مدح و احوالات حضرت رقیه س
🌿🌸🍃🌾🌼
🍃🌾🌼
🌾🌼
🌿
مدح وتوسل
حضرت رقیه سلام الله علیها
سن رقيه دختر شاهنشه كربو بلا سن
سن سه ساله مثل زهرا نور چشم مصطفی سن
ميوۀ باغ رسول و پارۀ قلب زكيّه
بلبل شيدای عشق گلشن آلِ عبا سن
كعبۀ ايوان عصمت ميوۀ بستان رحمت
مستمندانون پناهی چاره ساز هر دوا سن
سن گلستان حسينون گلر يندن بير گل عشق
عطرِ دلجوی حسيندن خاكِ پاكِ باصفا سن
سن خانم باب الحوائج اللرون مشكل گشادی
دستگير مرد و زن افتاده لر هم بی نوا سن
زجره درس محرم ونا محرم اورگتدون او چولده
كوكب رخشان عشق وعفت و شرم و حيا سن
شام ويرانه اگر چه مسكن اولدی سن غريبه
ياتدوقون ير جنّت اولموش هر مريضه سن شفاسن
دلده حسرت گورمين وار قبر پاكون باب حاجات
دردمندی دعوت ايله سن خانم درد آشنا سن
«عدلی» خار گُلْ چمنسن دامن گُلدن ياپوشدون
خامه عاجز وصف گُلده طبعيده چوخ نارسا سن
🌿🌸🍃🌾🌼
🍃🌾🌼
🌾🌼
🌿
مدح
حضرت رقیه سلام الله علیها
رقيه دختر خون خدادی
قلوب موئمنه نورولادی
رقيه بير ُگل باغ ولايت
سراپا جود دوربحرسخادی
زبس قلبينده وار مهرومحبت
بو شيعه قلبينه نور و ضيادی
خانم زينب كيمی مظلومه دور ليك
كريمه عمه تك مشكل گشادی
رقيه نور عشقِ جاودانی
ايكی عالم فروغ كبريادی
وفاداري اولوب شرمنده اوندان
زبس زينب كيمی چوخ با وفادی
بودی باب النّجات كل عالم
بو درد شيعيه درمان دوادی
ولی يارب ندن ويرانه لرده
اسير غصّه و رنج و بلادی
آزعمرونده گوروب چوخلی مُصيبت
نلر چكدی خدا درد آشنادی
حسين باشی گلوب ويران سرايه
گوروب محشردی گويا كربلادی
اوپوپ قانلی دوداقين گلدی داده
ديوب باشين نيه تندن جُدادی
داخی دويدوم بابا عمر ايستمز دل
خرابه ير ايشيم آه و نوادی
دُعا ايله منی تا تز اؤلوم من
علي اصغر نجه غمدن رهادی
دُعاسی مُستجاب اولدي گوروبلر
يومولدی گوزلري هم بی صدادی
باخاندا عمّه سی گلدی نوايه
دِيدی الله بالام دينه فدادی
گُل گُلزار عصمت ای رقيه
بو «عدلی» نوكروز غم مبتلادی
مريضه بير قيزی وار وير شفاسين
كه انشاء الله بو امره حق رضادی
🌿🌸🍃🌾🌼
🍃🌾🌼
🌾🌼
🌿
راه شام
زبانحال حضرت رقیه سلام الله علیها
گوزآچدیم خوابیدن گوردوم گیدوبدورکاروانیم یوخ
بسان مرغ عشقم من بو چولده آشیانیم یوخ
اُمید فُلکی بابا باتموش گِله دریای حسرتده
نه لنگر وارنه وارسکّان بو فُلکه بادبانیم یوخ
باتوب بحر بلا ایچره رقیّن غرق اولور تز گل
فنا مُلکونده تنهایم مُحبِّیم یوخ جنانیم یوخ
گویول ویرانه دی سنسیز داغلدی گلشن عزّت
نه گل قالدی نه پروانه نه بلبل سایه بانیم یوخ
بونی بوللم گوزوم دوشمز چمن زاره گلستانه
قضا کِلکِی عداوتدن آیردی گلستانیم یوخ
منی سندن جدا ایتدی گینه ظلمون الین چکمور
اجل سیز ایستوراولدورسون قالام زنده گمانیم یوخ
رقیّه نامینه تحریرایدن کاتب یازوب مِحنت
جگرقانی اوتوردوربوفَلکدن هیچ اَمانیم یوخ
غریب خانه بر بادم صغیره بیرقیزام چولده
قوری یرلرمکانیمدی ایویم یوخ خانمانیم یوخ
وجودیم باغلانوب تارِغم و حِرمانه گَل سنسیز
ایدم پروانه تک پرواز پریم یوخ آسمانیم یوخ
وجودیم قورخودان تبدار اوزوم بیمار هجرانم
بابا تز گل طبیبیم یوخ انیس و میزبانیم یوخ
ندوم آخر کیمه ایلوم تمسّک ایستیوم امداد
بوچولده ظلمت حاکمدی یاتام راحت مکانیم یوخ
گلورچوخ قورخولی سسلردوشوب جان و دله وحشت
مُعینیم یوخ پناهیم یوخ دوزه روح و روانیم یوخ
قاچوردور قورخی گه آرام ایدوروصلون خیالی گل
ایاقلار آبله اولدی ایاقیمده توانیم یوخ
هوای وصلون ایلوبدی دل شبده منی سرمست
دلیم ذکر ایلوری بابا بو سوداده زیانیم یوخ
اسیران یول گیدورشامه منی گوزدن آتوب عممم
دایانسان سان ویروب گورسه دیمزیرده قالانیم یوخ
منیم بو حالیمه (عدلی) گجه گوندوز ملرآغلار
یازارنوحه دیرالله عنایت ایت بیانیم یوخ
🌿🌸🍃🌾🌼
🍃🌾🌼
🌾🌼
🌿
راه شام
حضرت رقیه سلام الله علیها
من بداغ کشتگان غرق تبم در راه شام
دل تمنّا دارد امشب تا رسانی این پیام
آسمان ازکاروان دورم دراین صحرا غریب
اَنجُم و ماهت بگو بامن شبی باشد قریب
آسمان تاریکیت بشکست این بال وپرم
با سکوت مرگبار ویرانه کردی پیکرم
قلب من درهرطپش آهنگ تنهائی زند
نغمه های تار من هر لحظه آوائی زند
همنفس بامرگم و یاران مرا از یاد بُرد
ناله های این دلم در چنگ یک فریاد مُرد
ناله هایم بس کنید این جان من برلب رسید
در غروب آفتاب روزم برفت و شب رسید
مرغ گم گشته دیارم لب یک چشمۀ مات
من بصحرای سکوتم سرخوش ازآب حیات
جام تلخ سرنوشت روزوشبم گم کرده است
تلخی خون در رگم قَدّ منو خم کرده است
دردرون سینه ام یک دل به صد باری شکست
هم چوکشتی برسرطوفان ها برگِل نشست
نخل امیدم سَراب و لرزه ها درجسم وجان
بسترشب وحشتی گسترده برمن این زمان
یاد اکبراصغرم درد دوپا بردوشم است
زخم های سوزناک وآبله پا پوشم است
هر قدم این آبله پا را گذارم روی خاک
سوزش دردش کند این سینه ام را چاک چاک
خواهی ارجویا شوی ازاین دل آزرده ام
بین چسان اشگم روان بر دامنم از دیده ام
پاره ای از یک دل صد پاره ام” ای آسمان
ساربان را کن خبرآهسته راندکاروان
در بسیط دشت مُرده گو ندارد داد رس
در دلم فریاد ها دارم بیا فریاد رس
طپش قلبم فزون گشته زوحشت رحم کن
باخبر ساز عمّه ام گو رهروئی را ختم کن
دشمنم سنگ جفا زد بارها براین سرم
فرصتی ده یک شبی آیم ببینم مادرم
گو طلوع صبح فردا زنده باشم عمّه جان
زجر آید آورد آیم ببوسم دستتان
✔️ ترکی
عمّه مه دِ قهرمان انقلاب کربلا
من یتیمی تاپشوروب مظلوم آتام دینه فدا
من گلِ گلزارعشقم اولموشام گلدن جدا
سرنوشتیم دورمنیم قورسون قضا دام بلا
چشمۀ وصل وامید خشک اولدی گورسندی سَراب
طاقتیم یوخدی چکم بو سینّیده بی حد عذاب
قورخولی سسلر گلور من اوچ یاشوندا بیراوشاق
چوخ چتیندورمنکیمی شهزادیه درد فراق
عمّه لرقارداش منی بولمم ندن گوزدن آتوب
خارپاچوخ چکموشم بواللریم قانه باتوب
بو قرانلوقدا گوزوم گورموری تا من دولانوم
عمّه گل قویما منی آتش وحشتده یانوم
دوشموشم بلبل کیمی من آشیا نیمدن کنار
شهپریم یوخ قورخولی چول سلب اولوب مندن قرار
عمّه گل آغوشیوه بیرده آلوب دیندیرمنی
آبله اولدی ایاقیم ناقیه مندیرمنی
کشتی عشقیم دوشوبدی موج محنتدن گِله
خاطرین منظوردورمن ایتمرم سندن گَله
آغلورام گوزیاشی تا روحیمه مرهم اولا
کاش گلوب بو دشتیده منله بابام همدم اولا
نه باجیم واردی نه قارداش بومکاندا نه آنام
روزعاشورا شهید راه حق اولدی آتام
بابامون گلشنینی باد ستم ایتدی خزان
قدّی خم ایلدی اکبر اولومی آلدی توان
ای کرم دریاسی عمّه (عدلیه) ایله کرم
سویلوری درگاه عشقه اللی ایلدی نوکرم
🌿🌸🍃🌾🌼
🍃🌾🌼
🌾🌼
🌿
راه شام
زبانحال حضرت رقیه سلام الله علیها
ای صبا صحراده قالدیم کوچ ایدوبدور قافله
بی پناهم قورخورام تنگه گلوبدور حوصله
قافله سالاره دِ گتمه دایان بیرلحظه دور
اوچ یاشیندا بیر بالا سیزدن آچوبدور فاصله
سسلوری هی عمّه سین امّا اونا ویرمورجواب
آج سوسوزدی چولده یوخدی زاد راه وراحله
گه دورورگاهی قاچور رخسارینه اشکین اَلور
خارو خَسدن هرایکی پا یاره دورهم آبله
سود امرقارداشونون اوخلانماقون یاد ایلوری
قورخوری صدآه و وا بیرده آتا تیرحرمله
دی بابامون باشینه ایتسون توقف تاگیدوم
هم دوداقلارین اوپوم هم ایلییوم اوندان گله
عمه مه بیرسوز دِمَم مظلومه دورقلبی یانار
من یتو شسم کاروانه قورتولاربومسئله
عمّه لرقارداش بالاسین چوخ سُوَر بورسمیدی
گورموشم چوخلی محبّت جان فدا دور عاقله
رهرو عشقم اسیرم کربلا مهمانیم
جام وصل یاری بوللم من کمال حاصله
اکبرو عباس وقاسم جعفرومظلوم آتام
شاهد دین دورتماما بهره مند ونائله
راه حقده تک تکی چون ایدّولرسودای عشق
باش ویروبلرعهدو پیمان اوسته باهم یکدله
مست کوی یاراولانلارجام وحتدن شراب
میل ایدوبلر مست مستان جان ویروبلرنافله
خیمه گاه وقتلگاه عین صفا ومروه دور
هم آتام یاران دین ایتموش اویرده هروله
بو سفرکامل اولارسنگ صبوروم ای صبا
من گرک شامه گیدم اوردا چاتام سرمنزله
من سه ساله دخترشاهنشه عشقم صبا
گوشۀ ویرانه ده خاموش اولار بو مشعله
سّرعشق وعاشقی بولمزمگرعاشق اولان
چاتساگرمعشوقه عاشق دوشمیوبدی مُشکله
حیف اولا آلدی الیمدن عشقیمی قوم عَنید
نوک نی ده باشی اولموش رهنمای قافله
بسدی (عدلی) چوخ مصیبتدن دیمه ایت مختصر
آل خانم زهرا الیندن هم برات وهم صِله
🌿🌸🍃🌾🌼
🍃🌾🌼
🌾🌼
🌿
در خرا بۀ شام
زبانحال حضرت رقیه سلام الله علیها
بلبل که اولدی گلشنی خزان آغلامازمگر
پرپرگورنده گولون باغبان آغلاماز مگر
فراش خوابی تراب منیم تک عمه آج یاتان
اصغر آدی دیلینده یره اکبرآدین یازان
گودال قتلگاهی نصف شب خاطره سالان
باش سیز آتاسنی گورن عریان آغلاماز مگر
گجه لریوخلامیوب صبحه کیمی آیوخ قالان
خاطریندن چخمیه هم ساربان هم داش آتان
قوللاردا قمچی یری صورتده سیلیدن نشان
اسیره زید اولسا میزبان آغلامازمگر
شکسته پربلبل گول بو داقینده دالدالانار
محبّت عالمینده گهی باشینه دولانار
اسیرخارگورسه گولون لیک قلبیدن یانار
بلبل کیمی گولی پرپراولان آغلامازمگر
گور سه بالا آتا باشی ویرولوبدی نیزیه
داش یاره سی وارگلمز مگروجودی لرزیه
آغلار دوتاروطندن آیری آتایه تعزیه
حاضر اولوب او مجلسده آنان آغلامازمگر
منیم بو حالتیمی آتاسی اُولمیین بولمز
نقد روارنفسیم سیلی دگن یوزوم گولمز
شهید عشق دوربولورم اولمیوب بابام اولمز
آتاسی شهید اولان عمّه جان آغلامازمگر
ایدوب ظلمونده طغیان کوفه اهلی لشگرگمراه
چکولدی داره عیسی یانوبدور خیمه وخرگاه
قولاقیم پاره غارتدن دیلیمده صد نوا صد آه
بوحالیمدن اولان هرباغریقان آغلاماز مگر
مدتدی خانگاه عشق اولوب بومکان منه
عشق عالمینده گرگ اولونا امتحان منه
یولّاردا لیک چوخ اذیّت ویروب ساربان منه
دل یاره سینه دوزوب یورولان آغلامازمگر
بش وقت قیلاندا حجّت زمین آللها نماز
فریضه دوراقتدا ایدرم آللام امتیاز
حاجت الین آچوب ایسترم رّبیدن نیاز
تز قورتارا تا منی یتیمان آغلامازمگر
بولموربابام که مسکن ایتموشم کنج غربتی
ایلرعیادت اَنقریب بوردا آل عترتی
خارالینده سولموش گوره گولون گیتموش عزّتی
گلزاردینه باغبان اولان آغلاماز مگر
گلسه بابام گورسم اولی تیره شبیم روز
هجران دونی وصله قوتولارناله جانسوز
خاطری محزون اولارگردردیمی ایتسم بروز
اوغلی اولن تفاقی داغیلان آغلامازمگر
یتیملیق قیز اوشاقینه قهرا یامان اولار
بهارعمررقیه بو یرده خزان اولار
منی اولدورن بابام باشینا داش ویران اولار
سوزوگدازه یانوب خونفشان آغلاماز مگر
خیال عالمینده آلورام قوجاقیمه اصغر
باخورمنه باخیشی سالوربوجانیمه اخگر
دیینموری آجام سوسوزام سوویرمنه خواهر
بوفکروخیالیلن یاشیان آغلامازمگر
دلخوشام دین اوسته اولدوم دردمند وخسته من
یثربی گورمز رقیه بو یری ایلر وطن
گورسه غسّالیم تاپولمور زلفمی ایلرکفن
غریبه دوتان شام غریبان آغلاماز مگر
(عدلینون) من تک دوتوب قلبین نقدردرد وملال
بیت بیت یازدوقجا اشعاری اولورآشفته حال
ایستوری شاماتی گورسون ایستمورمال ومنال
بیرمریضه داغلادورداغلانان آغلامازمگر
🍃🌿🌸🍃🌾🌼
🍃🌺🍂
🌿🍂
خرابۀ شام
سلام الله علیها زبانحال حضرت زینب
آغلاما ای عمه سین آغلار قویان
خون جگر صورته ایتمه روان
گرچه مصیبت سنی دیلدن سالور
چوخدی غمون صبریوی الدن آلور
اُلموب هله سید سجاد قالور
بو غموه قالموری اوندا توان
آغلاما گلمه بو قدرشیونه
باخما پوزولموش چمنه گلشنه
دردیوی گل دی آناوا یا منه
بوردا داخی آیری کسه یوخ گمان
ای مَلک احمده بَدرِ مُنیر
گرچه اولوبسان بو یزیده اسیر
هِمّتون عالی ولی سننون صغیر
سندن آلار درس حجاب بانوان
اصغره لایلای دیوسن آغلوسان
صورتیوه اشگ بصر باغلوسان
سن آناون سینه سینی داغلوسان
غملره یوخ صبر ایلسون بوآنان
موجولی کشتی کیمی دوشدون گِله
عمّه لروندن بالا ایتمه گِله
آغلاما بیر لحظه دایان گل دِله
سینه ده کی دردو غمون ایت بیان
شمره گرفتار اولا هر کس بالا
اولماز اونا کیمسه که دردین آلا
بیر بو قالور قبریوی عمّن قازا
آغلاما ای عمه سین آغلار قویا ن
ای آتاسی شاهدکربوبلا
مسکن اولان قانینه عرش خدا
عمرودی «عدلی» سنه ساخلار عزا
یاز اونی دفترده آدین نوحه خوان
🌿🌸🍃🌾🌼
🍃🌺🍂
🌿🍂
🌿
خرابۀ شام
حضرت رقیه سلام الله علیها
غملری اود سالان بو مكانه
آغلاما گلموشم منده جانه
وای امان بو يتيم ليق اليندن
دوند من عمه وين باغری قانه
کر:
ا ی حسينه اولان ماهپاره
آغلاما توكمه اشكون عذاره
قويما ديواره نيلی جمالون
آغلادورعمه وی وضع حالون
بلبل بسته باليم رقيه
توكمه رخساره اشك ملالون
منزلون گرچه ويران سرادی
گوزياشين مونسين آهُ وادی
بيربيله آغلاما گلمه زاره
عمه وين قلبی غمدن يارادی
سلب اولوبدی توانون سفردن
قولارون نيلی دورقمچی لردن
هی ديروسن بابام هاردا قالدی
بس ندن سالدی گوزدن نظردن
قلبيمه اود دوشوربو سوزوندن
گل اوپوم بوسولان گل يوزوندن
تاپشوروب قارداشيم آيرولاندا
امرايدوب سالما زينب گوزوندن
غملنوب هرزمان وای ديور سن
سسلوسن اكبرايوای ديورسن
قلبني داغلوسان سن روبابون
اصغره گاهی لایلای ديور سن
سنّون آز ليك فخر زنانسان
سن رقيّم نه شيرين زبانسان
شركت ايتدون بابان نهضتينده
دوشمنون قصرينی سن يخانسان
هيچ بهارين گلی بيله سولماز
گويده دولسا بولود غمله دولماز
غنچه سن آچماموش سولموسان سن
بلبلون سنكيمی شوری اولماز
سينمـه گل بالا يرده ياتما
عمه وين سينه سين گوزدن آتما
آغليوب آغلادورسان آناوی
آغلادوب گوز ياشين قانه قاتما
دوشموسن گرچه سوزوگدازه
بسته سن عشق شاه حجازه
بواسيراولماقون آرترارچوخ
دين وقرآنه رونق نمازه
«عدلينون» دردی واربی نهايت
سنده واردی قزيم چوخ كرامت
وارمريضه قيزی وير شفاسين
خردا قبری ويرن شامه زينت
ای حسينه اولان ماهپاره
آغلاما توكمه اشكون عذاره
💐🍃🌿🌸🍃🌾🌼
🍃🌺🍂
🌿🍂
خرابۀ شام
زبانحال حضرت رقیه سلام الله علیها
آتامون باشی ويره بو يره سامانه گلوب
ميهماندی بو گجه جانيمه جانانه گلوب
بو خرابه هارا عمه آتامون باشی هارا
باخورام صورتينه چوخ بلشوب قانه گلوب
ترك ايدوب جنّتی حتماً بورا گلدی دل آلا
يوسف فاطمه دوركلبۀ احزانه گلوب
وادی طوريدی بو يرمنه گرغمكده دی
اود سالا نخلۀ طوره دل سوزانه گلوب
لب لری چوخ قوريوب تشنه جگر دی بو بابام
گه كول اوسته گهی چوللر دولانوب جانه گلوب
ايستورم بو قورين لعل لبيندن بير اوُپم
سالا تا باد غميله بورا طوفانه گلوب
منی گلدی آپارا همره اولام اوز باباما
می عشقيندن ايچيرده منی مستانه گلوب
بولوری جان به لبم خسته دلم گلدی بابام
قيدغمدن قوتارا تا منی احسانه گلوب
بولوری بوردا آجام سينه ده حسرت ياراسی
ايستمور تا گوره چوخ بو قيزی افغانه گلوب
فرضيدی (عدلی) يازان مطلعی تكرار ايده سن
آتامون باشی ويره بو يره سامانه گلوب
🌿🌸🍃🌾🌼
🍃🌺🍂
🌿🍂
🌿
خرابۀ شام
حضرت رقیه
سبک من مانده ام تنهای تنها…..
بوخرابه یرده عمه حسرت دیداریارم
دخترشیرین زبان شهریار تاج دارم
داغدارم عمه جانم
بی قرارم عمه جانم
گلموری قارداشیم اکبر گویلومی بو یرده آلسون
مونسیم اولسون اورکدن غصه و دردیم آزالسون
صرصرظلم وجفادن گرچه غم درده دچارم
اصغره لایلای دینده آغلارام ابربهارم
اوزبابامون غمگساری هرگجه شب زنده دارم
آغلارام گورمزیوخی گوزصبح اولونجان انتظارم
قویمورام یاتسون یاتانلار نچه ساعت بوردا راحت
کاش گورم بوخسته جاندا رحلتیمدن بیرعلامت
باخما بو ویرانسرایه عمه من آئین مدارم
کربلایه سیز گیدرسوز من بویرده ماندگارم
بو تراب اوغلی بابامدی بو ترابه خاکسارم
نصب ایدن نهضت لواسین من حسیندن یادگارم
بو لوا کاخ یزیدی ایلییر ویرانه عمه
دوندرر هم قبر پاکیم بویری رضوانه عمه
🌿🌸🍃🌾🌼
🍃🌺🍂
🌿🍂
🌿
زبانحال حضرت رقیه سلام الله علیها
زبانحال حضرت رقیه سلام الله علیها
اهل عالم من رقیه ساکن ویران سَرایم
بلبل شیدای عشقِ گلشنِ آل عَبایم
اهل عالم. ….اهل عالم..
.
میوۀ باغ ولایت مادرم اِنسیّه حورا
من سه ساله دخترم که نور چشم مرتضایم
.
دختر شیرین زبان شاهدکرب و بلایم
کعبۀ ایوان عصمت عفّت و شرم و حیایم
.
سلسله جنبان موجم کوکب رخشان دینم
زادۀ خون خدایم بحر جودم هم سخایم
.
دستگیر پیر و بُرنا هر علیل و ناتوانم
مستمندان را پناهم چاره ساز بی نوایم
.
من به شطرنج محبّت فاتح قلعه . حصارم
مُهرۀ ماهر به مات و فاتح شاه و گدایم
.
پرچم فتحم به گُنبد می وزد در اهتزاز است
سالک راه حقیقت من کلیم بی عصایم
.
کربلا بودم چو غارت رفته از گوش گوشوارم
همره دردم هنوزم صابرم درد آشنایم
.
گوشۀ ویرانۀ شام گشته با اشکم گلستان
زخم سر تاج سرم شد درگهِ دارالشِفایم
.
مثل شمع دراین خرابه سوختم با درد و غصّه
آرزوی وصل جانان شد در این وادی دُعایم
.
شام ویرانه اگر چه مدفن من گشته لیکن
منصبم باب الحوائج بر همه مشکل گشایم
.
عطرخوشبوی مزارم عطر دلجوی حسین است
زان سبب در این خرابه خاکِ پاکِ باصفایم
.
من به سیلی خوردن ازدون هم قرین مام خویشم
غم مخور (عدلی) چو زهرا شافع یُوالجزایم
🌿
🌿🌸🍃
🍃🌿🌸🍃