مدح و عزای حضرت علی اصغر
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
بسم الله الرحمن الرحیم
در مدح و عزای حضرت علی اصغر علیه السلام
حاج اصفر فرشچی ( عدلی تبریزی)
💐🌺💐
من از آماح تیر پیکان نویسم
از آن شش ماهۀ عطشان نویسم
نه ازدانش نه ازخیل دبیران
نه ازدانشکده نی ازدبستان
من ازعدل وعدالت خواه دوران
هم ازحُکّام هم ازدیوان نویسم
.
نه ازماه ونه ازخورشید تابان
نه ازخاک وطن خون شهیدان
من ازبی مهری انسان به انسان
که باشد درجهان مهمان نویسم
.
نه ازعیش وقمارونرد بازان
نه ازمیخانه ونی میگساران
من ازبی غیرتان نیمه عریان
هم ازبدپوشی نسوان نویسم
.
نه ازوزّارنه ازدربارنه عنوان
نه ازاَفسَد نه ازمُفسِد نه عصیان
قیامت میکند داری نداری
من ازمحتاج بریک نان نویسم
.
نه ازپائیزنه ازباد بهاران
نه ازسرمای خشک برفِ زمستان
من ازبیچارگان اشک یتیمان
زملک وقصراربابان نویسم.
.
نه ازپنهان نه ازپیدا نه کتمان
نه ازبیکاری قشرجوانان
دلم خون شدازاین سرمایه داران
من ازتولید هم ازعمران نویسم
.
نه ازاهل نمازودین مداران
نه ازتقوا نهاز شب زنده داران
من ازبی حرمتی برنصح قرآن
زسلمان رشدی ودونان نویسم
.
نه ازباغ وچمن نی ازگلستان
نه ازشمع وگل وبلبل شبستان
من ازآیات حق نازل به احمدص
که مسطوراست درقرآن نویسم
.
نه ازسیل ونه ازطوفان وطغیان
نه ازآحاد نه ازمیعاد نه نیران
من از شورای مخفی درسقیفه
ز بوبکروعمرعثمان نویسم
.
نه ازجاهل نه عاقل نی زمَستان
نه ازنارجهیم و نی ز رضوان
من از حقیکه پا مالش نمودند
زصبرمرتضی ازآن نویسم
.
نه ازبوذرنه ازمقداد نه سلمان
من ازبخّ بگوی شاه مردان
که گفتارش به لب بود و نه وجدان
به هردانا وهم نادان نویسم
.
نه از دُرّ صدف گوهرنه مرجان
نه ازعلم نجوم ونی زلقمان
من از دانشگه اسلام وقرآن
علی استادِ استادان نویسم
.
نه ازدرد ونه از درمان نه هجران
نه ازغمگین نه از شادان نه گریان
من ازعشق حسین و سربداران
زجانبازان واز پاکان نویسم
.
نه ازشمشیروتیرونی زپیکان
نه ازگلگون کفن ها خون ومیدان
من از مهریّۀ زهرا وطفلان
ازآن شش ماهۀ عطشان نویسم
.
ترکی دلینده
.
همان بیرصود امرکه اوخ دگنده
ایدوب پاره بوغازین قان گلنده
دوتوب قانین آتا عرشه سپنده
دئیردی شاهداول دادار اکبر
قوجاقیمده سوسوز جانویردی اصغر
.
همان اصغرکه نخل دینه هسته
قماطه اللری اولموشدی بسته
سوسوزجانویردی عاشورا ال اوسته
ایچوب قانین اوتشنه سویرینه
گیدوب مهمان اولا اوز اکبرینه
.
دئیردی ای خدا دلسیزبالیدی
بوتک غنچه گولوم ایکاش قالیدی
قوجاقیمدن آناسی تا آلیدی
دئییدی اصغریم لایلای بالام یات
تاپولمورخیمده سوفکرینی آت
.
منی بیربیله درده بوسالاندا
الیم اوستنده میداندا قالاندا
نه حاله گوردوشرمندن آلاندا
بالانی قانه غلطان تا آناسی
نه آغلورنه گولوردینموربالاسی
.
قوجاقیمدن آلارتا اوز بالاسین
گوررقانی آخورباغلاریارسین
علی آچمازگوزون گورسون آناسین
نقدری دیندیررویرمزجوابین
دلر دردو محن قلبین ربابین
.
آنا سیندان من آلدیم بوغزالی
ایچیردم سوایچه بونونهالی
ویروب اوخ حرمله ایتدی یارالی
بوغازدان اوخ یریندن قانی آتدی
گولوب اوّل صورا گوزیومدی یاتدی
.
اولوب شاهد بوگونده جمله یاور
تمام قارداشلاریم هم عون وجعفر
شبیه مصطفی دوغراندی اکبر
ولی بوصود امراوخلاندی یاندیم
من اصغر قانینه آخربویاندیم
.
منیم بودرگهیم دورهرزمان باز
حسینی لردی بودرگاهه سرباز
تلاش ایت «عدلیا» سن نوحوی یاز
اوخی مجلسده آغلا آغلاسونلا
غم اصغرده سینه داغلاسونلار
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
ظاهراً طفل رضيع سن باطناً سربازعشق
حاج اصفر فرشچی ( عدلی تبریزی)
💐🌺💐
ظاهراً طفل رضيع سن باطناً سربازعشق
هنگ عشقه آلتی آيلوق جان فدا جانبازعشق
.
عشقوی گهواره دن مَن هَلْ معين تا سسلديم
ايتدودن اعلان من مُعينم گلدی تا آوازعشق
.
تشنه لب اوچ شعبه پيكانی سن اَمدون ” سينوه
تا مدال عشق اولا ای عاشق ممتازعشق
.
آخدی قانون اللريم اوسته قالوب گل پيكرون
جنّته روحون پرآچدی ايلسون پرواز عشق
.
بوقانون الله قانی اولدی قاروشدی قانيمه
گورسه دورهرقطره سی بوعالمه اعجازعشق
.
تحفۀ شايسته سن جانانيمه دلسيز بالا
سن ازل گيت وير خبراوز جديمه همرازعشق
.
سويله تك قالدی بابام قرخ مين قوشون يركربلا
ظهرعاشورا گچوب بر پا اولورآغازعشق
اهل ايمانون ديلينده «عدلی» بواولموش شعار
سنّی آزمشكل گشادی گلشنه گلنازعشق
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
لطف خدای اکبرگلوب جهانه اصغر
حاج اصفر فرشچی ( عدلی تبریزی)
💐🌺💐
لالائی گفتن حضرت رباب )س)
سبک:محرم رازیم الله
.
.
لطف خدای اکبر
گلوب جهانه اصغر
غنچه گولوم گوزآچدی
اولماقا دینه پرپر
هنگ عشقه خردا جا سر باز اولانیم
آلتی آی صورا قرآنا جانباز اولانیم
قوخما یوخدی اوخ آتان یات
قیدیوه وارچوخ قالان یات
اصغریم یات * گوهریم یات
.
.
گهواره وه سالارام
لایلایوی چالارام
یرون راحت اولماسا
قوجا قیمه آلارام
دردیوی اوغول سن دیمسن من بولرم
بیرگونوم اگرسنسیز اولا من اولرم
صبح اولونجان یاتمارم من
سینم اوسته یاتماسان سن
اصغریم یات* گوهریم یات
.
.
جان عزیز مادر
عرش خدایه زیور
سـینمه اللرون سال
مشکل آچار بواللر
ایندیدن سنون اللریوی باغلامارام
سینمی گزور واردی صودوم آغلامارم
ام صودون آج یاتما اصغر
قوت جا ندور شیر مادر
اصغریم یات * گوهریم یات
.
.
گلشنده چوخ گول آچار
سوسن و سنبل آچار
هر ننه نین اوشاقی
بُیور دونر دل آچار
من اوغول سنون دل آچماقون گورنمرم
اَم صودومدن آجلوقووا دوزنمرم
یوم گوزون یات سالما درده
کربلا نی آل نظرده
اصغریم یات *گوهریم یات
.
.
یوسف کنعان سن
سرو گلستان سن
سن بو ربابه علی
حیف اولا مهمان سن
من آنان کیمی واردی باشوندا ماجرا
حیف اولا دولار ظلمیله قونداقون قانا
اوخ آتار سنه حرمله بالا
یرگویه سالار ولوله بالا
اصغریم یات* گوهریم یات
.
.
گویده گونوز آی اولماز
اصغریمه تای اولماز
آلله سنی پای ویروب
سنکیمی بیر پای اولماز
سن سُها کیمی بیرگون اولارکه آخاسان
حلقیدن آخان قانی عذاره یاخاسان
شه ال اوسته جان ویرر سن
دین حقه قان ویرر سن
اصغریم یات* گوهریم یات
.
.
واردی چوخ امتیازون
سنسن شه حجازون
اللری اوسته اوغول
پارچالانی بـوغازون
بیرباخوب گولوب صوندا یومارسان گوزوی
کاش او لحظه ده دیه بولیدون سوزوی
نی کیمی آنان نالیه گلر
هر گجه گونوز آهو تک ملر
اصغریم یات * گوهریم یات
.
.
)عدلیده) یوخ خیر عمل
سندن اوغول چکمز ال
سسلسه داده سنی
حشریـده فریاده گل
چوخ گناهی وار عمرونی ایلیوب خطا
ایت شفاعت رحم ایده عفو ایده خدا
کج گیدوب گریول آزوبدی
مدح و نوحه چوخ یازوبدی
اصغریم یات * گوهریم یات
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
درمکتب ما شیعۀ ناب جوروجفا نیست
حاج اصفر فرشچی ( عدلی تبریزی)
💐🌺💐
درمکتب ما شیعۀ ناب جوروجفا نیست
جزخدمت خلق وحدت اخلاص بخدا نیست
.
ما سالک حقیم وعلی راه بَرِماست
اومنتخب حق وزحق اوست جدا نیست
.
اخلاص عمل ما زعلی یاد گرفتیم
بی عشق ولایش به فضا هیچ صفا نیست
.
ما مکتبیان باده خورعشق حسینیم
مست ازمی نابیم که درمیکده ها نیست
.
عشق شه دینی که خریداروفا بود
درکربوبلا گشت وبه دید مهرو وفا نیست
.
برطفل رضیع جرعۀ آبی چوطلب کرد
تیری به جفا گفت به درد تودوا نیست
.
افسوس که به فطرت نشد آگاه زدشمن
بی نورحسین در دل خورشید ضیا نیست
.
آخرسرودستش به عداوت به بُریدند
غافل زشهیدان خدا را که فنا نیست
.
روزت شده«عدلی»زغمش گرشب دیجور
لطفی بود ازحق مگرت روز جزا نیست
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
ولایت بحرینه بیرگوهرم من
حاج اصفر فرشچی ( عدلی تبریزی)
💐🌺💐
ولایت بحرینه بیرگوهرم من
شهامت هنگینه بیرافسرم من
.
نگینم گوشوارِ عرش دیـنه
شرف بارما قینا انگشترم من
.
علّیّ اکبراوخشاردی رسوله
علیّ المرتضایه مظهرم من
.
شهیدعشقم و دریای عشقین
ایچینده بیردرخشان گوهرم من
.
آتام فُلک نجاتین رهبری دور
بوفُلک اُمّته بیرلنگرم من
.
منم باب المُراد وشیعیانه
چتین وقت لرده یارویاورم من
.
منم حَبْلُ الْمَتین بند قماطیم
دیمه اصغرکه سرّاکبرم من
.
اگرعیسی دانوشدی مهدایچینده
مسیح عترت پیغمبرم من
.
لبیم سرچشمۀ آب حیات دی
دیمه محتاج شیر مادرم من
.
گلاب نوگلان باغ دینم
گلم من غنچه وقتی پرپرم من
.
آتوبدورحرمله پیکانی امدیم
سوسوزدینه فدا بیررهبرم من
.
اگرچه ایچمدیم سوآخدی قانیم
ایچن روز قیامت کوثرم من
.
خلیل کربلایه من ذبیحم
گلستان عشقینه برگ ترم من
.
یوزایللیق یوللاری شش ماهه گلدیم
شهیدان ایچره والا برترم من
.
سپیلدی گویلره قانیم حق اوسته
بلی عرش خدایه زیورم من
.
آنام زهراکیمی محشرگونونده
شفیع محشرم گراصغرم من
.
حسینون اصغریندن یازدون «عدلی»
بولوردن دفتره زیب وفرم من
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
عاشق کیمی عشق عالمینی درک ایدن اولماز
حاج اصفر فرشچی ( عدلی تبریزی)
💐🌺💐
عاشق کیمی عشق عالمینی درک ایدن اولماز
غم بارشی گراوستونه یاغسا بولن اولماز
.
عاشقدی گوله بلبل شوریده چکور آه
گلموش دیله گول لر بورا بیت الحزن اولماز
.
پروانه یانار شمعه ایدر جانینی قربان
عشق اهلی بوله عشقیده جان بی فتن اولماز
وامق یوزه عذرادن اوتور گوز یاشی توکدی
مجنون کیمی لیلانی دیوب چول گزن اولماز
.
عشّاق جهان ایچره حسین عشقینه اَحسن
معشوقه چاتا گیچدی جانیندان گچن اولماز
.
مستانه گلوب دشت بلاده اولا قربان
عاشورمحرمده ایله گون گورن اولماز
.
گلدی آچا دانشگه دین مکتب قران
منظورونا عالمده حسین تک یتن اولماز
.
اصحابه بویوردی گیدن اولسا گجه گئتسون
مانع دگولم لیک گوروبلر گیدن اولماز
.
غربال ایلدی قالدی تمام عاشق ممتاز
درهم دیمه دی سچدی ایله بیر سچن اولماز
.
صبح اولدی ایچوب جام شهادت هامی یاران
مست اولدولا میدن ایله میدن ایچن اولماز
دورت قارداشی قارداش بالاسی شبه پیمبر
یارمحضرینه گیتدی اولاردان گلن اولماز
.
بیرقالدی فقط ما ملکیندن علی اصغر
سویلردی آتا صود امریم تک سَمن اولماز
.
آلدی اونودا اللری اوسته آلا تا سو
گوردی جان آلان اوخ گلوری سوویرن اولماز
.
اوخ اوچ پریدی کسدی بوغازین قانی آخدی
باخدی آتیا گولدی ایله بیرگولن اولماز
.
چکدی بوغازیندان اوخی قان قانه قارشدی
قویدی یوزونه قانلی عذاری سیلن اولماز
.
قویموبدی توکولسون یره قان آتدی سَمایه
سویلری علی صود اَمره قان کفن اولماز
.
قربانگه عشقه گولودون غنچه چاقیندا
جان بذل ایلدون عشقیوه میزان ویرن اولماز
.
اصغرغمینی یازسا نقدر«عدلی» قوتولماز
بونوحه که یازدی بیله غملی سخن اولماز
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
نخل دینه هسته سن
هم سوسوزهم خسته سن
حاج اصفر فرشچی ( عدلی تبریزی)
💐🌺💐
سبک : ای گل مینای من
زبانحال حضرت رباب علیها سلام
نخل دینه هسته سن
هم سوسوزهم خسته سن
خاندان عصمته
سن اوغول وابسته سن
.
ای گلوده یاره سی
یوخدی منده چاره سی
.
سالدون آخرغم شراری بودله اوغلوم
دل آچیدون کاش گلیدون سن دله اوغلوم
.
.
شیرخواراُولسه، آنا
حقّی وارقلبی یانا
ایچمدون بیرجرعه سو
بوفرات دونسون قانا
.
اوچ گون ای عطشان قالان
قلبیمی درده سالان
.
ای سوسوز دینه فدائی رهبریم اصغر
عرش اعلایه اولان ای زیوریم اصغر
.
.
ای ربابون اصغری
بحردینون گوهری
قوشکیمی اوخلانموسان
ای شکسته شهپری
.
گورمدیم دل آچماقون
یول گیدوب بیرقاچماقون
.
دورقاناتلان گل قوجاقه من دیوم لایلای
گلمه سن قلبیم یاناربول سسلرم ایوای
.
.
سن لبِ عطشانیلن
بیرسولی پیکانیلن
آخدی قان قونداقوی
دولدوروبدی قانیلن
.
اللری باغلی بالام
قونداقی قانلی بالام
.
قانوی اوغلوم آتاون قانینه قاتدون
سن شهید لرتک بوگونده مقصده چاتدون
.
.
حالیوه چوخ آغلادیم
سینمی هی داغلادیم
تاپمادیم بیرقطره سو
اللریوی باغلادیم
.
قان ایچن غنچه گولوم
آچ گوزون تا من گولوم
.
سن منیم ماه مُنیریم باتموسان اصغر
اوخ دیوب لایلای نه راحت یاتموسان اصغر
.
.
سن نه راحت یاتموسان
صود سو فکرین آتموسان
بولموسن اوغلی ئولن
مادری آغلاتموسان
.
ای گلستاندا سولان
مادرین آغلارقویان
.
ای آتانون اللرینده جان ویرن اوغلوم
ریشۀ اسلام ودینه قان ویرن اوغلوم
.
.
قلبیمه اود ویرماقون
گه یاتوب گه دورماقون
یادیمه دوشدی بالا
سینمی بوش امماقون
.
صودگلوب پستانیمه
سالما اود بوجانیمه
.
یادیمه دوشدوقجا یانّام سود امراوغلوم
مین غمه درده بویانّام سود امراوغلوم
.
.
سن اولنده گولموسن
سرّعشقی بولموسن
زنده سن تا وار جهان
کیم دیورسن اولموسن
.
منده گللم قالمارام
تا وارام قان آغلارام
.
باغ دینون نو گولیدون اولموسان پر پر
گیت آنان زهرا الیندن میل ایله کوثر
.
.
آچ قاناد گل سینمه
بو آنان قربان سنه
باغلامازبیرده الون
اللرون رحم ایت منه
.
گیتمیش گل بوس ایدیم
تا دوروم شامه گیدوم
.
ای آدی باب الحوائج شافع محشر
اُمّت اسلامه ایله بیرنظراصغر
.
.
یازدی « عدلی » بسوزی
کربلاده وارگوزی
هیئت اهلینن گیده
هم «ببیرپور» هم اوزی
.
خالق الله لطف ایله
بو مرام گلسون اله
.
سن تمام مشکلاتی ایله سن آسان
بحرانعام وعطادن لطف ایله احسان
جناب ببیرپور
مدیرکانالهای زبدة الاشعار مباشند
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
نخلۀ دینه هسته گلمدی سینم اوسته
حاج اصفر فرشچی ( عدلی تبریزی)
💐🌺💐
سبک : محرم رازیم الله
زبانحال حضرت رباب علیها سلام
نخلۀ دینه هسته
گلمدی سینم اوسته
یوخلامادی بشیکده
ایندی دوشوبدی خسته
.
دینجلوب بالام حرمله توکدی قاننی
بولدی دینینه ویردی بوگونده جاننی
الله الله ئولدی اصغر
غنچه گول تک سولدی
.
.
قانه اوغول باتوبسان
مقصدیوه چاتوبسان
اوخ سنه لایلای دیدی
راحت اولوب یاتوبسان
.
آلتی آی اولان عمرومون آخرثمری
اوخلانوب کیمون گوربالاسی صودامری
الله الله ئولدی اصغر
غنچه گول تک سولدی
.
.
ئوولسه بالاسی آنا
حقِّیدی قلبی یانا
طاقتین الدن ویرر
گورسه باتوبدی قانا
.
بیراوخیلن قانه باتوبدی اصغریم
بوربابی گوزدن آتوبدی اصغریم
الله الله ئولدی اصغر
غنچه گول تک سولدی
.
.
مین غمه یاندوراردی
ال ایاقین چالاردی
صود ایستیردی گویا
سینمه ال سالاردی
.
ای سولان گولوم آچماقوی گورنمدیم
اولمادی صودوم سو بالاما ویرنمدیم
الله الله ئولدی اصغر
غنچه گول تک سولدی
.
.
رسمیدی بو صود امر
دورسا یوخودان سحر
آنا بالانی گورر
سینه سینی صود گزر
.
سینمی ندن گزمدی صود بالام یسون
اولمادی دیلی دردینی هم سوزون دیسون
الله الله ئولدی اصغر
غنچه گول تک سولدی
.
.
ال اوسته ئولدون علی
مقصدی بولدون علی
سرّی ندور بولمورم
اُولنده گولدون علی
.
پهلوان یخان اوخ ویرولوب بوغاز بیچوب
بادۀ غمی بوگون بالا آنان ایچوب
الله الله ئولدی اصغر
غنچه گول تک سولدی
.
.
یانوبدی نارغمه
گلوب باخور پرچمه
ایستوری حاجت اوغول
دیلده ایدور زمزمه
.
سسلوری علی کربوبلاده وارگوزوم
(عدلیم) منیم دلده اولوبدی بوسوزوم
الله الله ئولدی اصغر
غنچه گول تک سولدی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
گوزوم نوری یوخدی سو منده
حاج اصفر فرشچی ( عدلی تبریزی)
💐🌺💐
زبانحال حضرت رباب علیها سلام
سبک: شبانگاهان
گوزوم نوری یوخدی سو منده
ایستمه سنده ایلمه افغان
بیله اممه دل دوداقوی یوم
گوزلرین لایلای ای گل رضوان
.
بو صحراده سینه داغلارام
سن آغلاسان منده آغلارام
یات علی لایلای یات علی لایلای
.
.
سنیله من اوچ گجه گوندوز
سس سسه ویرب آغلورام اوغول
دوداقلارین سن امن وقته
آهیله اورک داغلورام اوغول
اورخساره صدمه دگمه سین
اللریوی من باغلورام اوغول
بونیسگیلده هانسی بیرآنادی
ایلمز یوزه اشکنی روان
.
بوصحرانون غم هواسی وار
سنون نه دردون دواسی وار
یات علی لایلای یات علی لایلای
.
.
قوجاقیمده لایلایون چالورام
دردیوی آلورام گوزلرون باخور
بومعنالی باخماقوندی منی
آتش غمده یاندوروریا خور
دلون یوخدی دردون آندوراسان
دُرّ تک گوزدن اشک ترآخور
بیر آزیوخلا سینم اوستونده
من آناندا وارام سنکیمی عطشان
.
کباب اولدون اماندی یات
فغانوی بیرآز آزات
یات علی لایلای یات علی لایلای
.
.
علی باشدان آت سوفکرینی سن
خیمه نی گزدیم یوخ سویا امکان
بوسولموش گل تک دوداقوی آز
هی اشارتله ویرمنه نشان
بوچولده جاندی بهاسی سویون
باغلیوب سویون یوللارین عدوان
سن آغلاسان منده آغلارام
گوز یاشیم ایدرسیل تک طغیان
.
نه واردی سوخیمه گاهیده
نه رحم واردی سپاهیده
یات علی لایلای یات علی لایلای
.
.
بلا دشتینده بابان ایستور
عهدی اوستونده امتحان ویرسون
نهال باغ رسالته سویرینه بو
چولده قان ویرسون
الینده گل غنچه ده سولسون
عشقنی جهانه نشان ویرسون
سوفکرین آت ناتوان آهو
یوخدی آخرسو من سنه قربان
.
بوچولده دشمن دوشوب لجه
دُزورآتان بوغمه نجه
یات علی لایلای یات علی لایلای
.
.
محمد زاده مجید آدلی
بانی دوریازیلا نوحه اصغره
محافلده مدح و نوحه دئیر
شاه دینه هم اوغلی اکبره
سویور«عدلی»همسفر اولا
اونلاقول سالا قبرحیدره
یاتوب اوردا شیعه لرآتاسی
عالمین آقاسی حق دئین انسان
.
علی آدی ساقی کوثر
امام حق شافع محشر
یات علی لایلای یات علی لایلای
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
نه مکان سینمی ایتدون نه ده گهواره اوغول
حاج اصفر فرشچی ( عدلی تبریزی)
💐🌺💐
زبانحال حضرت رباب علیها سلام
نه مکان سینمی ایتدون نه ده گهواره اوغول
یاتمادون اشکوی توکدون نیه رخساره اوغول
.
.
سنیدون غنچه گلوم قلبیمین آرامی بالا
آتان آلدی سنی مندن آپارا تا سو آلا
نه ویروبلرسنه سو نه باش اگوبلراِماما
ویردیلار اوخ بوغازوندان ایلدی پاره اوغول
.
.
سنه سوایستدی دشمندن آتان یا ولدی
حرمله اوچ پراوخیله سنی قانه بلدی
قویدی حسرتده منی تا باشیما کول الدی
اودی آهیم اوجالارگنبد دوّاره اوغول
.
.
حرمله نه منه رحم ایلدی نه سن بالاما
گله لعنت اوخ آتوب اوخ ساتانا اوخ آلانا
منی مِحنت غم وحسرت اودونا یاندورانا
تیراوچ پرایلدی گوندوزمی قاره اوغول
.
.
سن گیدنده من دئدیم بوصود یرینه سوایچر
بولمدم ظلم وشقاوت بی نهایتدن گیچر
اوخ گلرحلق ظریفون گوز قباقینده بیچر
کاش دگیدی منه اول حلقه دگن یاره اوغول
.
.
تابع اولدی ظلم ایدنلر یوم تَف اهریمنه
اسدوروبلرصرصر ظلمی صفالی گلشنه
غنچه نی گلدن آیرسون حمله وراولدی سنه
اُفّ اولا بیربیله فعله بیله افکاره اوغول
.
.
حنجرون نازیکیدی المادی مانع یولونا
یول ویروب بیچدی گچوب دگدی آتاون قولونا
هانسی دعواده روادی صود امرده اولونا
اولموسان گلشن عشق ایچره دچارخاره اوغول
.
.
اشک حسرت توکرم چوخ گیجه نی تا سحره
یانارام فرقتیوه آتش غمده شرره
هانسی آئینده سه پراوخ آتولوب صودامره
عشقی اوسته یازولا تا آدی طوماره اوغول
.
.
هی دئدیم آغلاما باشدان صودوسو فکرینی آت
گل سالوم نازیله گهواروه بیرلحظه ده یات
دمدیم درّسرشکین اوقزل قانیوه قات
الوی باغلاماقیم اولدی ره چاره اوغول
.
.
لایلایون چالدیم اوزوم گورمدیم امّا یاتاسان
سینمی ترک ایلدون مقصدیوه تا چاتاسان
بولمدیم من تک آناوی بیله گوزدن آتاسان
سالاسان چوللره من تا اولام آواره اوغول
.
.
اول زمانکه قوریین سینه لریم شیره دولار
یاد ایدنده سنی اشکیم یوزومه جاری اولار
بلبل آغلار گوره غنچه گلی گلشنده سولار
آغلارام من یانارام آه شرر باره اوغول
.
.
تا وارام من نسگلون آتش ویراراکبادیمه
مرهم اولماز قلبیمه گلسه بیری فریادیمه
قالدیم حسرت عمرومی بودهریده اولادیمه
تابعم هرحالیده خلّاق جبّاره اوغول
.
.
نوحه یازماقی سنه لطف ایلیوب«عدلی»خدا
یازعلی اصغره نوحه آچ الون ایله دعا
اللری مشکل آچاندی ایسته بیرده کربلا
گیت دیلیمجه دِ بها تا ویره اشعاره اوغول
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
باجی زینب لشکرعشقه
حاج اصفر فرشچی ( عدلی تبریزی)
💐🌺💐
زبانحال حضرت ابا عبدالله الحسین
علیه السلام به حضرت زینب علیها سلام
سبک: شبانگاهان…..
باجی زینب لشکرعشقه
آخرین سربازقانینه باتدی
زبس تشنه ایدی اموب پیکان
اللریم اوسته گوزیوموب یاتدی
.
باجی گل آل ویر آناسینا
ایدرچاره اوخ یاراسینا
یاوریم زینب یاوریم زینب
.
.
سموم کفرگلستانیمده
آچمیین گولومی سولدوربدی باجی
دگوب اوچ پراوخ بوغازیندان
قانی قونداقین دولدوروبدی باجی
قیامتین عالمین بو بالا
عالم اهلینه قوپدوروبدی باجی
فنادن تاپدی بقا ایلدی
حقیلن سودا جاننی ساتدی
.
باجی گل آل ویر آناسینا
ایدرچاره اوخ یاراسینا
یاوریم زینب یاوریم زینب
من آچدیم تا مکتب قرآن
اصغریم ایتدی آلتی آی تحصیل
منیله گلدی بو میدانه
پایۀ عشقین ایلسون تکمیل
ویروبلااوخ بوآخان قانی
مُجمَلِ دینی ایلدی تفصیل
بو تحصیل وبو شهادتده
سود امربالام مقصده چاتدی
.
باجی گل آل ویر آناسینا
ایدرچاره اوخ یاراسینا
یاوریم زینب یاوریم زینب
.
.
منه سرباز هنگ عشقیمده
وصل معشوقه هریان آختاردی
دئیدی لبیک هل معینمه تا
بومناده گلوب قربان آختاردی
حمایت ایتسون بوچولده منه
یوسف مصریم کنعان آختاردی
.
باجی گل آل ویر آناسینا
ایدرچاره اوخ یاراسینا
یاوریم زینب یاوریم زینب
.
.
عزیزاولدی مصرعشقه بالام
اوخلانوب قانین قانیمه قاتدی
قوجاقیمده خوشلادی یرینی
غنچۀ نورس برگ گل آچدی
ولی اولمازگل تکانسیز اولا
اوچ پراوخ گتدی بیرتکان ساچدی
ساچلمش یرایسّی قانویردی
دیسگنوب بیردم رنگ رخ قاچدی
منه باخدی گوزلری آخدی
ایلدی خسوف آی کیمی باتدی
.
باجی گل آل ویر آناسینا
ایدرچاره یاراسینا
یاوریم زینب یاوریم زینب
مدح و عزای حضرت علی اصغر
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
در مدح و عزای حضرت علی اصغر علیه السلام
آچمیین غنچه گولوم دینه فدا اولدی خدا
حاج اصفر فرشچی ( عدلی تبریزی)
💐🌺💐
زبانحال حضرت رباب علیها سلام
آچمیین غنچه گولوم دینه فدا اولدی خدا
گیتدی اکبر یولونی اکبرینه اولدی فدا
.
ولی سوسوز ویروبدی جان الله
سویرینه ایچوبدی قان الله
.
دئدیم آغلاماچوخ * سینمده سودوم یوخ
سنه قان ایچیردر* آتار حرمله اوخ
علی بالام علی
.
.
هی دئدیم ایستمه سوقیمتی جاندی بالایات
منده سن تک سوسوزام سودیماقون فکرینی آت
نه سودوم وارنه ده سوگوزیاشون آزقانیوه قات
باغبان هانسی گلستاندا گوروب غنچه سولا
.
هیچ گول سنون تک سولمیوب اصغر
قنداقی قانه دولمیوب اصغر
.
بالایوخدی چاره * بوقدرگلمه زاره
سینم دیرنا قونلا * اوغول اولدی یاره
علی بالام علی
.
.
سن دوداقلارون امن وقته اورک داغلاموشام
سس ویروب اوچ گجه من سنله اوغول آغلاموشام
دگمیه صورتیوه صدمه الون باغلاموشام
نینییم فکریمه یول بوعملیم گلدی بالا
.
گوزیاشوی ایتمه روان اصغر
قالمورسنه تاب و توان اصغر
.
منیم دلبریم سن * مه انوریم سن
بهاریم خزانیم * سوسوز اصغریم سن
علی بالام علی
.
.
هی دئدیم یوخدی سودوم ال ایاقون چالما علی
قوریین دل دوداقون سینمه سن سالما علی
معنالی باخماقیلان طاقتیمی آلماعلی
آل طاهایه اولوب کرب وبلا کوه منا
.
سنده بشیکدن ویرجواب اصغر
گیت باغریمی ایله کباب اصغر
.
سنی سسلیین وار* یولون گوزلیین وار
دیمه بومناده * سنه بنزیین وار
علی بالام علی
.
.
سنی مندن آتان آلدی دئدی الله قالانی
کربلاده صود امردی ساتورام بوبالانی
آخرین فدیه دی ربیم سن اوزون اول آلانی
ایستورم اصغریمی اکبریمه قربان اولا
.
بودی گل رنگی سولان اصغر
آدی منه ازبراولا اصغر
.
بوعمره ثمردی * بالام صود امردی
آخاربیرسُها تک * سمایه قمردی
علی بالام علی
.
.
بنزوری فعلیده بوچولده بالام قارداشینا
اسمعیلدی بومنه باخمازحسین آزیاشینا
هاجراولموش آناسی سُرمه یاخوب گوزقاشینا
آنادا راضیدی اصغر گیده اکبریولونا
.
ذرّیۀ طاهادی بوالله
مِهریۀ زهرادی سوالله
.
اسه طوفان ایستور* سولی پیکان ایستور
سوسوزجان ویره تا* قالا قران ایستور
علی بالام علی
نوحه ده غم یارانوب یازماموسان اوزباشیوا
اهلبیتی سُووَنی ییغ گینه «عدلی» باشیوا
نوحه خوان اولسان اگراذن اولونی گوزیاشیوا
کمک ایتدی سنه اصغراوزی نوحه یازیلا
.
باب الحوائجدی بالام اصغر
درده معالجدی بالام اصغر
.
هامی نوحه خوانه *عزاداراولانه
شفیع قیامت * بودی عاصیانه
علی بالام علی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
باجی زینب گولوم سولدی اولان دین نخلینه هسته
حاج اصفر فرشچی ( عدلی تبریزی)
💐🌺💐
زبانحال امام با خواهرش در سوگ طفل شیرخواره
سبک : اگر صبح قیامت رشبی هست….
باجی زینب گولوم سولدی اولان دین نخلینه هسته
آناسی خيمده آغلار ولی آهسته آهسته
کر:
گل گورنجه گولوم سولوبدی
قنداقی قانیلن دولوبدی
علی لایلای.. بالام لایلای..
علی لایلای بالام لایلای
.
.
باجی گل اللريم اوسته قوزی قربانيم اوخلاندی
قماطه اللری باغلی سوسوز جیرانیم اوخلاندی
ایشیدّی هل معین مندن اولوب مستانیم اوخلاندی
آناسی خيمده آغلار ولی آهسته آهسته
.
.
اورک دوزمورالیم اوسته ویرور جانانینه جانی
گُلوب بیرلحظه گوزیومدی ایده گویا بوعنوانی
بابا اوچ شعبه اوخ امدیم بوغازیمدان آخورقانی
يارامی ويررباب باغلار ولی آهسته آهسته
.
.
ربابه ویرگوزی یولدا بالا گوزلورپریشاندی
آلارسندن اوپرسویلربالا سرتاسرین قاندی
چكرآغوشينه امّا گورربی روح وبی جاندی
توكرقانياش سينه داغلار ولی آهسته آهسته
.
.
سالارگاهي ديزی اوسته علی لايلای ديرآغلار
بوغازیندان گلرقانی دوباره یارسین باغلار
گینه سسلرعلی لایلای حرم اهلین غمی داغلار
دئدوقجان غملری آرتار ولی آهسته آهسته
.
.
دیرلایلای جهاد میدانینه عطشان گیدن لایلای
آجیندان دیرناقیلن صورتین خط خط ایدن لایلای
سوسوزقالدون گیدوب امدون سولی پیکان ندن لایلای
بونیسگیل قلبینی اودلار ولی آهسته آهسته
.
.
علي گورسنميوب سن تك اوشاق اوچ گون سوسوزقالسون
نه سوایچسون نه صود امسون بشیکده ال ایاق چالسون
اوروج دوتسون بو سینّینده آنانون صبرینی آلسون
قان ایچسون ایلسون افطار ولی آهسته آهسته
.
.
همای عشق سن پرآچ قانادلان گل سینم اوسته
قماطه اللرون بیرده رباب اتمز اوغول بسته
زبس صود سینمی گزمور ایدوبدی روحومی خسته
آنان داغ دلون ساخلار ولی آهسته آهسته
.
.
بودشت کربلا داغین اوغول من سینمه آلام
قوجاقدا صودا مرگورسم علی وای ناله سی سالام
بالا هجرونده آهوتک بیاباندا ملر قالام
منيلن آهولار آغلار ولی آهسته آهسته
.
.
سنی فرض ايليوب دشمن كه جنگه گلموسن اصغر
آتوبدی حرمله بیراوخ یوموب جنّتده گوز حیدر
بیچوپ نازک بوغازپیکان آنان قالدی بالا مضطر
اوغوب گل غنچه ده اشرار ولی آهسته آهسته
.
.
آدون اصغراوزون اصغر ولی باب الحوائج سن
الون مشکل گشادورسن تمام درده معالج سن
بوجمعین مشگلون حل ایت دیوردردین نتایج سن
بيری«عدلی»ايدراظهار ولی آهسته آهسته
علی لایلای.. بالام لایلای..
علی لایلای بالام لایلای
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
گل باجی آل اللریمدن اوخلانوب ششماهه اصغر
حاج اصفر فرشچی ( عدلی تبریزی)
💐🌺💐
زبانحال حضرت سید الشهدا علیه السلام
سبک :استخاره کردم امشب … ای وئرن ویرانه یرده … عمه بو ویران سراده … گلپونه ها
گل باجی آل اللریمدن اوخلانوب ششماهه اصغر
حرمله بیراوخ ویروبدی قان ویرور نازک بوحنجر
کر:
گل آپار ویرتا آناسی باغلاسون حنجر یارسین
خیمیه اطفالی یغسون اوخشاسون دوتسون عزاسین
گل یوبانما گل یوبانما
.
.
اکبره اکبردیموشدوم اصغریمده باتدی قانه
آچدی پرپروانۀ عشق دورشمع دینه یانه
یاندی راحت اولدی یاتدی بیرده آچماز گوزجهانه
ایندی یول گوزلورخییمده مهربان بیچاره مادر
.
.
هل معین من سسلینده مست جام وحدت اولدی
بوالیمده اشقایه آخرین ِحُجّت اولدی
ویرمیوبلرسو ایچوب قان گوزیوموبدی راحت اولدی
گولدی گولماق دردی اولدی درد اکبردنده برتر
.
.
عشق میدانون دولاندی پرآچوب اوچدی کبوتر
اللریم اوستونده قالدی اوخلانان بو قانلی پیکر
سسلورم گلسون هرایه گاهی عباس گاهی اکبر
بومنیم آخرگولومدی غنچه لیقدا اولدی پرپر
گل آپارویر تا آناسی باغلاسون حنجر یارسین
خیمیه اطفالی یغسون اوخشاسون دوتسون عزاسین
گل یوبانما گل یوبانما
دوبیتی:
بینشین دایره سین مثل فلک واسع ایله
آنلاتا واردی حسین عشقی نقدراصغرینه
اونداکی سویرینه قانین ایچوب صود امری
فکرایدورسن نه دیدی غُنچه گلِ پرپرینه
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
گون دوتوب الده ستاره `مین شررسالسون جهانه
حاج اصفر فرشچی ( عدلی تبریزی)
سبک :استخاره کردم امشب … ای وئرن ویرانه یرده … عمه بو ویران سراده … گلپونه ها
گون دوتوب الده ستاره `مین شررسالسون جهانه
بیربالیق تک اللر اوسته ” گستروب نمرودیانه
.
ای جماعت آلتی آیلیق اصغریم یاندی سوسوزدان
گلدی سوایچسون یا اولسون اوچ پراوخ تیره نشانه
.
.
حُجّتی اتمامه یتسون ایستدی سوتشنه کامه
ویرمیوبلربیر اییچم سواولمادی حرمت امامه
قویمیوبلر شاه دینی حُجّتین ویرسون ادامه
حکم قرآنی گتورسون ناطق قرآن بیانه
.
.
سعدین اوغلی ویردی فرمان لشکر ایچره سالدی غوغا
حرمله چون اولدی مغرور ایلدی دستورین اجرا
باخمادی دلسیز اوشاقدی باش آچوب جنّتده زهرا
آغلادا اصغرآناسین اوچ پراوخ قویدی کمانه
.
.
اوچ پراوخ یول آچدی گلدی حلق اصغردن قان آخدی
دیسگینوب اوّل گوز آچدی بیر قانا بیر تیره باخدی
گوردی گویا قان آخان یر صاق قولاخدان صول قولاخدی
بولدی گل تک پرپراولسا یوز ویررغم باغبانه
.
.
گلشن عشق ایچره گوردی باغبان باغ قرآن
صرصر ظلمیله اصغر صود یرینه امدی پیکان
سسلدی گل زینبیم گل بو گولومده اولدی خندان
سینۀ تاریخه اسمین یازدی قالسون جاودانه
.
.
گل باجی نهضت شریکیم بوغمه قلبیم آلشدی
اللریم اوسته بالامون قانی قانیمله قاریشدی
یومماموش گوز گولدی گویا من باباسیله باریشدی
آچمین دل گولماقیلن عشقنی گتدی زبانه
.
.
اصغریم گهوارسیندن طی ایده راه سعادت
تا صغرسنّیله ویرسین عالمه درس سیادت
تشنه لب قانه بویاندی نوش ایدوب جام شهادت
هم سیادت هم شهادت مشقینی ویردی جهانه
.
.
فکر ایدردی چون آناسی میلی وارآب فراته
آغلاموشدی صبح اولونجا اللری باغلی قماطه
بولمدی اکبرکیمی بو نائل اولدی التفاته
همدم اکبردی روحی آفرین روح , روانه
.
.
گل آپارویرتا آناسی باغلاسون حنجر یاراسین
یغسون اطفالی خییمده اصغرین دوتسون عزاسین
صبرایدوب بوغمده آلسون خالق اکبر رضاسین
راضی اولدوم راضی اولسون باتدی قرآن اوسته قانه
.
.
آلاهین قانییدی سپدیم من الیملن آسمانه
اولمادی بیرقطره برگشت بو ثرایه بومکانه
حیرته دوشدی ملک لر غم یتوب افلاکیانه
عرشیان آغلار بو گونده پرپر اولموش گلستانه
.
.
(عدلی ) دوردرگاهه خادم گوزتیکوب احسانه زینب
ایستوری کّلِ مریضی تا یته درمانه زینب
عاصی دورامیدی واردی لطف بی پایانه زینب
روزمحشراذن اولونسا اول شفیع بونوحه خوانه
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
اصغری تا اکبرمردان عشق
حاج اصفر فرشچی ( عدلی تبریزی)
💐🌺💐
اصغری تا اکبرمردان عشق
گتدی الده تا گوره میدان عشق
.
سسلدی بوصود امردی ای سپاه
یوخدی هیچ آئینیده طفله گناه
.
من حسینم سروروجانبازعشق
اصغریمدورهنگیمه سربازعشق
من حسینم یوسف مصروصال
اصغریمدورآیت حُسن وجمال
.
من حسینم شاهد دیروحرم
اصغریمدور کعبۀ وصل اُمم
.
بومنم میم مسیحایه نوید
قالموشام عشق اوسته بوچولده وحید
.
من حسینم کاشف سرّاحد
شاه دینم والی مُلک ابد
.
ساقی عزّت منه ساغر ویروب
هم منه اصغرویروب اکبرویروب
.
اکبریم گراُولدی قالدیم بی معین
اصغریمدورپیروقرآن ودین
.
آچمین گلدورویروب برَباغ دین
آزقالورسولسون گروه مشرکین
.
بیرباخون سوزعطش بیتاب ایدوب
سوآخوب وحشیلری سیراب ایدوب
.
تا بشیکدن آلدی بوآوازعشق
گلشن عشقه گُل بی خارعشق
.
کلمۀ لبیکیلن اعجاز ایدوب
حق بونی عشاق آرا ممتازایدوب
.
گوهرگنجینۀ سّرالاه
گوهررخشنده دوربومثل ماه
.
گوهردریادی بوخشکیده لب
شوقیلن گلدی ایده دیدار رَبّ
.
گَلدی بوعشق عالمین آغاز ایده
شمعینه پروانه تک پرواز ایده
.
گَلدی اولسون رونق بازارعشق
صودامه اُوخدان اولا سالارعشق
.
وارسیزه داشدان اورگ مانند کوه
بحردینه گوهریمدی ای گروه
.
تشنه دی می ایستوری ویرسون نگار
مست اولوب تا ایلسون جانین نثار
.
اُول میئی که مَحرَم دل ایلسون
قلبی روشن فکری عاقل ایلسون
.
اُول میئی که روحه تازه جان ویره
قلبه قوّت نوروهم ایمان ویره
.
حجّت اتمام ایلدی تا شاه دین
اولمادی کیمسه اولا یارومعین
.
نوگُله ایتدی فلک بی حد شتاب
تیریلن ویردی ایچه تا قطره آب
.
حرمله آتدی اونا تیرخدنگ
لبلری قونداقی اولدی لاله رنگ
.
تیراوچ پرحنجرین تا چاک ایدوب
شاه دینون قلبنی غمناک ایدوب
.
سن ندن آتدون فلک تیرو کمان
کاش بولیدون نیندی شیرین زبان
.
گُلدی اَوّل گوزیوموب تا ویردی جان
تا جهان وار اود دوتارقلب جهان
.
آخدی قانی تا بوله اهل وفا
عاشقه چوخ نوش دور تیرجفا
.
بوغمه زهرا بالاسی آغلادی
مهری جوشه گلدی سینه داغلادی
.
اوجونا دولدوردی قانین تا گویه
سپدی امّا ایتمدی حقدن گله
.
هاتف غیبی یتوردی بوپیام
غم یمه بواصغرون من خوشلارام
.
وار بهشته دایه سی قوخما حسین
صود امردن ناگران اولما حسین
.
ناله آزایت ای عزیز قدسیان
شعله ورایتمه یانارهفت آسمان
.
سینوه بوعشقی اَزّل آلموسان
قیدینه بوامُّتون سن قالموسان
.
بیزسنه مُلک شفاعت ویرموشوخ
یوم محشرشأن وعزّت ویرموشوخ
.
اُّمّت ایچره هم قره اولسا سفید
گوزتیکر واردورشفاعتدن اُمید
.
اول شکیبا دُوزغمه پروردگار
قویمیوب گورسون بیری خوش روزگار
.
انتقام اصغری مهدون آلار
اُمّت ایچره سایۀ رحمت سالار
.
اَلغرض اوخلاندی اَل اوسته بالا
تاپمادی اولسون بیری اَلدن آلا
.
سسلدی زینب گل آل اُولدی بالام
اوخلانوبدی گُلکیمی سولدی بالام
.
قلبیمی یاندوردی بودلسیزاوشاق
شاخه دن سندی گلوم دوشدی بوداق
.
کشتیم دریای غمده قالموشام
سینمه دنیا بویی غم آلموشام
.
اکبریم گتیدی دیدیم اصغرقالار
گُلماقیلن درد وغم مندن آلار
.
بولمدیم بوصود امرقانه باتار
حق یولوندا دنیانی گوزدن آتار
.
مندن آل ویرتا آناسی آغلاسون
قان آخورحَنجریاراسین باغلاسون
.
دخت حیدر زینب والا گهر
گوهرگنجینۀ علم پدر
.
فخرنسوان قبلۀ مردان عشق
عصمت اله همره سلطان عشق
.
زهرۀ زهرا مَه بُرج وفا
شاهد احوال شاه کربلا
.
صبره اُسطوره آچوبدی اللرین
آلدی قارداشین الیندن اصغرین
.
عرض ایدوبدی ای خدای کردگار
بو جهان اُولمورندندی تارومار
.
حُرمتین سندیر دیلارپیغمبرین
دردیلر بیربیرگلستان گُل لرین
.
بوگُل نورستۀ باغ ولا
پَرپَراولدی قونداقی دولدی قانا
.
من بونی ویرسم ربابه ساچ یولار
دردوغمدن اشکی گوزده قان اولار
.
عاقبت ویردی خیمده مادری
آلدی آغوشه گل نیلوفری
.
گَلدی گفتاره اوغول خوش گلموسن
سوویروبلرایچموسن دینجلموسن
.
اوچولارتیرآتدیلاراولدون نشان
صید ایدوب آخرسنی بوکوفیان
.
ایتموسن باغریمی قونداقوی قان
ولی وارچهره ده آثار جنان
.
بیرایچیم سواوسته گوردون کشمکش
بیرسولی پیکانی امدون غنچه وش
.
هی دئدیم ایسته سو یوخدی بالا
سوبهاسی بو چولون اوخدی بالا
.
نخلۀ ایمانه اوغلوم هسته سن
یوم گوزون یات سینم اوسته خسته سن
.
یات بیرآزدینجل سنه لایلای دیوم
من باخوم بوحنجره ایوای دیوم
.
صودامرشیرین زبانیم اصغریم
سینه ده صبروقراریم اصغریم
.
یاتماموشدان یارَوی قوی باغلیوم
یوزیوزه سنله قویوم بیرآغلیوم
.
جام وصلون ایلیوب سرخوش مَنی
ترک ایدم مُشکلدی اوغلوم من سنی
.
غم یتَر هجرینده قلب زاریمه
سیل تک اشکیم آخاررُخساریمه
.
قلبیمی بیجا یره من دَلمَرم
سن سیزعالمده بالا دینجلمرم
.
گورسم هریرده اوغول بیرصودامر
واریری تو کسم یوزه اشک بصر
.
آهوان حالون اگربولسه ملر
قالمازآخربو روبابوندا اُلَر
.
سینمه سندنصورا گُل ساچمارام
غم قاراسین ب باشیمدان آچمارام
.
سن گلومدن بیرنفرآلسا خبر
نه دیوم من نه گلوب باشه نلر
.
کاش منی درک ایلیه پیک اجل
لطفون اولسا سنده منله شامه گل
.
(عدلیدی) یتمیش ایکی بیتی یازان
اللروندن دردینه درمان آلان
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
گل غنچه وقتینده سولوبدی
حاج اصفر فرشچی ( عدلی تبریزی)
💐🌺💐
زبانحال حضرت رباب علیها سلام
سبک” ایران اگر دل ترا شکستند….
یارب
گل غنچه وقتینده سولوبدی
قونداقی قانیلن دولوبدی
چوخ ظلم ایدوب اوچ پرآتان اوخ
قانین توکوب پرپر اولوبدی
یارب
سُها کیمی بالام باتوبدی
هم آج همی سوسوزیاتوبدی
بیرسورامردلسیزاوشاقه
بواهل کوفه اوخ آتوبدی
یارب
بلشدی قانه ماهپاره
باتوبدی مهرومَه ستاره
اسوب بو چولده صرصرظلم
ویروبلا یاره اوسته یاره
یارب
دیارغمده گرغریبم
اورک یارادی بی طبیبم
بونهضت اوسته ویرمدیم جان
ولی مرامه هم نصیبم
جانان
ویرنده قان او اوخ یاراسی
کسیلدی جسمیدن قواسی
کسیلمیوب او آغلاماقلیق
قولاقیمه گلورصداسی
امّا
یتوشموری بوغم تمامه
ایشیق گونوزدونوبدی شامه
ویروبلا باشلاری سِنانَه
اسیرلر گیدورله شامه
جانان
چکوبدی نظمه بوبیانی
فدا اولابودینه جانی
اواهلبیته خادم (عدلی)
ایدرحسینه نوحه خوانی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
گل اوغول سینمه سوفكرین باشدان آت
حاج اصفر فرشچی ( عدلی تبریزی)
💐🌺💐
زبانحال حضرت رباب علیها سلام
سبک : همه جا بروم به بهانۀ تو
گل اوغول سینمه سوفكرین باشدان آت
آغلاما سینمی داغلاما بیرآزیات
کر:
ای گل زهرا دلبریم لایلای
آغلاما تشنه لب اصغریم لایلای
یات علی لایلای
یات گلوم لایلای
.
.
آغلاما سینمه سالما چوخ شراره
دیرناقون سینمی ایلیوبدی یاره
نه علاج ایلیوم منده یوخدی چاره
ای گل زهرا دلبریم….
.
.
سویولون باغلیوب قوم عدوان علی
یوخ سودوم نه سُوا واردی امكان علی
آغلیوب ایلمه باغریمی قان علی
ای گل زهرا دلبریم….
.
.
واریری روز وشب من سنه آغلیم
بولمورم هانسی غمده سینه داغلیم
بیربو قالدی اوغول اللرون باغلیم
ای گل زهرا دلبریم….
.
.
سینمده صودوم یوخ ال ایاق چالورسان
قوریین دوداقون سینمه سالورسان
آغلاما آناوین طاقتین آلورسان
ای گل زهرا دلبریم….
.
.
دلون یوخ دیه سن الیمی باغلاما
آناوام سوزومه باخ بالا آغلاما
حسرتیله باخوب قلبیمی داغلاما
ای گل زهرا دلبریم….
مدح و عزای حضرت علی اصغر
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
در مدح و عزای حضرت علی اصغر علیه السلام
بوآچمیین گلوم غنچیدی پرپر اولوب
حاج اصفر فرشچی ( عدلی تبریزی)
💐🌺💐
زبانحال حضرت رباب علیها سلام
بوآچمیین گلوم غنچیدی پرپراولوب
گيدوب بوياندی قانا فدای اكبراولوب
.
قـلبيم قانا دولوری
گل عمری سولوری
عـين الحيات بالاسی
الده سوسوزاولوری
.
.
.
شكاراولاربالاسی بيرآهونون اگر
دوشرداليجا گيدرگوزوندن اشكين الر
دو گوراولان صود امرآنان نجه ملر
.
لايلای ديديم ياتاسان
سوفكرينی آتاسان
سـواوسته من دمديم
گيدوب قانا باتاسان
.
.
.
گلسن دوباره اگرقوجاقيمه آلارام
بـوسينم اوسته گهی گهواره وه سالارام
سندنصورا بوآنان قالمازديمه قالارام
گلسيدی سواَله
قويمازديم اصغراُله
دل اولمادی دانشا
گليدی بيردله
.
.
.
اوقدرآغلاموسان سسون قولاقدا قالوب
شل اولسون حرمله نی سنی بوحاله سالوب
بوقان كه سندن آخورآنان توانين آلوب
.
ای عمرومون ثمری
شش ماهه صود امری
گون باتماموش نيه بس
باتدون شرف قمری
.
.
.
مندن آلوب آتاسی آپاردی سوويره
شش ماهه سربازينی سوسوزدی هامّی گوره
سوويرميوبلراونا قانين توكوبله يره
.
يانّام بیرعمرآغلارام
باشا قره باغلارام
باشون داليجا دوشوب
بوسينمی داغلارام
.
.
.
گوروشميوبدی بالا گل غنچه ليقدا سولا
گوروم اوحرمله نون الی اوغول شل اولا
آيردی سنله منی قلبی مِحَنله دولا
.
ديديم سنی گورر
رحم ايليوب وِرَر
بيرجرعه سونه كه اوخ
آتوب بالا اُلدورر
بوسينمی دلرم
گوزوم ياشين توكرم
نقدراُولمه ميشم
آهو كيمی ملرم
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
آتانون اللری اوسته بالاسی جان ويروری
حاج اصفر فرشچی ( عدلی تبریزی)
💐🌺💐
جان دادن حضرت علی اصغرس
دردستهای حضرت امام حسین علیه السلام
آتانون اللری اوسته بالاسی جان ويروری
شعبه لی اوخ دگوب الله بوغازی قان ويروری
.
اشكی رخساره توكورگه اوپوری لعل لبين
لب ياقوتون اوپورگوهرغلطان ويروری
.
باغبان تشنه لب اولسا لاله سی باغدا سولار
سوويره لاله سينه ديده سی گريان ويروری
.
دوتوراوْجوندا سَپورقاننی افلاكه آتا
فتح شايانه چاتوب مژدۀ جانان ويروی
.
عاشق سوخته جان تحفة جانانه سينی
معتبرالده سند پارۀ قرآن ويروری
.
خيمه ده منتظری وارآناسی عمه لری
گوردولراصغريده مثل شهيدان ويروری
.
سسلدی زينبينی گل باجی ياندی اورگيم
حرمله اوخلادی سوويردی بالام جان ويروری
.
حرمله اللری شل گوردی عطشدن يانوری
آلتی آيلوق بالادی حالی نمايان ويروری
.
آتدی بيراوخ باجی جان قانی قاروشدی قانيما
بولدی گولدی آتاسی دينينه قربان ويروری
.
شيرخواراصغريمه شعبه لی پيكان چوخودی
نجه گورقانی آخورصبريمه پايان ويروری
.
«عدليا» اصغرآدون اصغره ياز شرح اَلم
نقدرقدرت فكرخامه وه امكان ويروی
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
درمدح و عزای حضرت علی اصغر علیه السلام
روحومون صفاسی گلوده یاراسی
حاج اصفر فرشچی ( عدلی تبریزی)
💐🌺💐
زبانحال حضرت رباب سلام الله علیها
روحومون صفاسی گلوده یاراسی
یوخ منده دواسی بالام یات لایلای
گُلِ غـنچه خندان سوویرمدی عـدوان
قالدون اوچ گون عطشان بالام یات لایلای
بالام ایوای ایوای ایوای بالام
.
.
بوگون اولدی قیامت محشردن بیرعلامت
ای گل با طراوت گل شکوفه
اوخ کماندان چیخدی بوقلبیمی سیخدی
گویول ایوین یخدی بواهل کوفه
اوخ ایدوبدی طغیان قالدی آنان حیران
سن نیّرتابان دوشدون کسوفه
سنی مندن آلدی درد وغمه سالدی
آنان ملرقالدی بالام یات لایلای
بالام ایوای ایوای ایوای بالام
.
.
سنی گوردی عطشان مندن آلدی آتان
دوزدی نجه آنان گلمدی دله
سنی سالدوم یولا سوایچه سن بالا
اللری شل اولا ندن حرمله
شعبه لی اوخ آتدی قانی قانا قاتدی
دنیانی آغلاتدی سالدی ولوله
آ للاها من بنده اولمـوشام شرمنده
لـب تـشنیم منده بالام یات لایلای
بالام ایوای ایوای ایوای بالام
.
.
باغومون گلیدون گلی سنبلیدون
دلسیزبلبلیدون ای گل نازیم
کاش علی قالیدون گویلومی آلیدون
دانشوب گولیدون طفل جانبازیم
ای مه تابانیم یوسف کعانیم
قانینه غلطانیم خردا سربازیم
سینمین زیوری کسیلن حنجری
قورین لبلری بالام یات لایـلای
بالام ایوای ایوای ایوای بالام
.
.
قورودی پستانیم اولمادی امکانیم
ندن امدون جانیم بیرسولی پیکان
اولدون آخرخـسته آتا الی اوسته
گوزیومدون آهسته قانینه غلطان
بیله بالا اولمازحیاتیدن دویماز
سنکیمی تیزسولماز لالۀ خـندان
گل عمرون سولدی قان قونداقا دولدی
سنه چوخ ظلم اولدی بالام یات لایلای
بالام ایوای ایوای ایوای بالام
.
.
کربلا صحراسی اولدی غم دریاسی
باشیمون بلاسی ایتدی پریشان
شمعـینه پروانه عاشق مستانه
جانویرن جانانه عاشق جانان
گونوم دوندی شامه غم یتموراتمامه
گیدورم من شامه با دل سوزان
چکرم من نلرسینم غـمه سپر
هرشام وهرسحربالام یات لایلای
بالام ایوای ایوای ایوای بالام
.
.
غملی گلستاندا گل خزان اولاندا
روحوم آیرولاندا گلدی نوایه
هرچمنده گل وارشوریده بلبل وار
خاراوسته مشکل وارد وزرجفایه
مادره ای دلبراولدون گل تک پرپر
ای شیرخواراصغر دوشدوم بلایه
منله گل فریاده «عـدلی» آه وداده
دیاخ ای شهـزاده بالام یات لایلای
بالام ایوای ایوای ایوای بالام
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
خارجفائیله گولوم ” اولدی باجی خندان
روحومون صفاسی گلوده یاراسی
حاج اصفر فرشچی ( عدلی تبریزی)
💐🌺💐
زبانحال حضرت سیدالشهداعلیه السلام
نوحۀ حضرت علی اصغرعلیه السلام
سبک: ویرانه ده نازلی بالام….
خارجفائیله گولوم ” اولدی باجی خندان
جانویردی اللراوسته “گل بو صود امرعطشان
.
لایلای علی لایلای بالام لایلای علی لایلای
.
.
بیرظلم ایدوبدی حرمله ” قلبیم الولاندی
تیرسه پرتوکدی قانین” قونداقی القاندی
یاتموشدی دیسگیندی بالام ” بیرلحظه اویاندی
گولدی منه یومدی گوزون ” باتدی مه تابان
.
.
گلموشدی سو ایشسین بالام” سوویرمدی اعدا
قتله یتیرسون شامیان” قوردی اودم شورا
بودشتی ایتسونله منه ” بیرمحشرکبرا
اوخ گلدی دگدی اصغره “سالدی چوله طوفان
.
.
دنیا دولاندی باشیمه تار اولدی گوزومده
اوپدوم بوغازین زینبیم قان واربویوزومده
اصغرله باهم یاره لی اولدوم من اوزومده
اوخ حلقینی بیچدی اونون دگدی بوصاق قولدان
.
.
قانین ازل اعضاسینه “یاخدوم غمه باتدیم
مِحنت فشاریدنن قانین” گوز یاشیمه قاتدیم
اوجومدا دوتدوم قانینی” گوی سمتینه آتدیم
بیر قطره سی گلسه یره”دنیا اولارویران
.
.
یوخ دوربوچولده بیرنف مندن بونی آلسون
ویرسون آنایه تا آنا گهواریه سالسون
حنجر یاراسین باغلاسین لایلاینی چالسون
اوچ گوندی تشنیدی بالام “عطشان ویروبدی جان
.
.
حسرتله باخدیم اصغره اصغره منه باخدی
گولدی یوزومه گولماقی قلبه شرریاخدی
گوزیومدی یاتدی تا ابد اشگیم یوزه آخدی
سوایستمزبیرده بالام امدی سولی پیکان
.
.
دعوت ایدن حرمت پوزوب عزّتلی قوناقین
مهمانی بوچولده اَمُورخشکیده دوداقین
اوخ آتدی قوش تک اصغریم “چالدی ال ایاقین
ظلمونده نقصان قیمیوب ” بولشکرعدوان
.
.
(عدلی) صبوی عشقیدن آب حیات ایستر
رخسارینه اشگون توکرمندن برات ایستر
محشرگونی اول شافعه اود دان نجات ایستر
لطفون اونا شامل ایله تا اولماسین گریان
مدح و عزای حضرت علی اصغر