🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
باشلورام الله آدیلان مثلی یوخدورلامکان
حاج اصغر فرشچی (عدلی تبریزی
🌼🍃🌸🌼 🌸🍃🌼
باشلورام الله آدیلان مثلی یوخدورلامکان
هم احددورهم صمد قهّاروبی حد مستعان
خالق هفت آسمان وارض ویم لوح وقلم
خالق ظلمات نورغفّارومنّان جاویدان
هم بصیروهم سمیع وعادل وبنده نواز
هم علیم وهم خبیروبی نیازروزی رسان
هم رحیم وهم کریم وهم عظیم وهم قدیم
هم قدیروقادروجبّارحلیم ومهربان
خالق کلّ جماد وهم نبات ووحش وطیر
لا شریک له دیولّربا زبان وبی زبان
فرق قویمازلطفی چوخدورمؤمنه هم کافره
اهل عالم سفره سینده هرزمان دورمیهمان
گردش چرخ فلک فرمانبرفرمانیدی
ماه وخورشیدوکواکب هم ستاره انس و جان
فصل پائیزاولجاقین توکسون آغاج یاپراقلارین
موسم تاراج گل دورچون اولوبدی مهرگان
دی آیوندا قارسویوخ ایستی هوا مرداد و تیر
گل چیچک آچموش بهاردا باغ وبستان ارغوان
چشم بینا نطق گویا ال ایاق هم گوش وهوش
دانش وادراک وعقلی حق ویروبدی رایگان
ذات حقّه پی آپارهوشیاراولوب بیردم اویان
هریرآیات مبین دورلطف یزدان بیکران
نفسینی هر کس تانوربی شک تانورآللهینی
عارف الله اولان عقباده اولموش کامران
(عدلی) چون خادم بدرگاه حسین سن روزوشب
لطف یزدان گراولا طبعون اولارگوهرفشان
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
من تورا خواهم چوخواهد چشم خسته خواب را
حاج اصغر فرشچی (عدلی تبریزی
🌼🍃🌸🌼 🌸🍃🌼
من تورا خواهم چوخواهد چشم خسته خواب را
من تراجویم چوجوید تشنه لبها آب را
درهوایت پرگشودم باوربال وپرم
بی توزینب نیستم من آتشم خاکسترم
درهوایت دل گسستم ازهمه دلبستگی
غوطه درخونی ولیک هستی پناه خستگی
خسته ام ازاین همه جوروجفای خصم دون
ای برادربی توبیتابم توغرق بحرخون
می تراود شبنم خون ازگلوی پاره ات
من ندارم غیراشک مرهم کنم هم چاره ات
برگ سبزوگل بخشکیده دراین فصل بهار
غنچۀ نشکفته ات پرپرزجورروزگار
سنگ نالد زین سبب هم خاک داردغم هزار
باد دارد آه سرد وکوه گرید بی قرار
رود رود بی قراروآب وآتش داغ دار
درغمت ارض وسما گرید ملائک سوگوار
داغ دل ازباغ دل دارد دلم من در تبم
شعله ورازآتش سوزان تنها یک شبم
غرق در درد وملالم ذره ذره التهاب
سلب طاقت میکند ای ازتبارآفتاب
آفتاب مهرمن بودی توسایه برسرم
دیده بگشا وببین خون جگراشک ترم
درغم عشقت شدم باهرغمی من آشنا
ازغم دیگرکنم جزعشق تودل را رها
رهسپارشام شومم دستگیردشمنم
من به شورعشق توسربربیابان می نهم
می روم ازکربلا دفنت نکردم گرترا
می سپارم پیکرصد پاره ات دست خدا
صرف کرده (عدلی) خادم به درگاهت حیات
خواهد این دنیا برات وروزمحشرهم نجات
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
بوچولده دوزوب هرغمه جانانه ده منده
حاج اصغر فرشچی (عدلی تبریزی
🌼🍃🌸🌼 🌸🍃🌼
بوچولده دوزوب هرغمه جانانه ده منده
نارشمعه یاندی گل وپروانه ده منده
سالمازشفقین عالمه خورشید جهان تاب
غرق ایتدی بوگون فُلک نجاتی یم گرداب
جسمین یارالارشان شان ایدوب ایلدی بیتاب
بوغمده یانوب آغلادی بیگانه ده منده
گون یتدی زواله بوگلستانی چم آلدی
امواج بلابحریده غم سایه سی سالدی
دنیاده نه قدردرد و مِحَن وارمنه قالدی
قمری ده گلوب نالیه ویرانه ده منده
ایچموشدی ازلدن نچه پیمانه می ناب
قانی آخوب عشق اوسته چولی ایلدی سیلاب
باش سجده ده معراج ایلیوب توپراقی محراب
کاش قانه باتان زلفی گزه شانه ده منده
معبودیله ایتموشدی ازل بیع و شرانی
عمرونده بهار گورمدی بو گوردی خزانی
قدین بوکوب عباس اولومی ایتدی کمانی
اوندا یخولوب خانه ده کاشانه ده منده
هـرجنبش غم موجونی آغوشینه آلدی
دوغراندی علی اکبری نه حالته قالدی
غنچه گل اوغولدی چمنین رنگی سارالدی
افغانه گلوب بلبل مستانه ده منده
باغ وچمنه شاخه گوله بیرخطراولدی
ال اوسته سوسوز صودامره بد نظراولدی
آهوکیمی اوخلاندی آتا خم کمراولدی
یاندی آناسی اصغرعطشانه ده منده
آخدی قانی ناحق لره چکدی خط بطلان
هرقطره قانی دریادی امواجیله طوفان
هرطفل دبستانی ایدرفارِس میدان
عاشقدی اونا جاهل وفرزانه ده منده
گیتدی اولا جنّتده آتام حیدره مهمان
یوزدن یوخاری همره آپاردی هامی شادان
هرتک تکی بیرجرعه ایچوب اولدولامستان
عشق اوسته دی اول باده ومیخانه ده منده
جمع اولدولا یانموش چادرا خانه بدوشان
وحشتلی گیجه دوتدوم اونا شام غریبان
بیدارقالوب صبحه تک اطفاله نگهبان
یاتموبدی علی اول در دردانه ده منده
شاها بوبلا دشتی سنه گروطن اولدی
معشوقه چاتا کیمدی جانیندان گچن اولدی
بیرکهنه حصیر هانسی شه گورکفن اولدی
آغلاربوغمه عاقل ودیوانه ده منده
بانیدی بومنظومیه بیرخادم دربار
شهرتده تقی پورآد علی عاشق ودیندار
گفتاره گلوب (عدلی) ایدربوسوزی اقرار
عمرون اوگیچوردوبدی عزاخانه ده منده
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
مقصوده چاتان شاهد جانانینه قربانیم
حاج اصغر فرشچی (عدلی تبریزی
🌼🍃🌸🌼 🌸🍃🌼
سبک بدون واگیر: یاران چه غریبانه … آی گویده کی اولدوزلار
با واگیر : ای شمع حرم خانه … آتدان یره چون دوشدی …
ـــــــــــــــ
مقصوده چاتان شاهد
جانانینه قربانیم
باشون هانی بس قارداش
ذبح ایلیوب عدوانیم
کر:
قویموللاربوردا من سنه آغلیام
وای منه باشون یوخ گوزون باغلیام
ای بارغم ومِحنت قدین خم ایدن قارداش
ای دارونداریندن بیرگونده گچن قارداش
هم صود امرین قانین افلاکه سپن قارداش
دورگورمنیم اللرده قالدی نجه دامانیم
چکدی منی چون عشقون گلدیم بوبیابانه
عشقیم سنه معلوم دوربولمز بونی بیگانه
سن شمع محبّت سن زینب سنه پروانه
حاشا اولاسان خاموش ای شمع شبستانیم
من عاشق سرمستم سن شاه شهیدانه
شرکت ایلدیم سنله بونهضت شایانه
ویردوخ ال اله گتدوخ عدوانی اخا جانه
سن جان بکف اسلام حامی سنه یزدانیم
من زمزمۀ عودم سن زمزمه پردازیم
من دردم وگراشکم سن دلده نوا سازیم
من هنگیوه بیرسربازسن شاه سرافرازیم
من سسلۀ موجم سن سسله جنبانیم
من دشمن بی دینه عجزایلمرم قارداش
دفنونده قصوریم یوخ قویموللا ایدم اوباش
گوردوقجا گلورموجه گوزلرتوکوری قانیاش
اوچ شعبه لی پیکانه وار نالۀ مستانیم
ای حقّه اولان مِرآت قانی دِیَه آللاهه
هرگزدیمرم گون تک باتدی نیه آللاهه
لازمدی چوخوریرده زینب دیه آللاهه
قربانی قبول ایله ای خالق رحمانیم
اهدافووی عالمده اعلان ایدرم قارداش
قول باغلی اسیراوللام شامه گیدرم قاداش
یوللاردا یزید ظلمون خلقه دیرم قارداش
بونهضت خونینه قرباندی منیم جانیم
سن یوسف زهراسن بیردنیا خریداری
من«عدلیم»وعشقون چوخداندی گرفتاری
بیرجام می ایشون ویراول ایوده کی بیماری
سویلرآناسی هردم واردوردل سوزانیم
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
ياتما يارالار يورقونی سس ويرمنه قارداش
حاج اصغر فرشچی (عدلی تبریزی)
🌼🍃🌸🌼 🌸🌼
سبک:ای باد صبا کربو بلایه گذرایله … 7 سبک
ياتما يارالار يورقونی سس ويرمنه قارداش (1)
دورگورنه اسيراولدی باجون دشمنه قارداش
بوغملی قطارون گيدوری شمريله شامه
دوندردی جفا اهلی بيزه گوندوزی شامه
تبداريدی دورباخ بيرعلی اوغلون امامه
چوخ غصه لی ساعتدی اوناهم منه قارداش
دورگورنجه باغلاندی طنابه بوسكينن
محشريارادوب آغلوری بونازلی روقيّن
آيرولموری جبرا آيرولاراونی سندن
گوزدن آخوری گوزياشی رخسارينه قارداش
اعجازايله دورسال يولا بواهل وعيالون
بير گوگلونی آل غمزده دورغملی ربابون
منلن گيدوری شامه حسين خردوكبارون
وابسته دی بوشامه گيدنلرسنه قارداش
سانسيزويرولوب ياره زبس گل بدنوندن
قانون اخوری ويرمورامان ياره لروندن
قوی مرهم اولا جانه اوپوم قانلی الوندن
بنزوريارالارقاندان آچان گلشنه قارداش
عالم يغوشاعشقمه ميزان ويره بولمز
بيزتك باجی قارداشی بو دنيا گوره بولمز
فكرايلمه هجرانيوه زينب دوزه بولمز
عشقوندی حسين من گلورم شيونه قارداش
مجبورم حسين شامه گيدم اينجيمه مندن
آيرولمارام امّا آيرولارمنی سندن
گورسم بلشوب كُللره باشون بوگوزومدن
حق ويرمنه توكسم ياشينی دامنه قارداش
سالسا شررآهيم اودی چوللره نيران
آل گوگلونی زينب باجون اولسون سنه قربان
سرنيزده باشلا اوخی سن آيۀ قرآن
من نافه ده تفسيرايليوم دشمنه قارداش
معطوف ايدرم اهل وفانی بو بيانه
علّت ندی نهضت ديرم اهل جهانه
گلمزله مگر شيعه لرون داد و فغانه
جان ويردی حسين بولسلراوز دينينه قارداش
آل سينوه سن اصغره لايلای دينه ياتسون
سو فكرينی صود فكرينی باشدان دينه آتسون
اشكين نه قدربوآناسی قانينه قاتسون
حق ويرسن اونا قانی قاتا اشكينه قارداش
ای سالك حق عاشق حق ای شه خوبان
يانّام گوررم گل بدنون يرده دی عريان
عشقـونده اسيرم باجوام ديده سی گريان
عشقوندی قاتوب قان گوزومون ياشينه قارداش
بيرنوكريمز«عدلی»آدوندا بيزه آغلار
هم نوحه يازارنوحه دييرقلبینی داغلار
باش قاره سنی هردهه ده باشينا باغلار
قبرينده اوزون گل يتيش امدادينه قارداش
(1) مطلع شعرازمرحوم مبکی_تبریزی میباشد
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
ای منه گونده گونوم هرگجمه ماه اولان
حاج اصغر فرشچی (عدلی تبریزی)
🌼🍃🌸🌼 🌸🌼
ای منه گونده گونوم هرگجمه ماه اولان
یاتما دوردوشمه خسوفه اورگی قانلا دولان
کر:
یارالی ای سو کنارینده لب عطشان یارالی
ای ویرن وار یوخونی دینینه قربان یارالی
نه روا گل بدنون قانلی تراب اوسته قالوب
بو حالون زینبوی دورنجه گورحاله سالوب
قوی دیوم من علنی قتلگهونده قوجالوب
وای حسینیم دیرم گل کیمی خندان اولونان
باش باشا جسم شریفونده بواوخلار دوزولوب
نیزه خنجر ویرولوب قان یاراسندان سوزولوب
مجبورام شامه گیدم دورالیم الدن اوزولوب
قانلی صحرانی ایدن عطریله ای باغ جنان
دورحسین بیرجه دانش دردیوی من دیلدن آلوم
گون دوشور یاره لرون اوستونه من سایه سالوم
مکتب عشق آچوبسان بو بیاباندا قالوم
یارالاریورقونی دوریاره لری جانه آلان
رسم دوربوویرولرهرکسیلن قربانا سو
کاش دونیدی اوآخان چوللره وقتی قانا سو
چوخ گلایم واراخا من بوسودان گرقانا سو
ویرمیوب لرسنه سوای قوری یرلرده یاتان
باشوی شمرکسنده نه حالا قالدیم حسین
سینمه درد وغمون داغ کیمی من الدیم حسین
حنجرون خنجراوپن وقته قوجالدیم من حسین
قانینه غلطان اولان زینبینـی درده سالان
سسلدیم شمره سو ویراولما رضا تشنه اُله
یتمیدیم مقصدیمه گلمه دی منظوریم اَله
سوسوزاولدوردی سنی سوجریان تاپدی چوله
چوله آخدوقجا آخان سوایلدی باغریمی قان
گوندوزی خسته اولان قزلاری یغدیم باشما
اذن ویردی یغشانلارهاموسی گوز یاشینا
آغلادیم آغلادیلارمظلوم اولان قارداشما
ساخلادیم شام غریبان سنه ای قانه باتان
یولانورشامه قطارگتماقا ناچارم حسین
آغلورام قویموری بوشمره گرفتارم حسین
دئ سوزون واردی اگرمحرم اسرارم حسین
ریشۀ دینه ویرن قانینی ای کامه چاتان
بوقانون محکم ایدرپایۀ قرآنی حسین
نهضتون صادراولاردولدوری دنیانی حسین
اهل دین تحسین ایدرسنکمی سلطانی حسین
قویمادون دینیوه بدعت قویولا شاه زمان
«عدلی» یازنوحوی تدریس ایله قرآنیوی سن
گون به گون محکم ایله صدقیله ایمانوی سن
فرضدور زینبه تکرارایله عنوانوی سن
یاتما دوردوشمه خسوفه اورگی قانلا دولان
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
غریب نینوایه باخ عدوایدن جفایه باخ
حاج اصغر فرشچی (عدلی تبریزی)
🌼🍃🌸🌼 🌸🌼
غریب نینوایه باخ
عدوایدن جفایه باخ
نـظرده آل چوخوریری
شهید کربلایه باخ
کر:
یارالیدی یارالیدی
اوفاطمه مارالیدی
ای شیعه سیرایت فکریده
کربوبلاده داده باخ
دوروبدی باشی اوسته شمر
اول قان توکن جلاده باخ
حسین آچوبدی جانماز
قیامه باخ سجاده باخ
ایدوبدی ترک خانمان
قبیله دن آرالیدی
یارالیدی یارالیدی…..
دیلینده ذکرحق دیور
او رازه باخ نیازه باخ
اویرده قانیلن آلان
اوقانلی دستمازه باخ
یوزاوسته سجده گاهیده
حسین قیلان نمازه باخ
یتوبدی عهدی آخره
اوزعهدینه وفالیدی
یارالیدی یارالیدی…
گیدورخداچوخوریره
الی باشیندا زینبی
گوره نجورباتوب قانا
آچان اودینی مکتبی
گوروب افول ایدرولی
یراوسته ماه وکوکبی
ویروبلا چوخ یاراسی وار
آخورقانی یارالیدی
یارالیدی یارالیدی..
گورنده شمردون گلور
آیروماقا حسین باشین
قالوب نه حالته اودم
قوجاقلیوبدی قارداشین
دوتوبدی شمرخنجرین
عذاره توکدی گوزیاشین
دئدی اوشمره ای دنی
بوفاطمه مارالیدی
یارالیدی یارالیدی..
کسیلمه میش حسین باشی
کسیلدی زینبین اَلَی
ایدوبدی کشمکش نقدر
اودخت مرتضی علی
ویروب نشان شجاعتین
اسوبدی قاره یل ولی
ذبیح من قفا اولان
ثمرویرن نهالیدی
یارالیدی یارالیدی..
بحرعطاده بوحسین
دُرگران عیاردور
درگاهینه محتاج اولان
شاهان تاجداردور
بوش سائلی سالمازیولا
شأنیده شهریاردور
مدینه ده گوزون آچوب
ندندی کربلالیدی
یارالیدی یارالیدی..
کسیلدی تا حسین باشی
گوروشدی قانلی یل اسر
یازاندا (عدلی) بوسوزی
سرشکی چشمیدن الر
دئیرحسینه عاشقم غمی بوقلبیمی دلر
حسین شهید کربلا نقدری باجلالیدی
یارالیدی یارالیدی..
(رباعی)
یا حسین مظلوم
قورولان سندن اوتورمحفل غم خانه وه باخ
دورشمع اوسته یانان پرلری پروانه وه باخ
کربـلاحسرتی دیلده قوتولورعمروم آقا
غمیلن قلبی دولان عاشق دیوانوه باخ
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
جسمونده یاره لرتک گویده ستاره اولماز
حاج اصغر فرشچی (عدلی تبریزی)
🌼🍃🌸🌼 🌸🌼
جسمونده یاره لرتک گویده ستاره اولماز
سن تک شهیدعشقین گل جسمی پاره اولماز
احیای دین وقرآن ایتدون حسینیم احسن
آلدون بوجانه یاره هرقدرویردی دشمن
هریاره لاله گولدی بودشت اولوبدی گلشن
گرچه کسوف ایدوبسن گون استتاره اولماز
هریاره اوسته یاره هربیرگلن ویروبدی
راضی سالا یزیدی هربیرگیدن ویروبدی
بولمورثمین دینسن آلسون ثمن ویروبدی
هیچ بیربدنده قارداش بیربیله یاره اولماز
شش ماهه صود امرواربونهضتونده سرباز
نوک جداده باشی ایتدی سنی سرافراز
منحوراولان بـوغـازدان سسله منی ایت اعجاز
شامه گیدوربوزینب فرصت دوباره اولماز
دین اوسته نهضت ایتدون بواولدی امتیازون
گوردون که سوتاپولمورقان اولدی دستمازون
معراج حقده آچدون بوقانلی جانمازون
الحق حسین زهرا حقدن کناره اولماز
خولی ایونده باشون اولدی کول اوسته مهمان
نعشون قالوب یارالی ایسی قوم اوسته عریان
یوخ بارماقون الینده غارت ایدوبدی دونان
بیله تعدّی وظلم هیچ شهریاره اولماز
شمروسنان جفاسی بوچولده عرشه چاتدی
ال اوسته اصغریوه تا حرمله اوخ آتدی
قانه بلشدی گولدی یومدی گوزونی یاتدی
نازک بوغازا اوچ پراوخ دگسه پاره اولماز
ظاهرده اوخلانوبدی حنجردن اولدی پاره
یخدی یزید کاخین معناده شیرخواره
اولدی بوآسمان عـشقه بالان ستاره
جنگ وجدلده امّاهیچ شیرخواره اولماز
سندنصـورا بونهضت یتمزحسین تمامه
فتح وظفرلواسین ویرام دیار شامه
طرحین پوزوب یزیدین قویمام چاتا مرامه
گتسه وقاری الدن بیرشرمساره اولماز
(عدلی) دیورالهی منده نقدردوزوم وار
یازسام غم حسینی قورتولمیین سوزوم وار
کربوبلانی گورسون حسرت قالان گوزوم وار
عالم بولوربوفعله فال استخاره اولماز
رباعی
چشمۀ عشق وفادن تا که آلدیم من وضو
ذکریم اولدی یا رحیم ویا حلیم وحی وهو
کنج میخانه ده ساکن ایچرم من می ناب
وارنگاریله منیم بوحالتیمده گفتگو
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
اللری باشدا گزوربیرقانه غلطان آختارور
حاج اصغر فرشچی (عدلی تبریزی)
🌼🍃🌸🌼 🌸🌼
اللری باشدا گزوربیرقانه غلطان آختارور
صفحه صفحه یریوزونده متن قرآن آختارور
زینب کبرادی بودخت شه خیبرگشا
فاطمه دلبندی کان عصمت ومهرووفا
خواهرشاهنشه دین قهرمان کربلا
آل هاشمدن اولان قرآنه قربان آختارور
شل ائدیدی کاش خدا بوگردش دوران الین
تابع شیطان اولانلارآشدیلارطغیان الین
یوم عاشوراده کسسین نیّرتابان الین
قانلی صحراده باجی ناحق آخان قان آختارور
حفظ ناموس وشریعت اوسته بوحبل المتین
ماسوالهدن گیچوب حتی ویروب انگشترین
باش گیدوب مهمان منّورایلیوب قاتل اوین
بیرچوخوریرده یارالی عشقه سلطان آختارور
نمرۀ عالی آلان عشق اوسته صاحب امتیاز
تاپدی قارداشی گوروب یرده آچوب جای نماز
گرچه سویوخدی آلوب قانیله قیلسون دستماز
سجده گاه عشقیده تنهادی جانان آختارور
باخدی زینب گوردی تا قانه بلشموش پیکرین
ویرمیوبلرسوکسوبلرباشنی هم اللرین
اختیارالدن ویروب توکدی یوزه اشک ترین
گوزیاشیله زخملراوستونده درمان آختارور
آه آتشباریله قلبین دوباره یاندوروب
گوردی بیرصاف یریوخی هربیریتن یاره ویروب
قتلگاه عشقیده بیرمجلس ماتم قوروب
بیردویونجا آغلیه چشمونده طغیان آختارور
عرض ایدوب ای گلشن و گلزاری بیرگونده سولان
قلبی ای بحرعطوّت لیک قانیله دولان
اوزیاراسیندان آخان ثار خدا غسلی اولان
یوخدی فرصت زینبه دفنینده امکان آختارور
اسدی طوفان بلا قدیمی چوگان ایلدی
دوندی وصلت گونومی ظلمت هجران ایلدی
باجوون قلبینی بوشعبه لی اوخ قان ایلدی
سینۀ سیناده زینب سینه سـوزان آختارور
بوفلک چرخی سینا ویردی جفا داشی منه
قویمیوب دنیاده قالسون تک جه قارداشی منه
لوح مکتوبه یازوب آهیله گوزیاشی منه
غم سحابیندن بوچولده غملی باران آختارور
آشیانم یوخ داغودّی صرصرظلم وجفا
ایتمدی حرمت قـوناقه سرزمین کربلا
قالماقـا قویمازمنی شامه چکردست قضا
زینبون کاخ یزید شومی ویران آختارور
نینیوم بویاتماقون اوزدی بنای ریشه می
ایلرم صندن صورا قان آغلاماقلیق پیشه می
آرتورورهـرلحظـه شامون نطقی بواندیشه می
اوردا زینب نطقیلن مجلسده طوفان آختارور
آرخاسی اوسته دوشن حقه ایدن رازونیاز
یاره لرخسته سی ای پادشه ملک حجاز
انقلابون ایلیوب قرآن ودینی سرفراز
طی ایده بوشاهراهی سربـداران آختارور
نسل انسانه نجات وروح وحدت یا حسین
زورق امید هرانسان وهم بحرکرامت یاحسین
مـن گـنـه کارعدلیه ایله عنایت یا حسین
تا گوره کرب وبلا حقینده امکان آختارور
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
آنا گل یا زهرا بوفرقۀ اعدا
حاج اصغر فرشچی (عدلی تبریزی)
🌼🍃🌸🌼 🌸🌼
سبک: یخولوب سراداریم نهر القم اوسته….
آنا گل یا زهرا
بوفرقۀ اعدا
محشرایدوب برپا
قارداشیم اولدی
بوگون اولدی قیامت
محشردن بیرعلامت
حسین شمس امامت
غرق خون اولدی
کر:
امان ایدل ایدل ایدل امان
شمعـینه پروانه
عـاشق جانانه
جانویردی مستانه
یوم عاشورا
کربلا صحراسی
اولدی غم دریاسی
باشیمون بلاسی
باشلا ندی آنا
گونوم دوندی شامه
غـم یتموراتمامه
گیدورم من شامه
قلبیم ده یارا
چکرم من نلر
سینم غمه سپر
هـرشام وهرسحر
آغـلارام آنا
امان ایدل ایدل ایدل امان
صرصرظلم اسدی
صبروتوان کسدی
بوغم منه بسدی
باش ویردی یحیا
اکبری دوغراندی
شش ماهه اوخلاندی
قلبیم دولی قاندی
آنا گل زهرا
یانورام بوغـمده
بـس گلموشم درده
گل سنده فریاده
اولاخ هم نوا
انیس دردوغـم
نه واریار وهم دم
یوخ یارَمَه مَرهَم
آغلارام آنآ
امان ایدل ایدل ایدل امان
بوحسینی عـدوان
جسمین قویوب عریان
باشی گیدوب مهمان
سـولوبدی لاله
پیکرینه لشکر
گلن گیدن پی در
دویمازویرارخنجر
سالورملاله
روحوم اولدی خسته
اگلشدیم باشی اوسته
بیراوپدوم آهسته
قالدیم نه حاله
داغولان گلستانه
تـشـنه لـب قربانه
قربان جانانه
آغلارام آنا
امان ایدل ایدل ایدل امان
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
آه اوساعتدن که زینب قارداشون عریان تاپوب
حاج اصغر فرشچی (عدلی تبریزی)
🌼🍃🌸🌼 🌸🌼
آه اوساعتدن که زینب قارداشون عریان تاپوب
ماه تک دوشموش محاقه نیّرتابان تاپوب
فَلک امیدین گوروب مستغرق دریای خون
وارسپهرپیکرینده یاره انجمدن فزون
غم فشاریندن اولوب رخصار زینب لاله گون
ملک تنده یاره لردن روضـۀ رضوان تاپوب
شعبه لی اوخ قلبیده پـیـکان وخنجردن یـارا
هـرگلن یـاره ویـروبـدی یـاره لرگلمزسانا
نه الی نه واربـاشی سسلندی سنسن بـواخـا
قتلگاهون چشمه چشمه زخملردن قان تاپوب
پیکربی جـانـیـله ایسّی قـوم اوستونـده یـاتان
قالموشام بوچولده یوخدورقیدیمه کیمسه قالان
آغلارام بوگوزیاشیلن مرهم اولسون هریاران
تاباجون گورسون بوچولده جانینه جانان تاپوب
اوخلاری بیربیرکنارایتدی اولوبدی بی قرار
نحرمنحرون اوپوب قانیاش توکوب گوزاشکبار
سسلدی زهراآنا گل زینب اولدی داغدار
گل قزون زینب حسینی قانینه غلطان تاپوب
ما سوالهون ویروب قرآنه دنیاسون آتوب
ایسی قوملاراوسته گل گورآرخاسی اوسته یاتوب
کاسۀ چشمونـده زینب اشکینی قانه قاتوب
قان دولوب گوزکاسسینده قان اولان مژگان تاپوب
صرصرظلم اسدی بوچولده تاپولدی مین بلا
محشرکبرایه بنزورغملی دشت کربلا
یدی قارداشدان بیری قالمورآنا یاوراولا
گل بلاصحراسینه زینب قدین چوگان تاپوب
بوبیابانی آنا اوغلون قانی گلگون ایدوب
قانی آخدوقجا یره گوی اهلنی دلخون ایدوب
زینب بی خانمانی گل آنا محزون ایدوب
قالمیوب تاب وتوان حسمینده چون خسران تاپوب
واریری بوچولده من ایوای حسینیم وای دیم
قطره قطره اشک چشمیم قان اولا ایوای دیم
اصغـریـن تاپسام اونا بوسینه ده لایلای دیم
گل یرین گوسترقیزون زینب دیسون مرجان تاپوب
گل آنا قوموللا بوردا من حسینه آغلیم
بویارالی اوغلی اولموش قارداشا دل داغلیم
باشی یوخدی وای منه تا گوزلرینی باغلیم
همسرخولی باشین مطبخده چون مهمان تاپوب
مشعل دینی خموش اولسون جهاندا قویمارام
جسمیدن رخت عزانی من اولونجه سویمارام
آغلارام قارداشیما من آغـلاماقـدان دویمارام
اشک چشمیله دیسونـلرزینبی عنوان تاپوب
سیل اشکین(عدلی)هرآن بوغـمه ایلرروان
نام زهـرانی حسینی ایلیوب ورد زبان
وارامیدی کربلایه ایستسین شاه جهان
تاگوره وادی غم بیربلبل خوشخوان تاپوب
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
کاروان یوللانوری شامه قوری یرده یاتان
حاج اصغر فرشچی (عدلی تبریزی)
🌼🍃🌸🌼 🌸🌼
کاروان یوللانوری شامه قوری یرده یاتان
یاراسی حدّن آشان ظلمیله ای قانه باتان
قلبینی تیرغمونده دلنون شـامـه گیدور
سال یولاعزّتی الدن گیدنون شامه گیدور
قتلیوه فرمان ویرب چوخداندی قرآن دشمنی
مکّه دن تعقیب ایدنلرآخراولدوردی سنی
نقشۀ شوم یـزید باعث اولوبـدی قتلیوه
عاقبت زینب اسیراولدی یتوب ایش بـویـره
آیرولوق زینبوی غرق ملال ایلیوری
بیرده سنله اولانی فرض محال ایلیوری
هانسی دردونده یانوم گوزیاشنی هاردا توکوم
قافله چوکدی گیدورایله دُعا منده چوکوم
دوره مه شمروسنان قاره لچک لردوزولوب
ا َلیم عـباسیم الیندن ده بـرادراوزولوب
هارداعباس دوشوب یاندی بوقلبیم اَلنی
قوللاری هاردا قـلم اولـدی یخیلدی عَلمی
الی شل اوخ ویرانون گورمدی بس چوخدی یاران
نه حیا ایتدی ویران نه ایلیوب تیرو کمان
گورورم یاره لرون گوزگوزآچوب قان ویروری
گویده انجُم سایسی یرده بوگون سان ویروری
نیزه خنجرویرولوب جسموه وارچوخ یاراسی
منی لیک آغلادوری سینه ده کی اوخ یاراسی
سنکمی قان ویرن اولما زبیری قرآنه حسین
مـن کیمی غم چکن اولماز گله دورانه حسین
واریری گویده مک لرحالوا آغلاسالار
قتلگاهـوندا گلوب سینه لرون داغلاسالار
قـویسالا قتلگهونـده منی قارداش قـالارام
قلبیمه قـوّت ونیروهمی عطرون آلارام
زینبون آننونا بی حـدغـم وغـصه یـازولوب
بـولورم اوز آدیما مُهرمُصیبت قازولوب
دوندروبلرمنه شام اولدی حسین هرگونوزوم
باجی قارداشدان اَل اوزمز نجه من سندن اوزوم
پیکرون بورداقالورلیک باجون شامه گیدر
اصل نهضت ندی عالم لـره نطقیله دییر
🌸🍃🌼
زبانحال جواب دادن آن حضرت
زینب ایشیده واریری اولدم بـوندانی
غمخواریم اولان ساخلا اوزون الده لوانی
اود ویریانا آهونلا خموش مشعلی زینب
یرده قـالا قویما یخلان پرچمی زینب
نطقونله صدورایـت یاییلاعالمه نِهضت
بُنیاد ایله هر قلبیده بیرپایۀ رَکْضَت
سْست اولمیه جنبشده بوامّـت بوعیّت
غیرتـلی مسلمان ایله مـز دینده رَکالَت
چکدیم سنیله دینیمون اوستونده رَیاضت
تـاعـدل اولا قـرآن اولا هریرده رعایت
تیشه ویـرولـوب ریشۀ اسـلامـه بـوچولده
حق گـو دیلیلن پرچم اسلامی دوت الده
من ریشه سینه قانیمی ویردیم سُولا قویما
افراد ستمگردینه رهـبراولا قــویـمـا
بیرجورایله قانیم آرادا گیتمیه زینب
سجادیم اماـت گولودی سولمیه زینب
چوخ ظلم ایلیوب اهل جفا کرب وبلاده
شـامه گیده سن جبریله سن پای پیاده
قویما یانا چوللرده بالام آه شـراره
شامه یتیشنده ایت اونون حالینه چاره
حفظ ایت ره شاماتیده سن آل عبانی
قویما ویروالارچوخ اویتیم خردا بالانی
گوردون نجه گلزاریمه باد ستم اسدی
رحم ایلمدی شمرسوسوزباشیمی کسدی
باغرون قان اولورقانلودی بویرده دایانما
گیت قافله یولاندی گیدورشامه یوبانما
یتمز نقدریازسا غـمـون (عدلی) تمامه
ایسته گله تا مهـمان اولا شـاه اَنـامه
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
پوزولـدی گلشنون گل لردن آیرولدوم
حاج اصغر فرشچی (عدلی تبریزی)
🌼🍃🌸🌼 🌸🌼
( سبک: همه جا بروم به بها نۀ تو)
پوزولدی گلشنون گللردن آیرولدوم
عشقونده وطندن ایللردن آیرولدوم
گیدورم شامه سال یولا قارداش
آغلارام گـوزدن الرم قانیاش
من خدا حافظ یارلی قارداش
جسمیدن بـاشی آرالی قارداش
اســیـرم دشـمـنـه آپاروللا رشامه
گـونـدوزم بـولـورم دونـه جاقـدی شامه
بـیـرنفـرتــاپـولمازرحـم ایـده امـامـه
ای تراب اوسته یاتانیم قارداش
زینبین گوزدن آتـانـیم قارداش
من خداحافظ یارلی قارداش
جسمیدن بـاشی آرالی قارداش
قـانه بـاتـدی سـنـله جمله یارویاور
ابوالفضل وقاسم بیرده عون وجـعـفر
دوغرانوب اکبرون اوخلانوبدی اصـغر
عشقیده کامل عـیارم قارداش
کمند صیدیوه شکارم قارداش
من خدا حافظ یارلی قارداش
جسمیدن بـاشی آرالی قارداش
سوسوزدان اصغرون گل کیمی سارالدی
قماطـه اللری آخرباغـلی قالـدی
آناسی ربابون اختیاریـن آلـدی
فرض ایدوراصغرقوجاقدا آغلور
هی دیورلایلای سینمی داغلور
من خدا حافظ یارلی قارداش
جسمیدن باشی آرالی قارداش
بودشت بـلاده یـوخ بیزه هوادار
کـمـک سیز قـالوبدی اهلبیت اطهار
یدی قـارداشیدن یـوخ بیری اولا یـار
گـتـوروب غـملر قلبیمی دره
آخـورگوزیـاشیم عارض زرده
من خدا حافظ یارلی قارداش
جسمیدن بـاشی آرالی قارداش
دیمورم ظلمودن اهل عالم دویوب
رعیّت هانسی شاهی بونوعی سویوب
بدنین گون قباقیده عـریان قویوب
ای نحری منحوراولا نیم قارداش
اورگی غملـه دولانـیم قـارداش
من خدا حافظ یارلی قارداش
جسمیدن بـاشی آرالی قارداش
قالوبدی قوری یـرده عـریان بدنون
نـه غسلون ویرن وارنه بیردفن ایدنون
خاروخس بوچولده اولوبدی کفنون
بـاشی اللرده قـالانیم قارداش
دله هـردردی آلانیم قـارداش
من خدا حافظ یارلی قارداش
جسمیدن بـاشی آرالی قارداش
گورموشم شـمردون بـا شـوی کسنده
ظـلـمت آسـمـان قــاره یــل اسـنـده
تـاراولـورگـوزلـریم جسموه دوشنده
نیمه جان اولدی دخترزهــرا
کشتی روحـوم دورگِلَه باتما
من خدا حافظ یارلی قارداش
جسمیدن بـاشی آرالی قارداش
بـاجون عـزّتیله گلموشدی بـوچوله
شام شومه ایندی چکـورلرزوریله
اسیرعـشقـوم گلمرم من دله
باجووی عشقین چوللره سالدی
عدلینون الدن صـبرینی آلدی
من خدا حافظ یارلی قارداش
جسمیدن بـاشی آرالی قارداش
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
یاتما دورقارداش اویان یولّا نوربوکاروان
حاج اصغر فرشچی (عدلی تبریزی)
🌼🍃🌸🌼 🌸🌼
سبک: ای گل مینای من….
یاتما دورقارداش اویان
یولّا نوربوکاروان
بسدی غـملرزیـنـبه
شمراولوبدی ساربان
ای تراب اوسته یاتان
دوردالومجان ویراذان
زینبون شامه گیدور
همرهی شمروسنان
یول اوزاق ناقه جهیز سیزساربان سرسخت
کاروان دوشدی گیدوریول باشلانوب فرقت
مظلوم 000 حسین غریب000 حسین
دیـن ایـوینی یخد یلار
امرحقدن چیخد یلار
مـنجنیق ظـلمـوده
اهلبیتون سـیخد یلار
دشـمن قـرآن ودیـن
بـوشهادتدن صـورا
خیمه گاهه اودویروب
قتل وغـارتدن صورا
قویمادوم سجّادی یانسون اودلارا قارداش
گوزیاشون بو خردا قیزلار ایلسون قانیاش
مظلوم 000 حسین غریب000 حسین
تکیه گاهی زینبون
داد خواهی زینبون
عـشق پـاکوندی فقط
تک گناهی زینبون
سنکیمی شمعه حسین
زینبون پـروانه دی
قـوی دیسونـلرعشقیوه
بوباجون دیوانه دی
سن تنور خولیده اول میهمان قارداش
جام محنتدن من اولام نیمه جان قارداش
مظلوم 000 حسین غریب000حسین
صبرایوینی یخمارام
امرحقدن چیخمارام
شیریزدان دورآتام
من یزیدن قوخمارام
من اسیرعشقـوم
نه یـزیـد نا خلـف
پرچمون الده دوتوب
واردی برنامه هـدف
شـامه چاتسام مـن یزیدی ایلرم رسوا
نهضتـون ویرّم ادامه ساخلارام برپا
مظلوم 000 حسین غریب000 حسین
یـازموشام بـرنامه وار
زینبه هنـگامـه وار
سـیـّد سـجّـاد کیمی
شامیده عـلامـه وار
مـنـبـره یولاّرباجـون
سـیـّـد سجّادیـوی
مفتضح ایلرسنون
قاتل وجلاّدیوی
درد دینی قانیلن سن ایتموسن درمـان
صـود امرسربازواکبرویرموسن قربان
مظلوم 000 حسین غریب000حسین
یوخدی امکان دفن ایدیم
فکره گلمورنه ایدیم
میندورللرناقـیه
مجبورام منده گـیدیم
گوزیاشیله اولمادی
یاره وه مرهم قـویام
باشون اوسـته آغلیام
مختصرآرام اولام
روح زینب قالدی بوردا شامه یولاّندی
آتش انـدوه غـمده او د دوتوب یاندی
مظلوم 000حسین غریب000حسین
ماه تابانیم اویان
سروبستانیم اویان
دوریولاسال زینبی
قانه غلطانیم اویان
کاروان سنسیز گیدر
هـرزمان لنگه دوشـر
بـواسیرانون دلی
گلمسن تـنگه دوشـر
نوک نی ده گل اوخی سن صوتیله قرآن
زینبون آل گویلونی ایت عالمی حیران
مظلوم 000حسین غریب000حسین
در گهونده سائلوخ
آزچوخا بیزقائلوخ
کربـلایه گـیـتماقا
یاحسین بیزمائلوخ
(عدلیده) بیرعـمـردور
ماتمینده آغـلـوری
نـوحه ومدحون یازور
سینه غمدن داغلوری
گیتماقا کربوبلایه حسرتی واردی
بیرمریضه دخترینه حاجتی واردی
مظلوم 000حسین غریب000 حسین
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
تاپدی قارداشون گوروب زينب كه پوربوتراب
حاج اصغر فرشچی (عدلی تبریزی)
🌼🍃🌸🌼 🌸🌼
تاپدی قارداشون گوروب زينب كه پوربوتراب
قان ايچيـنده غوطه وردی نعشينه ايتدی خطاب
صفحة قرآن تك اوراق اولان باش سيزبدن
سن حسينيم سن اگراودلاندی قلبيم ويرجواب
باورايتمزديم حسين بيرنصف گونده تارومار
ايلييه بوچرخ دون زينب اولا خانه خراب
ای اولان غمخوارزينب قانه غلطانيم حسين
گورنجه دريای غمده ايلورم من پيچ وتاب
سن ذبيح من قفا سن سوكنارينده سوسوز
دستمازون قانيلندی ايتموسن قاندان خضاب
اكبريله اصغروقاسم ابوالفضلون اُولوب
بوسببدن واردی قلبينده غم پرالتهاب
صود امرسربازوا صود ويرمه سن لايلای دنه
سينن اوسته قوی ياتاسوديوخدی ويرسون بورباب
گوزگوره شقّ القمروارچوخ شگفت آوراولی
وارتعجّب گوزگوره نيمه اولوبدی آفتاب
نيمه سی سرنيزه ده واردورتجلّای رُخی
قانه غلطان نصف ديگربستری قانلی تراب
جوروظلميلن اگرچه سولدوروبلارگللرون
چشم زينب پرورش ويرسون ايدرغرق گلاب
ايتمدی سازش منيلن كربلا مهمان قالام
ترك ايدورزينب سنی وارديلده درد بی حساب
مرهم اولسون گوز ياشيم مانع اولوربو شمردون
يوللانوربوغم قطاری ايلوری بيحد شتاب
باغلانوب زنجيره سجّاد ناقة عريانيده
سال يولايوللاندی قارداش عترت ختمی مَآب
رهسپارراه شامم ليك روحوم بوردادی
خاطريم محنت پريشانی دليم غمدن كباب
قويمارام بونهضت خونينيوی ناقص قالا
هريره چاتسا اياقيم ايلرم بيرانقلاب
خدمت آل علیده وارمقام بی زوال
(عدلیده) خادملیق عنوانون ایدوبدورانتخاب
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
جانه گلوبدی ذیحیات تلخی روزگاریدن
حاج اصغر فرشچی (عدلی تبریزی)
🌼🍃🌸🌼 🌸🌼
جانه گلوبدی ذیحیات تلخی روزگاریدن
سلب اولوری توان وعیش قالموراثرقراریدن
فصل بهارگلرآچارگلشنه گل ویررصفا
پرپرایدرخزان ولی گللری لاله زاریدن
غنچه گل آچمیه سولا تاراولی باغبان گوزی
بلبلی باغریقان ایدرگل گوره ظلمی خاریدن
هرگوزآچان زمانیه مثل گل بهاریدی
باد خزانه توش اولارعمری یمین یساریدن
برگه دولان یادولمیین گل هانی گوردی دهریده
سوایچه خوشگواراولا جانینه جویباریدن
نقش الونوبدی لوحیده هرگوزآچان گرک یوما
پیراولا یا جوان اولا اَل چخاراختیاریدن
چرخ فلکده یوخدی رحم شیرین اولان زمان حیات
عادتیدی آیری سالار ظلمیله یاری یاریدن
ویرسه اجل پیاله سین جان آلاجاقدی جانیدن
میل ایدن ال اوزرتمام ملک ومنا ل وداریدن
پس ندن اولمادی کفن دشت بلاده شاه دین
آلدی قراروصبرینی زینب گون تباریدن
روحودی ملک جانیده سلطنت ایلوری تنه
روح جانی ترک ایدن زمان تن دوشراعتباریدن
واجب فوری دورکه تن غسل اولاهم کفن اولا
دفن اولا احترامیلن امریدی کردگاریدن
پس ندن اولمادی کفن دشت بلاده شاه دین
آلدی قراروصبرینی زینب گون تباریدن
اونداکه گوردی پیکرین گلموری سانه یاره لر
گوزده اولوبدی تیره تنگ گوندوزی لیل تاریدن
تیرستمله پرآچوب هریارا شاهبازتک
هریتیشن ویروب یارا یاره چخوب شماریدن
سسلدی یاتما دورحسین محشراولوبدی زینبه
واردی منیم شکایتیم گردش کج مداریدن
دوزدی باجون دونن گجه دردوغم ومصیبته
ایله دعا قورتولا تا زینبی گیروداریدن
منزلیم اولدی بیریانوخ چادروسقفی آه و وا
وای بابا ناله سی گلوب صبحه کیمی صغاریدن
یاتمادی صبحه تک رباب سینه سینی گزنده سود
عرشه اوجاتدی آهنی اول دل پرشراریدن
فکروخیالیله آلوب اصغره سینه ده چالوب
لایلائی آغلادوب منی صبری آلوب کباریدن
قونداقونی آچوب یره دلده یانقلی سوزدئدی
آغلاما هی دئدوخ دئدی اصغر شیرخواریدن
ایندی باخورفرات آخورجلولنورگوزونده سو
داده گلوردیو بالام ایچمدی آب جاریدن
دورسن اوزون تسلی ویراوغلی ئولن ربابیوه
آلعبانی ساکت ایت تا دوشه آه و زاریدن
قول قولا باغلانوب گیدورشامه اسیرحرملرون
آیری سالوربواشقیا سنکمی شهریاریدن
عشقون اسیریم حسین من نه یـزیـد کافره
کاخ یزیده گرچاتام ساللام اونی وقاریدن
حفظ حجاب اوسته حسین ترک سروجان ایلدون
ارزشه مندیرربا جون یول سالا هر گذاریدن
ساخلارام الده پرچمون ویررم ادامه نهضتون
تا دوشه کربلا سوزی سس گله هر دیاریدن
«عدلی» گناهکاریدی ایلسه توبۀ نصوح
توبه سینی قبول ایدرآللهی توبه کاریدن
اللیدن آرتوخ ایلدی که نام حسینی سسلوری
یاتماقا اوّلین شبی قورخوری تک مزاریدن
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
حسین دریای مِحنَتده عجب غرق بلا اولدون
حاج اصغر فرشچی (عدلی تبریزی)
🌼🍃🌸🌼 🌸🌼
حسین دریای مِحنَتده عجب غرق بلا اولدون (1)
باجون زینبدن آیرولدون قتیل اشقیا اولدون
حسین مظلوم حسین مظلوم
خزان اولدی گولوستانون اسوب یل تاروماراولدی
گل وغنچه بوداقلارداچمنده خشک اولوب سولدی
حریم عصمته قارداش دو گورزاغ وزغن دولدی
حسین تا سن بومیداندا ذبیحأ من قفا اولدون
گورنده شمرملعونی اورکدن اوددوتوب یاندیم
الیملن خنجرین دوتدوم کشا کشده یارالاندیم
دئیدیم ذبح ایلمه عطشان عبث سایدی الولاندیم
یتیردی وصلتی فصله حسین مندن جدا اولدون
حسین بوعشقون اوستونده منی چولدن چوله سالدون
چکولدون داره عیسی تک منیم آرامیمی آلدون
ویروبلار نیزه اوخ شمشیر ندن بوحالته قالدون
نه جرمیله باجون اولسون بیله غرق دِما اولدون
بوچولده یالقوزام قارداش آتام یوخدی آنام یوخدی
یاتوبسان اَرخن اوستونده باشون یوخدی یاران چوخدی
منی چوخ آغلادان بو سینه ده اوچ شعبه لی اوخدی
بویاندون قانیوه قارداش بوقرآنه فدا اولدون
ابوالفضلین اولن ساعت پوزولدی حالتین قارداش
قلم اولدی ایکی قولدان کسولدی طاقتین قارداش
اوزوم گوردوم بیلون سیندی بوکولدی قامتین قارداش
بوکولموش قدّیلن سن رهسپاربو مِنا اولدون
باشون نی ده گیدر شامه گورنده قان گلر جوشه
گویول ایسترالیم چاتمازچکم من جان تک آغوشه
سنی زهرا آنام جانی حسین بیرآنی گل هوشه
منه چاره یولون گوستردیمه غم ابتلا اولدون
دوشوب سنسیزباجون امری نقدری مشکله قارداش
قولی باغلی گیدر شامه گیدونجان کاش اُله قارداش
اولور شمرو سنان یولدا بیزه سرقافله قارداش
باجون عشقون اسیری سن غریب کربلا اولدون
حسین آسوده یات زینب یترعشقینده میثاقه
آچارهمت لواسیلن یولون دنیاده عشاقه
اولاربونهضت عالم گیرچاتارسس عرش نه طاقه
بوعالی نهضته سنسن که قارداش رهنما اولدون
هجوم اشک چشمیلن هارا چاتسام علم ویررام
قوروب بزم عزا نقش یزیده من عدم ویررام
دئیر(عدلی) بومطلبده نفس وارتا قلم ویررام
سن ای زینب شریک نهضت و صاحب لوا اولدون
(1)مطلع شعرازشاعراهلبیت علیهم السلام
جناب آقای حاج بابا احمد زاده متخلص به (غریب تبریزی) میباشد0
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
آیرولوب سندن حسین دیده سی گریان گیدیرم
حاج اصغر فرشچی (عدلی تبریزی)
🌼🍃🌸🌼 🌸🌼
آیرولوب سندن حسین دیده سی گریان گیدیرم
همرهيم شمروسنان خِيل اسيران گيديرم
ياروانصارويلن جنتی مسكن ايلدون
بويتيمانيله من ديلده مين افغان گيديرم
عهديميزسنله حسين دينه فدا اولماقيدی
سن يتوشدون حقه من باشدا اوپيمان گيديرم
باجووام عاشقوم عشقون اسيری من حسين
دوراذان ويريولا سال با دل سوزان گيديرم
ای شه تشنه لبان آخدی چوله شط فرات
ايچمه دون سن يارالی من اودی نالان گيديرم
العطش ناله سی منلن گيدوری ـ كربوبلا
زينبه ايتمدی حرمت قالا مهمان گيديرم
قانه غلطان بدنون يرده گوروب پنجۀ غم
سينه چاك ايتدی منی تا به گريبان گيديرم
باشمون تاج سری من باجولوق حقی سنه
ايلييه بولمه موشم اولدی اورك قان گيديرم
زينبون روحی حسين بوردا قالورآيرولوری
دفن ايده بوتن عريانی يوخ امكان گيديرم
سينن اوستونده علی اصغره لايلای دی ياتا
آناسي درده گلوب ايلوری افغان گيديرم
من اسيرم گيديرم شامه آی اولدوزلاريلان
يولدا گل سايه وی سال ای مه تابان گيديرم
ره شاماتيده گورسن اورگيم تنگه گلوب
نيزه باشينده تلاوت ايله قرآن گيديرم
حق منيم ياريم اولا گراياقيم شامه چاتا
اصل نهضت ندی من ايلرم اعلان گيديرم
شام ويرانه ده اوچ ياشدا قزون دفن اولاجاق
سالاجاق درده منی ای شه عطشان گيديرم
«عدليم» عمرودی غم محفلی مسكندی منه
گلورم آغلادورام ديده سی گريان گيديرم
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
سلسله بند اولدی قارداش دوربوصاحب سلسله
حاج اصغر فرشچی (عدلی تبریزی)
🌼🍃🌸🌼 🌸🌼
سلسله بند اولدی قارداش دوربوصاحب سلسله
عزم شام ایلورباجون امری دوشوب دورمشکله
ای وجود اطهری توپراقلاراوسته غرق خون
دفنووه اقدام ایدم مانع اولوربو قوم دون
سیرایدورعشقونده زینب تا به سرحدّ جنون
دوراذان ویرسال یولا یولاندی شامه قافله
جانویروب ای جان یارالدان هیکل قرآنیده
گورمیوب دورچشم عالم سنکمی قربانیده
یاره انجم سانی اولسون خسته جسم و جانیده
هریاراسی بنزه سون گلزاریده برگ وگله
سن فنافی الله اولوب ویردون مرام اوستونده جان
رسم ایثار و وفانی عالمه ویردون نشان
کسدی غارتده الین انگشتر اوسته ساربان
سن آتام حیدرکیمی انگشترین ویردون صله
واریری بوزینبه گوزدن توکه اشک ترین
سسلیه قارداش سسیله تا دولا عرش برین
تاپادیم بوچولده آختاردیم ابوالفضل اللرین
نینسین اُمّ البنین بولسه چتین دورمسئله
کربلاده هربلایه ویرموسن بیرامتحان
عشق بازارینده قالدی اللرون اوسته بالان
سن ساتان اولدون خداوند غفوراولدی آلان
بوآرا شش ماهه سربازبهره مند ونائله
شیرخواره اصغری سوآلماقا آلدون اَلَه
ایستینده سودوشوبدی لشکرایچره ولوله
ویردی فرمان سعدین اوغلی تاآتا اوخ حرمله
ایلوری اصغرآناسی هم سودان اوخدان گله
شاهبازم حق یولوندا گرچه سندی پرلریم
کشمکشده قانه باتدی اللریم هم پیکریم
ویرمدیم غارتده قارداش دشمنه من معجریم
ویرمیوب ویرمزباچون معجربوقوم باطله
ای یارالاریورقونی ای دین وقرآنه فدا
قویمارام چاتسون مرامه شامیده اهل جفا
نهضتون ویرم ادامه ساخلارام الده لوا
ساکت اولماززینبون قارداش بویولدا گراُلَه
نیزه ده سن ناقه ده من یول سالاخ شامه گیداخ
دینی تبلیغات ایداخ دشمن ویراندا دینمیاخ
لیک سن قرآن اوخی تا مردمی آگاه ایداخ
آچماسونلا دین وقرآنیله قارداش فاصله
ال اله ویردوخ بو چولده ایلدوخ تا انقلاب
قان اولوب شمشیره پیروزجان فدایان کامیاب
بوظفراوسته اگرچه باتدی ماه وآفتاب
باتماسیدی زورق دین چاتمازیدی ساحله
عدلیا بونوحه کی یازدون اولوب احسان سنه
اورگدوب قرآنی اورگتماقلیقی یزدان سنه
هم حسین ابن علی لازمدی هم قرآن سنه
ایستسه حق بوعمل دور زاد راه و راحله
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
اهل کوفه گورنجه حقونده غفلت ایتدیلر
حاج اصغر فرشچی (عدلی تبریزی)
🌼🍃🌸🌼 🌸🌼
اهل کوفه گورنجه حقونده غفلت ایتدیلر
تابع شیطان اولوب شیطانی مدحت ایتدیلر
سنکیمی شاهنشه دینه خیانت ایتدیلر
لوح تاریخه یازارخامه عناد دشمنی
آل بوسفیانه لعنت مدح ایدردنیا سنی
یوخ فراقت زینبه سانسیزیاراوی باغلاسون
داغ قلبی وار یری قلب جهانی داغلاسون
هانسی دردینده باجون یانسون هایاندا آغلاسون
مِحنتون قورتولمییندی یاندوراروارتا جهان
هر یانان دل نهضتوندن دللره ایلر بیان
امتحان میداننی عـشقونله طـوفان ایلدون
درد دینی باش ویروب قانیله درمان ایلدون
حق ندی باطل ندی دنیایه اعلان ایلدون
منده دل آهیله اود ویرام سونن بومشعله
قویمارام یاتسون بونهضت پرچمون آلاّم اله
اینجیدیم دردین الینده من بویرده قالمارام
سنسیزعالمده علاقه جزخدایه سالمارام
مِحنته اولّام خریدارگویله شادی آلمارام
آیرولوق دردی منه درد گراندی قارداشیم
دردیمه تسکین ویروررخساریده بوگوزیاشیم
کربلانون مِحنتی دردوملال اولدی منه
سنلسه یثربده اولان گونلرخیال اولدی منه
یدّی قارداشدان برین گورماق مُحال اولدی منه
لعنت اولسون دینی بازیچه ایدن شیطانلارا
معاویه اوغلی یزیده هم خبیث انسانلارا
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
احوالات قتلگاه و کوچ از قتلگاه
سالوبلا دامه گیدوری شامه آهوان قارداش
حاج اصغر فرشچی (عدلی تبریزی)
🌼🍃🌸🌼 🌸🌼
سبک: اوغول علی آغلاما چوخ سنده خسته سن منده
عم اوغلی چوخ گل سارالار…
سالوبلا دامه گیدوری
شامه آهوان قارداش
یولا اوزون سالماسان منی
گئتمرم اینان قارداش
دورسال یولا بوبلالینی
مدینه لی کربلالینی
زینبون سنه قربان
یتیردون عهدیوی بوگون قانیویله اتمامه
بوآهوان خسته نی کوفیان سالوب دامه
کمندعشقه باغلانوب زینبون گیدورشامه
اولا اویرده ولایتین سایه سین سالان قارداش
دوشوب محاقه ماه تک ابرخونیده باتدون
بوقتلگاه عشقی سن قانیویله ایسلاتدون
الونده اوخلاندی اصغرون قانیوه قانین قاتدون
بویراولارکعبۀ دل با صفا مکان قارداش
گیدوب اگرچه جلالیمیزغارته بوصحراده
حریم عشقه غزال اولان صید اولوبدی صیاده
فلک چووردی وصالیمی فصله گلمدیم داده
خدنگ ظلمه بوسینمی ایلدیم نشان قارداش
همان وفالی زینبم قیدعشقوه بسته
ولی یوروبدی غصه غم اولموشام حسین خسته
دِدِون منه تا صبوراولام من وارام بوسوزاوسته
منم قطارعشقیوین قیدینه قالان قارداش
سنون کیمی عشق کویونی گزمیوب گزن اولماز
وفا یولون سیرایلیوب جانیدن گچن اولماز
بالا قانون الده دوتوب گویلره سپن اولماز
سن اولموسان صودامرقانون آللها ساتان قارداش
شراب وصلوندن ایشموشم ایله مست ومخمورم
گرک دوزم درد فرقته دوزماقیمدا منصورم
لوای حق الده دوتماقا بوزماندا مسرورم
ویرم آلام عالی نمره لرمنده امتحان قارداش
مدینه ده پرچمون اله آلارام دولاندورّام
قوروب عزامجلسی سنه شمع آهی یاندورّام
ندورهدف بو قیامیدن مردمه من آندورّام
گرک ایدم ظلم دشمنی عالمه عیان قارداش
اورکده وار زایرون اولا«عدلی» خادم درگاه
دوتارعزا نوحوی یازارسسلنرعزیزآلله
مریضه سی واردی یاحسین ایل گچراوناهرماه
شفاسینی باهم ایستیاق شاه انس وجان قارداش