زماندا لشکریم دور غم منه
لطف ایله باش چک منه ای نازنین
گویلومی آل اول پناهی زینبین
گل حسینه گوز یاشین مرهم ایداخ
کوفیه شامه اسیر باهم گیداخ
سن دینه ایوای اوغول من آغلیوم
سینَمی حسرت اودیله داغلیوم
تا دیدی بوسوزلری دخت بتول
آغلادی قارداشلاری اولدی ملول
ذکرلر ایوای آنام دلده تعب
گتدیلر قبراوسته آخرنصف شب
مشکله قالموشدی اول مشکل گشا
نچِه قبری قازدی اولسون تا خفا
عاقبت آماده بیر قبری تاپوب
مقصد و مقصودینه مولاچاتوبپ
سسلنوب توپراقی قبرین ابتدا
ویر گله زهرانی ای شیرخدا
توپراقیمناندی وجودی کیمیا
ساخلارام بو دُرّدورچوخ پربها
عاقبت قویدی بتولی بو تراب
قبرینه توپراق توکوب ایتدی خطاب
ساخلا یاخشی بو گل پیغمبری
داغلی قویدی گئتدی آل حیدری
ساخلا یاخشی بوحیا گنجینه سین
حرمت ایله اوپ یارالی سینه سین
بو علینون جانی دورچوخ خسته دی
نخل دینه بَروئرن بیرهسته دی
باغبان دینه دور بوسویگولی
واردی بیردنیا اورکده نیسگلی
«عدلیا» مولا دلینجه یازسوزی
شافع روز قیامت دور اوزی
🌿🌸🍃🌾🌼
🌼🌸🌾🌼
🌾🌼
🌼
در عزای حضرت فاطمه سلام الله علیها
بازدرعرش خدا روی زمین شورونواست
گوئیا روزعزای فاطمه نورخداست
فخر نسـوان دوعالم چشم بسته ازجهان
درغم جانسوز او گریان علی المرتضاست
هـالـۀ غم سایه ای برسینۀ حـیـدر زده
درفراقش گوئیا ازجان ودل روحش جداست
رفته نورازچشم یعقوب زمان وا حسرتا
گویدش درخانه ام کو یوسفم من درکجاست
آنکه با رخسارنیلی دل شکسته جان بداد
دخت طاها همسر وی شاخص اهل کساست
آنکه دورازدیده ها دفنش نموده نصف شب
یازده فرزند پاکش رهبران ماسواست
عرش حق دانی چرا گشته سیه پوش بتول
آسـمان عشق چون بی اوفضای بی صفاست
در غـم وانـده گریـد قـائم روی زمین
درکنار قبرمادر مهدیش نوحِه سُراست
با نگاه دل ببین ومحرم صد رازباش
هرکجا بزم غمیست مهدیش صاحب عزاست
بار الها حق زهرا و علی و آل او
از کرم لطفی که ما را هر عمل باشد خطاست
خوف دارد روز محشر ( عدلی ) از کردار خویش
چشم امیدش بتو هم شافع روز جزاست
🌿🌸🍃🌾🌼
🌼🌸🌾🌼
🌾🌼
🌼
حضرت زهرا سلام الله علیها
مخصوص عزاداری خیابانی و مجالس
کر:
خدا خدا خدا مظلومه دی زهرا ( درهر بند)
زهرای معصومه ترک ایلیوب جهانی
آناوای صداسی دولدوردی نه قبانی
بالا طویی گورمدی
محسنه صود ویرمدی
رمدی
خدا خدا خدا مظلومه دی زهرا
رسالت گولیدی خار الینده سولوبدی
بابا سیندان صورا قلبی قانا دولوبدی
قاپوسی یاناندا هر نه اولان اولوبدی
قانلی درو دیوارمیخ در دور نشانی
پشت دره یخلدی
قلبی غمه سخلدی
پیغمبردن صورا امتی پارچالاندی
علینون حقنی بخ دیین لر داندی
غم آلدی قلبنی غم اوسته غم قالاندی
گورودولربابالارهرگون سولورآنانی
قلبنده غم یاراسی
حسینون ماجراسی
بغض وکینه الی آچیلدی باغبانه
ایکی تیره ثانی بیر قلب ایدوب نشانه
اَلی اَیسَرویردی سیلی هم تازیانه
نیلی گون ایلدی ایکی رخِ زهرانی
ثانیدی باعث اولدی
اورگی قانه دولدی
آزعمرونده آچدی قرآن ودینه مکتب
اورگددی نسوانه درس حُجب ودیانت
لَیلَتُه القَدرتک بولمدی قـدرین اُمّت
بهارعیشینه اسدیر دیلر خزانی
دوشدی آخرنفسدن
روحی اوچدی قفسدن
باب وحی اودلانوب شهیداولدی بالاسی
یوز کبود سینه ده واردورمسمار یاراسی
سودی قانه دونوب بولمیه کاش آتاسی
گیدورخسته روحی اولسون آتا مهمانی
هیچ گل بوتک سارالماز
یارالاری ساغالماز
نصف شب گزلینده زهرا گیدوبدی قبره
یتیمه قزلارون اشکی دونوبدی ابره
دعوت ایلورعلی بش بالاسینی صبره
خلوتده آغلوری هرغم یتن زمانی
واردورغم نهانی
چاهه ایدوربیانی
عزّوشأن زهرا دهریده جاودانه
ذکرمصیبتی دل لره غم ترانه
اجری وارنوحه سین یازانه نوحه خوانه
لطفونی گوره جاق حشریده شیعیانی
(عدلیده) نوحه خواندی
آغلیوب آغلاداندی
خدا خدا خدا مظلومه دی زهرا
🌿🌸🍃🌾🌼
🌼🌸🌾🌼
🌾🌼
🌼
حضرت زهرا علیها سلام
سبک :: ای درد بی درمانلارا…
مظلومه زهرا ترک ایدوب بو گون جهانی
آغلار قویوب فرقتینه کون و مکانی
کر:
مظلومه دی شهیده دی حضرت زهرا
اون بیر امامون آناسی ام ابیها
بوگون قیامتدی جهان غرق عزادی
قاره چکوبلر گویلره ماتم سرادی
دخت پیغمبر فاطمه دینه فدادی
سالدی شرربو دللره دل سوزانی
بیرباغبان دوشدی بوگون آیری گولوندن
بیر کیمسییه بولدورمدی درد وغمیندن
آیرولدی بش بالاسیندان خاصّه حسیندن
جنّاته گیتدی تا اولا آتا مهمانی
ظلم عدودن فاطمه اولموشدی خسته
گورموشدی مولا اللرین ایلوبله بسته
سینه یارالی قول یارا پهلو شکسته
نیسگللی ترک ایتدی بتول فانی دنیانی
آزعمروده بش گل وجود گتدّی دنیایه
طوی گورمدی یوز گولمدی گلدی نوایه
قالدی حسرتی قلبیده گتدی عقبایه
آپاردی قبره داغ کیمی غم پنهانی
هجر بتول سالدی شررخانۀ صبره
بنزدّی مولا گوز لرین بارش ابره
غسلون ویروبدی نصف شب قویوبدی قبره
طبق وصیّت دفن اولوب گجه زمانی
مکتب عصمتده ویروب درس حجابی
هم اورگدوب پیغمبره گلن کتابی
درگاهی یاندی حیف اولا گوردی عذابی
ایذا ایدن حقین آلان دانوب قرانی
ظلم اولوندی عالمده چون دخت طاهایه
بیت الحزنده روز و شب گلدی نوایه
آغلاردی حقی الیندن گیدن مولایه
گوز یاشلی آخرترک ایدوب شاه ولانی
ایتدی سنی زهراغمی اولدون خون جگر
یازدوقجا خامه آغلادورآغلوری دفتر
گیتدون بعقیده (عدلی )سن هروقت سحر
آختاردون امّا تاپمادون قبرزهرانی
🌿🌸🍃🌾🌼
🌼🌸🌾🌼
🌾🌼
🌿
حضرت زهرا سلام الله علیها
گل کیمی زهرا سولوبدی شیرمردان آغلوری
عرشیان قدوسیان باغ وگلستان آغلوری
خوش نوا بلبل گلستاندان گیدوب واردورنوا
باغبان آغلورگورورگللرسارالدی یوخ صفا
باد ظلمه زخمداراولدی گلی تاپموردوا
غم دلور باغرین تاپا نمور درده درمان آغلوری
زهرۀ زهرا فراقیند علی نالان اولوب
کاسۀ چشم شهید کربلایه قان دولوب
بیت مولاده یتیملرگل کیمی غمدن سولوب
تک نه شیعه غرق ماتم هرمسلمان آغلوری
بوگونون مثلینده زهرا یومدی تا شهلا گوزی
دنیالارجان غم آپاردی قالدی چوخ دلده سوزی
قویدی قبر ایچره ترابه سیلیدن نیلی یوزی
بوغم عظماده گویا عرش سبحان آغلوری
شهر یثرب غرق ماتم اهلی زهرا وای دیور
تا گوروللر قیزلاری آغلور ننم لایلای دیور
اهل بیتیله اولوبلار هم صدا ایوای دیور
دفن اولوب گیزلین ندن کون ومکان قان آغلوری
سسلنورشاه شهیدان نصف شب گیتدون هارا
صبریمی آ لدی فراقون دوندی بوقلبیم قانا
سنسیز عالمعالم اولماز بش بالان سنسیز قالا
وای آنا وای سسلوری شاه شهیدان آغلوری
(عدلیا ) چون خادم دربارسن ایت افتخار
فاطمه نوکرلرینده واردی عزّت هم وقار
خاصّه کیم مدّاح اولا غم محفلینده اشکبار
روزمحشر کیمسه گورمزنوحه خوانان آغلوری
🌿🌸🍃🌾🌼
🌼🌸🌾🌼
🌾🌼
🌼
حضرت زهرا سلام الله علیها
زبانحال حضرت علی علیه السلام
نیه بس وفالی دلبرغمی گیزله دوبدی مندن
دیمیوب ایدوبدی مخفی گووَرن یوزی حسندن
نه حسن اولوب خبردار نه ویروب خبرحسینه
نه قیزی بولوب نه فضّه او یارالی سینه تندن
نه دیوبدی محسونوم وارنه سینان قابورقام ایوای
نه قولون نشان ویروبدی نه دیوب غم ومِحَندن
دمدی نقدر یارام واریارالی گیدوبدی قبره
شب غسل گوردوم امّا قان آخورگلورکفندن
قول سنوب یارادی سینه سیلیدن نشانه واردی
باشیما دولاندی دنیا سلب اولوب توان بدندن
نقدر سوروشدوم حالین منه اولمادی جوابی
عوضینده درب ودیوارمنی آندوروب سخندن
دیدی میخ دردی باعث یارا واردی سینه سینده
بوجفا نی ثانی ایتدی ره دین غلط گیدندن
یازار(عدلی ) ماجرانی توکراشک غم گوزوندن
دیراوزمرم یوزولسون بو الیم حسبن حسندن
🌸🍃🌾🌼
🍃🌾🌼
🌾🌼
🌼
زبانحال حضرت علی (ع)
درفراق حضرت زهرا (س)
سبک : حسین تعجیلیلن گیتمه
گویول آباده سی ویران اولوب سندن صورا زهرا
دوزنموربش بالام نالان اولوب سندن صورا زهرا
.
باخو قیزلارمنه آغلور
بالالاریم سینه داغلور
شرارغم سالوب اود جانه جان بیمار هجراندی
گلوب تنگه جفای چرخیدن باغریم دولی قاندی
یورولدوم دردیمی چاهه دیماقدان دل پریشاندی
منه وصلت غم هجران اولوب سندن صورا زهرا
یتیمه اوچ قیزیم زهرا ایدورآه و فغان آغلور
توکورگوزیاشی رخساره حسن اوغلوم سینه داغلور
حسنیم وای آنا سسلور ره چاره منه باغلور
اودورکه گوزلریم گریان اولوب سندن صورا زهرا
بوقبراوسته علی تنها ایدور اشک بصرجاری
سنی سسلور جواب اولمورجوابین ویرسنی تاری
اقلا بیرگجه مهمان اولوب گل خوابیمه باری
گوریدیم عالمی ویران اولوب سندن صورا زهرا
منیم نخل امیدیم بوجان ایچره اولان جانیم
سنون زوّارون اوللام من نقدری واردی امکانیم
گوزوم یاشیله سو ویرّم مزاروندی گلستانیم
گوزل قبرون منه رضوان اولوب سندن صورا زهرا
ایشقلی اولدوزوم زهراغروب ایتدون نه تزباتدون
ال اوزدون بوحسینوندن گوزوندن قزلارون آتدون
علینی قویموسان آغلار فراقه وصلتی ساتدون
گیدندن غم منه مهمان اولوب سندن صورازهرا
غمه آلوده دور یثرب چم آلدی غم هواسی وار
قالوبدی بش بالان نالان منیم تک لیک آتاسی وار
دیوللر نصف شب زهرا گیدوب قبره یاراسی وار
گجه گوندوز ایشیم افغان اولوب سندن صورا زهرا
حسینه نوحه خوان یونس حسن زاده اولوب بانی
بویوردی نچّه بیت یازسون غم عظمای زهرانی
یازوب «عدلی» اولا قربان اوایتگین قبرینه جانی
مزارون شیعییه پنهان اولوب سندن صورا زهرا
🌿🌸🍃🌾🌼
🌸🌾🌼
🌾🌼
🌾
زبانحال حضرت زینب س در فراق
حضرت زهرا علیهم السلام
سبک : همه جا بروم.
درودیوارآرا اوجالان نواسی
دئ گوروم نجه دی سینوین یاراسی
شهیده رحلت ایدنیم لایلای
یارلی قبره گیدنیم لایلای
یات آنام لایلای ـ یات گلوم لایلای
غصه دن گوزلریم اشكیله هی دولار
اولماسا باغبان گل چمنده سولار
آنادان قیز یتیم دوزدیوبلراولار
شهیده رحلت ایدنیم لایلای
یارلی قبره گیدنیم لایلای
یات آنام لایلای ـ یات گلوم لایلای
سن كه گیتدون آنا باغریمی غم دلر
زینبون گوزیاشین گوزلریندن الر
دردین اظهار ایده قبرون اوسته گلر
توپراق آلتوندا یاتانیم لایلای
گویده اولدوز تك باتانیم لایلای
یات آنام لایلای ـ یات گلوم لایلای
بیلمورم هانسی من دردیوه آغلیوم
اوخشیوم عالمی آهیله داغلیوم
سرشكی دیده دن یوزومه باغلیوم
شهیده رحلت ایدنیم لایلای
یارلی قبره گیدنیم لایلای
یات آنام لایلای ـ یات گلوم لایلای
هیچ دوا ایتمدی دردیون چاره سین
باغلیه بولمدیم سینوین یاره سین
اگنیمه گییرم آیرولوق قاره سین
اولماقین نجه من اینانیم لایلای
قولی پهلوسی سنانیم لایلای
یات آنام لایلای ـ یات گلوم لایلای
سانما فكریوی باشدان آناآتارام
بوغمون آیری غملره من قاتارام
بالش غم اوسته باش قویوب یاتارام
خوش گونه حسرت قالانیم لایلای
منی آغوشه آلانیم لایلای
یات آنام لایلای ـ یات گلوم لایلای
من سنون عشقوه مهریوه بستیم
باده غم ایچوب آیرولوق مستیم
دورآنا حالیمی بیرسوروش خستیم
انیس غملر اولانیم لایلای
اورگی غمدن دولانیم لایلای
یات آنام لایلای ـ یات گلوم لایلای
(عدلنون) قلبنی غصه لردلوری
منیم تك اشكینی گوزوندن الوری
عشقی وارعزایه همیشه گلوری
شهیده رحلت ایدنیم لایلای
یاره لی قبره گیدَنیم لایلای
یات آنام لایلای ـ یات گلوم لایلای
🌿🌸🍃🌾🌼
🌸🌾🌼
🌾🌼
🌾
حضرت زهرا سلام الله علیها
زبانحال حضرت زینب سلام الله علیها
سبک : آی گویده کی اولدوزلار
الله اورگیم غمدن اود دوتدی الولاندی
زهراآنام هجرینده باغریم نقدر قاندی
گیتدی یارالی قبره ترك ایتدی بودنیانی
اُولمزدی جوان زهرا اولدوردی اونی ثانی
بولموردی مگرزهراهمسردی علی جانی
داندی بابامون حقین اود ویردی قاپی یاندی
تك قالدی بابام حیدرگوزیاشی یوزه باغلور
باخدوقجا گوروربوشدورزهرا یرینی آغلور
دیلدن گلوری آهه هم سینه سینی داغلور
هم كفوی گیدوب الدن چوخ حالی پریشاندی
باخما بابام آغلا سن دوندرمه گوزون ابره
بوغم بو مصیبتده واداراولاروخ صبره
امّا نَدی بوسّری گزلین قویولوب قبره
چوخ دیللری قان ایلرجاندان جان آرالاندی
گلدی بابام ایومیزده باخدی درودیواره
توكدی گوزونون یاشین مرجان كیمی رخساره
بیردن نظری دوشدی درگاهیده مسماره
ایوای دیدی اگلشدی صبرین ایوی تالاندی
چوخ آغلاما قارداشیم توكمه یوزوه قانیاش
زینبده اولارسنلن غملی سفره یولداش
اُولّام سنه عالمده باجی هم آنا قارداش
عاشقدی سنه زینب جانی سنه قرباندی
من عاشق سرمستم سن شاه شهیدانه
شركت ایدرم سنله بیرنهضت شایانه
ویروخ اَلْ اَلَه قارداش منّت اولی بو جانه
سن جان به كف اسلام حامی سنه یزداندی
دوشسه گذریم گورسم دین گلشنی خنداندی
یرده بدنون دوشموش چوخ یاره لی عریاندی
باشدان باشا گل پیكراوخدی یارادی قاندی
قویمازلا سالام سایه دوروبریم عدواندی
اهدافوی عالمده اعلان ایدرم قارداش
قول باغلی اسیراولّام شامه گیدرم قارداش
یولّاردا اگرویرسا دشمن دوزرم قارداش
زهرا قیزیم زینب باخما بیله گریاندی
امرایلدی بیردوستوم یازمنده اُلوم بانی
عشق اهلی اوزی عاشق هیئتده نواخوانی
آغلارگوزی وارآغلارهم آغلادی دنیانی
یازدی بوسوزی«عدلی»امّا اونا عنواندی
🌸🍃🌾🍃🌿
🍃🌾🌼
🌾🌼
🍃
حضرت زهرا سلام الله علیها
زبانحال حضرت علی علیه السلام
اولان بهاری تزخزان
علینی ای تنها قویان
بوبش بالان یتیم اولوب
پژمرده اولدی گلستان
زهرای من زهرای من
اولدون آتاوا نوحه گر
رخساره توکدون اشک تر
ای ناله سی جانسوزاولان
دوراول گینه مرغ سحر
زهرای من زهرای من
غمدن گونی مثل گجه
دوردردیوی منه دینه
مسمارباتاندا سینوه
دوزدون اودرده سن نجه
زهرای من زهرای من
اود دا یاناندا درگهون
مزید اولوبدی مِحنتون
نیه منه گورستمدون
نیلی اولان اوصورتون
زهرای من زهرای من
دولدوردی قلبون دردوغم
گتدون جهاندان قدی خم
غسلون ویرنده گورموشم
قولارون اولموشدی ورم
زهرای من زهرای من
تنها پیمبردن نشان
باعثدی اشرارجهان
قدرونکیمی بوعصریده
اولسون مزاروندا نهان
زهرای من زهرای من
باطل اوتوردی جای حق
ظالم ایدوراخفای حق
من اولموشام خانه نشین
خاموش اولوب گویای حق
زهرای من زهرای من
مسکن سنه تیره تراب
ای دخترختمی مأب
قویدوم یارالی قبریوه
شرمنده اولدی بو تراب
زهرای من زهرای من
قویدون بواطفالی یتیم
بارگران دردعظیم
صبرایسترم ویرسون بیزه
الله رحمان ورحیم
زهرای من زهرای من
ای بضعۀ خیرالورا
اون بیر بالاسی پیشوا
احسان ایله بو(عدلیه)
ایستوربرات کربلا
زهرای من زهرای من
🌸🍃 💐🍃🌿
🍃🌿🌸🍃
🌸🍃
💐
حضرت زهرا سلام الله علیها
زبانحال حضرت علی علیه السلام
برسرشوریده جزمهرتو سودائی نبود
غیرآغوشت مرا دراین زمان جائی نبود
فاطمه بعدازنبی امّت فراموشت نمود
عجّل عجّل گفتی آخرمرگ خاموشت نمود
جسم توگرنصف شب زیرلحد پنهان شده
لانه عشق علی ازمرگ توویران شده
درغیابت فاطمه سوزد دلم افسرده ام
زنده ام در ظاهراما باطنا یک مرده ام
می خراشد قلب همسر مرده ای ازسوز ساز
دل بهانه می کند جاری شود اشگ نیاز
مرگ را درخانه ام صد باربینم وقت روز
بالشم شب سنگ ودل تنگ و تنم بسترسوز
ناله شد افسوس شد این ماتم جانسوز من
درد سینه آتشم زد شب شده چون روزمن
همره من عرش وفرش ابرومه وخورشید وباد
ناله دارد از فراقت در دلش فریاد و داد
میکشد فریاد حسرت در سکوت این آسمان
همچومن خونین دل است مرغان شب شیوه کنان
مرغ حیران گشته ای دردامن شب پرزند
پرزند تا بردرودیوارخونین سرزند
خون سرخت مانده درمیخ درم از تونشان
پرزند پروانه ها ساید پرش برآستان
کوبه کوپیچیده دنبال توفریاد حزین
این یتیمان ناله دارد با امیرالمؤمنین
سینه ام ازدست این فریادها صدپاره گشت
بین طفلان این حسین وزینبم آواره گشت
صاحب این خانه و بزم عزاها زینب است
مادرهردو برادرجای زهرا زینب است
# ترکی
بلبل شوریده دل آلله چمندن آیرولوب
هم علیدن هم حسیندن هم حسندن آیرولوب
گیتدی قبره سینه یاره آلدی مندن اختیار
نسگیل اولدی قلبیمه نه باجی نه قارداشی وار
بزم ماتم قوردوم ایوده اول دٌرومرجانیه
گلمدی باش ساغلیقی ویرسون بیری غمخانیه
زینبیم دریای عصمتده صدفدی هم گهر
دردیمی آلسون محبتّله گوزوم یاشین سیلر
گرچه من تک آتش غمده یانورنازلی بالا
سعی ایدورمخفی ایده غم غصه سین مثل آنا
زینبیم زهرا منش قیزدی کرامت ایلوری
پاک ایدوراشک حسینی دل مرمّت ایلوری
اگلشوب زهرایرینده عقل ودین زیبنده سی
عشقینه تالی اولان یوخ عاشقان شرمنده سی
یوزدوتورگاهی حسینه گه حسن قارداشینا
سویلوری زینب اولا قربان سیزون گوزیاشوزا
رنگ رخساری آنا داغی گورن قارداش سولار
خاصّه اولسا بیر یتیمه باش آچارزلفون یولار
قویمیون کلثومه نی عرشه اوجالدا آهنی
گر چه ثانی یاندوروب خیرالنْسا درگاهنی
توکمیون بیربیله گوزدن غم سرشگین دامنه
قبریده زهرا آنامی سیز گتوردوز شیونه
یوخ سوزوم گیتدی آنام اولدی مصیبت بیزلره
درسیمی امّا ویروب اولّام آنا من سیزلره
آندوروب زهرا منه وار ماجرای کربلا
مین بلا باشوندا وار اولسم اگر چوخ آغلاما
گوزیاشون ساخلا دئدی کربوبلاده آغلاسان
روز عاشورا اولاندا چوخ یارانی باغلاسان
من پرستار اولماقی لازمدی که تمرین ایدم
کاروان عشقیلن کربو بلایه تا گیدم
آغلاما قارداش حسین بوگوزلرون قربانی من
من اسیرعشقووم کرب وبلا قربانی سن
منده سنده حاضروخ قرآن ودینه جان ویراخ
کربلاده نخل دینه سو یرینه قان ویراخ
نوحه یاز(عدلی ) سرشکون توک بتول اطهره
دردیوی اظهارایله ریحانۀ پیغمبره
سویله یازهرا مریضَم واراوزون ایله دعا
حق سنه خاطرویره بلکه تاپا بوقیزشفا
🌿🌸🍃🌾🌼
🌸🌾🌼
🌾🌼
🌾
حضرت زهرا علیها سلام
زبانحال حضرت زینب سلام الله علیها
سبک : یخلوب عباسیم نفرات اوسته…
زُهرۀ زَهرا سن مهربان آنا سن
عصمت کبراسن ننم یات لایلای
منی گوزدن آتدون تک قبریده یاتدون
گون تک نه تزباتدون ننم یات لایلای
آنام ایوای ایوای ایوای آنام
ندورحکمت آنا ـ زینبون تک قالا
دردوغمه باتا ـ عزالی ننم
من یتیمه قالدیم ـ باشه قاره سالدیم
غم سینمه آلدیم ـ وفالی ننم
منی قویدون گریان ـ زینب سنه قربان
گئجه گتدون مهمان ـ یارالی ننم
گلرم دیداره ـ هم آه وهم زاره
بونوعی گفتاره ـ ننم یات لایلای
آنام ایوای ایوای ایوای آنام
غم یاغورهوادن ـ محشرکبرادن
خبرویر یارادن ـ نجه دی یاران
ثانی حقون داندی ـ درگاه وحی یاندی
قلبین الولاندی ـ سقط اولدی بالان
ایوده قانلی دیوارـ ایلوربونی اظهار
قالدی حشره دیدارـ فرقتده یانان
بهاری ای خزان ـ سینه سی دولی قان
دینجلمیین بیرآن ـ ننم یات لایلای
آنام ایوای ایوای ایوای آنام
آتام ایوده تنها ـ دیلنده واویلا
هی دیوری زهرا ـ اولدی شهیده
حسنینون آغلارـ کلثومه دل داغلار
غم اوسته غم باغلارـ رنگی پریده
آنا چکدون نه لرـ سینن اولدی سپر
عورتی کیم دُور ـ قدّی خمیده
دردو غم غزالی ـ سینه دن یارالی
ایلندن آرالی ـ ننم یات لایلای
آنام ایوای ایوای ایوای آنام
گلرم قبراوسته ـ هم زارو هم خسته
دردیمی آهسته ـ دیرم قبره
دونی قلبیم قانه ـ گللم من افغانه
شرردوشه جانه ـ دوزرم امره
صبریمی غم آلسا ـ درده منی سالسا
حیران قزون قالسا ـ باش ایرصبره
آیرولان گلشندن ـ بلبل گل چمندن
دویمادوم من سندن ـ ننم یات لایلای
آنام ایوای ایوای ایوای آنام
گیدن ای عقبایه ـ جنت المأوایه
صبر ایسته مولایه ـ گلشنی سولوب
گتوروب غم درده ـ قوی دیوم بی پرده
هر گجه بو یرده ـ باغریقان اولوب
بابام آغلیاندا ـ هرساعت هرآندا
قولی باغلاناندا ـ گوزلری دولوب
سینمی دلرم ـ گوزدن یاش الرم
قبراوسته گلرم ـ ننم یات لایلای
آنام ایوای ایوای ایوای آنام
نه نه حسین قارداش ـ توکورگوزدن قانیاش
اولام اونا یولداش ـ کرب و بلاده
شمرباشین کسسه ـ طوفان ویل اسسه
قلبیم درده گلسه ـ گللم فریـاده
گونوم دونر شامه ـ غم یتمزاتمامه
زینب گیدر شامه ـ یولی پیاده
قورتولوبدی فرصت ـ باشلانوب مصیبت
اولدون آناراحت ـ ننم یات لایلای
آنام ایوای ایوای ایوای آنام
آناآغلارگوزون ـ اورگونده سوزون
سیلی دگموش یوزون ـ قویدون توپراقا
غم آزاتدی عمرون ـ شاد اولمادی گویلون
ئولوم اولدی میلون ـ گلموشدون جانا
بیربی گل درَرَم ـ قبراوسته سررم
آهوتک ملرم ـ آنا یا زهرا
قبرون اولدی پنهان ـ شیعه لرون حیران
(عدلی) گوزی گریان ـ ننم یات لایلای
.
آنام ایوای ایوای ایوای آنام
🌿🌸🍃🌾🌼
🌸🌾🌼
🌾🌼
🌾
زبانحال حضرت زینب (س) درشهادت مادر
سبک : خدا مادرم را کجا می برند
الهی اورکده واریمدورغمیم
جبینیمده مُهرمُصیبت منیم
نیه بش یاشیندامن اولدوم یتیم
منیم نازلی یاریم
گول اوزلی نگاریم
یتیم اولموشام
یاتوپ توپراق آلتدا
دینه جان نثاریم
یتیم اولموشام
جوانلیقدا یومدی گوزونی آنام
دیموردی باباما سوزونی آنام
نشان ویرمدی هیچ یوزونی آنام
من بی قراره
بابام غمگساره
یامان وقتی الله
اوزون ایله چاره
یتیم اولموشام
سالارجانه الله فراقی شرر
گجه یاری ایتدی ندندی سفر
دیدوم گیتمه قال گیت آناجان سحر
ایدور دل بهانه
بو جورزمانه
قوروب غم بناسی
اولوبدی کرانه
یتیم اولموشام
الهی بوایوده قالیدی آنام
حریمینده سایه سالیدی آنام
گویول غملننده آلیدی آنام
باشیمدا نلروار
سرشگ بصر وار
گیدم کربلایه
قاباخدا سفر وار
یتیم اولموشام
الهی سنه واربودلده سوزوم
تو کور ابرتک سوعذاره گوزوم
آنا فرقتینده نجه من دوزوم
گیدن وقته قبره
گوزوم دوندی ابره
گرک من اگم باش
مصیبتده صبره
یتیم اولموشام
منِ اشک ریزه دوزوم ویرخدا
نیه راضی اولدون بابام تک قالا
آنام قبری اولدی خدا بس هارا
گجه غسلی دفنی
اولوب جسمی مخفی
قیامت اولونجا
قالارمخفی قبری
یتیم اولموشام
آنام نصف شب لر قیلاردی نماز
اومعراجی اوسته تاپاردی فراز
نقدر آلدی سندن خدا امتیاز
اوقرآنه بسته
نقدراولدی خسته
قاپی اود لاناندا
اولوب قول شکسته
یتیم اولموشام
ایکی عالمینه اولان مقتدا
ایدوب سقط محسن گورنده جفا
بیراللی دوتاردی قنوتون خدا
او کان فقاهت
ایدن دوزعبادت
دوشوب گلدن آیری
گل باطراوت
یتیم اولموشام
اولان دین حقه شهیده آنا
نظرایت بو جَمعَه رشیده آنا
یازان «عدلی» موی سفیده آنا
غمیم ایتدی تأثیر
ایدوب گورنه تحریر
بشرمعصوم اولماز
چوخ ایلوبدی تقصیر
یتیم اولموشام
🌿🌸🍃🌾🌼
🌸🌾🌼
🌾🌼
🌾
زبانحال حضرت علی علیه السلام
درسوک حضرت زهرا سلام الله علیها
اولدی سندن هم یارالی سینه دن حیدرخجل
هم غلاف خنجرومیخ دروهم درخجل
سن غروب ایتدون گوزومده گوندوزاولدی لَیل تار
بوغروبه من خجل شمس وقمراخترخجل
درگهون یاندی مریض اولدون اوگوندن بستری
هم شِفا سندن خجل دَرد ودَوا بَسترخجل
ویردیلار اُود باغیما گل غنچه ده پرپراولوب
باغبان بلبل خجل پروانه لرگللرخجل
هم صدف سیندی همی دُرّوگهرالدن گیدوب
من علینی ایلدی الدن گیدن گوهرخجل
گلستان عشقیده خوش رنگ وبوگل گرسولا
باغبان گلدن خجل هم لالۀ پرپرخجل
پاره لنموش بیر قباله نیلگون رخساریوی
گوردوم اولدم من حسندن تا دم محشرخجل
ای وفالی همسریم ای چرخ عصمتده قمر
هرگز اولمازهمسریندن من کیمی همسرخجل
نطقویلن سن منی اَل لردن آلدون همّته
شاهباز عشقیدون ایتدی او شهپرلرخجل
هر غم و مِحنتده دُوزدون دودمانیمده منیم
اولدی بواَمره عَم اوغلون ساقیِ کوثرخجل
زینبی آغوشه آلماق ممکن اولموردی سنه
زینبون سندن خجل سن زینبه مادرخجل
فضّه ویردی تاخبرگل یاعلی اُولدی بتول
اوزکنیزیندن اولدی فاتح خیبرخجل
اونداکی قویدوم مزاره آلدی بیرجفت ال سنی
بیر امانت ردّی تا واردورعلی ایلرخجل
(عدلیا) نظمون ویرارشعله بوقلب امته
ایلسه زهرا شفاعت اولماسان محشرخجل
🌿🌸🍃🌾🌼
🌸🌾🌼
🌾🌼
🌾
زبانحال حضرت علی علیه السلام
سرمزار حضرت زهرا سلام الله علیها
سبک : ایران اگر دل تو را شکستند ….
زهرا
مزارون اوستونه گلرم
اورک سوزون سنه دیرم
ندن منه جوابون اولماز
سرشکی دیده ن الرم
واگیر:
ایشقلی اولدوزوم باتوبدی
حسینیم آغلیوب یاتوبدی
زهرا
سنلن گیدوب ایوین صفاسی
ایشیق سونوبدی یوخ ضیاسی
من آغلورام بالالارآغلور
وارایوده وای آنام صداسی
زهرا
علی اولوبدی غم دچاری
خزانیدی فصل بهاری
گونده گلربوقبرون اوسته
اشکین ایدررخساره جاری
زهرا
رخت حیات آز وقته سویدون
اون سگّز ایل عمرونده دویدون
گیتدون بالا لارونلا باهم
عم اوغلوی گوز یاشلی قویدون
زهرا
سندنصورا ایوه گلنده
باخوب یریوی بوش گورنده
اثرقویورروحومدا فرقت
قلبیم یانورآدون دیینده
زهرا
سندنصورا دردیم چوخ اولدی
بو بش گلون سارالدی سولدی
من دردیمی چاهه دیماقدان
دردیمله هرچاهی دولوبدی
زهرا
جفائیله قاپون یاناندا
قنفذ اله قمچی آلاندا
اولدی سنه منه قیامت
محسن بالامیزسقط اولاند
زهرا
ایشقلی اختریم باتوبسان
سن وصلتی فصله ساتوبسان
دورقیزلارون یتیمه قالدی
تک قبریده من سیزیاتوبسان
زهرا
حسینیوی سوین آنایدون
کاش بیرگلوب گولون آلیدون
عم اوغلوی گلوب گورنده
گیتمییدون ایوده قالیدون
زهرا
(عدلی ) گلربوغمده درده
اشکین توکررخسار زرده
واردورامیدی منده سنده
محشر گونی اولسون نظرده
🌿🌸🍃🌾🌼
🌼🌸🌾🌼
🌾🌼
🌿
درمقام حضرت فاطمه سلام الله علیها
دخترشمس الضحی خیرالنسا یا فاطمه
خاک درگاهی مطاف انبیا یا فاطمه
طاعتون واجب ایدوبدی ذیحیاته ذوالجلال
هرایکی دنیاده سنسن مقتدایا فاطمه
اوّلین وارد اولانسان روزمحشرجنّته
ساخلاسان الده شفاعتدن لوا یا فاطمه
یاندورارسن گلمسن اود امّت پیغمبری
گوزتیکرتنها سنه اهل ولا یا فاطمه
اهل محشرشاد اولارسن محشره قویسان قدم
بوشلامازلاردامنون اولمازرها یا فاطمه
اود یاخون ناشمازسنه احبابیوه روزجزا
فاطمه یعنی یانان اود دان جدا یا فاطمه
احمد مرسل بویوردی بوقیزیم حوریه دی
حورونی قویمازخدا اوددا یانا یا فاطمه
حوری اهل جنانسان ظاهرا بین بشر
عطرجنّت سندن آلدی مصطفی یافاطمه
گلمسیدون عالمه کفوون تاپانمازدی علی
گویده عقدوز اولدی سنله مرتضی یا فاطمه
نورنوریلن گرگ ایتسون جهاندا ازدواج
وصلتوزدن اولدی عالم با صفا یا فاطمه
پرده چکدون مرد اَعمانی گورنده منزله
اخذ ایده نسوان گرگ سندن حیا یا فاطمه
میوۀ قلب رسول الله اولوب اوغلانلارون
همسرین نوردوچشم مصطفی یا فاطمه
میوۀ باغ وجودون عمرکم ده پرثمر
اون بیراولدوزویردی دنیایه ضیا یا فاطمه
دامنونده پرورش ویردون خدای معرفت
سینه اوسته بسلدون سن مجتبی یا فاطمه
گلستانوندا آچان گل خامس آل عبا
عالمینه اولدی مُصباح الهُدا یا فاطمه
درس عصمت عشق وهمّت آلدی سندن زینبون
اولدی آخرقهرمان کربلا یا فاطمه
وارث نسل پیمبر ناشر اصل وجود
سنله مهدی زمان تاپدی بقا یا فاطمه
حیف اولا رحلت ایدندن حضرت ختمی مأب
گولمدی مه صورتون گوردون جفا یا فاطمه
آغلادون بیت الحزنده فرقته سن روزوشب
ساخلادون پیغمبره بزم عزا یا فاطمه
آغلاماقلیق بیردفاع اولدی ولایتدن ولیک
جسموی ایتدی نحیف درد قضا یا فاطمه
کوچه ده سیلی ویروب ثانی سنه گوردی حسن
هم ایدوب ایذا درو دیوارآرا یا فاطمه
باب وحیه بیعت اوسته اود ویروب یاندوردولار
اوردا سقط اولدی بالان سینن یارا یا فاطمه
ماجرای دربیدن دوتدون بیراللی سن قنوت
اوّلین مقتول دینسن جان فدا یا فاطمه
قویمادون مولا علینی باخبراولسون ولی
غسلوی ویردی بولوندی ماجرا یا فاطمه
گوردی رخسارون کبود وقول سنوب سینن یارا
آغلادی خیبرشکن دویدی جانا یا فاطمه
نصف شب طبق وصیّت ویردی غسل ایتدی کفن
گتدیلرتابوتیده دفن ایتماقا یا فاطمه
گلمیونجان مهدی موعود بولنمزشیعه لر
هاردا دفن اولدون نیه اولدی خفا یا فاطمه
نچّه قبری قازدی پنهان لیک قبرحاضره
صورت نیلینی قویدی توپراقا یا فاطمه
روحونی سنله قویوب توپراقلار آتدا آغلادی
تاپمادی تسکین قلب درده دوا یا فاطمه
خادموز (عدلی ) یازوب بوسوزلری دلده نوا
لطف ایله اول شافعه روزجزا یا فاطمه
🌿🌸🍃🌾🌼
🍃🌾🌼
🌾🌼
🍃
زبانحال حضرت زینب سلام الله علیها
در سوک مادر
سبک: حسین تعجیلیله گتمه …..
اولان ای آیت کوثرخدا حافظ خدا حافظ
ولایت بحرینه گوهرخدا حافظ خدا حافظ
سولان گلزارغم لرده محبّت نخلینه هسته
هارا عازم سن ای ماد قارانلوق شبده دلخسته
دایان بیرآزسحراولسون یولا دوش گوزلریم اوسته
گیت ای محبوبۀ داورخدا حافظ خداحافظ
گوزوم یاشین بوفرقتده نجه اوخشاتمیوم ابره
سنی گزلین غریب لرتک آتام ایستورقویا قبره
دیوللرآغلاما زینب اوزون مایل ایله صبره
دوزر زینب نجه مادرخدا حافظ خداحافظ
بیر اللی سن قنوت دوتدون نچه وقت لرنمازاوسته
بالان محسن شهید اولدی ایدوبدورروحووی خسته
یارالی جسمون حمل اولسون گرگ آهسته آهسته
آغاردان زُلفُنی یکسرخداحافظ خداحافظ
ویروب سیلی سنه ثانی ابوبکرحقوی داندی
ولایت امری اوستونده جفایه درگهون یاندی
سنون سینن یارالاندی بابام قوللاری باغلاندی
کساء ایچره اولان محورخداحافظ خداحافظ
فشاردرسنی سالدی نه نه بیرآیری اندامه
زبس دوزدون سن آلامه دونوبدورگوندوزون شامه
جوانلیقیدا سولوب گل تک یتیشدی عمرون اتمامه
سمای عصمته اختر خداحافظ خداحافظ
آتان رحلت ایدن گوندن مریض الدون جفا چکدون
وفا رسمینده آگاهم آنا ه نه بلا چکدون
که سنسن صفحۀ دلده منه نقش وفا چکدون
چتین وقت حیدره یاورخداحافظ خداحافظ
دایان بیرلحظه ناظراول آخان گوزیاشیمه مادر
گلرسندنصورا بوللم نلربو باشیمه مادر
شریک نهضت اولّام من حسین قارداشیمه مادر
منم دین مُلکونه لنگرخداحافظ خداحافظ
سنون ایتگین اولان قبرون سالارچون (عدلنی) درده
بولن اولماز اونون دردین چکردرد اوستون پرده
دوتاربزم عزا آغلار توکراشگین رُخ زرده
اولاردرگاهیوه نوکر خداحافظ خداحافظ
🌿🌸🍃🌾🌼
🍃🌾🌼
🌾🌼
🍃
شام غریبان حضرت زهرا علیها سلام
سبک :: ای غنچۀ نیلوفریم …
یابن الحسن زهرا آنان
طاهایه مهماندی
یثربده بیت الوحیده
شام غریباندی
زینب نوا خواندی
باش ساغلیقی ویروخ سنه حالون پریشاندی
جدّون حسین تك غصه دن قلبون دولی قاندی
بوشیعه لرماتم دوتوب نالان و گریاندی
گویده ملك لرآغلاشورمحشر نمایاندی
اَلدن ویروبدی همسرین مظلوم علی آغلور
اوچ عمن آغلورسینه سین داغ غمه داغلور
گوزیاشینی رخسارینه حسین حسن باغلور
بیت علی ده بو گجه جدّون پریشاندی
آغلوردیورمولا علی گوندوزگونوم باتدی
قویدوم مزاره من اونی سینه یارا یاتدی
گوزیاشلارین خون دله بوبش بالا قاتدی
جدّون علی المرتضی دیلدن نوا خواندی
سولدی آنان عمری گلی آیرولدی سوسندن
اوزگلستانون ترك ایدوب آیریلدی گلشندن
گلمزسسی بیرده اونون بوبیتُ الاَحزندن
لاله مثالی تزسولوب پرپردی خنداندی
اود ویردی ثانی باب وحی شعله چكوب یاندی
بیرظلم ایدوب دیوارآرا زهرا یارالاندی
بواشقیانون ظلمونه دین اهلی حیراندی
بُغض عدو اولدی عیان دللر دولی قاندی
چخماز داخی بوندان صورا بیر گلشنه زینب
باخمازچمنده گل چیچك هم سوسنه زینب
اندوه و غمدن سسلنرایوای نه نه زینب
آغوشینه آلماز اونی زهراسی بی جاندی
صاحب عزا سنسن آقا بو ماتم وغمده
سن ملجاء شاه وگدا هم برّیده یمده
سن بول آقا زهرا جانیباش چك اُولن دَمده
«عدلی» اوركدن اودلانوربو غمده سوزاندی
زینب پریشاندی
شام غریباندی
💐🍃🌿🌸🍃
🌸🌾🌼
🌾
حضرت زهرا سلام الله علیها
سبک های مشابه ::
آی گویده کی اولدوزلار ( بدون واگیر ) …
ای گوزلریمون نوری ( با واگیر )
ای غملرین آماجی دورای منه غم خواریم
گیتدون منی تک قویدون روزاولدی شب تاریم
آغلوربالالارهرآن سندن صورا یا زهرا
واگیر:
سنیله گئتدی دنیانون ضیاسی
پوزولدی گلشن دینون صفاسی
دوقوزایلی بیتیمده مِحنت لره توش اولدن
مشکل لرآچان اللر باغلاندی غمه دولدن
سقط اولدی بالان محسن گلشن گلی تک سولدون
دوزمورله بوهجرانه شیوندَدی قیزلاریم
دل ملکی اولوب ویران سندن صورا یا زهرا
سن نخل امیدیدون جان ایچره اولان جانیم
هرشب سنه زوّارم ای دینینه قربانیم
گوزیاشیله سوویررم قبروندی گلستانیم
سس ویرمنه بیردفعه هم کفو وفا داریم
قبروندی منه رضوان سندن صورا یا زهرا
هیچ کیمسه بوعالمده سن تک غمیمی بولمز
واللهی علی بیرده دنیا یوزونه گولمز
باش سجدیه تا قویموب سالمدی علی ئولمز
واقف سن اوزون سرّه ای محرم اسراریم
درد اولدی منه هجران سندنصورا یا زهرا
دشمن داشینا سیندی دلده اولان آیینه
باش اگمدییلر الله امرایلیین آئینه
آخردرومسماره اولدی یارالی سینه
سینن یاراسیندان دی ای یاره لی دلداریم
غملی منه بو دوران سندنصورا یا زهرا
مسماریاراسین گوردوم غسلون ویرن اثناده
سیلی یری پهلولر گتدی منی فریاده
قانلی درودیواره باخسام گلرم داده
قان باغلادی بوقلبیم یوخدوغمه غمخواریم
غرق اولدی ئورک قاندان سندنصورا یا زهرا
زهرائیله یاز «عدلی» روحوم اولونوب مدفون
گیزلینجه گیدوب قبره ایلوب منی دل محزون
اولموب نقدر محشربو قبری اولار مکنون
یاتدی سینه ده یاره دلدار وهواداریم
اولدی بوعلی نالان سندن صورا یا زهرا
💐🍃🌿🌸🍃🌾🌼
🌼🌸🌾🌼
🌾🌼
🌼
حضرت زهرا سلام الله علیها
سبک: سن آغلوسان من دوزنمورم…
یامان گونومده اولان منیم
یاوریم اویان زهرا
عم اوغلوام منله بیردانش
قلبیم اولدی قان زهرا
ـــــــــــــــــــــــــــــــــــــ
کُر:
آنا دیورقیزلارآغلوری
حسن حسین سینه داغلوری
قلبیم اولدی قان زهرا
ـــــــــــــــــــــــــــــــــــــ
آتان سنون رحلت ایلدی مِحنته دچاراولدون
ولایت اوستونده آغلادون ابرتک غمه دولدون
مریض اولوب رختخوابیده گون بگون گولوم سولدون
تاپولمادی بومدینه ده حالیوه یانان زهرا
سولارخزان فصلی گل چمن سنکیمی بیله سولماز
مریض اولارچوخلاری ولی سنکیمی مریض اولماز
مریض ایدرچاره دردینه غم سحابی تک دولماز
منیله دوردرد دل ایداخ یارمهربان زهرا
گوزیوی آچ خواب نازیدن دورعلی قالوب تنها
صفاسی یوخ سنسیز عالمین گوزدن عالمی آتما
تیکوب ایو اهلی گوزون سنه همسریم گل طاها
سن اولماسان منزلیم اولی غملی دودمان زهرا
منی سن اللردن آلموسان راضیم بتول سندن
حلال ایدورمرتضی سنی سنده راضی اول مندن
دوزنمرم من فراقیوه روحوم آیرولار تندن
قویولارا دردیمی گیدوب ایلرم بیان زهرا
او گونکی باغلاندی قوللاریم غم سنه مزید اولدی
دوزنمدین جورثانیه ظلمی چون شدید اولدی
قاپی یاناندا قولون سینوب محسونون شهید اولدی
دولاندی اول لحظه باشیمه یدّی آسمان زهرا
اوثانی بیرظلم ایدوب سنه یاندوروب منی یاخدی
اوخیبری قوزیان علی صحنیه دوروب باخدی
فشارغمدن بالالارین اشکی صورته آخدی
من آغلادیم سنده آغلادون سینه ده یاران زهرا
آزعمروده هرمصیبته دوزدون امتحان ویردون
حجابی نسوان عالمه اورگدوب نشان ویردون
بونسگیلون ئولدوررمنی جانیوی جوان ویردون
اسوب بهارِعیشیمه صرصر خزان زهرا
سکینه کلثوم وزینبون وای آنا دیورآغلور
حسن حسین گل کیمی سولوب اشک غم یوزه باغلور
علی باشون اوسته اگلشوب سینه سین غمه داغلور
وجودونی غصه لرآلوب قالمیوب توان زهرا
اولان علینی سُوَون لره شافع جزا زهرا
من(عدلینون) جانی کاش اولا قبریوه فدا زهرا
دعا ایله جمعیله منه تا نصیب اولا زهرا
علی دیلینده بیان ایداخ آچگوزون اویان زهرا
💐🍃🌿🌸🍃🌾🌼
🌼🌸🌾🌼
🌾🌼
🌼
حضرت زهرا سلام الله علیها
زبانحال حضرت علی علیه السلام
خزان آپاردی گلی بهاردا
بلبل آغلار گلی سولاندا
یاره لی توپراق آتدایاتدون
قانون قالوبدی بوآستاندا
.
ویرنده غسلون سنه چوخ آغلاموشام
بو بش بالیله سینمی داغلاموشـام
غصّه دن ای خمیده قامت
بولمدی قدریوی جماعت
آلان قبالنی الیندن
کوچه ده ایلیوب اذیّت
.
بولور علی سیلی یوزوندن ویرولوب
حسن دیوردی آنام اوردا یخولوب
گونوم غمه سیاه اولوبدی
انیسیم اشک وآه اولوبدی
حلال ایله دوقوزایل بوایوده
روزگارون تباه اولوبدی
.
بیچدی خیاط الم جامۀ غم
ایدوبدی ثانی ستمی قدیوی خم
اگموشم باش قضا وجبره
صورتون من قویاندا قبره
یادیمه دوشدی خاطراتون
گوزیاشیم بنزیوبدی ابره
.
دوباره دن یاره لیوب غم سینمی
علینیده اولدورجاق هجران غمی
قبریوه من دئدیم حالوندان
فخر ایده اولدی بیر گلستان
گزلین ایتدیم مزارینی من
حافظ اول سنده ایله پنهان
.
من عمرومون سرمایه سین ویردیم سنه
ویر مه نشان حشره کیمی اهریمنه
سقط اولوب محسن بالاسی
کاش کی تا بولمیه آتاسی
خجلتیم واردی سینه سینده
فشار درمسمار یارا سی
.
قولوندا وار قمچی یری قد بوکولوب
علی الیندن بالالاردان ال اوزوب
.
اولان مصیبت لره دوزردی
یوزومدکی اشکیمی سیلردی
نیلی یوزون گوردوم یوواندا
سییلی یرینی گیز له دردی
.
جهانی ترک ایلدی بو وقت شباب
سپهر عفتدی آخوب مثل شهاب
«عدلیا» گل دله بیانه
تسلی ویر صاحب الزمانه
نوحه دی آغلاسون بوامت
فاطمه یار مهربانه
رحلت زهرانی یازدی میخ در
بش یاشیندا زینب اولدب دربدر
🌿🌸🍃🌾🌼
🌼🌸🌾🌼
🌾🌼
🌼
زبانحال حضرت امام حسن علیه السلام
در سوک حضرت زهراس به حضرت زینب س
سبک: حسین تعجیلیلن گتمه ….
باجيم زينب دونوب باغريم منيم القانه آز آغلا
بوقدري توكمه گوز ياشون دايان هجرانه آز آغلا
بو ايوده باد غم اسيلدی
آنام سسی داخی كسيلدی
سنون تك دل كبابم من آز آغلا آز منی ياندور
داخی اود ويرما بواودلی دل سوزانه آز آغلا
سنه قربان حسن جانی بو قدری گلمه چوخ داده
دايان غمده مصائبده باجيم مردانه آز آغلا
ويروبلاراود قاپی ياندی آنام اوردا يارالاندی
دوشوب درده ه دويوب جانه او شيرين جانه آز آغلا
حياليدی وفـالـيدی يـاراليدی آنام زهـرا
بابام قويدی مزار ايچره گئدوب رضوانه آز آغلا
واريمدی قلبيده بی سوز اگر بو گوز ياشين قويسا
ديرديم بو سوزی زينب سن ای دردانه آز آغلا
حسينون عاشقی سنسن شريك نهضتی سنسن
چكللر شامه عشق اوسته يانان پروانه آز آغلا
قاباقدا ماجرای كربلا وار دور باجی زينب
بويانسا شمر الينده اللرون القـانـه آز آغـلا
ياتالّار قانـه آغشته تراب اهلي تراب اوستـه
كسر امّت حسين باشين اولار بيگانه آز آغـلا
دير«عدلب» ظهورينده خدا تعجيل ايده مهدی
گلوب قبرين نشان ويرسون من نالانه آز آغلا
بو ايوده باد غم اسيلدی
آنام سسی داخي كسيلدی
💐🍃🌿🌸🍃🌾🌼
🌼🌸🌾🌼
🌾🌼
🌼
زبانحال حضرت علی علیه السلام
سرمزار حضرت زهرا س
منیم توپراقلارآلتوندا وفالی همسریم یاتدی
باتوبدوراولدوزوم گویده گوزل بیراختریم یاتدی
وفالی همسیریم لایلای
یارالی دلبریم لایلای
اوزی راحت اولوب اما قالوبدی بش بالام محزون
ویروللر سس سسه قیز لار دیوللر مادریم یاتدی
مزاریندن گلورعطری نسیم جان فزا یارب
نه تز ترک ایلدی گتدی بو یرده گوهریم یاتدی
داخی سندن صورا ویرماز جهاندا بوعلی لبخند
اولوب پرپر جوانلوقدا منیم نیلوفریم یاتدی
اولان اُم الائمه اون بیر اولادین آناسی دور
منه همدم منه غمخوار وفالی دلبریم یاتدی
چراغ آهی یاندوررام دولانّام بو مزار اوستـه
سپر گوزلر گلاب عشق بو یرده یاوریم یاتدی
ایچم سنسیز اگر کوثر دولی قاندور بو پیمانم
ویروب ساقی منه قاندان دولوبدی ساغریم یاتدی
وفالیـدی حیالیـدی آدی دیلده منـه ازبـر
بتول و فاطمه محشر گونونده داوریم یاتـدی
یاتون راحت داخی گلمز مدینه اهل فریادی
یورولموشدی چوخ آغلاردی منیم چشم تریم یاتدی
اولان یـوم تَغابنُده شفیعـه آل طاهـادن
سالا محشر گونی غوغا واریمدور باوریم یاتدی
یاز «عدلی» سن علینـون بو زبان حالینی دیلدن
منه همدم منه غمخوار وفالی دلبریم یاتدی
🍃🌿🌸🍃🌾🌼
🌼🌸🌾🌼
🌾🌼
🌼
حضرت زهرا سلام الله علیها
الله سوزونه باخماموشوخ بیزلره بو عار
بیر لحظه نظر سالما موشوخ بررخ دلدار
.
آئینۀ دیلده گوروشن یول سیلینوبدی
بیر قطره اورکدن نم اشک تاپموری رخسار
.
آزدوخ یولی مقصد نیه بیزدن آرالاندی
هرگوشه ده بت گوردوخ اونی ایتمدوخ انکار
.
راحت طلب اولدوخ گجه لرصبحه کیمی خواب
بیرنصف شبی ایلمدوخ راز دل اظهار
.
افسوس یتیم باشینه ال چکمه موشوخ بیز
درمانده لرین حاجتینه ایتموخ اصرار
.
قرآن که خدا حکمودی مسجده اوخوندی
دوردوق ایاقا کفروموزی ایلدوق اقرار
.
قرآنه اهانت ایلمز مومن و دین دار
شرم ایله اماندی بو غلط امریدی کردار
.
قرآن محمّدی ویرن بیزلره رُجحان
مانند علی دینه گرگ بیزده اولاخ یار
.
بیزیاتماموشوخ بستروحشتده شبانه
تا یارعلی مامن عشق ایچره تاپا غار
.
غرق اولماموشوخ بحرعبادتده علی تک
آرپا چورگیلن دوزونان ایتمدوخ افطار
.
قوی پرده لی قالسون سوزی امّا بولی یاران
نامردئیدی ثانی خانما ایلدی آزار
.
بو قصّه عیاندی ویروب اود تا قاپی یاندی
اَدنایه آلا بیعت علیدن او ستمکار
.
امّا نه لراولدی دیمرم شرح غم اولسون
سقط اولدی بالا گوردی فشار درو دیوار
.
فریاده گلوب فضّه سینی داده چاغوردی
گلدی حسنین بیرده علی حیدرکرار
.
فرزند نبی اون بیرامامون آناسیدی
قالدی درو دیوار آرا عامل لری اشرار
.
بیزآغلامادوخ ماتم زهرا وعلیده
شرح ایلمدوخ فاش اولا تامرد ریا کار
.
انصاف ایلیون ارث بابا غصب اولوناندا
اولموبدی حمایت ایدنی ایلیه اخطار
.
گزلتدی علیدن علنی سیلی نشانین
یاندی حسنون قلبی مدام اولدی شرربار
.
نصف اولدی گجه غسل وکفن اولدی حنوطی
پنهان اولا سیلی یری تا اولمیه اظهار
.
اسما سو توکن وقته علی گوزلری دوشدی
آغلارگوزیلن سسلدی ای عصمت اطهار
.
ایوای منه من زنده اولام گوز قباقینده
دوشمن سنی ویرسون ایلسون گوندوزومی تار
.
یوز ایل الم فاطمه دن «عدلی» یازولسا
بیرشمه اولانماز ولی دل اولدی سبکبار
.
گرواردی گناهون ولی سن خادم شهسن
شه شافع اولار اذن ویرر خالق غفار