بسم الله الرّحمن الرّحیم
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
ورود محرم الحرام …
ورود به کربلا….
خطاب به کربلا….
بنام نامی خداوند جان آفرین
وقتی حضرت سیدالشهدا با مزدوران یزید کافردرمکه که برای ترورایشان آمده بودند درحالیکه همه برای انجام مراسمات حج گروه گروه به مکه میآمدند ایشان مکه را بسوی عراق ترک فرمودند..
کعبه نی ترک ایلدی باشیندا آهنگ سفر
سرّ اعظم وارسفرده شورش وشورِدگر
حجّی تبدیل ایلیوب عُمره صداقتلن حسین
خصم قرآندان بولوردی جانینه واردورخطر
ایلیوب سعی وصفا هم مروه چون قیلدی نماز
ایلسون ترویج دینی باشلیوب سعی دگر
نکته دوربوعقل لرعاجزقالوبدی دَرکینه
اولدی همراهی حرملربیرده اصغرزیرپر
یول گیدورتا کربلایه نهضت خونین ایده
حقّی اثبات ایتماقیلن عالمینی باخبر
ایستوری آللهون امری موبه مو اجرا اولا
لیک قرآن دورگرک دنیاده اولسون جلوه گر
قان ویره برنامۀ آزاد گی گلسون اَلَه
نُه فلکده اسدیره تا پرچم فتح وظفر
چهرۀ ننگ جنایت پیشه گانی روایده
کاخ استبدادلرویران اولا زیروزبر
بومرامه چاتماقا دارونداریندن گچه
بیرسوری قربان ویره یاقوت ومرجان وگهر
اکبری که چهره سیندن نور آلاردی مهروماه
قدی رعنا مثل طوبا سیرتا خیرالبشر
اذن جنگ آلسون گرک جانانه قربان اولماقا
آخرین لحظه دویونجا قدینه سالسون نظر
پارچالانسون اکبرین باشی اولا شقّ القمر
چون قمرگلگون اولاغم جانینه سالسون شرر
باخسون اکبرنعشینه گورسون یارا ساندان گچوب
سینه سی درده گلوب غم آتشیندن شعله ور
بیرعبا آچسون یره یغسون علینون نعشینی
زیرلب ذکردعاسی گوزلرینده اشک تر
هاشمیلرتا گلوب امداده عباسی دیسون
اکبری سیزحمل ایدون تا قالما سون یالقوزپدر
زیربازوسون دوتوب اوغلی اولن قارداشیمی
من گتورم خیمییه هرچند آهسته گلر
بومرام اوسته گرک عباس تک قارداش ویره
قارداشی که عزّت و تقوا سپهرینده قمر
نهرعلقم اوسته قولسوزدوشسه قانلی پیکری
سسلسه ادرک اخا ایوای دیوب اشکین توکر
گورسه عباسی جان اوسته قارداشون فکرینده دی
دیزلری اوسته آلار باشین شه نیکوسیر
سسلنر قارداش دوشن قولاریوا جانیم فدا
گوزده کی اوچ شعبه اوخ اگدی اگولدی بوکمر
زندگی درسی ویروبدی انقلابی (عدلیا)
مکتبی سازنده دور درک ایتسه اولاد بشر
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
ورود محرم الحرام …
مظلوم حسینه عالم لرآغلار
مظلوم حسینه عالم لرآغلار
زهراعلی هم پیغمبرآغلار
جاندارو بیجان هرنه وارآغلار
گلدی محرم باشلانوب بزم عزاسی
سسله حسینیم وای چاتاعرشه صداسی
کر:
الله ا کبریا حسین الله اکبر
ای ماسواسیندن گچه دنیایه رهبر
شیعه بوآیدا گلسون نوایه
اولسون سیه پوش باتسون عزایه
ویرسون تسلی خیرالنسایه
کربوبلا دشتینده چون طوفان اولوبدی
مظلوم حسین اوزقانینه غلطان اولوبدی
الله ا کبریا حسین….
گرگ قورولسون بزم عزاسی
عرشه اوجالسون حسین صداسی
گتمزاورکدن دشمن جفاسی
اکبرکیمی شهزاده سی دوغراندی الله
زهرایه بنزربیرقیزی نالاندی الله
الله اکبریا حسین….
یخوبلابوآی ستون دینی
دونوب منایه غم سرزمینی
اولدوردی بوآی دشمن حسینی
کربوبلا ظلمی دیمه چاتدی تمامه
زینب اسیراولدی گیدربوآیدا شامه
الله اکبریا حسین….
عطشاندی اصغرغملی سفرده
یوخ سوویرولسون یاندی بودرده
آغلورآناسی سوزشررده
سویلورآنا سوایستمه یات اصغریم یات
شرمندیم یوخدورصودوم یات دلبریم یات
الله اکبریا حسین….
آجدی یاتانمورچون شیرخواره
لایلای دیوریات اول دلفکاره
قالموب ربابه تا راه چاره
آخر قماطه اللرین باغلارآناسی
دوزمزبالا آغلارعلی آغلارآناسی
الله اکبریا حسین….
غافل اولانلارذات خدادن
چکمزله بوآی ظلم وجفادن
چوخ باش کسرلربیرباش قفادن
اوچ گون قالارایسی قوم اوسته پاره تن لر
زینب الی باشدا گزرقارداشی سسلر
الله اکبریا حسین….
جهان ایدرفخربوعزّوشأنه
شفیع حقدی بوشیعانه
خدمت گزارین چکرجنانه
خادمدی(عدلی) بوشهه هم نوحه خواندی
غم محفلینده آغلیوب هم آغلاداندی
الله اکبر یا حسین الله اکبر
ای ما سواسیندن گچه دنیایه رهبر
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
ورود محرم الحرام …
شیعه گل شورونوایه
ورود محرم
سبک : کوفه را ماتم گرفته
شیعه گل شورونوایه
غم یتوب شاه هدایه
گلدی ماه غم محرّم
آغلا شاه کربلایه
واگیر (اجرا در تمامی بندها) :
اگنیوه گی بو گوندن قراسین
یرده گویده دوتوبلارعزاسین
شاه حسین ورد زباندی
عالمه بوسوزعیاندی
عیش وعشرتدن الون چک
ماه غم گلدی اماندی
قان اولا شط فراتی
سالدیلار ضیقه حیاتی
باغلیوبله سویولونی
قویدولار تشنه بناتی
یاندیلارنارجفایه
باخ بوغملی ماجرایه
اولدورَندَه شاه دینی
یتمدی بیرکس هرایه
قان توکندی قوم کینه
آغلوری نازلی سکینه
هی دیورالله گوریدیم
کاشکی من بیرده مدینه
شیعه بات بوآی عزایه
قاره پوش اول گل نوایه
آغلوراصغرآج سوسوزدان
سنده سس ویرسس صدایه
بلبل پر بسته اصغر
تاب اید نّمورخسته اصغر
نه سو وار نه صود ویرولسون
تشنه دی جان اوسته اصغر
سسلنوب ایوای دِ آغلا
بیر آنا تک وای دِ آغلا
سن ربابون اوز دیلیندن
اصغره لایلای دِ آغلا
آچموشوخ ال التجـایـه
حسرتوخ دار الشفایه
ایستیروخ ششگوشه قبرون
ایسته شاها کربلایه
گللوخ اوردا آه و داده
آغلاروخ پائین پاده
هر مکاندا جان لار اولسا
لیک روح لارکربلاده
(عدلی) یاز نوحه توک اشگین
یوخ عمل جرموندی سنگین
شاه دین گر شافع اولسا
اولماسان محشرده غمگین
اگنیوه گی بو گوندن قراسین
یرده گویده دوتوبلارعزاسین
🌼🍃🌸🌼🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
ورود محرم الحرام
دوتوبدی عالم حسینه ماتم عزاسی باشلاندی
ورود ماه محرم
سبک: سریال امام علی …
دوتوبدی عالم حسینه ماتم عزاسی باشلاندی
سیه پوش اولدی آناسی زهرا نواسی باشلاندی
حسین حسین جان حسین حسین جان حسین حسین جان
چکولدی قاره ارض وسمایه عرش خدا آغلار
فلک ملکلر حسینی سسلردلده نوا آغلار
حسین سونلرغمین بولنلردوتوب عزا آغلار
محرم اولدی حسین حسینون صداسی باشلاندی
حسین حسین جان حسین حسین جان حسین حسین جانم
علی آتاسی دلده نواسی ایدرفغان آغلار
عذاره اشگین مهدی غمگین توکنده قان آغلار
محنت وغمده گلنده درده پیرو جوان آغلار
اهل جفانون کوفه وشامون جفاسی باشلاندی
حسین حسین جان حسین حسین جان حسین حسین جانم
گرک حسینه بوگونده هرکس بزم عزا قورسون
ادب یوزیلن کیمسه گلنده ایاقینه دورسون
نوحه اوخونسا سینة عشقه دست غمین ویرسون
دشت بلانون کرب وبلانون بلاسی باشلاندی
حسین حسین جان حسین حسین جان حسین حسین جانم
حسینه نوکربوآستاندان بیرآن کناراولماز
آغلاساهرگوز جزا گونونده اشگباراولماز
آندولا حقّه هرایکی دنیا خوارو زاراولماز
دوتون بوآیدا حسینه ماتم عزاسی باشلاندی
حسین حسین جان حسین حسین جان حسین حسین جانم
حسین بوآیدا ایدوبدی نهضت هم عهدینه ایفا
داروندارین ویروب خدایه زادۀ زهرا
اوقان که اوندان توکوبلرایندی قطره سی دریا
(عدلی) قان آغلو قلم سیزیلدوربکاسی باشلاندی
حسین حسین جان حسین حسین جان حسین حسین جانم
🌼🍃🌸🌼🌸🍃🌼 🌼🍃🌸🌼🌸🍃🌼 🌼🍃🌾
🌼🍃🌾 🌸🍃🌼
💐🌺💐
ورود محرم الحرام
گلدی مه شوروشهامت
سبک: ایران اگر دل تورا شکستند….
یاران
گلدی مه شوروشهامت
ذکرالم درد وشهادت
گل ناله وافغان وداده
خاموش اولوب شمع هدایت
کر:
باشلاندی گل حسین عزاسی
گوزیاشیون چوخدوربهاسی
یاران
غم یوزویروب بوآی حسینه
آغلار آناسی نورعینه
گی اگنیوه سنده قراسین
گل بزم غمده شورشینه
یاران
چاتوبدی غم ارض وسمایه
یرگوی گلوب شورونوایه
گینه گلوب مه محرم
گلدی حسین کرب وبلایه
یاران
حسین ایدوب بوآیدا نهضت
قرآن و دینیدن حراست
اولوبدی یاوری بیرعده
ویرن جانین تاپوپ سعادت
یاران
شیعه باتار بوآی عزایه
قاره گیوب گلرنوایه
سینه ویروب سسلر حسین وای
سس قوزانارعرش خدایه
یاران
گرک شهید کربلایه
اولنگرزمین سَمایه
اولا آناسنا تسلی
باتاخ محرّمی عزایه
یاران
اولیدی قان شط فراتی
ضیقه سالاربو آی حیاتی
باغلارعدوسویون یولونی
تشنه قویار پیرو بناتی
بلبل کیمی پربسته اصغر
یاران
آج دور سوسوزدی خسته اصغر
نه واردی سو نه صود ویرولسون
دوزنموری جان اوسته اصغر
یاران
گل غنچه سی بوآی سولوبدی
قونداقی قانیله دولوبدی
چوخ ظلم ایدوب اوچ پرآتان اوخ
قانین توکوب پرپراولوبدی
یاران
بوآیدا بیراولدوزباتوبدی
هم آج همی سوسوزیاتوبدی
بیرصود امر دلسیزاوشاقه
دونان کوفه اوخ آتوبدی
یاران
بوآی باتوب مه وستاره
ایدوبله پیکرینی پاره
اسوبدی صرصرعداوت
ویروبلا یاره اوسته یاره
یاران
چکوبدی نظمه بو بیانی
فدا اولا بودینه جانی
اواهلبیته خادم (عدلی)
ایدرحسینه نوحه خوانی
🌼🍃🌸🌼🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
ورود محرم الحرام
گینه یاران گلوب ماه محرّم
گریز به شام غریبان
گینه یاران گلوب ماه محرّم
باتوب یاسه بوعالم غرق ماتم
ایاق آتدا قالان برگ رزاندی
محرّم ای عجب فصل خزاندی
گلستانلارگلی افسرده اولدی
چمنده لاله لرپژمرده اولدی
خزاندی گلشن آل پیمبر
گلوب آه ونوایه دخت حیدر
بوآی بیرمحشركبرا اولوبدی
سوسوزدان گلشن طاها سولوبدی
گلون شیعه بوآی سیزشورشینه
عزاداری ایداق تشنه حسینه
شهیدان یرده بی غسل وكفندی
عیال آل حیدربی وطندی
ایدوبلرقانه غلطان قوم ناپاك
شبیه مصطفانون قلبینی چاك
دیوللرقطعه قطعه دوغرانوبدی
آتا گورجاق دیوب قلبیم یانوبدی
ایا صاحب زمان باشون سلامت
یرآغلورگویده وار شورقیامت
بوآی جنّتده زهرای شهیده
توكورگوزیاش اولوب قدی خمیده
گلوبدی قتلگاه عشقه باخسون
حسینین قانینی تا زلفه یاخسون
دیسون باشسیز بالا نوردوعینیم
آنان جانی سنه قربان حسینیم
غزالان حرم بی خانماندی
گرفتارعدووكوفیاندی
تنورخولیده باشون نهاندی
منی درده سالان اول خیزراندی
باشون مطبخ سراده كوللراوسته
اوباشی بسلموشدوم گوللر اوسته
قیزیم زینب دوتوب شام غریبان
دیور وای قارداشیم با چشم گریان
ویرورسس زینبه کلثومه آغلار
او اوچ باجی دمادم سینه داغلا
رباب آغلور دیور وای اصغریم وای
باتان اولدوزكیمی بیر اختریم وای
ویروللرسس سسه اونلان یتیمان
پوزوبلارحالیمی اولدوم پریشان
ندن من اولمادیم باشون كسنده
قوپوپ طوفان قرا یل لر اسنده
اجازه وِیرگلوم مطبخ سرایه
اولوم مهمان سنه اتمه گلایه
اوپوم قانلی گوزون قانلی دوداقون
نچه ساعت آنان اولسون قوناقون
گوروم شمری ایكی الدن شل اولسون
بو خولی عمرونون گلزاری سولسون
اوغول من بوگجه شب زنده دارم
آناوام روحوم آغلور بی قرارم
دوداقوندان آخورقان اشكبارم
مطیع امرحق پروردگارم
غمونده «عدلی» دیلدن خونفشاندی
دا یازمور خامه سی چوخ ناتواندی
🌼🍃🌸🌼🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
ورود به کربلای معلا
بو بيابان بلا كعبة غــم دي گوروشور
بو بيابان بلا كعبۀ غـم دی گوروشور
اولين منزل وصحرای قِدم دی گوروشور
بوسفرآخره چاتدی گَلی منظوريم اَلَه
كعبه دن اشرف اولار باب كرم دی گوروشور
ای ابولفضل دِنه انصاريمه مُحِرم اولا لار
كعبۀ عشقيدی عشاقه حرم دی گوروشور
بوهمان يردی آچار دشمن الين قان توكولر
اوخ آتان نيزه ويران ظلم وستم دی گوروشور
باجی الدن اليوی اوزمه ليم داد ايلمه
غصّه دن قدِ كمانون ديمه خم دی گوروشور
دنيادا كيمدی قالان باب كباريمده دِنَه
منه ده هم سنه ده دنياعدم دی گوروشور
من خليلم بومنا دورگتوروب اكبريمی
تشنه قربان ايدرم حقّه رقم دی گوروشور
گراولا وادی عشّاق بويرقانلی تراب
نقدرلاله بيتر گوزگوره كم دی گوروشور
«عدلی» يازعهد الست اوسته بويرمدفن اولار
هم عرب هم عجمه مُلک مُعظّم گوروشور
🍃🌿🌸🍃🌼 🌼🍃🌾 🌸🍃🌼
🌼🍃🌸🌼🌸🍃🌼
💐🌺💐
مناجات
گریز ورود به کربلا
اصغر فرشچی (عدلی تبریزی )
یارب منه لطف ایله اولوم عیبدن عاری
عشقونله اورکده آچیلا یول سنه ساری
بیرعمرودی روزی یییورم شکرونه غافل
سال قلبه اولوم نعمتوون شکرگزاری
سالما نظروندن منی ایت راکع وساجد
تکبیره نمازه دلیمی آچ اولا جاری
سال سایۀ رحمت کرموندن باشیم اوسته
سیل بو اورگیمده اولونان گرد وغباری
مهمان ایله فضلونله منی بادۀ نابه
دولدورسون اومی جسمیده هریرده داماری
مست ایله منی شقیوه ای خالق رحمان
ویرباده مدام ویرمیه یوزحال خماری
عفو ایت منی اعظم اولونان اسمیوه یارب
گرچه گناهیم چوخدی منیم یوخدی شماری
باشلاندی محرم آچولور قاره علم لر
بوغم آیی آغلارگوزعطا ایت منه تاری
بوآیدا شهید ایلدیلرفاطمه اوغلون
اولدوردوله یعنی شه دین میرفخاری
دعوت ایلدی کوفه نین اهلی گله مهمان
گلدی ولی گوردی اولارون یوخدی چخاری
چکموشدی یزید نقشۀ شوم تا آلا بیعت
اتموشدی بسیج کوفنین اهلین اونا ساری
باش اگمدی چون بیعته اول فاطمه اوغلی
ارزل لره باش اگمیوب اگمز بالالاری
حکم ایلدی تا لشکری اولدورسون حسینی
بیرده کیم اولا دوروبرینده ایده یاری
القصه گلوب ماه محرم ایکی سینده
چاتدی او بلا دشتینه عشق اوسته قطاری
امرایلدی قورسونلا چوخور یرده خیامی
بو امر ویروب زینبینه حالت زاری
عرض ایلدی قارداش بونه یردی سنه قربان
آندوربو قضایاده باجون زیببی باری
فرمایش ایدوبدور بومکان دور منه مسکن
گلشن ایدرم قـانیمیلن من بو دیاری
دشمن منی ایلر باجی بو یرده احاطه
ایستر پوزولا منده اولان نقش و نگاری
باغلارسویولون اصغریم عطشان ویره تاجان
سو اوسته ابوالفضلیم اولار اوچی شکاری
بو یرمنه مدفندی اولار کعبۀ عشاق
الله ایده جاق کعبدن اشرف بو مزاری
عهد ایلموشم خالقیلن روز ازلدن
عاشورمحرمده ویرم دارو نداری
گرچه باجی من واریوخومی خالقه ویررم
اما ویرارام دشمنیمه ضربۀ کاری
قویمازیخیلا فاطمه اولادی بوچولده
قرآن ایوینی هم یخیلا دینون حصاری
مندن صورا گر نهضتیم اوستونده دایانسان
بو یرآدی عالمده اولار شیعه شعاری
ایللربویی چون ماه محرم لراولاندا
گوز یاشنی عاشق لر ایـدر صورته جاری
غم محفلی چوخ یرده قوراللار منه خاطر
هرکیمسه گلربزمه تاپار حالت زاری
عاشورمحرم یتیشر ناله لرعرشه
چوخلارگوزونون یاشین ایدر ابر بهاری
عطشان اولا هرکیمسه منیم عشقیمه زینب
سوندورمز عطشدن اونی بو دنیا سولاری
یازنوحه حسین عاشقی ای «عدلی» عاصی
قورتارسا سنی نار جهیمدن او قوتاری
🌼🍃🌾 🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
ورود به کربلای معلا
من یتیشدیم مقصده بو یرده مأوا ایلرم
من یتیشدیم مقصده بویرده مأوا ایلرم
جانمی جانانیلن بوچولده سودا ایلرم
بوزمین کربلادی توپرا قوندا جذبه وار
یاروانصاریمله من بویرده سکنا ایلرم
من بودشتی عشقیمیله ایلرم بازارعشق
منزل آخردی بوردا خیمه برپا ایلرم
حَجّیمی تکمیل ایدم یتمیش ایکی قربان واریم
ذبح اعظم قانینه بودشتی دریا ایلرم
دست بیعت ویرمرم ویررم بو یرده باشیمی
نقشیمی قرآن ودینه یاخشی ایفا ایلرم
دشمنیم ایستر منی گورسون خمیده قد باجی
من خمیده قدیمی آلله یانوندا ایلرم
ماسواللهدن گچوب باش اگمرم ظالم لره
مو به موقرآنون حکمون بوردا اجرا ایلرم
قبل عاشورا باجی جمع ایلرم یارانیمی
بی وفانی با وفادن فعله منها ایلرم
تا اولا اتمام حجت من امام برحقم
من کیمون نسلیندنم قومه هویدا ایلرم
سویلرم احمدی جدیم حیدرکرارآتام
کیم آنامدی فاطمه هم ذکرزهرا ایلرم
اصغری آللام قوجاقه الده بیرقران دوتوب
روبرو دشمنله اوللام سوتمنا ایلرم
سوویرولمز لیک آتاردین دشمنی تیرسه پر
شیرخواریم جان ویرر منده تماشا ایلرم
جان ویرن لحظه گولرگویا دیرممنون بابا
من دوزوم لفظین جهانه اوردا معنا ایلرم
بیرگلستان گل گتوردوم بوردا پرپر اولماقا
هرگولوم قربان دین غنچمده غوغا ایلرم
بویرین توپراقینا قانیم منیم ارزش ویرر
دردمندانه بویرده من مداوا ایلرم
)عدلی( تک کیم گلسه خدمت ایتماقا درگاهیمه
دفترعشقه آدین من ثبت وامضا ایلرم
🌼🍃🌾 🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
ورود به کربلای معلا
پیاده اول آنام تک مهربان درد آشنا زینب
سبک : حسین تعجیلیلن گیتمه …
حسین جان گل علمدارون …
پیاده اول آنام تک مهربان درد آشنا زینب
بویرجدّیم دیین یردی همان دشت بلا زینب
کر:
صبور اول خواهریم زینب
شریک غم لریم زینب
منه گون تک عیان اولدی قوتولدی بوسفرمقصد
بویردورغاذریه نینوا هم کربلا زینب
بویردو کعبۀ عشاق داخی گیزلتمرم سرّی
سن ای غیرت مقامینده اولان شیرخدا زینب
وجودیم عشقیلن لبریز اولور باخدوقجا بو دشته
اورکده صحبتیم چوخدی قولاخ ویربا وفا زینب
بو یرده یار وانصاریم اولالارقانینه غلطان
امان ویرمز بیزه دشمن ایدرجورو جفا زینب
ابوالفضل وعلی اکبر قانی بوردا اولارجاری
صبور اول گرمنی گورسن ذبیحا من قفا زینب
کسن وقت باشیمی جلاد مبادا اینجیسون روحون
نه یالوار شمره نه آغلا منم دینه فدا زینب
باجی قارداشلیقون حقین بوچولده سن ادا ایله
بالام سجّاده اول حامی سنی ایلر دعا زینب
یانانداخیمه لرقویما دِنَه قاچسون چوله قیزلار
رُقیّمندن حمایت ایت اولارمندن جدا زینب
بالام سجّاده لطف ایله قوتاراوددان اماموندی
مریضه حال دورامّا سنیله هم نوا زینب
منه شام غریبان دوت دیمه هیچ بیرگلن اولماز
یقینیم وارآنام زهرا گلرساخلار عزا زینب
رباب اصغردیرآغلارگورنده سینه ده صود وار
شکسته قلبنی بیر آل تسلی ویراونا زینب
گلوب گودال قتلیمده منی باشسیزبدن گورسن
توک اشگون یاره لراوسته دگوب سانسیز یارا زینب
اسیر عشق اولارسان سن شهید عشق جانان من
چکر شامه سنی آخر بو عشق با صفا زینب
گوررسن شامیده بی حد مصیبت لرشماتت لر
مین اوزلی شامیان اوردا دیرچوخ ناسزا زینب
صبوراولماقلیقی تمرین بو گوندن ایت اسیراولسان
محرم اون بیریندن سال یوزه باشه قرا زینب
صبور اولسان مصائبده همانا شکر یزداندی
اسیرعشق اولان عشقه ایدرچون اقتدا زینب
تمام ایت (عدلیا) رازحسینی سن رقم ایتمه
شهادت آستانینده ایدرحقین ادا زینب
🌼🍃🌾 🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
خطاب به کربلا
کربلاسنده ياتوبدی دلبرجانانه مـيز
اصغرفرشچی ( عدلی تبریزی)
کربلاسنده ياتوبدی دلبرجانانه مـيز
عـاشق جانباز دين پرياندوران پروانه ميز
كربلا سن محترم سن كـعبه دن ميقاتيدن
سنده باش يرده قويوب دورافسرشاهانه ميز
هاش بيزديره گيداخ يا آختاراخ بتخانه نی
ديريمزسن كعبه ميزسن قبله وبتخـانه ميز
باده ناب ومـی ناب ايلـمز مست وخمار
مست ايدن سنسن بيزی سن ساقی وميخانه ميز
قلبلرلب ريزدورعشق حسيندن كربلا
ميل ايدنلردويميوب دولدوردولا پيمانه ميز
سن ويرن پيمانه دن مخموردورعاشقلرون
سسليولرکربلا محفلده چوخ مستانه ميز
دعوت ايت محرم اولاخ سن كعبه دلدارسان
يوزقوياخ توپراقوا گوروارنقدرديوانه ميز
يازسرود كربلا آندوربوعالم تا بوله
«عدلی» اولمازهيچ حسين سيز محفل و كاشانه ميز
🌼🍃🌾 🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
خطاب به کربلا
عرش حق يا كعبۀ اهل ولا سن كربلا
اصغرفرشچی ( عدلی تبریزی)
عرش حق يا كعبۀ اهل ولا سن كربلا
تا ابد آغشتۀ خون خدا سن كربلا
كعبه دن افضل يرون حِجْروحَجَردن سن گوزل
مروه وكوه ومنا سعی وصفا سن كربلا
هم عبادت گاه خَيْلِ اوليا تا روزحشر
هم زيارتگاه كُّلّ انبيا سن كربلا
لاله گوندی توپراقون ممزوج دورثاراللهه
درد بی درمانه درمان هم شِفا سن كربلا
تربتون خاك شِفا دوردورت آغاج ای مهدعشق
عاشقا نه سن ديارآشنا سن كربلا
قبلۀعشق وصفا ومستجاب سنده دُعا
هرمريض عشقه چاره هم دوا سن كربلا
سنده جانبازان دين قانی بيتيردوب لاله لر
مدفن گلگون كفن لرگل قبا سن كربلا
نهرالقم اوسته بيرمشگل گشا سنده ياتوب
مدفن سقّا وهم صاحب لوا سن كربلا
خواب گاه اصغروهم اكبروگُل غُنچه سن
هم مزارياد گارمجتبي سن كربلا
نيستانوندا نوا وارگوش جان ويرساق اگر
غملی صحراغملی مسكن نينوا سن كربلا
غازريّه نينوا گرچه ديوبلرليك يوخ
واقعاً كرب وبلا سن كربلا سن كربلا
دعوت ايت آز«عدلينی» قوی انتظار
تاگوره ايوان وصحنون دل رُبا سن كربلا
🌼🍃🌾 🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
خطاب به کربلا
اول یری که مثل رضوان با صفا دوردلربا
✍ ️ حاج اصغر فرشچی ( عدلی تبریزی)
اول یری که مثل رضوان با صفا دوردلربا
توپراقی هردرده درمان کعبۀ اهل ولا
سرزمین کربلا دور کربلا دورکربلا
اول یری که آلدی آغوشه حسین اطهری
غسلوسوزهم بیکفن صد پاره قانلی پیکری
سینه اوستونده بالاسی شیرخواره اصغری
سرزمین کربلادور کربلادورکربلا
اول یری که آلدی آغوشه اونون گل پیکرین
اوخلاموشدی حرمله سواوسته عطشان اصغرین
قدی خم اولموشدی قان ایچره گورنده اکبرین
سرزمین کربلادور کربلادورکربلا
اول یری که آلدی آغوشه اونی آخدی قانی
ایلدی روشن قالا فانوس وحدت قرآنی
قان ویروب دینه آیولدا هریاتان بیرانسانی
سرزمین کربلادور ربلادورکربلا
اول یری کی توپراقین الله سایوبدی محترم
دفن اولا هرکیم اونا یوخدورسئوال قبروغم
خانۀ امن و اماندی ساکنه اولمازالم
سرزمین کربلادور کربلادورکربلا
آلدی غوشه او یرکی پیکرصد چاکنی
اللرین کسدی کسن بولموب مرام پاکنی
نه بولوبدی نستعینی نه بولوب ایّاکنی
سرزمین کربلادور کربلادورکربلا
اول یری کی دفن اولوب اوردا گروه اتقیا
یعنی انصارحسین قرآن ودینه جان فدا
کعبه دن اشرف اولوبدی آدلانوب دشت بلا
سرمین کربلادور کربلادورکربلا
اول یری کی دفن اولوب معراجه چخموشدی باشی
مطبخ خولیده توکموشدی آناسی گوز یاشی
بیرده دوشموشدی فرات اوستونده قولسوز قارداشی
سرمین کربلادور کربلادورکربلا
اول یری کی جانویروبدی سوکنارینده سوسوز
ایتمیوب هر گز حسینه تشنه اولماقین بروز
گورسدوب عالی مواسات قارداشا روز تَموز
سرمین کربلادور کربلادورکربلا
اول یریکه «عدلی» ایستورسالها اوردا قالا
گلستان عشقیده هربیر گولون عطرین آلا
مادح دربار اولا قبر شریفه قول سالا
سرمین کربلا دور کربلا دور کربلا
🌼🍃🌾 🌸🍃🌼 🌼🍃🌾 🌸🍃🌼
🌼🍃🌾 🌸🍃🌼
💐🌺💐
خطاب به کربلا
سنده اولدی نهضت خونین نمایان کربلا
✍ ️ حاج اصغر فرشچی ( عدلی تبریزی)
سنده اولدی نهضت خونین نمایان کربلا
پاکبازان سربداران دینه قربان کربلا
باغبان وبرگ وگل غنچه ایدوبلراتحّاد
خالی اولسون خاریدن دینی گلستان کربلا
نهضتی که سنده اولدی حشره تک پاینده دی
قانیلن تضمین ایدوبلرجان فدایان کربلا
سنده بیرعده مجاهد قانینه غلطان اولوب
باش ویروبلرزنده قالسون دین وقرآن کربلا
نا برابر جنگیده کامه چاتوبدی کوفیان
کسدیلرسویوللارین قالسونلاعطشان کربلا
ایرمی یدّی سنّیده شهزاده اکبردوغرانوب
بوفراق ایتدی آتاسین خانه ویران کربلا
سالدیلاربیرمشک سو اوسته اوسقّا قوللارین
دولدوروبلارسویرینه مشکینه قان کربلا
بیربه بیراولدوردولرقارداشلارین اوغلانلارین
فاطمه احوالینه دللردی سوزان کربلا
اوخلیوبلرسنده لب تشنه علی اصغری
حنجریندن ویردیلاراوچ شعبه پیکان کربلا
اولمادی سود ایچمدی سو قالدی حسرتده رباب
آج سوسوزقرآن یولوندا بذل ایدوب جان کربلا
ذبح اولوندی مِن قَفا شمرین الینده چون امام
باتدی گون اسدی قرایل اولدی طوفان کربلا
سنده غارت ایلیوبلراهلبیت عصمتی
اود ویروب یاندورماقا اَخیامی عدوان کربلا
عالم معناده گلدی قتلگاهه فاطمه
اوغلونی باشسیزگوروبدی یرده عریان کربلا
دورمیوب یکسرگلوب مطبخ سرای خولیه
تا قورا بزم عزا شام غریبان کربلا
عمردور«عدلی» یازار سن کربلانون غملرین
یازدیقی اشعاریله اولموش نوا خوان کربلا
🌼🍃🌾 🌸🍃🌼 🌼🍃 🌸🍃🌼
🌼🍃🌸🌼🌸🍃🌼
💐🌺💐
شَعشَعۀ زُهرۀ زهرا حسین
اصغر فرشچی (عدلی تبریزی)
شَعشَعۀ زُهرۀ زهرا حسین
بارقۀ محشر کبرا حسین
زادۀ طاها شه اِسرا حسین
راه رو مسجد اَقصا حسین
موسی وعیسایِ مَلک فَرحسین
روح قُدُس بنده و قِیصَر حسین
کشتی عشق ایچره مسیحا حسین
طور تجّلی گه موسی حسین
قلب دوعالمدی خدا مظهری
سرّوجود کون ومکان رهبری
هاشمی ومصطفوی دولتی
فاطمی ومرتضوی صولتی
معنی تورات وصُحف هم زَبور
مظهرقرآن وخدا وظهور
قبله حسین کعبه حسین حج حسین
راهبر ورهبر مَنهَج حسین
عمره حسین طوف حسین حق حسین
دل لرآرا والی مطلق حسین
مُحرم واِحرامِ حَرَم خانه دی
شاهد وشمع وشه کاشانه دی
فخربنی آدم و نسل علی
عالمی نوریلن ایدن منجلی
خسرعشاق شهنشاه دین
خیمه زن عرش برین وزمین
نورخدا معنی حبل المتین
فتح مبینه یتوشه بی معین
خروج از مدینه
یثربی ترک ایلدی چون شاه عشق
گوستره عاشق لره تا راه عشق
کربوبلاده ایده معراج عشق
باشه لقادن قویولا تاج عشق
ورود به کربلا
قافله سین چکدی اوکشور گشا
گلدی عراقه ایده عهده وفا
قویدی قدم اول یره سلطان عشق
قبله گه حسن اولا تا کربلا
خیمه سینی قوردی چوخور یرده تا
اولدی شهود کعبه سی دولت سرا
آچدی هما تک پرینی همته
شاخۀ سدره یتیشه برملا
روحه ندا گلدی حسین ارجعی
تزیین اولوب بارگه کبریا
بُقعۀ عالی اولا مُلک عراق
قانیویلن پایه سین ایت استوا
قانین آخا گربویری ایسلادا
ایلراویرتوپراقنی کیمیا
خالقووم من سنی خلق ایلدیم
قانمیله قانیوه ویرّم بها
کشتی ایمانی دوتوب موج کفر
ناجی سی سنسن بوگون ای ناخدا
ساحله چک نوحی اوطوفانیدن
فُلکی یتور ُودیه ای جان فدا
فیض شهادت سنه انصاره وار
اهل جنانسوزهامی یوم الجزا
سنله اولانلاردیلا مستِ الست
دینه فدا نغمه سی قالو بلا
سعی ایله بویراولا کوی منا
مأمن آسودگی دارالشفا
یولّا علی اکبری ایتسون جهاد
میدان آرا دوغرانا ایتمه نوا
باخما علمدارالی تندن دوشر
باش یاریلارالده دوتانماز لوا
تیرسه پرتوکسه قانین اصغرین
قانی اولارزیورعرش خدا
باب الحوائج ایدرم اصغرون
خضر زماندی ایچر آب بقا
دشمنه گرساجدون اولسا اسیر
غم یمه حق دینه اودور رهنما
زینبه تاپشوراُسرانون ایشین
ایلموشم عمروده دردآشنا
آلسا اله نهضتوون پرچمین
فاتح اولارسنکیمی کشورگشا
نغمۀ سرّملکوت یا حسین
لَمعۀ قُدس جبروت یا حسین
والی ملک ابدی یاحسین
کاشف سّراحدی یا حسین
مالک اقلیم وجود یاحسین
صاحب اسرارشهود یاحسین
(عدلی) دیورای شه گلگون قبا
ایسته خدادن منه طبع رسا
🌼🍃🌾 🌸🍃🌼 🌼🍃 🌸🍃🌼
🌼🍃🌸🌼🌸🍃🌼
💐🌺💐
کربوبلانون بیرآدی هوی عشق
اصغر فرشچی (عدلی تبریزی)
کربوبلانون بیرآدی هوی عشق
منزل دل محفل غم کوی عشق
کرب وبلا دوردل خونبارعشق
کیمسه بولنمزندی اسرارعشق
ویردی رقم خامه که سلطان عشق
فاطمه اوغلی اولا قربان عشق
وقف ایلدی تا اونا حیّ علیم
ملک فدینا همی ذبح عظیم
ایستدی تا سرورخوبان اولا
قافله سالارسعیدان اولا
یازدی آدین دفتردیوان عشق
آگه اولاشـاه شهیدان عشق
سرّشهادت حرکات وصال
سنله قالاردنیادا تاپماز زوال
وئرمییسن جانوی ای نیک فر
خشک اولی باغ وچمن وهم شجر
معنی تسلیم وشهودورضا
شرحنی ویرتا بوله اهل وفا
رونق دیروحرم اولسون بویر
جلوۀ باغ ارم اولسون بویر
سنله گرکدوراولا سینا یری
بارقۀ طوره تجلاّ یری
دشت بلاخیمه وصحرا سنون
کرب وبلاوادی سینا سنون
کعبه سنه عرصۀ کرب وبلا
موقف ومشعرسنه عرش علا
سـبط محمد شرف عالمین
نسل علی حجت روی زمین
مهری اولان آیت مهرخدا
قهری اولان آتش قهرخدا
نورخدا شمس هدایت حسین
حجت حق هادی امت حسین
قلب جهان آللها مظهرحسین
سرّوجود وشه کشورحسین
شعشعۀ زهـرۀ زهـرا حسین
بارقـۀ محشرکبری حسین
بلبل عرش ودم رحمان حسین
شاخۀ طوبا گل رضوان حسین
رهرو حق مسجد اقصا ی عشق
تا که اولوب تشنۀ صهبای عشق
وئردی رضا تا اولا تسلیم عشق
کرب وبلاده شه اقلیم عشق
مُحرم اولوب کعبیه سلطان عشق
تا اولا اوزیارینه قربان عشق
فتح مبین ایتماقا ایتدی یقین
نصرمن الله دئدی تا بی معین
شوق ذبیح الله وعشق خلیل
دشت بلا سمتینه ایتدی گسیل
گتدی منایه اوجوان اکبرین
غنچه گولون صود امرین اصغرین
شیرخدا اوغلی علمدارینی
باب الحوائج اولان عباسینی
جمع ایلدی باشینه گنج الاه
گوهررخشنده لری مهرو ماه
دولدی متاعیله او بازارعشق
گلشن عشقه گل بی خارعشق
گوهردریا ولی خشکیده لب
شوق ورور موج اولا دیدار رب
تا یتوشوب دورشب عاشورعشق
پُرایلدی قلبلری شورعشق
اول گجه عشق اوسته ندای وثاق
نغمۀ وصل و نه نوای فراق
تـاپدولا آرایش روز الـست
ساقی عزّت اولاری ایتدی مست
اولدی سحراول گجه صبح وصال
ال تاپوپ آویزه سپاه جلال
بیرطرفی جمله یزیدی صفت وفاسقان
بیرطرف انصارحسین عاشقان
یتمیش ایکی مرد سلحشورعشق
تشنۀ زنجیرودم شورعشق
دشمنه چون شیرژیان خشمناک
چوخلارینی ایتدیلراولدی هلاک
خسته دوشوب جسمه آلوبلاریارا
اولدولارآخر ده بو دینه فدا
سندی پری ظلمیله عنقای عشق
سولدی گل وگلشن و صحرای عشق
شاهد دیندورکه تاپوبدی حیات
هستی مطلق اونا یوخ دورممات
شاهـد دین زندۀ جـاوید دور
ذره سی چون غیرت خورشید دور
کرب وبلا مدفن اهـل صفا
بارگه قـدس شهید وفا
عاشق اولان گرایچه جام ولا
نقش اولی دلده حرم کربلا
کرب و بلاده یاتا نا یوخ فنا
هم توزی توپراقی اونون کیمیا
عمرودی نوحه یازورایلورنوا
درگهینه خادم اولوب هم گدا
(عدلی) سویوربیرده گوره کربلا
آب وهواسین ایده روحه غذا