مدح و میلاد امام علی ع (شعر ترکی و شعر فارسی)

مدح و میلاد امام علی ع (شعر ترکی و شعر فارسی)

بسم الله الرحمن الرحیم

حضرت علی ابن ابی طالب علیه السلام اولّین امام و پیشوای مسلمین و شیعیان جهان هستند.

ایشان بعد از پیامبر ص طبق نصّ قرآن و دستور پروردگار عالمیان به امامت  و زعامت مسلمین رسید، زیرا که او آگاهترین مردم به اسلام بود.

چرا که به تمام اصول و فروع اسلام و احکام و قوانین آن و معنی و تفسیر قرآن کریم آگاهی کامل داشت و علم او نسبت به آن علوم جنبۀ الهی داشت

و آن علوم از حضرت محمد پیامبر اسلام به او رسیده بود و این حفظ و پاسداری از شریعت در لیاقت او بود.

ما شیعیان معتقدیم که تمام عناوین مربوط به خلافت و امامت جعل الهی دارد و مستقیماً مربوط به ذات اقدس حق است و احدی از آدمیان حتّی پیامبران در نصب و تعیین شخص خلیفه دخالتی ندارند.

علی که  در سخت گیری و عدالت و حقوق مردم دستوری برای عموم و کار گردانان حکومتش از استانداران و فرمانداران نوشته است.  

آَدِقّوُا اَقلامَکُم وقارِبُو بَینَ سُطُورِکُم وَاحذَفوا عنّی فَضُولَکُم  وَاقصِدُوا قٌصدَ المَعانیَ واِیّاکُم وَالاِکثارفاِنّ َاَمواَل المُسلِمینَ لاتحتَمِلُ الاِضرار

در نامه نگاری نوک قلم ها را  نازک  بگیرید , فاصلۀ بین سطرها را کم  کنید کلمات زائد را حذف نمائید , میانه روی را در معانی و الفاظ را رعایت کنید.

از زیاده روی ( در صرف بیت المال ) به پرهیزید که اموال مسلمانان تحمّل اضرار و زیان نمی نماید.

چه بگویم در بارۀ مردی که اهل ذمه , با آنکه اسلام را نپذیرفته اند , به او مهر می ورزند . فیلسوفان، با آنکه میانه ای با اهل دین ندارند، بزرگش میشمارند.

شاهان روم و فرنگ شمایل و کتیبه های او را بر کاخ ها و معبد های خود نقش میکنند و شاهان ترک و دیلم عکس او را  برشمشیر های خود حک می کنند.

چه بگویم در بارۀ مردی که همۀ فضیلتها به او انتساب دارد و هر فرقه ای به او منتهی شود و هر گروهی اورا به خود منتسب می داند پس او رئیس و سر چشمۀ همۀ فضیلت هاست

چه بگویم از کسی که در کعبه  خدا چشم به چهان گشود و درمسجد خانۀ خدا به شهادت رسید.مدح و میلاد امام علی

آری من عاشق و شیفتۀ این بزرگ مرد تاریخ اسلامم و درمناقبش مدح ها نوشته ام و خواهم نوشت میدانم که  شعر نوشتن من دریا را با قطره چکان احصاء کردن است

من   کجا و  وصف آن  حبل المتین

عَجز وصفش چو وصف الواصفین

باید در نظر داشته باشیم که اگر درختان عالم قلم و آّب دریاها مرکب و برگ اشجار کاغذ و تمام خلایق نویسنده باشند از عهدۀ توصیفش-مدح و میلاد امام علی- برنیایند.

من در اشعارم چه به زیان فارسی و چه به زبان مادریم ترک آذری به حقایقی که اتفاق افتاده اشاره کرده ام مثلا تولد آن حضرت در کعبه الهی که سه روز فاطمه بنت اسد در آنجا بودند.

اوچ گجه بیتیده اولدی مهمان

حق ایده رتبه سین خلقه اعلان

 کیمدی کعبه اولا زادگاهی

حق ویروبدی بونا عزّوجاهی

و هم چنین در این ابیات زیر به یاور  و داماد بودن پیامبر دارا بودن شجاعت درجنگ بدر و خیبر و کشتن شجاع ترین دشمن اسلا م یعنی عبدود  و فرمودۀ پیامبر که قدرت ضرب شصت علی از هزار سال عبادت ثقلین بیشتر است  اشاره شده است.

یاور دین پیمبر

دختر طاهایه همسر

شهسوار بدر و خیبر

اولدورر عبدود دیو مستی

هرعملدن گوزل ضرب شستی

و یا به قول معروف و اعتقاد شیعیان جهان  حضرت علی  رجعت خواهد کرد یعنی زنده شده و حکومت خواهد نمود.

اونون وار رجعَتی بعدِ مماتی

یازولموش لوحیده واردورحیاتی

و در این اشعار فارسی که بعد از رحلت پیامبر ص  که یارانش بی وفائی نشان دادند و شورای نمایشی در سقیفه ترتیب دادند و حق ولایت و امامت را از علی صلب کردند اشاره شده است.

زبعد احمد مُرسل ز ذَالّنّاس مِحَن دید ی

به جزاصحاب معدودی همه پیمان شکن دیدی

بجای مرغ خوش الحان به باغ دین زغن دیدی

به عمرم درغم جانسوز به محفلها نشستم من

خلاصه این که حقیر سرا  پا تقصیر بی بهره از ادراک  مقامات اهل ضمیر از پیشگاه  استادان بصیر و خبیر عذر خواسته

و مستدعی است در تعبیر و تحریر قصیر این اشعار بدیدۀ  اغماز نگرند.

من  اعتراف میکنم که شاعر نیستم آنهم  در سنّ پنجاه به عشق جانان با دلی سوزان وچشم گریان شروع به نغمه سرائی نمودم

و از علم عروض و الطاف معانی و فصاحت بیان و محسنات بدیع اطلاعی ندارم.

اگرگاهی بیتی سروده ام ترجمان شوق و نالۀ سویدای دل بوده که گاهی مضراب دل بانوائی به آواز درآمده  و نالۀ  جانسوز فراق را برسینه ها شرحه شرحه از داغ جدائی را زمزمه کرده است.

  از نارسائی کلمات باردیگر معذورم.

دفتر ایچره یازیلان فکر ایلمه شعردی غزل

    باغریمون قانیدی که زیب کتاب ایلموشم*

مدح و میلاد امام علی.عدلی تبریزی

مدح و میلاد حضرت علی علیه السلام

سبک: کوچه را ماتم گرفته….

گللنوب باغ رسالت

گوز آچوب شاه ولایت

شیعیانه ویر بشارت

اوچ گجه بیتیده اولدی مهمان

حق ایده رتبه سین خلقه اعلان

نوری نورحق لم یزلدی

فاطمه اوغلودی چوخ گوزلدی

ایلدی خالق عنایت

اولدی ظاهررازخلقت

بر قرار اولدی امامت

گلدی دنیایه شاه ولایت

کامل اولسون ولایه نبوت

گلدی دنیایه بو امجد

یارقرآن یار احمد

آل هاشم اولدی اسعد

کیمدی کعبه اولا زادگاهی

حق ویروبدی بونا عزّوجاهی

نوررَبّ العالمیندی

هم امیرالمؤمنیندی

بوامام العارفیندی

نفس احمدی هم روح طاعت

هم امامتده اتمام نعمت

یاوردین پیمبر

دخترطاهایه همسر

شهسوار بدر و خیبر

اولدورر عبد ود دیو مستی

هرعملدن گوزل ضرب شستی

هستی خلقتده محور

کان جود وعدل گستر

ساقی و سالارکوثر

گلدی داماد و یارمحمد

تا قیامت قالا دین احمد

روح قرآن قطب ایمان

جلوۀ انوار یزدان

شیرحق هم شاه مردان

طاعتی فرض دورانس وجنّه

بو چکرشیعه سین راه امنه

ای سپهرین مهرو ماهی

عالمین پشت وپناهی

عدلنون) وارچوخ گناهی)

لیک وار منده روح تولا

وار شفاعتده چشم تمنا

نوری نور حق لم یزلدی

فاطمه اوغلودی چوخ گوزلدی

💐🍃🌿🍃 💐🍃🌿

🌸🍃🌾🌼

مدح و میلاد حضرت علی علیه السلام

سئوالی کردم از یک مرد پیری

که دنیا دیده ای روشن ضمیری

اگر باشد به کفّه در ترازو

گزین گردد برآن الفاظ نیکو

دگرکفّه چه باید بر نشیند

که شاهینش عدالت برگزیند

بگفتا واژه هائی را بیان کن

هرآنچه درضمیرداری عیان کن

تمامِ واژه ها را کردم عنوان

شمردم این چنین الفاظ خوبان

موحّد  بر خدا” از خود جدائی

وفا داری “عبادت “پارسائی

جوانمردی “سخاوت” جانفشانی

نکوکاری” صداقت ” مهربانی

سخندانی” شعور و ” علم و ایمان

توانائی “فراست “خیر و احسان

شهامت “حشمت و ” شوکت قناعت

کمال و ” معرفت” عزّت ” مناعت

حیا “الفت” وقارو ” عدل و دانش

صفا و” صلح وصبرو” فضل و بینش

تلاش و” انضباط “ایثار محبّت

رضامندی “تواضع ” وقرو رحمت

بگفتا پیرمرد ِ خوب پندار

نویسد واژه هارا چند خودکار

کنون از دل کنم من برتو اظهار

ترازو را مده بیهوده آزار

به املاء گر شود الفاظ دفتر

کفایت میکند در کفّه (حیدر)

بو گون حیدرگلوب دنیایه رهبر

علیدور اسمی چون اللهَ مظهر

بو مولود عشقینه دوت الده ساغر

گوز آچماقدا اولوبدی ذکری اکبر

آچوب گوز کعبه ده بو روح پرور

اولوب هم کعبیه  هم عرشه زیور

بو نوعی ایستیوب پروردگاری

تاپا” تا اوز ایویندن اعتباری

صلوة اولسون گرک دلده شعاری

توکر قان جبهه لرده ذلفقاری

اولان عرش حقه لنگر علیدور

تمام عالمه رهبرعلیدور

بوصاحبدورتمام لفظ ِبهینه

اولانماز بیرنفربوندان قرینه

اونی بسم اللهَ نطقه سایوللار

ولیّ و مرتضی اسمین یایوللار

اونون وار رجعَتی بعدِ مماتی

یازولموش لوحیده واردورحیاتی

ایدوب شأنینده قرآن آیه نازل

گلوبدورتا اولاحلال مُشکِل

اودور( عدلی)یازارمدحینده اشعار

بوطرزیلن ایدر اوز عشقین اظهار

🌾

🌾🌼

🍃🌾🌼

🌸🍃🌾🌼

💐🍃🌿🍃 💐🍃🌿

 مدح و میلاد حضرت علی علیه السلام

کسی نبود  تا بگوید لا اله الالله

اگرنبود وجود و جود علی ولی الله

به غیرعلی کیست که شهرعلم را نُه باب

درآسمان فضیلت آفتاب عالمتاب

اوست که مریدانش رفته اند راه صواب

اوست آموخته به لقمان درس حکمت و آداب

اوست هوای وصالش قلب را کند بی تاب

کسی نبود  تا بگوید لا اله الالله

اگرنبود وجود وجود علی ولی الله

علی که وجود او نوراست به صورت انسان

علی که وصی رسول و شیرحضرت یزدان

علی که درشجاعت او همگان درتعجّب وحیران

علی که ولایت او نامۀ اعمال را میزان

علی که شافع محشراست و آیۀ غفران

کسی نبود  تا بگوید لا اله الالله

اگرنبود وجود وجود علی ولی الله

علی که حرم سرای خدا را محرم اسرار

علی که روزِروشن نمود به کافران شب تار

علی که اسد به ثری به سما حیدر کرّار

علی که خوابید درفراش رسول به لیلۀ غار

علی که دوست ودشمن نکرده این وَقعَه را انکار

کسی نبود  تا بگوید لا اله الالله

اگرنبود وجود وجود علی ولی الله

علی که درمصاف میگرفت بدست خود لوا

پیشرولشکراسلام و قرآن بود همه جا

دَم حُسام دو تیغش محشری می کرد به پا

علی که درنمازصبح شهید است و جان فدا

( عدلی) جلیست کلامت کس نمی کند حاشا

کسی نبود  تا بگوید لا اله الالله

اگرنبود وجود وجود علی ولی الله

🍃🌿🌸🍃🌾🌼

🌸🌾🌼

🌾🌼

🌾  

خطاب به حضرت امیرالمؤمنین ع در روز عاشورا

حاج اصغر فرشچی (عدلی تبریزی)

ای خادمان درگهی میکال و جبرئیل      

الیاس و خضره بحر و برّیده دلیل

ای واسطه میان خدا انبیای حق        

محتاج اولوب سنه آدم و نوح و هم خلیل

ای خلقتی هدف ,آدم  و ابنائیدن ازل    

ای جلیله ولیّ و جعل  امامتی جلیل

ای  هادی خلایق و شافع  یوم نشور

ای حشریده قاسم بهشت و ناروسلسبیل

جاری اشاروه تسنیم کوثرو قنات        

عاملدی امریوه قُلزم وجیحون و رود نیل

باخ کربلا چولونده سوسوزجان ویرنلره

قرآن یولوندا دوشوب عباس واکبرو عقیل

بیرجرعه سوطلب ایتدی حسینون اصغره

گورشامیان دنی نجه اولدو لار ذلیل

قالوب آراده حسین  دوتوبلا دامنینی   

یورقون سوسوز بالالار بی یاورو بی کفیل

عصیان ایدوبدی کوفیان یکسریانور خِیام

قزلار داغولدی چوللره فضا سسی تعویل

یانان یانوب قالان اسیردشمن اولوب تمام

گلورصدای شمر ویرور رخصت رحیل

احرامیان منایه یول سالوب یعنی قتلگاه

زینب گوروب حسینی اشکریزاولوب جزیل

عرض ایلوری خدا فدیۀجاناندی ایت قبول

نوک سناندا باشی یرده پیکری قتیل

تب دار و ناتوان دی باقرالعلومه آتا   

واراحتیاجی بیر باخوشا ساجد علیل

ای شیرکردگار یولوی کربلایه  سال   

زهراگلوبدی سنده گل اماندی ایت تعجیل

گلوب  مُحرّم آیی اولوبدی روز عاشورا

حسینه آغلوری یرگوی جماعت ایچره عویل

کرب وبلا غمینده واردی آغلیین گوزوم  

آغلار یازار قلمیم نوحه تاپاندا اصیل

مرام «عدلی» بو دور شفاعت ایلیه سن

اوزون سالوب اودی درگاهیوه اولوب دخیل

مدح و میلاد امام علی

مدح حضرت امیرالمومنین، مولی الموحدین علی ابن ابیطالب (ع)

حاج اصغر فرشچی (عدلی تبریزی)

ساقیا دولدور پیاله ویرایچوم ماء معین

جسم و فکریمدن اوزاق گزسون او ابلیس لعین

تا نفس باقیدی صهبائی پیاله ویرمدام

ایله احسان لا یُضیعُ الله اَجرالمُحسنین

نشئیه می عاشقانه چون ویرر صبر جمیل

صابرم من چون که وَاللهُ یُحبُ الصّابرین

الامان ساقی درِمیخانه باغلی قالماسون

صف چکوب میخواره لرهم یساروهم یمین

جام می ویرمی پرستانه دیوم من آشکار

بو همان جنّات عَدنوز فَادخُلوها خالدین

باده نوشانی ملامت ایتمسین زاهد گرک

آختارورمسجدّه او میخانه ده من راه دین

اوز وصالین آختارور منده وصال یاریمی

هرکسین بیرقسمتی واللهُ خَیرالرّازقین

مسجدیم میخانه محرابیم ایکی ابروی یار

قبله دورلوح جبین و یار بینُ الحاجبین

اسم معشوقیله آلّام آب میدن دستماز

گونده اون دفعه نگاره سویلرم من نستعین

قاسم الرّرزاق ایدوب قسمت اولام من می پرست

بنده لیق توفیقی منده شکر ربّ العالمین

ویراومیدن ساقیاجرأت ویرولسون خاممه

ایستوری طبعیم ایده مدح امیرالمؤمنین

ویر اومیدن مرغ طبعیم پرآچا شاهین وار

مدحیمه احسن دیسون هم حاضرین هم غائبین

خلقتین سرّ سرشتی قرآنا ناموس علی

ما سِوا کُلاّ طُفیلون اوّلین و آخرین

باء بسم اللهَه نقطه قل هواللهَه مثل

ایلیوب خلقتده غوغا ایزد جان آفرین

محورخلقتده اصل و نور حق لم یزل

ایلیین تکمیل دین و مصطفایه جانشین

صفحۀ رویون اولوب آیینیۀ قدرت نما

ظاهر و باهردی سندن پرتو دین مبین

سن دلیل ممکنات و سن امیرکاینات

مقتدای هر دو عالم لنگر عرش برین

نسل انسانه معلم ناشر قرآن و دین

چون ملقبسن ولی الله هه یا حبل المتین

اولماسیدون اولمازیدی یریوزنده ممکنات

سن جواز خلق دنیا دست قدرتده نگین

استوار اولدی دم شمشیریوه احکام دین

صفدر و دشمن شکن سن امیر امجدین

طعمۀ تیغونله مرحب تاپدی تا راه سقر

یکّه تاز هر غزا سن فاتح بدر و حنین

لات و عزّی سرنگون و باب خیبر چون خراب

اولموسان عامل بو امره سن امام العارفین

کشورعلمیدی احمدسن اوکشورایچره باب

جنّ و انسه رهنما سن شیعییه حصن حصین

سن امیرالمؤمنین سن ملک علمه آفتاب

کل موجوده وجودون اولدی دنیاده مُعین

یا علی ای مظهرذات خداوند و دود

سن نمازاوستونده ویردون سائله انگشترین

مکتبونده پرورش تاپدی حسین و هم حسن

معرض اجرایه قویدی هررموزاتی حسین

درس آلوب عباس نام آورسنون تک شیریدن

قارداشا ایتسون حمایت دینه ویردی اللرین

«عدلی» مدح حیدرین بحرینده لنگرسال دِنَه

عاصیم یوخ حشره توشه ای ولی مسلمین

من هارا مداحی شاهنشه دوران هارا

وصف اوصافین ایدنموب کل وصف الواصفین

🍃🌿🌸🍃🌾🌼

🍃🌺🍂

🌿🍂

💐 

در مدح و میلاد حضرت علی علیه السلام

مرحبایا فاطمه لطف وصفا گتدون  بیزه

بیت حق مولودونی نورخداگتدون  بیزه

آفرین اول نازنین آغوش رهبرپروره

مادراولدون سن بوگون ساقی حوض کوثره

فاتح میدان جنگ بدر و خندق  خیبره

سن فنون و رمز جنگه آشنا گتدون بیزه

گوز آچوبدی کعبه ده بو خانه زاد کبریا

مقتدای هر دوعالم  لنگر ارض و سما

آسمان عشق اولار بونسوز فضای بی صفا

فاطمه  سن شافع  روز جزا  گتدون بیزه

آلموسان آغوشیوه قرآن ودینون یاورین

عرش رحمان وغفورون زیورین هم لنگرین

رکن ایمان کرسی عدل و عدالت داورین

مُجری احکام  دین میرهُدا  گتدون بیزه

آلموسان آغوشیوه سن مخزن  علم خدا

ذاتی اقدس اسمی اعظمدی علی المرتضا

قل هُوَللاهَه  مثلدی  شرزه شیر هرغزا

حامی مستضعفان مشکل گشا گتدون  بیزه

اصل خلقتده  بساط عالمون انشاسیدور

بو شعور وعلم و ایمان و فا  دریاسیدور

شأنینه آیات  قرآن قرآنون  معناسیدور

معنی تطهیر و نور و هَل اَتی گتدون بیزه

باء بِسمِ اللاهَه  نقطه عالمَه  نَهجِ هُدا

ایلیین تکمیل  دینی ماسوایه مُقتدا

ابن ام مصطفی و همسر خَیر النِساء

هدیه دور بو اُمته سن  پیشوا گتدون  بیزه

افتخارعالم  خلقت  وجودی بی عدیل

کشتی  لولاکه لنگر رهبر و خلقه  دلیل

انتخاب ایلوب رسوله جانشین رّب جلیل

ناجی فُلکِ ولایت  نا  خدا  گتدون  بیزه

بحردوربو قطرۀ وصفی جهانی  پر ایدر

بوترابدی بیرنظرده  توپراقی گوهر ایدر

مدحنی قرآنیده  چون خالق اکبر ایدر

مشکلاتی حل ایدن فَخمِ فَتی گتدون  بیزه

بو نماز اوسته  ویرر قانیله  اسلامه  رواج

اون بیراولادی اولارقرآن ودینه چون سراج

(عدلی) سسلریاعلی تا دردینه اولسون علاج

درگه  حقّه  شفیع پر بها گتدون بیزه

🌿

🌸🍃

🍃🌿🌸🍃

🌿🌸🍃 💐🍃🌿

💐🍃🌿🌸🍃🌾🌼

🍃🌺🍂

🌿🍂

مدح و میلاد امام علی

میلاد حضرت علی علیه السلام

آیت  عظمای ذات کبریا سن یاعلی

مظهرآئینۀ ایزد  نما سن یاعلی

کیمدی اولسون زادگاهی قبلۀ اهل ولا

معنی اسمای حُسنای خدا سن یاعلی

ناطق قرآن سن قرآن سنی مدح ایلیوب

کیم دئیر الله و قرآندان جدا سن  یاعلی

بی ولایت اهل قرآن اولماقون یوخ ارزشی

سالک  راه حقه سن رهنما سن یا علی

نفس پیغمبر بویوردی شأنیوه قرآن سنون

یوخ  نبّوت سنده امّا پیشوا سن یا علی

شأنیوه وارآیۀ  تطهیر و  نور و هل اتی

راز دارلیل اِسراء اِنّما  سن یاعلی

سنسیز اولمازدی بتوله کفّوده همتا  اولا

سن امام و همسرفخرالنسا سن یاعلی

هرعبادتدندی افضل غم زداسن یاعلی

غزوه لرده گوندوزی ایتدون عدویه لیل تار

سن فنون ورمز جنگه آشنا سن یاعلی

ضربتونله  جنگ خندقده  قیامت  ایلدون

هر عبادتدندی افضل غم زُدا سن یاعلی

باب علم مصطفاسن یوخدی سنده حدّ ومرز

علم  دانش بحرینه بی انتها سن یا علی

بحرعلمون قطره سیله عالمه ویردون صفا

آگه  سرّ خفّیِ ما سوا سن یا علی

حُجّت حقدوربوعالم اهلینه اون بیر بالان

سن جمیع اولیایه  مقتدا سن یا علی

مکتبونده پرورش تاپدی حسین و مجتبی

رهبر و استاد  شاه کربلا سن  یا علی

آلدی  عباسون فراتی ایچمدی بیرجرعه سو

اورگدن درس  مواسات و  وفاسن یا علی

انس وجنّه سن آیردون را ه حق و باطلی

سن عدالت اوسته دینه جان فداسن یاعلی

مشکله دوشسه احبّا ذره جه باک  ایلمز

حل ایدرسن مشکلون مشکل گشاسن یا علی

یوخدی قدرت« عدلیده»احصا وصفون ایلسون

ذرّه دی یازدیقلاری بی انتها  سن یا علی

🌿🌸🍃🌾🌼

🍃🌺🍂

🌿🍂

میلاد حضرت علی علیه السلام

سبک : ای گل  مینای من……

مژده اولسون شیعه لرعالمه سرورگلوب

گوزآچوبدی کعبه ده کعبة دیگرگلوب

بت لاری سندیرماقا   بت شکن حیدر گلوب

رحمت یزدان گلوب ساقی مستان گلوب

کر:

بونمازاوسته اولا دینینه قربان گلوب

یا علی حیدر مدد  یاعلی صفدر مدد

ایله زهرایه گوره   شیعیانه  بیرنظر

ساقی آچ میخانه نی لبریز ایت پیمانه نی

ایله  غملردن رها  عاشق و  دیوانه نی

طبعیم ایستور مدح ایده دلبر جانانه نی

یازقلم پیغمبره  با وفا یاور گلوب

فارِس میدان گلوب  فوق هر انسان گلوب

وار یری ساقی بیزه بیر دولی ساغر ویره

ابر رحمت لر شاخا عطرو هم عنبر ویره

خاتم  پیغمبران وعدة کوثر ویره

یاورقرآن و دین شافع محشرگلوب

نوگل بستان گلوب   دینه رو ح وجان گلوب

لب آچوبدی بلبلان بیر سرود عرفانا

معنی ایمان گلوب جان فدادی قرآنا

نوش ایدوب صهبای عشق عاشق اولموش جانانا

عشقی معنی ایتماقا  الده می ساغر گلوب

عارف دوران گلوب  خصم نامردان گلوب

عالم معناده  دوزگون اولدی تا فصل بهار

دوتدی یکسرکایناتی رحمت پروردگار

گوز آچوب دنیایه گلدی قلب عالم با وقار

روخجل اولدی قمر  تابناک اخترگلوب

یوسف کنعان گلوب  بیر مه تابان گلوب

بو گلوب آنلاق لی شاگردتا اولا پیغمبره

قائد دین محمدص  شرزه شیردی داوره

وار لیاقت شوهر اولسون بو بتول اطهره

احمده ص داماد اولا کوثره همسر گلوب

خسرو خوبا ن گلوب   بندة سبحان گلوب

بو  ولی اللهیدی چشمة علم و شرف

شهر علمه باب دور هر سوری درّ صدف

رهبرکل جهان مرتضی شاه  نجف

سندیرا دشمن صفین حیدر و صفدر گلوب

ناطق  قرآن گلوب   عالمه بیر جان گلوب

بو گلن  گوندن تاپار امتی خوش روزگار

بیر رشادت گوستری  الده دوتسون ذلفقار

جان ویررجانانه تاپسون دین و قرآن اعتبار

قهرمان  دوغدی آنا مادره دلبر گلوب

نوحیله طوفان گلوب  عدل وهم دیوان گلوب

باب  خیبر   قوز یوب  بیر الیله بو آتار

حافظ جان رسول رختخوابینده یاتار

حیف اولا محرابیده بیرگونی قانه باتار

قان  دولا محرابینه شاهد اکبرگلوب

یارمظلومان گلوب  دشمن  شیطان گلوب

تازه مولود عشقینه ساقی دولدور ساغری

مست می ایت (عدلنی) هم قلم هم دفتری

اون  اوچ ماه رجب  گلدی  دنیا  رهبری

گوز آچوبدی کعبه ده  کعبة دیگر گلوب

مست نخلستان گلوب  دردلره درمان گلوب

بو نماز اوسته  اولا  دینینه قربان گلوب

یا علی حیدر مدد  یاعلی صفدر مدد

بو سوزه بانی اولان  مادح  درباریدی

آد (عطا پور) عارف وعاشق و دینداریدی

اللی ایلدی مدح گو بوحسین غمخواریدی

مادح  اولسون حیدره  محفله زیورگلوب

عشقنی اعلان ایده مست اولوب مستان گلوب

یا علی حیدر مدد  یاعلی صفدر مدد

ایله زهرایه گوره  شیعیانه بیر نظر

🌿🌸🍃🌾🌼

🍃🌺🍂

🌿🍂

🍂

مدح و میلاد امام علی

ساقی گل آچ میخانه نی دولدور دولاپیمانه نی

ایله رها غمدن اولا هر عاشق و دیوانه نی

مخمورمیت ایت عاشقی هرعاقل و فرزانه نی

ایله  خبر میخواره نی هم دلبر و جانانه نی

کر:

تاپدی تولّدکعبه ده گلدی علی نور جلی

پیغمبره وصی اولا  اللهُ اکبره  ولی

علی علی علی علی

                      صفدرحیدرمولا علی

بو تازه مولود عشقینه ساقی منه ویر ساغری

مست  می ناب ایت منی لوح و قلم هم دفتری

اون اوچ  اولاندا آی رجب گلدی پیمبر یاوری

گوز آچدی کعبه ده گلوب اولسون بو عالم رهبری

مسروردوررسول حق گلدی اوصاحب ذولفقار

چون فخر انساندورعلی کونه ویرربواعتبار

اولسون امام شیعیان هم جانشین  تاج  دار

شیعه  علی سسله دنه اولسون دیلینه بو شعار

واردور یری ای شیعه لر یر گوی چراغانی اولا

سرتا سر روی  زمین گُلدن گُل افشانی اولا

بُلبُل گُل اوسته مست اولوب دیلدن غزلخوانی اولا

بو گون گرگ بزم حسین تزئین و نورانی اولا

شیعه گوزون روشن اولا عالم لره رهبردی بو

تاج سراسلامیان بت سندیران  حیدردی  بو

بوحجت  داداریدی عرش حقه لنگردی  بو

همناطق  قران دور هم ساقی کوثردی بو

بیر دیده حق بینیلن روی دل آراسین گورون

نور خدا دور جلوه گر بیر قد رعنا سین گورون

مین  یوسف زیبا جبین محو تماشاسین گورون

خلق  جهانی سر بسر غرق تمناسین گورون

بو آیت  سبحان دور باش سجده  ده  دگر یارا

محراب طاعتده  باتار قانه اولار دینه فدا

آغلار قیزی اوغلانلاری خاصه شهیدکربلا

(عدلی) اودور ایل لر بویی آغلاراونا ساخلارعزا

غم محفلینده نوحه سین بایرام گونی مداح  ولی

مژده  ویرر عاشق لره گلدی آقام مولا علی

تاپدی  تولّد کعبه ده گلدی علی نور جلی

پیغمبره   وصی  اولا   اللهُ  اکبره خزه ولی

علی علی علی علی

صفدر حیدرمولا علی

🌿🌸🍃🌾🌼

🍃🌺🍂

🌿🍂

مدح حضرت علی (ع)

عاشقم من یا علی عشقونده اولام جان نثار

قبروین مشتاقی دور گوگلوم اورکده یوخ قرار

.

بابِ احسانوندا وار چشم اُمیدیم یا علی

حُبّ عشقوندن منه بیرجرعه بسدی ایت خُمار

.

مست مست ایت جام کوثردن منی تا روزحشر

یا علی گویان گلوم محشرده اَلده کوله بار

.

ای امید دردمندان وی صفا بخش قلوب

بیرتوکون دنیایه ویرمم اولمارام سندن کنار

.

لافتی الّا علی لاسیف الّا ذوالفقار

شأنوه نازل اولوب دور ایلین پروردگار

.

سن دوغولدون کعبه ده کعبه تاپوپ عّزو شرف

معدن عدل و عدالت سن عدالت خواهه یار

.

دستماز آلام دانشسام سوز دیسم سندن علی

گلشن عشق ایچره اولسام سن سیز اولام مثل خار

.

سن خلیفه جانشین سن بعد پیغمبر بیزه

سن صلوة اوسته ویروبسن دین حقّه اعتبار

.

سن نماز اوسته شهید اولدون بوله تا اهل دین

رهروانه الصلوة اولسون گرگ دلده شعار

.

قانوه غلطان اولان گون کوفه ده قان آغلادی

چوخ یتیم لر گوندوزی اولدی دوباره لیل تار

.

سجده گاه عشقیده دل آچمادون نفرینه سن

فُزْتُ رَبُ الکعبیه ایتدون قناعت مه نگار

.

خادموز«عدلی» ئولن ساعت یولون گوزلر آقا

جان زهرا لطف ایله قویما قالا چوخ انتظار

میلاد حضرت علی علیه السلام

کرم ایله خدای من بو طبعیم تا اولا گویا

یازا مدح علینی چون علیدور مظهر یکتا

.

اگر جرات تاپا خامه مقام عشق مولادن

دیر همراه و همراز پیمبردور شب اسراء

.

شب اسراده وادور چوخ روایت احمد مختار

صدانی آشنا بولدی او یرده قوس او ادنا

.

علی الله دگور لیکن او آللهدان جدا اولماز

علینون عشقینه آدم تاپوبدی تاج کرمنا

.

ایدنده ترک اولاء سس گلوبدی اهبطو آدم

دیلینده ذکری اولمازدی بجز حیدر علی مولا

.

خلیل یکتا پرستیدی ایدوب جرات یانا اودا

سالوب یاده همان دم التجای آدم و حوا

.

علیدورعلّت غائی قاباخجان خلق اولوب نوری

بو موسایه ویروب عزت تاپا تا بیرید بیضا

.

بودور بخشش ایدن خضره حیات جاویدان تاپسون

دمی دم دور مسیحایه تاپولدی تا دم عیسا

.

علینون مدحتینده چوخ ایدوب قرآن کلام الله

علی حق و علی والا علی عالی علی اعلی

.

گر اولسا عاشقی مغرور سزادور مهر مولادن

یاشارکوی محبتده باشیندا سایه طوبا

.

دلا شادی ایله عالم اولوب بو گونده نورانی

ولایت شاهی گلدی بو علی دور آیت کبری

.

جدارکعبه منشق دی گوروشدی صاحب خانه

اولوب بت خانه لر ویران مقدس مسجدالاقصی

.

بقدر وسعتی هر مور ایدر وصف سلیمانی

سوسوز لوق قدری میل ایلر بیری گورسه لب دریا

.

سوسوزلوق سوزِ دِل گتدی اورک یاندی گوزوم آغلا

حسین تشنه لب باخدی فراته یوم عاشورا

.

ایا صاحب زمان عفو ایت سئوالیم وار جوابین ویر

دگوردی بس فرات آیا آنان مهریه سی زهرا

.

ندن لب تشنه جانویردی عمون عباس اوزی سقا

عدو سو یولارین کسدی ایدوبلر دینلن سودا

.

آتوب اوچ شعبه لی اوخ اصغرشش ماهه اوخلاندی

ویروب لبخند دئیدی گویا تشکر ایلرم بابا

.

شها کوی محبتده گزر «عدلی» اولار درویش

دیر منصوب درگاهم سنی زهرا ایله امضا

مدح و میلاد امام علی

مدح حضرت علی علیه السلام

ای وجودی عالم امکانه امکان یا علی

دارکونه کون فکاندا اصل ارکان یاعلی

.

.

ای وجودی منبع فیض عالمه نَهج هُدا

ای سریر علمده سلطان واعظ معجز نَما

شأنیوه قرآندا آیه انّما هم قلکفی

ای وصِّی مصطفی و شاه مردان یاعلی

.

.

نورونی سندن ایدر انجم کواکب اکتساب

نوررخسارون ایدوب شرمنده اولسون آفتاب

درس عرفان سندن آلدی بوجهاندا شیخ و شاب

مکتب عرفاندا سنسن گوهر افشان یا علی

.

.

ای اولان لعل لبینده کلمه لر درّ صدف

قدرت الله و ولی الله و دریای شرف

کلّ موجوداته رهبر مرتضی شاه نجف

ای وجودی عرشه لنگر مهر رخشان یاعلی

.

.

تشنۀ بامون کواکب ایستر اولسون کامکار

تشنۀ جامون ملک لرعشقون اوستونده خمار

عشقه باخ گلزاریده گل لرایدرشبنم نثار

سن نسیم رحمت و ابر بهاران یا علی

.

.

باب خیبر بارماقونلا قوزانوب اولدی خراب

سن کمال تربیتده آدلانوبسان بوتراب

کشور علم اولدی خاتم سن او علمه فتح باب

محضرونده عالمان طفل دبستان یا علی

.

.

گورمیوبدی سنکیمی سلطانی چشم روزگار

حقه مظهر ذکری اکبرالده اولسون ذولفقار

دین وقرآنه صلاه اوستونده ویرسون اعتبار

صدری مکتوبه اولان آیات قرآن یا علی

.

.

عاشق خلّاق عالم عشقیده کامل عیار

مکتب توحیدیده ای صاحب عزّ و وقار

قدرته دارا ولیکن همّ و غمده برد بار

مخزن اسرار غیب و ظلّ سبحان یا علی

.

.

یا علی هر قلبیده حُبّون سر سوزن اولار

پرتو مهرون اونی تکثیر ایدر مخزن اولار

قبرایوینده هول محشردن او قلب ایمن اولار

بُغضی ای نار جهنّم حبّی رضوان یا علی

.

.

اصل خلقتده بساط عالمون انشاسی سن

وصف ایدوب قرآن سنی، والشمس و هم طاهاسی سن

شأنیوه آیات قرآن، قرآنون معناسی سن

مطلع انوار قدرت ماه تابان یا علی

.

.

ای نجفده بارگاهی رشگ فردوس برین

ای ولی الله اعظم ای امیرالمؤمنین

ای که مداحی اونون قرآندا رب العالمین

قبریوون مشتاقینه بیر ایله احسان یا علی

.

.

ای ویرن قانی نماز اوسته بواسلامه رواج

ای اولان اون بیر بالاسی شرع و قرآنه سراج

(عدلینون) واردردی شاها ایستوری سندن علاج

ای سخا مولکونده سلطان رکن ایمان یا علی

مدح حضرت امیرالمومنین،

علی ابن ابیطالب (ع)

عروة الوثقایه ای مفهوم و معنی یاعلی

سینه سی گنجینۀ قرآن گویا یا علی

.

بیرسنق خامه نجه یازسون سنون اجلالیوی

هاردا قطریلن اولار احصاء دریا یا علی

.

وصفوه ویرسا رقم دنیاده هر صاحب قلم

قورتارا بولمز نقدر واردی بو دنیا یا علی

.

محرم اَسرار اِسراء باب علم مصطفی

ای ولی الله اعظم نفس طاها یا علی

.

گوئیا همراهیدون معراجیده پیغمبره

سس سنون اولدی رسوله لَیل اِسراء یا علی

.

سن ایاق قویدون پیمبرچگنینه ای بت شکن

خانۀ توحیدی سن ایتدون مصفا یا علی

.

هانسی دعواده پیمبر اولدی اولدون یاوری

پرچم دینی اوجاتدون اولدی برپا یا علی

.

یوخ شهامتده عدیلون نه شجاعنده نظیر

لا فتی حقینده ایلوب دور تجلّا یا علی

.

هل اتا گویای روشندی سنون ایثاریوه

مادحون الله واحد حیّ اعلا یا علی

.

بیریدالله فوق ایدیهم نشانی سنده وار

شاهدیم علم الکتابدی نصّ زیبا یا علی

.

سخت طوفاندا که نوحون کشتی سی تاپدی نجات

مشکلون سن حل ایدوبسن روز غوغا یا علی

.

سن خلیل اللهی اوددان قورتاروب ایتدون رها

صدق ایمان و عمل سنده هویدا یا علی

.

استعانت ایستدی سندن او موسای نبی

ظلم فرعوندان قوتولدی قوم موسی یا علی

.

غیرسن زهرایه هم کفوکیمدی اولسون بوتراب

سنکیمی مولایه لایقدی او تنها یا علی

.

سن امام مجتبایه سرّصلح اورگتموس

مسلمینی حفظ ایده تا روز هیجا یا علی

.

نهضت کرب وبلاده روز عاشورا گونی

رهبریت نقشنی سن ایتدون ایفا یا علی

.

روز محشرکه شفاعت اذننی آلدون اله

«عدلیه» ایله عنایت جان زهرا یا علی

مدح و میلاد امام علی

علی خانه زاد حریم خدا

علی کعبه و مروه سعی و صفا

.

مقام علی مادره سیر ایله

حریم خدا اولدی خلوت سرا

.

گوزآچدی ولیّ خدا کعبه ده

علی جلوه گاه جما ل خدا

.

اویر که نه آی وار نه گون نور اولا

جمال علی شمس و بدرالدُجا

.

عقول زمان مات دور شأنینه

وصیّ رسول، رهبر و رهنما

.

علینی سؤوبدور حق ذوالجلال

علی شأنینه حق دیوب قُل کَفی

.

علی مدحینه سورۀ هل اتی

علی صاحب منصب لافتی

.

علی قبله گاه تمام عارفان

علی جانشین تمام انبیا

.

علی جنّت و دوزخین قاسمی

امام اُمم سرور اُولیا

.

علی مرد میدان و دُلدل سوار

علی فاتح بدر و خیبرگشا

.

علی اوّلین کسدی مسلم اولان

علی جان پیغمبر مصطفا

.

علیدور ایکی عالمین سروری

علی پیشوادورعلی مقتدا

.

علینون آدون قویدی الله اوزی

علی نام زیبادی هم ایلیا

.

خداوند آدینّاندی نام علی

لقب ویردی دنیا اونا مرتضا

.

نبی دن صورا کیمده وار جزعلی

مقام خلافتده اولسون سزا

.

شجاعتده یوخدی عدیلی اولا

علی مظهر قدرت کبریا

.

یاتوب مصطفی بسترینده علی

همان شیرغرّان روز غَزا

.

ساتوب جانینی بیر گیجه آللها

باخون عشقه ایلوب نه بیع و شرا

.

علی چشمۀ کوثره ساقی دور

علی همسر پاک خیرالنّساء

.

ویروبدی نماز اوسته انگشترین

علی کان فیض و کرمدی عطا

.

نه غم کشتیه دریا طوفان اولا

گر اولسا علی کشتیه ناخدا

.

غمی یوخدی بیرکیمسه محشرگونی

که قبلا علینن اولا آشنا

.

تمام بشرجنّه مشکل گشا

علی بحر دور بحر بی انتها

.

علی دور عدالت حریمینده شاه

اونون درگهونده شهان چون گدا

.

علی مدحینه هر نه یازسان روا

یاز«عدلی» علی نامی دور غم زدا

.

علی سسلوسن اللی ایل دور مُدام

اولار شافعون ایستسه گر خدا

مدح حضرت امیرالمومنین (ع)

ای سراپای وجودی معنویت یا علی

چشم حق بین آختارارسنده حقیقت یا علی

.

آچموسان گوزبوجهانه زادگاهون کعبه دی

تاپموسان محرابیده فیض شهادت یا علی

.

هانسی مادردی اونا زایش یری کعبه اولا

اولمیوب بیرکیمسیه بیله سعادت یا علی

.

سنله دین احمدی تکمیل ایدوب پروردگار

ذکر اسمون روح و جانه مین حلاوت یاعلی

.

لعن ونفرین اول ثُلاثه حق یولوندان چیخدیلار

اونداکی ختم رسالت ایتدی رحلت یا علی

.

رأی شورای ثقیفه باعث اولدی اوستوه

اولدولار شوریده جمعی بی شرافت یاعلی

.

ویرمیوب ال سن یداللاهه گروه ناکسین

باش اگوب شیطانیلن ایلوبله بیعت یا علی

.

ویرمیوبلر هم سلام ونه جواب هر سلام

بی مروت لر ایدوب بی حد جسارت یا علی

.

اولمادی اجرا عدالت چون پیمبردن صورا

کلمۀ بی محتوا اولدی عدالت یا علی

.

حقوی داندی اراذل اولدی چون مسند نشین

بیربه بیر ایتدی خلافت بی لیاقت یاعلی

.

سایه سالدی جوّ استبداد حُکّام ثُلاث

ضرب وشتمیله یاراتدی حبس ووحشت یا علی

.

تحت انظاراولدی بیتون هم اوزون خانه نشین

وحشته دوشموشدی اسموندن حکو مت یا علی

.

شل اوال ناموسیوه سیلی ویروبدی کوچه ده

هانسی ناموس بضعّۀ ختم رسالت یا علی

.

ایلدی پاره قباله کینه سین ایتدی بروز

اول عملده روحینه ویردی جراحت یا علی

.

شاهدی اوغلی حسندی کوچۀ تنگ حجاز

وار قیامتده ایکی شاهد قضاوت یا علی

.

دادخواه اول فاطمه مظلومۀ دوران اولوب

اوندا کی برپا اولار روز قیامت یا علی

.

آند ویرم حقوه بو «عدلیدن» ایله قبول

روز محشر ایستسه سیزدن شفاعت یا علی

استمداد از حضرت امیرالمومنین، علیه السلام

ساقیا بیر باده دولدورجانه جانان ایسترم

اهل اسلامه جهاندا ظلّ سبحان ایسترم

.

ویراو میدن مست و مدهوش خرابات ایلسون

طوطی طبعیم گزور میدانی جولان ایسترم

.

ویرهمان میدن که سالسون نشأتی جان و دله

فکر و ذکری من خدایه حمد گویان ایسترم

.

ساقیا دولدور بلورین جام وحدتدن منه

وصل معشوقه چاتام من ماه تابان ایسترم

.

ویرهمان میدن که نوروناندی عالم منجلی

یوسفی یعقوبه چاتسون شهر کنعان ایسترم

.

ویر همان میدن که آفاقه سالار شور و نشاط

عرشین اوستونده نجوم و ماهی رقصان ایسترم

.

عاشقم بیر دلبره که کلمه ی لعل لبی

مرده نی احیا ایدر بو جسمیمه جان ایسترم

.

قالب بی روحم ایستور دم ویره عیسی مسیح

دادگاه عدلیدن انصاف و میزان ایسترم

.

شاعران ایچره یازوب فردوسی شهنامه اوخی

او تهمتن ایستیوب من شاه مردان ایسترم

.

وصف رستم ایلیوب او منده وصف شاه دین

اول نریمان ایستسه من نور ایمان ایسترم

.

تاس کلاه زر نشان رستم باشیندا تاج اولوب

منده بیر عمّامه سر حامیّ قرآن ایسترم

.

رخش رستم نقش باغلور عرصه گاه جنگیده

من جلال وجاهیله دُلدل به میدان ایسترم

.

پورزالون قدرتین رخساره چکموش دیویلن

عَمرو عنتر قتلینه من تیغ بـُراّن ایسترم

.

کرّۀ رخشی گتورسه من گتورّم ذوالجناح

زال و رستم ایستسه شاه شهیدان ایسترم

.

اول سیاوش قتیلینه چوخ ایلیوب حیف و فسوس

منده اکبر قتلینه زلف پریشان ایسترم

.

مرگ سهراب اوسته او دیلدن ایدوب آه و نوا

لیک من اصغر غمینده چشمی گریان ایسترم

.

یاد ایدوب جیحونیدن سالسون فراتی یادیمه

قانه دونسون اول فراتی خشک و سوزان ایسترم

.

اولمادی قسمت ایچه لب تشنه اصغر او سودان

یوم عاشورا غمینده کونی ویران ایسترم

.

یدی لشگردن ویروبدی هر زمان لاف وگزاف

من تن صدپاره دن سقای عطشان ایسترم

.

گرگ ومیش باهم یاشارگرعرصه ده اولسا علی

من علینی یریوزونده خلقه سلطان ایسترم

.

چون یدالله قدرت الله آیِت الله دور علی

اللری مشگل گشادی درده درمان ایسترم

.

یا علی سن شاه شاهان من غلام خاکسار

خادموزدی «عدلینی» درگاهه دربان ایسترم

مدح حضرت علی علیه السلام

سن جمیع خلقه مولا سن علی

لای نفی پیش الّا سن علی

ای ولایت عقدینی احیا ایدن

میهمان لیل اسرا سن علی

نوحه کشتی بان سنیدون بحریده

رهنمای جن و ابنا سن علی

جنت ایتدون آتش نمرودی سن

بندۀ فرمان یکتا سن علی

ای بالیق بطنینده حافظ یونسه

سن امیر قعر دریا سن علی

مثل موسی قبطنی الدور موسن

سن شجرسن طورسینا سن علی

غرق دریا قوم فرعون ایلدون

محرم اسرار موسی سن علی

مرده گانه دم ویروب جان ویرموسن

مریم اوغلی مثل عیسی سن علی

احمد مرسل یرینده یاتموسان

جسم وجان شاه بَطها سن علی

یوسفه سن درس عفت ویرموسن

معنی والشّمس و طاها سن علی

مهر زهرا قلبوه سالدی خدا

شاکرِ اُم اَبیها سن علی

سن خداوند جهانه بنده سن

عاشق عالی اَعلی سن علی

(عدلیم) مداحوام وار مشکلوم

دردمندانه مداوا سن علی

مدح حضرت علی علیه السلام

.

ای وجودی جود خالق ای حریمی خانۀ دل

رهروان عشقه مرشدای اولان حلّال مشکل

.

بُغضی ای نار جهیم و حُبّی ای فردوس اَعلی

غمزۀ چشموندی بخشش مُقتداسن شاه عادل

.

خالقیلن خلق آرا سن واسطِیدون راد مردان

لیل اَسراء احمدیلن سنله اُولموب پرده حایل

.

سن گویول ویرانه سین ایتدون خدا تک گورنه آباد

سن خدا سن کیم دیسه جاهلدی اَعماء فکری باطل

.

شَمه ای وصفون ایدنمز بو خردمندان عالم

ای جمال بی مثالی خوبرویانه شمایل

.

فطرت هر شیعه دور تا جام عشقوندن اولا مست

سالک حق دور بو شیعه طی ایدور منزل به منزل

.

رهروان عشقه لازم تابع امر و مرامون

ای خداوند بشر ای صاحب ایمان کامل

.

مدح مولا وسعت فکر ایستر «عدلی» نظمه چکسون

چون سلیمانی ایدنمز وصف ایده بیر مور غافل

.

موسم گل نای بلبل باغلاماق چون ممکن اولماز

بعضی سوز وار فکره گلمز اوزلری ایله لَّه نازل

مدح حضرت علی علیه السلام

ای  ولی مسلمین  حافظ ارکان دین

صاحب علم یقین  یا  امیرامجدین

ای امام العارفین    یا امیرالمُؤمنین (2)

رهنمای جنّ و اَبنا یا علی مولا

میهمان لَیل  اِسرا ءیا علی مولا

یا علی حیدر مدد

یا علی صفدر مدد

.

.

.

ای وصّی مصطفی  یا  علی المرتضی

چشمۀ  جود و عطا     شهسوار لا فتی

شیعییه حِصن حَصین   یا امیرالمُؤمنین

بندۀ  فرمان یکتا  یا علی  مولا

سن امیر قعر دریا یاعلی مولا

یا علی حیدر مدد

یا علی صفدر مدد

.

.

.

کعبه دلها علی   سرور  و مولا علی

یاور طاها  علی  شوهر زهرا علی

مصطفایه جانشین  یا  امیرالمُؤمنین

سن شجرسن طور سینایا علی مولا

محرم اسرار موسی یا علی مولا

یا علی حیدر مدد

یا علی صفدر مدد

.

.

.

ای دلیل مُمکنات    ای امیر کاینات

چشمۀ  آب حیات    باب کشتی  نجات

اولین و آخرین    یا امیر المُؤمنین

جسم وجان شاه بطها یاعلی مولا

معنی والشّمس وطاهایا علی مولا

یا علی حیدر مدد

یا علی صفدر مدد

.

.

.

ای امام مشرقین   راز دار عالمین

فاتح بَدر و حُنِین   نکته آموز حسین

رهبر دین مبین    یا امیر المُؤمنین

سن جمیع خلقه مولا یا علی مولا

لای نفیِ پیش اِلاّ  یا علی  مولا

یا علی حیدر مدد

یا علی صفدر مدد

.

.

.

جان زهرا  مجتبی  حاجتیم وارایت روا

قلبیمه بیرویرصفا یاز برات  کربلا

معنی حَبل المَتین یا امیر المُؤمنین

سنلن ایلور«عدلی»سُودایاعلی مولا

روز محشر قویما تنها یا علی مولا

یا علی حیدر مدد

یا علی صفدر مدد

مدح و میلاد امام علی

مدح حضرت امیرالمومنین (ع)

(الهام از خوشه انگورهای

تعبیه شده درضریح حرم آنحضرت )

.

امیرالمؤمنین حیدر به مهرت پای بستم من

دم عیسائیت کرده خوش ازجام الستم من

.

به یک حبّه ز انگور محبّت مست مستم من

نه سنجیده خلایق گویدم باده پرستم من

نخورده کی تواندکس زحُبّ عشق تو جانا

بداند تا چرا باده پرست و شه پرستم من

.

زتن رخت هوس کندم زفید هرگنه رستم

بده جام دگر شاها اگرچه عاصی و پستم

زعشقت جامه پوشیدم رسانم تا به تو دستم

عصای رهروان دستی که پای ازتیشه خستم من

.

میِ نابت اثر کرده به چشم دل عَلن بینم

ثُلاث و تابعانش را به محشر پا رَسن بینم

رواج دین احمد را به نسل تو حسن بینم

به محشردست من برگیر زاشیاع توهستم من

.

زبعد احمد مُرسل ز ذَالّنّاس مِحَن دید ی

به جزاصحاب معدودی همه پیمان شکن دیدی

بجای مرغ خوش الحان به باغ دین زغن دیدی

به عمرم در غم جانسوز به محفلها نشستم من

.

غلام حضرت شاهم مرا کمتر مبین جانا

بمیرد ماهی گر باشد جدا ازآب دریا ها

چه سودائی از این بهتر مرا باشد علی مولا

بگیرم جیره از دستش بگویم پای بستم من

.

به اعمال بدخود گرچه«عدلی» شرمگین است

هم از جور و جفای بد نهادان دلغمین است

ولی با یک علی گفتن به کامش تلخ شیرین است

به این نازد که مدّاحم زمینای تو مستم من

میلاد حضرت علی علیه السلام

فاطمه بنت الاسدن عالمه رهبرگلوب

کعبه دن باش ویردی نوری بیر مه انور گلوب

.

کر:

گلدی ، حیدر ، حسن حسینون آتاسی

گلدی ، صفدر ، کل جهانون آقاسی

.

.

ذاتی اقدس شأنی ارفع نام اعلاسی گوزل

جلوه گردی نورحقدن دینه زیب و فر گلوب

.

مرتضی و بوتراب و حیدر و صفدرعلی

آد قویان خلاق رحمان عرشینه لنگر گلوب

.

سینه سی سینای عشق و قامتی طوبای عشق

رو خجل شمس و قمردی تابناک اختر گلوب

.

لافتی الّاعلی لا سیف الّا ذوالفقار

بو سوزی آلله بویوردی عالمه سرور گلوب

.

تا دوغولدی کعبه ده تاپدی شرف بیت الحرام

قهرمان دوغدی آناسی مادره دلبرگلوب

.

حب عشقیندن پیاپی ساقیا دولدور ایچاخ

بت لاری سیندیر ماقا بیر بت شکن حیدر گلوب

.

اهل سنت باور ایتمور وار الیمده چوخ دلیل

خاتم پیغمبرانه بو گجه یاور گلوب

.

بو وصّیِ مصطفی دور هم امیرالمؤمنین

فخرعالم شیر هیجا فاتح خیبرگلوب

.

شیعه چشمون روشن اولسون دین و قران حفظینه

کوراولا دشمن گوزی بیر حافظ اکبر گلوب

.

ای ضعیفان عدل خواهان مژده اولسون سیزلره

رکن ایمان متن قرآن عدل ایدن داور گلوب

.

اللری مشکل گشادی سسله سه کیم یا علی

نا امید ایتمز آقادی یرلره زیور گلوب

.

بو طبیب درد آشنادی معدن فضل و کرم

قاسم و ناربهشت و شافع محشر گلوب

.

سیزده ماه رجب ده قسمت اولدی کعبه نی

گوردون اوپدون (عدلی) بولدون اول یره کوثر گلوب

مدح و میلاد امام علی

خطاب به شهر نجف بار گاه ملکوتی حضرت امیرالمؤمنین علی علیه السلام

ای حریم پاکی جنتدن گوزل شهر نجف

خوابگاه مرتضی سن والی ملک شرف

آلموسان آغوشیوه دریای علم و حکمتی

ممکن اولمازدریانی احصاء ایده کَیل وخَزَف

دل گوزیلن گرباخان اولسا حریم پاکینه

طوف مرقد ده گوررقدوسیانی صف به صف

خسرو هردو جهان دور محرم اسرارحق

نفس پیغمبردی بو هم شهریار لوکشف

هرعبادتدندی افضل جنگ خندق ضربه سی

غزوه لرده همره احمد اولوبدی جان به کف

وارلیاقت ازکیانه قلبه آلسون مهرینی

یرورنمز مهرینه قلبی کی اولسا نا خلف

گرمصیبت دریاسیندا غرق اولوبسان غم یمه

سسله بیردفعه علی آلامون اولسون برطرف

تنگه گلسن غم الیندن صدقیلن دوت دامنین

دادیوه چاتسون سنون وقت پریشان پُراَسف

دم غنیمت بول بوعمری توشه ایت مهرین دله

ایلمزعاقل بودنیا عمرونی بیجا تلف

جانویرن ساعت باشون اوسته اولار ایله یقین

اولموسان دنیاده چون بی حد بو مولایه شَغَت

جانویرر راحت ولایت اهلی اولماز وحشتی

احتضاره اَل ویرر اول وقتیده حال شَعَف

مدح شاه اولیانی(عدلی) ثبت ایت دفتره

ویر محبت تیرینه قلبون نشان اولسون هدف

🍃🌺🍂

🌿🍂

شعر ترکی

میلاد حضرت علی علیه السلام

استمداد از مولا علی علیه السلام

درویش لر قورار  هر یرده  معرکه *

امرارعیشونون تا نقشه سین چکه

کشکول دولاندورار خجلت چکه چکه

سویلر او  دلفکار     مولا علی   مدد

هویا علی مدد         مولا علی مدد

آلله ایوینده ای دنیایه گوز آچان

اوز جانین  آللها  ای  بیر گجه  ساتان

تخت محمده باشون  قویوب  یاتان

ای حقه جانثار      مولا  علی  مدد

هویا علی مدد       مولا علی مدد

توحید  ملکونه  ای مقتدا   علی

حلال  مشکل  و  درده  دوا علی

محراب عشقیده  دینه  فدا علی

ای هاشمی تبار   مولا  علی مدد

هویاعلی مدد  مولا علی مدد

قربان او شأنیوه جاه و جلالته

شامل ایله بیزی لطف و  عنایته

چوخ  شایقوخ گلاخ  بیزده  زیارته

قویما  چوخ انتظار    مولا علی مدد

هویاعلی مدد  مولا علی مدد

من کمترین گدا  سن شاه  ذولکرم

من عاصیم  ولی درباره  نوکرم

دور ضریحووی رضوانه   ویر مرم

ای صاحب  اقتدار  مولا علی مدد

هویاعلی مدد  مولا علی مدد

قان ویرموسن تاپوب قرآن ودین رواج

اون بیربالان اولوب اسلامه  چون سراج

چوخ دور مریض اولان ایستورتاپا علاج

هم خرد وهم کبار مولا علی مدد

هویاعلی مدد  مولا علی مدد

لعل لبینده ای  هرکلمه سی صدف

گوندر براتنی ای مظهرشرف

عمروم قوتولماموش ایستورگوره نجف

دل دوتموری قرار مولا علی مدد

هویاعلی مدد  مولا علی مدد

هرکس سنی سویه گرکمترین  قدر

مهرون  اولار اونا  محشر ده جلوه گر

یاندروماز  اود اونی گر اولسا شعله ور

ای شاه تاج دار  مولا   علی مدد

شعر ترکی

مدح امام علی 

عشقون ایدوب شیدا منی

عشقون ایدوب شیدا منی مولا علی مولائیم

شوریده سر رسوا منی من  عاشقم  زهرائیم

مولائیم  مولائیم         زهرائیم زهرائیم

بازار یوسفده آلان  مهرون دله  مستانیم

بوعشق ومهراوسته گهی شمعم گهی پروانیم

مهرون گزور تا  ابهری من سـالک فرزانیم

کسکول الینده سیرایدن درویشم و سودائیم

مولائیم  مولائیم         زهرائیم زهرائیم

زهرا نه زهرا وار اونا نسوان ایچینده  برتری

تفسیر ایـدرقـرآنـیـده  معنای  لفظ کوثری

لایق بولوب الله اونی اولدی امامون همسری

زهـرایـه طاعت فرض دور  انسیه الحورائیم

زهرا نه زهرا مریم و سارا کنیزمادری

رهرا نه زهرا اوغلودی بو ماسوانون رهبری

عیسی غلام درگهی موسی نگهبان دری

عـارف بـه حقم یاعـلی عیسائیم موسائیم

زهرانه زهرا سینه ده گل تک حسینی بسلدی

او سسلینده آی نه نه بو جان حسینیم سسلدی

کیم معتصم زهرایه دی اوغلی حسینه وصله دی

کرب وبلاسین یاد ایدوب مداح عاشورائیم

مولائیم  مولائیم         زهرائیم زهرائیم

قرآن ناطق همسری غـمخـوار مولا فاطمه

سـنسن سـرور سینه لر اُمّ ابیها فاطمه

وار چشم امیدیم سنه ای دخت طاهـا فاطمه

محـشرده تـا گوزلر گوره زهرائیم  علیائیم

مولائیم  مولائیم         زهرائیم زهرائیم

سـن بضعۀ ختم رسـل کفو علیسن  فاطمه

مرضیه و معـصومه سن نور جلیسن فاطمه

اوّل  اولان  شهـیدۀ راه ولیـسن  فاطمه

سنسن قتیل اهل کین من«عدلی» واویلائیم  

مولائیم  مولائیم         زهرائیم زهرائیم

ابهر =   شاهرگی که به قلب وصل است

شعر ترکی

میلاد حضرت علی

واریری تا ساقی عزت دولی  ساغر  ویره

مسلمینه  آل احمد مهرینی باور  ویره

بادۀ مهرعلیدن کیمسه گر مست  اولماسا

حق اونا عقل و شعور و بینش دیگر ویره

وار یری تا ابرهمّت رحمت حقدن دولا

سو یرینه  قطره  قطره عطریله  عنبر ویره

وار یری روح الامین تا عرش اعلادن  گله

شیعیانه  مژدگانی هم برات  هم زر ویره

وار یری  نورانی اولسون بزم شاهنشاه  دین

بانی  و خُدّام  هیئت  محفله  زیور ویره

باغبان دین  و قرآن گلدی  دنیایه  بو گون

تا  بجرده  گلشنینده عطریلی گل لر ویره

ایستیوب  قرب علینی بولدوره انسان لارا

لازمه  بولدی خداسی کعبیه  سرور ویره

کعبده  اولدی  تولد کعبۀ  دیگر  اولا

بعد  پیغمبر اونی  بو عالمه  رهبر  ویره

گلدی بو دنیایه  اولسون همسرخیر النساء

نوره دولسون تاجهان اون بیرنفرگوهر ویره

حالیوه شاملدی لطفی (عدلیا) یاز مدحنی

یوم حسرت ایسته پاداش خالق اکبر ویره

شعر ترکی

مدح و میلاد امام علی

علیدور  ولّیِ خـالق خانـه  زاد کبریادی

بواسـد دی یرده گویده جانشین مصطفادی

علیدور یولـون گیدنلر یتیشر سـرای حـقـه

اودی  مظهر عـدالت عـالمینه  رهنمادی

علیدورکی قوزیوبدی درِخیبری یریندن

مرحب اولدوروب او امجد قرب حقّیده بجادی

علیدور کی نفس احـمـد او پیمبره برادر

بیری اولسا نفس احـمـد او رفیع انبیادی

علیدن سِوا او کیمدی اولا کفو دخت طاها

عقدی گویده باغلانوبدی شوی فخرةالنسادی

علیدن سِوا او کیمدی حسنی اولا وصی سی

صلح  ایده  امامتیله دینینه جانی فـدادی

علیدن سِوا او کیمدی اوغلی عاشر محرّم

گچه مـاسِواللهیندن او شـهید کربـلادی

علیدن سِوا او کیمدی بسلیه حسینه یاور

گوره کربلاده تندن ایکی قوللاری   جدادی

علیدن سِوا اوکیمدی اوچ قیزاحجاب  درسین

ویـره تـا مثال زهـرا  اولالار او آشنادی

علیدن سِوا او کیمدی قاتله ایده محبّت

دیه ایچدوقوم اوسوددن اونادا ویرون روادی

«عدلیدن»سِوا اوکیمدی غرقیدی یم گناهه

سیخولوب درِعطایه ال آچوبدی بیرگدادی

شعر ترکی

مدح و میلاد امام علی

علی گیدن یولا تای اولماز

قیش گونلری گون ایسّی سی یای اولماز

آی آخـتـارمـا  آی آخـری  آی اولماز

اوجـا داغـدا  قـارلار  اگـر  سـو  اولسـا

هرآخان سو گلوب بو لاخ چـای اولماز

قـور تـولـسا عـمـر جانین آلار عزرائیل

باخماز سـوزه گـر دِیَسَن ای وای  اولماز

حُبّ  علینی  پـای ویـروب  خالـقـون

حمد ایت خدایه  بیر  ایله  پای اولماز

عـلی دیوب عـلی  گیدن یولی گیت

حق دور علـی گیدن یولا تای  اولماز

ولایتین   قـبول  ایدن  آزمیوب

هوهو  دنه  ولایته  های  اولماز

فضیلتین  یازهم  اوخی« عدلی» تک

بو عملون حق  بویوروب  ضای اولماز

شعر ترکی